Army Dogs: ಸೇನೆಯ ಶ್ವಾನಗಳು ಏನೆಲ್ಲಾ ಕೆಲಸ ಮಾಡುತ್ತವೆ? ಅವುಗಳ ವಿಶೇಷತೆ ಏನು? ಇಲ್ಲಿದೆ ಕುತೂಹಲಕಾರಿ ಮಾಹಿತಿ
Dog Squad: ಸೇನೆಯ ಶ್ವಾನಗಳು ಸಾಮಾನ್ಯ ಶ್ವಾನಗಳು ಆಗಿರುವುದಿಲ್ಲ. ಬದಲಾಗಿ ಅವುಗಳಿಗೆ ವಿಶೇಷ ತರಬೇತಿ ನೀಡಲಾಗಿರುತ್ತದೆ. ಇಲ್ಲಿ ನಾವು ಸೇನೆಯ ಶ್ವಾನಗಳ ವಿಶೇಷತೆ ಏನು? ಅವಕ್ಕೆ ಯಾವ ರೀತಿಯ ತರಬೇತಿ ಕೊಡಲಾಗಿರುತ್ತದೆ ಎಂಬ ವಿವರ ತಿಳಿದುಕೊಳ್ಳೋಣ.
ಸೇನೆಯಲ್ಲಿ ಸೈನಿಕರು ಇರುವ ಜೊತೆಗೆ ಆರ್ಮಿ ಶ್ವಾನಗಳು ಕೂಡ ಇರುತ್ತವೆ. ಸೇನೆಯ ಶ್ವಾನಗಳು ವಿಶೇಷ ತರಬೇತಿ ಪಡೆದು ರಕ್ಷಣಾ ಕಾರ್ಯದಲ್ಲಿ ಸಹಕಾರಿ ಆಗಿರುತ್ತವೆ. ಆದರೆ, ಈ ಶ್ವಾನಗಳು ಸಾಮಾನ್ಯ ಶ್ವಾನಗಳು ಆಗಿರುವುದಿಲ್ಲ. ಬದಲಾಗಿ ಅವುಗಳಿಗೆ ವಿಶೇಷ ತರಬೇತಿ ನೀಡಲಾಗಿರುತ್ತದೆ. ಇಲ್ಲಿ ನಾವು ಸೇನೆಯ ಶ್ವಾನಗಳ ವಿಶೇಷತೆ ಏನು? ಅವಕ್ಕೆ ಯಾವ ರೀತಿಯ ತರಬೇತಿ ಕೊಡಲಾಗಿರುತ್ತದೆ ಎಂಬ ವಿವರ ತಿಳಿದುಕೊಳ್ಳೋಣ.
ಸೇನೆಯಲ್ಲಿ ವಿವಿಧ ಬ್ರೀಡ್ಗಳ ಶ್ವಾನಗಳನ್ನು ಬಳಕೆ ಮಾಡಲಾಗುತ್ತದೆ. ವಿವಿಧ ಕೆಲಸಗಳಿಗೆ ವಿವಿಧ ತಳಿಯ ನಾಯಿಗಳು ಸೂಕ್ತ ತರಬೇತಿ ಪಡೆದು ಕೆಲಸ ಮಾಡುತ್ತವೆ. ಜರ್ಮನ್ ಶೆಫರ್ಡ್ಸ್, ಲಾಬ್ರಡಾರ್ ಹಾಗೂ ಬೆಲ್ಜಿಯನ್ ಶೆಫರ್ಡ್ಸ್ ಮತ್ತು ಗ್ರೇಟ್ ಸ್ವಿಸ್ ಮೌಂಟೇನ್ ತಳಿಯ ಶ್ವಾನಗಳು ಸೇನೆಯಲ್ಲಿ ಸಾಮಾನ್ಯವಾಗಿ ಕೆಲಸ ಮಾಡುತ್ತವೆ. ಅದೇ ವೇಳೆ, ಭಾರತದ ತಳಿಗಳಾದ ಮುಧೋಳ ಬ್ರೀಡ್ ಶ್ವಾನವೂ ರಕ್ಷಣಾ ಕಾರ್ಯದಲ್ಲಿ ಪಾಲ್ಗೊಳ್ಳುತ್ತವೆ. ಮುಧೋಳ ನಾಯಿ ಒಂದೇ ಭಾರತದ ಸೇನೆಯಲ್ಲಿ ಸ್ಥಾನ ಪಡೆದಿರುವ ಭಾರತದ ತಳಿಯ ಶ್ವಾನ ಆಗಿದೆ ಎಂಬುದು ಮತ್ತೊಂದು ಗಮನಾರ್ಹ ಸಂಗತಿ.
