ಕೇವಲ 1,947 ರೂಗೆ ಫ್ರೈಟ್ ಟಿಕೆಟ್; ಏರ್ ಇಂಡಿಯಾ ಎಕ್ಸ್ಪ್ರೆಸ್ ಫ್ರೀಡಂ ಸೇಲ್; ಟಾಟಾ ಗ್ರೂಪ್ನಿಂದ ಸ್ವಾತಂತ್ರ್ಯೋತ್ಸವ ಕೊಡುಗೆ
ನವದೆಹಲಿ, ಆಗಸ್ಟ್ 2: ಬಸ್ಸಿಗಿಂತಲೂ ಕಡಿಮೆ ಬೆಲೆಗೆ ವಿಮಾನದಲ್ಲಿ ಪ್ರಯಾಣಿಸಬಹುದು. ಏರ್ ಇಂಡಿಯಾ ಎಕ್ಸ್ಪ್ರೆಸ್ ಸಂಸ್ಥೆ ಇಂಥದ್ದೊಂದು ಅಪೂರ್ವ ಅವಕಾಶ ಕಲ್ಪಿಸಿದೆ. ಬೆಂಗಳೂರಿನಿಂದ ಚೆನ್ನೈಗೆ 2,000 ರೂ ಒಳಗೆ ನೀವು ಪ್ರಯಾಣಿಸಬಹುದು. ಫ್ರೀಡಂ ಸೇಲ್ ಆಫರ್ನಲ್ಲಿ ಇದು ಸಾಧ್ಯ. ಇಲ್ಲಿದೆ ಹೆಚ್ಚಿನ ವಿವರ...
ಟಾಟಾ ಗ್ರೂಪ್ಗೆ ಸೇರಿದ ಏರ್ ಇಂಡಿಯಾದ ಅಂಗಸಂಸ್ಥೆಯಾದ ಏರ್ ಇಂಡಿಯಾ ಎಕ್ಸ್ಪ್ರೆಸ್ ಈ ಬಾರಿಯ ಸ್ವಾತಂತ್ರ್ಯೋತ್ಸವ ಆಚರಣೆಯ ಅಂಗವಾಗಿ ಅಗ್ಗದ ದರದಲ್ಲಿ ವಿಮಾನ ಪ್ರಯಾಣದ ಆಫರ್ ಕೊಟ್ಟಿದೆ. ಫ್ರೀಡಂ ಸೇಲ್ ಯೋಜನೆಯನ್ನು ಆರಂಭಿಸಲಾಗಿದ್ದು, ಎರಡು ಸಾವಿರ ರೂ ಒಳಗೆ ಟಿಕೆಟ್ ದರ ಆರಂಭವಾಗುತ್ತದೆ.
ಇದು ಸೀಮಿತ ಅವಧಿಯವರೆಗೆ ಇರುವ ಆಫರ್ ಆಗಿದೆ. ಅಗ್ಗದ ಟಿಕೆಟ್ ದರ ಅಷ್ಟೇ ಅಲ್ಲ, ಹೆಚ್ಚುವರಿ ಕ್ಯಾಬಿನ್ ಬ್ಯಾಗೇಜ್ ಅನ್ನು ಉಚಿತವಾಗಿ ಬುಕ್ ಮಾಡಬಹುದು. ಬಹಳ ಅಗ್ಗದ ಬೆಲೆಯಲ್ಲಿ ಚೆಕ್ ಇನ್ ಬ್ಯಾಗೇಜ್ಗೆ ಶುಲ್ಕ ಇರುತ್ತದೆ. ಇವೆಲ್ಲವೂ ಕೂಡ ಫ್ರೀಡಂ ಸೇಲ್ನ ಭಾಗವಾಗಿ ಬರುವ ಪ್ಯಾಕೇಜ್ ಆಗಿದೆ.
ಏರ್ ಇಂಡಿಯಾ ಎಕ್ಸ್ಪ್ರೆಸ್ನ 47 ಮಾರ್ಗಗಳಿಗೆ ಈ ಸ್ಪೆಷಲ್ ಆಫರ್ ಮಾಡಲಾಗಿದೆ. ಬೆಂಗಳೂರು-ಗೋವಾ, ದೆಹಲಿ-ಗ್ವಾಲಿಯರ್, ದೆಹಲಿ-ಜೈಪುರ್, ಬೆಂಗಳೂರು-ಚೆನ್ನೈ ಮೊದಲಾದ ಮಾರ್ಗಗಳು ಇದರಲ್ಲಿ ಇವೆ. 15 ಅಂತಾರಾಷ್ಟ್ರೀಯ ಮಾರ್ಗಗಳೂ ಈ ಆಫರ್ನಲ್ಲಿವೆ.
ಆಗಸ್ಟ್ 5ನಷ್ಟರಲ್ಲಿ ನೀವು ಫ್ಲೈಟ್ ಬುಕ್ ಮಾಡಬೇಕು. ಸೆಪ್ಟೆಂಬರ್ 30ರವರೆಗೆ ನಿಮ್ಮ ಪ್ರಯಾಣ ದಿನ ಇರಬೇಕು. ಆಗಸ್ಟ್ 5ರ ಬಳಿಕ ಫ್ರೀಡಂ ಸೇಲ್ ಆಫರ್ ಮುಗಿದುಹೋಗುತ್ತದೆ.
ಮೇಕ್ ಮೈ ಟ್ರಿಪ್ ಇತ್ಯಾದಿ ಥರ್ಡ್ ಪಾರ್ಟಿ ಪ್ಲಾಟ್ಫಾರ್ಮ್ನಲ್ಲಿ ಟಿಕೆಟ್ ಬುಕ್ ಮಾಡಿದರೆ ಈ ಆಫರ್ ಸಿಕ್ಕೋದಿಲ್ಲ. ಏರ್ ಇಂಡಿಯಾ ಎಕ್ಸ್ಪ್ರೆಸ್ ಸಂಸ್ಥೆಯ ಅಧಿಕೃತ ವೆಬ್ಸೈಟ್ನಲ್ಲಿ ಟಿಕೆಟ್ ಬುಕ್ ಮಾಡಿದರೆ ಈ ಆಫರ್ ಪಡೆಯಬಹುದು.
ಏರ್ ಇಂಡಿಯಾ ಎಕ್ಸ್ಪ್ರೆಸ್ನ ವೆಬ್ಸೈಟ್ ವಿಳಾಸ ಇದು: www.airindiaexpress.com ಇಲ್ಲಿ ಮೇಲೆ ಮೆನುವಿನಲ್ಲಿ ಡೀಲ್ಸ್ ಕ್ಲಿಕ್ ಮಾಡಿದರೆ ಫ್ರೀಡಂ ಸೇಲ್ ಅನ್ನು ಕಾಣಬಹುದು. ಅದನ್ನು ಕ್ಲಿಕ್ ಮಾಡಿ ನೀವು ಫ್ಲೈಟ್ ಬುಕ್ ಮಾಡಬಹುದು.