Tech Tips: ನಿಮ್ಮ ಫೇಸ್ಬುಕ್ ಪ್ರೊಫೈಲ್ ಯಾರೆಲ್ಲ ನೋಡುತ್ತಿದ್ದಾರೆಂದು ತಿಳಿಯಬೇಕೆ?: ಇಲ್ಲಿದೆ ಟ್ರಿಕ್
Facebook Tricks: ವಾಸ್ತವವಾಗಿ ಎಫ್ಬಿ ಈ ಉದ್ದೇಶಕ್ಕಾಗಿ ಯಾವುದೇ ವಿಶೇಷ ವೈಶಿಷ್ಟ್ಯವನ್ನು ಕಲ್ಪಿಸಿಲ್ಲ. ಆದರೆ, ಕೆಲ ಟ್ರಿಕ್ ಬಳಸಿ ನಿಮ್ಮ ಫೇಸ್ಬುಕ್ ಅನ್ನು ಯಾರು ನೋಡಿದ್ದಾರೆಂದು ಕಂಡುಹಿಡಿಯಬಹುದು. ಅದು ಹೇಗೆ? ಇಲ್ಲಿದೆ ನೋಡಿ.
ಇಂದಿನ ಹೈ-ಫೈ ಜಗತ್ತಿನಲ್ಲಿ ಇಂಟರ್ನೆಟ್ ಮೂಲೆಮೂಲೆಗೆ ತಲುಪಿದ್ದು ಸಾಮಾಜಿಕ ಜಾಲತಾಣ ಕೂಡ ಅಷ್ಟೇ ವೇಗದಲ್ಲಿ ಖ್ಯಾತಿ ಪಡೆಯುತ್ತಿದೆ. ಸೋಷಿಯಲ್ ಮೀಡಿಯಾ ಎಂಬುದು ಇಂದು ಮಾಂತ್ರಿಕ ಜಗತ್ತು ಎಂಬಂತಾಗಿದೆ. ಈಗೀಗ ಇದನ್ನು ದುರುಪಯೋಗ ಪಡಿಸಿಕೊಳ್ಳುವವರೂ ಹಲವರಿದ್ದಾರೆ.
ಇದರಲ್ಲಿ ಅತ್ಯಂತ ಜನಪ್ರಿಯ ಸಾಮಾಜಿಕ ಮಾಧ್ಯಮ ಪ್ಲಾಟ್‌ಫಾರ್ಮ್‌ಗಳಾದ ಫೇಸ್ಬುಕ್ ಅನ್ನು ಎಲ್ಲಾ ವಯಸ್ಸಿನ ಜನರು ಉಪಯೋಗಿಸುತ್ತಿದ್ದಾರೆ. ಪ್ರತಿದಿನ ಸುಮಾರು ಕೋಟಿಗಟ್ಟಲೆ ಜನರು ಇದರಲ್ಲಿ ಸಕ್ರಿಯರಾಗಿದ್ದಾರೆ. ನೀವುಕೂಡ ಫೇಸ್ಬುಕ್ ಅನ್ನು ಬಳಸಿದರೆ ಅನೇಕ ಜನರು ನಿಮ್ಮ ಪ್ರೊಫೈಲ್‌ಗೆ ವಿಸಿಟ್ ಮಾಡುತ್ತಾರೆ. ಆದರೆ ನಿಮ್ಮ ಪ್ರೊಫೈಲ್ ಅನ್ನು ಯಾರು ರಹಸ್ಯವಾಗಿ ನೋಡುತ್ತಿದ್ದಾರೆಂದು ನೋಡಲು ಸಾಧ್ಯವಿಲ್ಲ.
