ಐಪಿಎಲ್ ತಂಡವನ್ನೇ ಖರೀದಿಸುವ ಸಾಮರ್ಥ್ಯ ಹೊಂದಿರುವ ಮೆಸ್ಸಿ ಎಷ್ಟು ಸಾವಿರ ಕೋಟಿಯ ಒಡೆಯ ಗೊತ್ತಾ?
Lionel Messi: ಕೇವಲ ಫುಟ್ಬಾಲ್ನಿಂದಲೇ ಮೆಸ್ಸಿಯ ಒಟ್ಟು ಗಳಿಕೆಯು $75 ಮಿಲಿಯನ್ ಅಂದರೆ ರೂ. 612 ಕೋಟಿ ಇದೆ. ಇದರ ಹೊರತಾಗಿ ಅವರು $55-60 ಮಿಲಿಯನ್ ಅಂದರೆ ಸುಮಾರು ರೂ. 450 ಕೋಟಿಯನ್ನು ಬ್ರ್ಯಾಂಡ್ ಎಂಡಾರ್ಸ್ಮೆಂಟ್ ಮೂಲಕ ಗಳಿಸುತ್ತಾರೆ.
ಕತಾರ್ನಲ್ಲಿ ನಡೆಯುತ್ತಿರುವ ಫುಟ್ಬಾಲ್ ವಿಶ್ವಕಪ್ನ ಮೊದಲ ಸೆಮಿಫೈನಲ್ ಪಂದ್ಯವನ್ನು ಗೆಲ್ಲುವ ಮೂಲಕ ಅರ್ಜೆಂಟೀನಾ ಎಂಟು ವರ್ಷಗಳ ನಂತರ ಫೈನಲ್ಗೆ ಲಗ್ಗೆ ಇಟ್ಟಿದೆ. ಸೆಮಿಫೈನಲ್ ಪಂದ್ಯದಲ್ಲಿ ಕ್ರೊಯೇಷಿಯಾ ತಂಡವನ್ನು 3-0 ಗೋಲುಗಳ ಅಂತರದಿಂದ ಮಣಿಸಿದ ಅರ್ಜೆಂಟೀನಾ 6ನೇ ಬಾರಿಗೆ ಫಿಪಾ ವಿಶ್ವಕಪ್ ಫೈನಲ್ ಪ್ರವೇಶಿಸಿದೆ.
ತನ್ನ ಮಾಂತ್ರಿಕ ಪ್ರದರ್ಶನದಿಂದ ಅರ್ಜೆಂಟೀನಾ ತಂಡವನ್ನು ಫೈನಲ್ಗೆ ಕರೆದೊಯ್ದಿರುವ ಫುಟ್ಬಾಲ್ ದೈತ್ಯ ಲಿಯೋನೆಲ್ ಮೆಸ್ಸಿ ಭಾನುವಾರ ತನ್ನ ಕೊನೆಯ ವಿಶ್ವಕಪ್ ಪಂದ್ಯವನ್ನು ಆಡುವುದಾಗಿ ಹೇಳಿಕೊಂಡಿದ್ದಾರೆ. ಅರ್ಜೆಂಟೀನಾ ಪರ ಅದ್ಭುತ ಆಟ ಪ್ರದರ್ಶಿಸುವ ಮೂಲಕ ಇದುವರೆಗೆ ಐದು ಗೋಲುಗಳನ್ನು ಗಳಿಸಿರುವ ಮೆಸ್ಸಿ ಇದರೊಂದಿಗೆ ಗೋಲ್ಡನ್ ಪ್ರಶಸ್ತಿ ರೇಸ್ನಲ್ಲಿ ತಮ್ಮ ಹೆಸರನ್ನು ನೋಂದಾಯಿಸಿದ್ದಾರೆ. ಹೀಗೆ ತನ್ನ ಅದ್ಭುತ ಪ್ರದರ್ಶನದ ಮೂಲಕ ಫುಟ್ಬಾಲ್ನಲ್ಲಿ ದೈತ್ಯ ಪ್ರತಿಭೆಯಾಗಿರುವ ಮೆಸ್ಸಿ, ವೈಯಕ್ತಿಕ ಬದುಕಿನಲ್ಲಿ ನಡೆಸುತ್ತಿರುವ ಐಷರಾಮಿ ಬದುಕಿನ ಬಗ್ಗೆ ಕೇಳಿದರೆ ನೀವು ಕೂಡ ಅಚ್ಚರಿಪಡುವುದು ಖಚಿತ.