ಸೇನೆಯಲ್ಲಿ ಕಾರ್ಯನಿರ್ವಹಿಸಲಿರುವ ಶ್ವಾನಗಳನ್ನು ಮೀರತ್, ಶಹಜಹಾನ್ಪುರ್, ಚಂಡೀಗಡ ಕೇಂದ್ರಗಳಲ್ಲಿ ತರಬೇತಿ ನೀಡಿ ಸಜ್ಜುಗೊಳಿಸಲಾಗುತ್ತದೆ. ಈ ಶ್ವಾನಗಳ ತರಬೇತಿಗೆ ಅಲ್ಲಿ ತರಬೇತುದಾರರು ಇರುತ್ತಾರೆ. ಅವರನ್ನು RVCs ಎನ್ನಲಾಗುತ್ತದೆ. ಇಲ್ಲಿ ತರಬೇತಿ ಪಡೆದ ಶ್ವಾನಗಳನ್ನು ಬಾಂಗ್ಲಾದೇಶ, ನೇಪಾಳ, ಶ್ರೀಲಂಕಾ, ಮ್ಯಾನ್ಮಾರ್ ಕೂಡ ಇಷ್ಟಪಡುತ್ತದೆ.
ಸೇನೆಯ ರಕ್ಷಣಾ ಕೆಲಸದಲ್ಲಿ ಭಾಗವಹಿಸುವ ಶ್ವಾನಗಳಿಗೆ ವಿವಿಧ ತರಬೇತಿಗಳು ಇರುತ್ತವೆ. ಆಯಾ ಕೋರ್ಸ್ಗಳಿಗೆ ಸಂಬಂಧಿಸಿ ತರಬೇತಿ ನೀಡಲಾಗುತ್ತದೆ. ಬೇಸಿಕ್ ಡಾಗ್ ಟ್ರೈನರ್ಸ್ ಕೋರ್ಸ್, ಬೇಸಿಕ್ ಆರ್ಮಿ ಡಾಗ್ ಟ್ರೈನರ್ಸ್ ಕೋರ್ಸ್ ಹೀಗೆ ತರಬೇತಿ ನೀಡಲಾಗುತ್ತದೆ. ಸೇನೆಯ ಶ್ವಾನಗಳು ಕೂಡ ಸೇನೆಯಲ್ಲಿ ಇರುವ ಸೈನಿಕರಂತೆ ಇದ್ದು ಅವುಗಳಿಗೆ ಕೂಡ ನಿಗದಿತ ಜೀವನಶೈಲಿ ಇರುತ್ತದೆ.
ಭಾರತೀಯ ಸೇನೆಯ ಈ ಶ್ವಾನಗಳು ಟ್ರಾಕಿಂಗ್, ಗಾರ್ಡಿಂಗ್, ಮೈನ್ ಡಿಟೆಕ್ಷನ್, ಎಕ್ಸ್ಪ್ಲೋಸಿವ್ ಡಿಟೆಕ್ಷನ್, ಇನ್ಫಾಂಟ್ರಿ ಪಟ್ರೋಲಿಂಗ್, ಅವಲಾಂಚೆ ರೆಸ್ಕ್ಯೂ ಆಪರೇಷನ್, ಸರ್ಷ್ ಅಂಡ್ ರೆಸ್ಕ್ಯೂ ಅಂಡ್ ನಾರ್ಕೊಟಿಕ್ ಡಿಟೆಕ್ಷನ್ನಲ್ಲಿ ಕೆಲಸ ಮಾಡುತ್ತವೆ. ಈ ಕಾರ್ಯಗಳಿಗೆ ಸೇನೆಯ ಶ್ವಾನಗಳು ಕೆಲಸ ಮಾಡುತ್ತವೆ. ಸೇನೆಯಲ್ಲಿ 25 ಪೂರ್ಣ ಪ್ರಮಾಣದ ಶ್ವಾನದಳ ಹಾಗೂ ಅರ್ಧ ಪ್ರಮಾಣದ ಶ್ವಾನದಳಗಳು ಇವೆ. ಪೂರ್ಣ ಪ್ರಮಾಣದ ಶ್ವಾನ ದಳದಲ್ಲಿ 24 ಮತ್ತು ಅರ್ಧ ಪ್ರಮಾಣದ ಶ್ವಾನದಳದಲ್ಲಿ 12 ಶ್ವಾನಗಳು ಇರುತ್ತವೆ.