ಕೋಟೆನಾಡು ಚಿತ್ರದುರ್ಗದಲ್ಲಿ ಗಾಳಿಪಟ ಹಬ್ಬ; ಮಕ್ಕಳಿಗೆ ಸಾಥ್ ನೀಡುವ ಮೂಲಕ ಬಾಲ್ಯ ನೆನೆದ ಪೋಷಕರು, ಶಿಕ್ಷಕರು
ಆಷಾಡ ಮಾಸದಲ್ಲಿ ಅತಿ ಹೆಚ್ಚು ಗಾಳಿ ಬೀಸುತ್ತದೆ. ಹೀಗಾಗಿ ಮಕ್ಕಳು ಆಷಾಡದಲ್ಲಿ ಗಾಳಿಪಟ ಹಾರಾಟ ಮಾಡುವುದು ಸಹಜ ಸಂಗತಿ. ಇದೀಗ ಕೋಟೆನಾಡು ಚಿತ್ರದುರ್ಗದಲ್ಲಿ ಗಾಳಿಪಟ ಹಬ್ಬವನ್ನೇ ಆಚರಿಸಲಾಗಿದೆ. ಶಿಕ್ಷಕರು ಮತ್ತು ಪೋಷಕರು ಮಕ್ಕಳಿಗೆ ಸಾಥ್ ನೀಡುವ ಮೂಲಕ ಬಾಲ್ಯ ನೆನೆದಿದ್ದಾರೆ. ಈ ಕುರಿತು ಒಂದು ಝಲಕ್ ಇಲ್ಲಿದೆ.
ಬಣ್ಣ ಬಣ್ಣದ ಗಾಳಿಪಟಗಳನ್ನಿಡಿದು ಬರುತ್ತಿರುವ ಮಕ್ಕಳು. ಆಕಾಶದೆತ್ತರಕ್ಕೆ ಗಾಳಿಪಟ ಹಾರಿ ಸಂಭ್ರಮಿಸುತ್ತಿರುವ ವಿದ್ಯಾರ್ಥಿಗಳು. ಮಕ್ಕಳ ಜತೆ ಗಾಳಿಪಟ ಹಾರಿಸುತ್ತ ಬಾಲ್ಯಕ್ಕೆ ಜಾರಿ ಶಿಕ್ಷಕರು, ಪೋಷಕರು. ಈ ದೃಶ್ಯಗಳು ಕಂಡು ಬಂದಿದ್ದು ಕೋಟೆನಾಡು ಚಿತ್ರದುರ್ಗ ನಗರದ ಜಯದೇವ ಕ್ರೀಡಾಂಗಣದಲ್ಲಿ.
ಹೌದು, ಎಸ್ಆರ್ಎಸ್ ಸಂಸ್ಥೆ ಕಿಟೆ ಡೇ ಹೆಸರಿನಲ್ಲಿ ಗಾಳಿಪಟ ಹಬ್ಬವನ್ನೇ ಆಚರಿಸಿತು. ನೂರಾರು ವಿದ್ಯಾರ್ಥಿಗಳು ಈ ಹಬ್ಬದಲ್ಲಿ ಭಾಗಿಯಾಗಿ ಸಂಭ್ರಮಿಸಿದ್ರು. ಗಾಳಿಪಟದಂತೆ ಮಕ್ಕಳು ಎತ್ತರಕ್ಕೆ ಏರಬೇಕೆಂಬ ಸಂದೇಶ ಈ ಆಚರಣೆಯಲ್ಲಿದೆ ಎಂದು ಶಿಕ್ಷಕರು ಹೇಳಿದರು.
ಇನ್ನು ಆಕಾಶದೆತ್ತರಕ್ಕೆ ಗಾಳಿಪಟಗಳನ್ನು ಹಾರಿಸುತ್ತ ಕುಣಿದು ಕುಪ್ಪಳಿಸಿದ್ರು. ಮಕ್ಕಳಿಗೆ ಶಿಕ್ಷಕರು ಮತ್ತು ಪೋಷಕರು ಸಾಥ್ ನೀಡಿದರು. ಆ ಮೂಲಕ ತಮ್ಮ ಬಾಲ್ಯವನ್ನು ನೆನೆದು ಮಕ್ಕಳ ಜತೆಗೆ ಮಕ್ಕಳಾದರು. ಮಕ್ಕಳು ಮತ್ತು ಪೋಷಕರು ಗಾಳಿಪಟ ಹಬ್ಬದಲ್ಲಿ ಮಿಂದೆದ್ದು ಖುಷಿಪಟ್ಟರು.
ಅಂತೆಯೇ ಮಕ್ಕಳಿಗೆ ಈರೀತಿಯ ಚಟುವಟಿಕೆಗಳ ಅಗತ್ಯತೆ ಇದೆ ಎಂಬ ಅಭಿಪ್ರಾಯ ವ್ಯಕ್ತಪಡಿಸಿದ್ರು. ಒಟ್ಟಾರೆಯಾಗಿ ಕೋಟೆನಾಡು ಚಿತ್ರದುರ್ಗ ನಗರದ ಜಯದೇವ ಕ್ರೀಡಾಂಗಣದಲ್ಲಿಂದು ಗಾಳಿಪಟಗಳೇ ಆಕಾಶದಲ್ಲಿ ಬಣ್ಣದ ಚಿತ್ತಾರ ಬಿಡಿಸಿದ್ದವು.
ಚಿಣ್ಣರು ಸೂತ್ರದಾರ ಹಿಡಿದು ಗಾಳಿಪಟದ ಏರಿಳಿತ ಕಂಡು ಏಂಜಾಯ್ ಮಾಡಿದ್ರು. ಮಕ್ಕಳ ಜತೆಗೆ ಶಿಕ್ಷಕರು ಮತ್ತು ಪೋಷಕರು ಸಹ ಮಕ್ಕಳಾಗಿ ಬಾಲ್ಯವ ನೆನೆದು ಪುಳಿಕತರಾದರು.
ಒಟ್ಟಿನಲ್ಲಿ ಕೋಟೆನಾಡು ಚಿತ್ರದುರ್ಗದಲ್ಲಿ ಗಾಳಿಪಟ ಹಬ್ಬವನ್ನೇ ಆಚರಿಸಲಾಗಿದ್ದು, ಶಿಕ್ಷಕರು ಮತ್ತು ಪೋಷಕರು ಮಕ್ಕಳಿಗೆ ಸಾಥ್ ನೀಡುವ ಮೂಲಕ ಬಾಲ್ಯ ನೆನೆದಿದ್ದಾರೆ.