ಭಾರತದಲ್ಲಿಂದು ಬಹುನಿರೀಕ್ಷಿತ ಐಕ್ಯೂ Z9 5G ಸ್ಮಾರ್ಟ್ಫೋನ್ ಬಿಡುಗಡೆ: ಬೆಲೆ ಎಷ್ಟು?
iQOO Z9 Launch Today: ಐಕ್ಯೂ Z9 6.67-ಇಂಚಿನ AMOLED 120Hz ಡಿಸ್‌ಪ್ಲೇ ಮತ್ತು 1800 nits ನ ಗರಿಷ್ಠ ಬ್ರೈಟ್ನೆಸ್ ಅನ್ನು ಹೊಂದಿದೆ. ಈ ಸ್ಮಾರ್ಟ್ಫೋನ್ನಲ್ಲಿ ಮೀಡಿಯಾಟೆಕ್ ಡೈಮೆನ್ಸಿಟಿ 7200 SoC ನೀಡಲಾಗಿದೆ ಎಂಬ ಮಾತಿದೆ. 50MP ಸೋನಿ IMX882 OIS ಮುಖ್ಯ ಕ್ಯಾಮೆರಾ ಇರಬಹುದು
ಕಳೆದ ಕೆಲವು ವಾರಗಳಿಂದ ಭಾರತದಲ್ಲಿ ಭಾರೀ ಸದ್ದು ಮಾಡತ್ತಿದ್ದ ಐಕ್ಯೂ Z9 (iQOO Z9) ಸ್ಮಾರ್ಟ್ಫೋನ್ ಭಾರತದಲ್ಲಿ ಇಂದು ಮಧ್ಯಾಹ್ನ ಅನಾವರಣಗೊಳ್ಳಲಿದೆ. ಹೊಸ ಐಕ್ಯೂ Z9 ಭಾರತದಲ್ಲಿ ಖರೀದಿಸಲು ಅಮೆಜಾನ್ನಲ್ಲಿ ಲಭ್ಯವಿರುತ್ತದೆ ಎಂದು ಕಂಪನಿಯು ಬಹಿರಂಗಪಡಿಸಿದೆ. ಮಾರ್ಚ್ 12 ರಂದು ಭಾರತೀಯ ಗ್ರಾಹಕರಿಗೆ ಬಿಡುಗಡೆ ಮಾಡಲಾಗುವುದು ಎಂದು ಕಂಪನಿಯು ಅಧಿಕೃತವಾಗಿ ದೃಢಪಡಿಸಿದೆ.
ಇತ್ತೀಚಿನ ವರದಿಯ ಪ್ರಕಾರ, ಐಕ್ಯೂ Z9 5G ಫೋನ್ ಭಾರತದಲ್ಲಿ ರೂ. 25,000 ಕ್ಕಿಂತ ಕಡಿಮೆ ಬೆಲೆಯೊಂದಿಗೆ ಬಿಡುಗಡೆಯಾಗುವ ನಿರೀಕ್ಷೆಯಿದೆ. ಆದಾಗ್ಯೂ, ಈ ಸ್ಮಾರ್ಟ್ಫೋನ್ ವಿಭಿನ್ನ ಶೇಖರಣಾ ರೂಪಾಂತರಗಳೊಂದಿಗೆ ಬರಲಿದೆ. ಪ್ರತಿಯೊಂದೂ ಸ್ಟೋರೇಜ್ ಆವೃತ್ತಿಗೆ ವಿಭಿನ್ನ ಬೆಲೆ ಇರುತ್ತದೆ. ಈ ಫೋನಿನ ಬಗ್ಗೆ ಅನೇಕ ಫೀಚರ್ಗಳು ಸೋರಿಕೆ ಆಗಿವೆ.
ಟಿಪ್‌ಸ್ಟರ್ ಮುಕುಲ್ ಶರ್ಮಾ ನಲ್ಲಿನ ಎಕ್ಸ್ ಪೋಸ್ಟ್‌ನಲ್ಲಿ ಐಕ್ಯೂ Z9 5G ಅನ್ನು ಭಾರತದಲ್ಲಿ 8GB + 128GB ಮತ್ತು 8GB + 256GB ರೂಪಾಂತರಗಳಲ್ಲಿ ನೀಡಲಾಗುವುದು ಎಂದು ಸೂಚಿಸಿದ್ದಾರೆ. ಬೆಲೆ ಕ್ರಮವಾಗಿ ರೂ. 17,999 ಮತ್ತು ರೂ. 19,999. ಐಕ್ಯೂ ಇಂಡಿಯಾ ವೆಬ್‌ಸೈಟ್ ಮತ್ತು ಅಮೆಜಾನ್ ಮೂಲಕ ದೇಶದಲ್ಲಿ ಫೋನ್ ಖರೀದಿಸಲು ಲಭ್ಯವಿರುತ್ತದೆ.
ಐಕ್ಯೂ Z9 6.67-ಇಂಚಿನ AMOLED 120Hz ಡಿಸ್‌ಪ್ಲೇ ಮತ್ತು 1800 nits ನ ಗರಿಷ್ಠ ಬ್ರೈಟ್ನೆಸ್ ಅನ್ನು ಹೊಂದಿದೆ. ಈ ಸ್ಮಾರ್ಟ್ಫೋನ್ನಲ್ಲಿ ಮೀಡಿಯಾಟೆಕ್ ಡೈಮೆನ್ಸಿಟಿ 7200 SoC ನೀಡಲಾಗಿದೆ ಎಂಬ ಮಾತಿದೆ. ಮುಂಬರುವ ಐಕ್ಯೂ ಫೋನ್ 50MP ಸೋನಿ IMX882 OIS ಮುಖ್ಯ ಕ್ಯಾಮೆರಾ ಮತ್ತು ಹೆಚ್ಚುವರಿ ಸೆಕೆಂಡರಿ ಸಂವೇದಕಗಳೊಂದಿಗೆ ಬರುವ ಸಾಧ್ಯತೆ ಇದೆ.
ಐಕ್ಯೂ Z9 8GB RAM ನೊಂದಿಗೆ ಬರಬಹುದು, ವರ್ಚುವಲ್ RAM ಬೆಂಬಲದ ಮೂಲಕ RAM ಅನ್ನು ದ್ವಿಗುಣಗೊಳಿಸುವ ಆಯ್ಕೆ ಇರಬಹುದು. ಈ ಫೋನ್ ಆಂಡ್ರಾಯ್ಡ್ 14 ಅನ್ನು ಆಧರಿಸಿ Funtouch OS 14 ನಲ್ಲಿ ಕಾರ್ಯನಿರ್ವಹಿಸುತ್ತದೆ. ಬ್ಯಾಟರಿಗೆ ಸಂಬಂಧಿಸಿದ ಅಧಿಕೃತ ಮಾಹಿತಿ ಇರದಿದ್ದರೂ, 44W ವೇಗದ ಚಾರ್ಜಿಂಗ್ ತಂತ್ರಜ್ಞಾನವನ್ನು ಬೆಂಬಲಿಸುವ ನಿರೀಕ್ಷೆಯಿದೆ. 5000 ಬ್ಯಾಟರಿ ಇರಬಹುದು.