T20 World Cup 2022: ಟಿ20 ವಿಶ್ವಕಪ್ನಲ್ಲಿ ಬದಲಿ ಆಟಗಾರರಾಗಿ ತಂಡದಲ್ಲಿ ಸ್ಥಾನ ಪಡೆದ ಕ್ರಿಕೆಟಿಗರ ಸಂಪೂರ್ಣ ಪಟ್ಟಿ
T20 World Cup 2022: ಗಡುವು ಮುಗಿಯುವ ಮೊದಲು ಐಸಿಸಿಗೆ ಸಲ್ಲಿಸಿರುವ ಪಟ್ಟಿಯಲ್ಲಿ 5 ತಂಡಗಳಲ್ಲಿ ಒಟ್ಟು 18 ಬದಲಾವಣೆಗಳಾಗಿದ್ದು, ಇದರಲ್ಲಿ 9 ಆಟಗಾರರು ತಂಡದಿಂದ ಹೊರಬಿದ್ದಿದ್ದರೆ, ಇನ್ನು 9 ಆಟಗಾರರು ಅವರ ಬದಲಿಯಾಗಿ ತಂಡದಲ್ಲಿ ಸ್ಥಾನ ಪಡೆದಿದ್ದಾರೆ.
T20 ವಿಶ್ವಕಪ್ 2022 ಗೆ ಸಂಬಂಧಿಸಿದಂತೆ ಎಲ್ಲಾ ತಂಡಗಳು ತಮ್ಮ ಆಟಗಾರರ ಅಂತಿಮ ಪಟ್ಟಿಯನ್ನು ಐಸಿಸಿಗೆ ಸಲ್ಲಿಸಬೇಕಾಗಿದ್ದ ಗಡುವು ಸಹ ಕೊನೆಗೊಂಡಿದೆ. ಈ ಗಡುವು ಮುಗಿಯುವ ಮೊದಲು ಐಸಿಸಿಗೆ ಸಲ್ಲಿಸಿರುವ ಪಟ್ಟಿಯಲ್ಲಿ 5 ತಂಡಗಳಲ್ಲಿ ಒಟ್ಟು 18 ಬದಲಾವಣೆಗಳಾಗಿದ್ದು, ಇದರಲ್ಲಿ 9 ಆಟಗಾರರು ತಂಡದಿಂದ ಹೊರಬಿದ್ದಿದ್ದರೆ, ಇನ್ನು 9 ಆಟಗಾರರು ಅವರ ಬದಲಿಯಾಗಿ ತಂಡದಲ್ಲಿ ಸ್ಥಾನ ಪಡೆದಿದ್ದಾರೆ.
ಈ 5 ತಂಡಗಳಲ್ಲಿ ಟೀಂ ಇಂಡಿಯಾದಿಂದ 3 ಆಟಗಾರರು ಹೊರಬಿದ್ದಿದ್ದುಮ ಅವರ ಸ್ಥಾನಕ್ಕೆ ಮತ್ತೆ ಮೂವರು ಎಂಟ್ರಿಕೊಟ್ಟಿದ್ದಾರೆ. ಹೊರಹೋದ ಮೂವರಲ್ಲಿ ರವೀಂದ್ರ ಜಡೇಜಾ, ಬುಮ್ರಾ ಮತ್ತು ದೀಪಕ್ ಚಹಾರ್ ಇದ್ದು, ಅವರ ಸ್ಥಾನಕ್ಕೆ ಅಕ್ಷರ್ ಪಟೇಲ್, ಶಮಿ ಮತ್ತು ಶಾರ್ದೂಲ್ ಠಾಕೂರ್ ಬಂದಿದ್ದಾರೆ.
ಇಂಗ್ಲೆಂಡಿನ ಟಿ20 ವಿಶ್ವಕಪ್ ತಂಡದಿಂದ ಜಾನಿ ಬೈರ್ಸ್ಟೋವ್ ಹೊರಬಿದ್ದಿದ್ದರೆ, ಅವರ ಜಾಗಕ್ಕೆ ಅಲೆಕ್ಸ್ ಹೇಲ್ಸ್ ಆಯ್ಕೆಯಾಗಿದ್ದಾರೆ.
ದಕ್ಷಿಣ ಆಫ್ರಿಕಾ ತಂಡದಲ್ಲೂ ಇಬ್ಬರು ಆಟಗಾರರು ಬದಲಾವಣೆಯಾಗಿದ್ದು, ರಾಸಿ ವ್ಯಾನ್ ಡೆರ್ ಡಸ್ಸೆನ್ ಬದಲಿಗೆ ವಿಯಾನ್ ಮುಲ್ಡರ್ ಬಂದಿದ್ದಾರೆ. ಹಾಗೆಯೇ ಡ್ವೇನ್ ಪ್ರಿಟೋರಿಯಸ್ ಬದಲಿಗೆ ಮಾರ್ಕೊ ಯಾನ್ಸನ್ ಅವರನ್ನು ತಂಡಕ್ಕೆ ಸೇರಿಸಿಕೊಳ್ಳಲಾಗಿದೆ.
ವೆಸ್ಟ್ ಇಂಡೀಸ್ ತಂಡದಿಂದಲೂ ಒಬ್ಬ ಆಟಗಾರ ಹೊರಬಿದ್ದಿದ್ದು, ಹೊರಬಿದ್ದ ಆಟಗಾರನಾಗಿ ಶಿಮ್ರಾನ್ ಹೆಟ್ಮೆಯರ್ ಇದ್ದರೆ, ಅವರ ಸ್ಥಾನಕ್ಕೆ ಶೆಮ್ರಾ ಬ್ರೂಕ್ಸ್ ಆಯ್ಕೆಯಾಗಿದ್ದಾರೆ.
T20 ವಿಶ್ವಕಪ್ 2022 ಪ್ರಾರಂಭವಾಗುವ ಮೊದಲು ಬಾಂಗ್ಲಾದೇಶ ತನ್ನ ತಂಡದಲ್ಲಿ 2 ಬದಲಾವಣೆಗಳನ್ನು ಮಾಡಿದೆ. ಶಬ್ಬೀರ್ ರೆಹಮಾನ್- ಮೊಹಮ್ಮದ್ ಸೈಫುದ್ದೀನ್ ಅವರನ್ನು ತಂಡದಿಂದ ಕೈಬಿಟ್ಟಿದ್ದು, ಅವರ ಸ್ಥಾನಕ್ಕೆ ಸೌಮ್ಯ ಸರ್ಕಾರ್ ಹಾಗೂ ಶೋರಿಫುಲ್ ಇಸ್ಲಾಂ ಅವರನ್ನು ತಂಡಕ್ಕೆ ಆಯ್ಕೆ ಮಾಡಿದೆ.
Published On - 12:25 pm, Sun, 16 October 22