Gautam Adani: ವಿಶ್ವದ ಟಾಪ್-5 ಶ್ರೀಮಂತರ ಪಟ್ಟಿಯಲ್ಲಿ ಒಂದು ಸ್ಥಾನ ಮೇಲೇರಿದ ಅದಾನಿ
Richest People In The World: ಅದಾನಿ ಗ್ರೂಪ್‌ನ ಸಂಸ್ಥಾಪಕರು ಮತ್ತು ಅಧ್ಯಕ್ಷರಾಗಿರುವ ಗೌತಮ್ ಅದಾನಿ, ಭಾರತದ ಪ್ರಮುಖ ಮೂರು ಸಂಘಟಿತ ಸಂಸ್ಥೆಗಳ ಮೂಲಕ ಬೃಹತ್ ಉದ್ಯಮಗಳನ್ನು ಮುನ್ನಡೆಸುತ್ತಿದ್ದಾರೆ.
ಭಾರತದ ಅತ್ಯಂತ ಶ್ರೀಮಂತ ಉದ್ಯಮಿ ಗೌತಮ್ ಅದಾನಿ ಈಗ ಫೋರ್ಬ್ಸ್ ವಿಶ್ವದ ಶ್ರೀಮಂತ ಪಟ್ಟಿಯಲ್ಲಿ ನಾಲ್ಕನೇ ಸ್ಥಾನಕ್ಕೇರಿದ್ದಾರೆ. ಮೈಕ್ರೋಸಾಫ್ಟ್ ಸಂಸ್ಥಾಪಕ ಬಿಲ್ ಗೇಟ್ಸ್ ಕಳೆದ ವಾರ ತನ್ನ ಸಂಪತ್ತಿನ 20 ಬಿಲಿಯನ್ ಡಾಲರ್ ಅನ್ನು ದೇಣಿಗೆ ನೀಡುವುದಾಗಿ ಘೋಷಿಸಿದ್ದರು. ಇದರ ಬೆನ್ನಲ್ಲೇ ಅದಾನಿ ಶ್ರೀಮಂತರ ಪಟ್ಟಿಯಲ್ಲಿ ಮೇಲೇರಿದ್ದಾರೆ.
ಟೆಕ್ ಬಿಲಿಯನೇರ್ ಬಿಲ್ ಗೇಟ್ಸ್ ಮತ್ತು ಮೆಲಿಂಡಾ ಗೇಟ್ಸ್ ತಮ್ಮ ಫೌಂಡೇಶನ್‌ಗೆ ಕ್ರಮೇಣ ತಮ್ಮ ಸಂಪತ್ತನ್ನು ನೀಡಲು ನಿರ್ಧರಿಸಿದ್ದಾರೆ. ನಾನು ಈ ಹಣವನ್ನು ನೀಡುತ್ತಿರುವುದು ದಾನವಲ್ಲ. ನನ್ನ ಸಂಪನ್ಮೂಲಗಳನ್ನು ಸಮಾಜಕ್ಕೆ ಹಿಂದಿರುಗಿಸುವ ಜವಾಬ್ದಾರಿಯನ್ನು ನಾನು ಹೊಂದಿದ್ದೇನೆ ಎಂದು ಬಿಲ್ ಗೇಟ್ಸ್ ತಿಳಿಸಿದ್ದಾರೆ.