ವಾಸ್ತವವಾಗಿ ಫೇಸ್ಬುಕ್ ಈ ಉದ್ದೇಶಕ್ಕಾಗಿ ಯಾವುದೇ ವಿಶೇಷ ವೈಶಿಷ್ಟ್ಯವನ್ನು ಕಲ್ಪಿಸಿಲ್ಲ. ಆದರೆ, ಕೆಲ ಟ್ರಿಕ್ ಬಳಸಿ ನಿಮ್ಮ ಎಫ್ಬಿ ಅನ್ನು ಯಾರು ನೋಡಿದ್ದಾರೆಂದು ಕಂಡುಹಿಡಿಯಬಹುದು. ಅದು ಹೇಗೆ? ಇಲ್ಲಿದೆ ನೋಡಿ.
ಇದಕ್ಕಾಗಿ ಮೊದಲು ಲ್ಯಾಪ್‌ಟಾಪ್ ಅಥವಾ ಡೆಸ್ಕ್‌ಟಾಪ್‌ನಲ್ಲಿ ಫೇಸ್ಬುಕ್ ತೆರೆದು ಲಾಗಿನ್ ಮಾಡಿ. ಲಾಗಿನ್ ಆದ ನಂತರ 'ರೈಟ್ ಕ್ಲಿಕ್' ಮಾಡಬೇಕು. ಅಲ್ಲಿ ನಿಮಗೆ 'ವೀವ್ ಪೇಜ್ ಸೋರ್ಸ್' ಎಂಬ ಆಯ್ಕೆ ಕಾಣಿಸುತ್ತದೆ. ಅದರ ಮೇಲೆ ಕ್ಲಿಕ್ ಮಾಡಿ.
ವೀವ್ ಪೇಜ್ ಸೋರ್ಸ್ ಮೇಲೆ ಕ್ಲಿಕ್ ಮಾಡಿದ ತಕ್ಷಣ ಪುಟದ ಮೂಲ ಕೋಡ್ಗಳು ತೆರೆಯುತ್ತದೆ. ಅದರಲ್ಲಿ 'BUDDY_ID' ಎಂಬುದನ್ನು ಹುಡುಕಬೇಕು. ಇದಕ್ಕಾಗಿ Control+F (ctrl+F) ಒತ್ತಿ ಮತ್ತು 'BUDDY_ID' ಎಂದು ಟೈಪ್ ಮಾಡಿ ಎಂಟರ್ ಹೊಡೆಯಿರಿ.
ಈಗ ಹಲವಾರು ಫೇಸ್ಬುಕ್ ಪ್ರೊಫೈಲ್ ಐಡಿಗಳು 'BUDDY_ID' ಪಕ್ಕದಲ್ಲಿ ಕಾಣಿಸಿಕೊಳ್ಳುತ್ತವೆ. ಅದರಲ್ಲಿ ಒಬ್ಬರ ಐಡಿಯನ್ನು ಕಾಪಿ ಮಾಡಬೇಕು.
ಹೀಗೆ ಕಾಪಿ ಮಾಡಿದ ಐಡಿಯನ್ನು ಹೊಸ ಟ್ಯಾಬ್ ತೆಗೆದು Facebook.com/your selected ID (ನೀವು ಕಾಪಿ ಮಾಡಿದ ಐಡಿ) ಫೆಸ್ಟ್ ಮಾಡಿ ಎಂಟರ್ ಒತ್ತಿರಿ.
ಈ ಐಡಿಯನ್ನು ನಮೂದಿಸಿದ ನಂತರ ನಿಮ್ಮ ಫೇಸ್ಬುಕ್ ಪ್ರೊಫೈಲ್ ಅನ್ನು ವೀಕ್ಷಿಸುವವರ ಪುಟ ತೆರೆಯುತ್ತದೆ. ಈ ಮೂಲಕ ಅವರಿಗೂ ತಿಳಿಯದಂತೆ ಈ ಸರಳ ರೀತಿಯಲ್ಲಿ ನಿಮ್ಮ ಫೆಸ್ಬುಕ್ ಅನ್ನು ಯಾರು ನೋಡಿದ್ದಾರೆಂದು ಕಂಡುಹಿಡಿಯಬಹುದು.