ಆಟದಲ್ಲಿ ಟಾಪ್ ಕ್ಲಾಸ್ ಆಗಿರುವ ಮೆಸ್ಸಿ, ಗಳಿಕೆಯ ವಿಷಯದಲ್ಲೂ ಇತರ ಕ್ರೀಡಾ ಸ್ಪರ್ಧಿಗಳನ್ನು ಮೀರಿಸಿದ್ದಾರೆ. ಇನ್ಸೈಡರ್ ಪ್ರಕಾರ, ಮೆಸ್ಸಿ ಒಟ್ಟು ಗಳಿಕೆ 600 ಮಿಲಿಯನ್ ಡಾಲರ್ ಅಂದರೆ 4830 ಕೋಟಿ ರೂಪಾಯಿಗಳು.
ಕೇವಲ ಫುಟ್ಬಾಲ್ನಿಂದಲೇ ಮೆಸ್ಸಿಯ ಒಟ್ಟು ಗಳಿಕೆಯು $75 ಮಿಲಿಯನ್ ಅಂದರೆ ರೂ. 612 ಕೋಟಿ ಇದೆ. ಇದರ ಹೊರತಾಗಿ ಅವರು $55-60 ಮಿಲಿಯನ್ ಅಂದರೆ ಸುಮಾರು ರೂ. 450 ಕೋಟಿಯನ್ನು ಬ್ರ್ಯಾಂಡ್ ಎಂಡಾರ್ಸ್ಮೆಂಟ್ ಮೂಲಕ ಗಳಿಸುತ್ತಾರೆ.
ಮೆಸ್ಸಿ ಬಾರ್ಸಿಲೋನಾದ ಕಡಲತೀರದಲ್ಲಿ 519 ಕೋಟಿ ರೂಪಾಯಿ ಮೌಲ್ಯದ ಬಂಗಲೆಯನ್ನು ಹೊಂದಿದ್ದು, ಇದು ಖಾಸಗಿ ಫುಟ್ಬಾಲ್ ಮೈದಾನವನ್ನೂ ಹೊಂದಿದೆ. ನೋ ಫ್ಲೈ ಜೋನ್ನಲ್ಲಿ ನಿರ್ಮಿಸಲಾದ ಈ ಬಂಗಲೆಯ ಹೊರತಾಗಿ, ಮೆಸ್ಸಿ 77 ಹಾಸಿಗೆಗಳ ಹೋಟೆಲ್ ಅನ್ನು ಸಹ ಹೊಂದಿದ್ದಾರೆ. MiM Stiges ಹೆಸರಿನ ಈ ಹೋಟೆಲ್ನಲ್ಲಿ ಒಂದು ರಾತ್ರಿಯ ಬಾಡಿಗೆ 105 ಪೌಂಡ್ಗಳವರೆಗೆ ಇರುತ್ತದೆ. ಮನೆ ಮತ್ತು ಹೋಟೆಲ್ ಹೊರತುಪಡಿಸಿ, ಮೆಸ್ಸಿ 100 ಕೋಟಿ ರೂಪಾಯಿ ಮೌಲ್ಯದ ಸ್ವಂತ ಖಾಸಗಿ ಜೆಟ್ ಅನ್ನು ಸಹ ಹೊಂದಿದ್ದಾರೆ.
Published On - 5:40 pm, Wed, 14 December 22