ಆದರೆ ಬಿಲ್ ಗೇಟ್ಸ್ ತಮ್ಮ ಸಂಪತ್ತಿನಿಂದ ಬರೋಬ್ಬರಿ 20 ಬಿಲಿಯನ್ ಡಾಲರ್ ದಾನ ನೀಡುತ್ತಿರುವುದರಿಂದ ವಿಶ್ವದ ಶ್ರೀಮಂತರ ಪಟ್ಟಿಯಲ್ಲಿ ಅವರ ಸ್ಥಾನ ಇಳಿಕೆಯಾಗಲಿದೆ. ಫೋರ್ಬ್ಸ್ ಮಾಹಿತಿಯ ಪ್ರಕಾರ, ಗೇಟ್ಸ್ ಈಗ ಸುಮಾರು 102 ಬಿಲಿಯನ್ ಡಾಲರ್ ನಿವ್ವಳ ಮೌಲ್ಯವನ್ನು ಹೊಂದಿದ್ದಾರೆ. ಇದೀಗ ದೇಣಿಗೆ ನೀಡುತ್ತಿರುವುದರಿಂದ ಬಿಲ್ ಗೇಟ್ಸ್ ಶ್ರೀಮಂತ ಪಟ್ಟಿಯಿಂದ ನಾಲ್ಕನೇ ಸ್ಥಾನದಿಂದ 5ನೇ ಸ್ಥಾನಕ್ಕೆ ಇಳಿದಿದ್ದಾರೆ. ಅತ್ತ ಗೌತಮ್ ಅದಾನಿ 5ನೇ ಸ್ಥಾನದಿಂದ 4ನೇ ಸ್ಥಾನಕ್ಕೇರಿದ್ದಾರೆ.
ಮತ್ತೊಂದೆಡೆ ಭಾರತೀಯ ಉದ್ಯಮಿ ಗೌತಮ್ ಅದಾನಿ ಅವರ ನಿವ್ವಳ ಮೌಲ್ಯ ಸುಮಾರು 114 ಬಿಲಿಯನ್ ಡಾಲರ್ ಎಂದು ವರದಿಯಾಗಿದೆ. 2021 ಮತ್ತು 2022 ರ ನಡುವೆ, ಅವರ ನಿವ್ವಳ ಮೌಲ್ಯವು 50 ಶತಕೋಟಿ ಡಾಲರ್ ನಿಂದ 90 ಶತಕೋಟಿ ಡಾಲರ್ ಗೆ ಏರಿಕೆಯಾಗಿದೆ.
ಅದಾನಿ ಗ್ರೂಪ್‌ನ ಸಂಸ್ಥಾಪಕರು ಮತ್ತು ಅಧ್ಯಕ್ಷರಾಗಿರುವ ಗೌತಮ್ ಅದಾನಿ, ಭಾರತದ ಪ್ರಮುಖ ಮೂರು ಸಂಘಟಿತ ಸಂಸ್ಥೆಗಳ ಮೂಲಕ ಬೃಹತ್ ಉದ್ಯಮಗಳನ್ನು ಮುನ್ನಡೆಸುತ್ತಿದ್ದಾರೆ. ಈ ಕಂಪೆನಿಗಳ ಅಡಿಯಲ್ಲಿ ಅದಾನಿ ಸಮೂಹವು ಶಕ್ತಿ, ಬಂದರುಗಳು ಮತ್ತು ಲಾಜಿಸ್ಟಿಕ್ಸ್, ಗಣಿಗಾರಿಕೆ ಮತ್ತು ಸಂಪನ್ಮೂಲಗಳು, ಅನಿಲ, ರಕ್ಷಣಾ ಮತ್ತು ಏರೋಸ್ಪೇಸ್ ಮತ್ತು ವಿಮಾನ ನಿಲ್ದಾಣಗಳ ವ್ಯವಹಾರಗಳನ್ನು ಹೊಂದಿದೆ. ವಿಶ್ವದ ಟಾಪ್ 5 ಶ್ರೀಮಂತ ವ್ಯಕ್ತಿಗಳ ಪಟ್ಟಿ ಈ ಕೆಳಗಿನಂತಿದೆ.
1- ಎಲಾನ್ ಮಸ್ಕ್ ($230.8 ಬಿಲಿಯನ್)
2- ಬರ್ನಾರ್ಡ್ ಅರ್ನಾಲ್ಟ್ ಮತ್ತು ಫ್ಯಾಮಿಲಿ ($149.8 ಬಿಲಿಯನ್)
3-ಜೆಫ್ ಬೆಝೋಸ್ ($139.5 ಬಿಲಿಯನ್)
4- ಗೌತಮ್ ಅದಾನಿ ($139.5 ಬಿಲಿಯನ್)
5- ಬಿಲ್ ಗೇಟ್ಸ್ ($139.5 ಬಿಲಿಯನ್)
Published On - 11:16 am, Tue, 19 July 22