Neeraj Chopra: ನೀರಜ್ ಆದಾಯ, ಕುಟುಂಬ, ಶಿಕ್ಷಣ, ಉದ್ಯೋಗ, ಪ್ರೇಯಸಿ ಕುರಿತಾದ ಎಲ್ಲಾ ವಿವರ ಇಲ್ಲಿದೆ
Neeraj Chopra: ಡಿಸೆಂಬರ್ 24, 1997 ರಂದು ಹರಿಯಾಣದ ಖಂಡ್ರಾ ಪಾಣಿಪತ್‌ನಲ್ಲಿ ಹರಿಯಾಣವಿ ಕುಟುಂಬದಲ್ಲಿ ಜನಿಸಿದ ನೀರಜ್, ಬಾಲ್ಯದಿಂದಲೂ ಕ್ರೀಡೆಯಲ್ಲಿ ಸಾಕಷ್ಟು ಸಕ್ರಿಯರಾಗಿದ್ದರು. ಆದರೆ ಸ್ಥೂಲಕಾಯದ ಮಗುವಾಗಿದ್ದ ನೀರಜ್ ತನ್ನ ತೂಕವನ್ನು ಕಡಿಮೆ ಮಾಡಲು, ಕ್ರೀಡಾ ಅಕಾಡೆಮಿಗೆ ಸೇರಿದರು. ಇಲ್ಲಿಂದ ನೀರಜ್ ಜೀವನ ಬದಲಾಯಿತು.
2020 ರ ಟೋಕಿಯೊ ಒಲಿಂಪಿಕ್ಸ್‌ನಲ್ಲಿ ಭಾರತಕ್ಕೆ ಮೊದಲ ಚಿನ್ನದ ಪದಕ ಗೆದ್ದುಕೊಟ್ಟು ರಾತ್ರೋರಾತ್ರಿ ವಿಶ್ವದ ಗಮನ ಸೆಳೆದಿದ್ದ ನೀರಜ್ ಚೋಪ್ರಾ ಇದೀಗ ವಿಶ್ವ ಅಥ್ಲೆಟಿಕ್ಸ್ ಚಾಂಪಿಯನ್‌ಶಿಪ್‌ನಲ್ಲಿ ಚಿನ್ನದ ಬೇಟಿಯಾಡುವುದರೊಂದಿಗೆ ಭಾರತದ ಕೀರ್ತಿ ಪತಾಕೆಯನ್ನು ಮತ್ತಷ್ಟು ಹೆಚ್ಚಿಸಿದ್ದಾರೆ.
1 / 9
ಡಿಸೆಂಬರ್ 24, 1997 ರಂದು ಹರಿಯಾಣದ ಖಂಡ್ರಾ ಪಾಣಿಪತ್‌ನಲ್ಲಿ ಹರಿಯಾಣವಿ ಕುಟುಂಬದಲ್ಲಿ ಜನಿಸಿದ ನೀರಜ್, ಬಾಲ್ಯದಿಂದಲೂ ಕ್ರೀಡೆಯಲ್ಲಿ ಸಾಕಷ್ಟು ಸಕ್ರಿಯರಾಗಿದ್ದರು. ಆದರೆ ಸ್ಥೂಲಕಾಯದ ಮಗುವಾಗಿದ್ದ ನೀರಜ್ ತನ್ನ ತೂಕವನ್ನು ಕಡಿಮೆ ಮಾಡಲು, ಕ್ರೀಡಾ ಅಕಾಡೆಮಿಗೆ ಸೇರಿದರು. ಇಲ್ಲಿಂದ ನೀರಜ್ ಜೀವನ ಬದಲಾಯಿತು.
2 / 9
ನೀರಜ್ ಚೋಪ್ರಾ ಕುಟುಂಬ: ನೀರಜ್ ಸಾಮಾನ್ಯ ಹರ್ಯಾನ್ವಿ ಕುಟುಂಬಕ್ಕೆ ಸೇರಿದವರಾಗಿದ್ದು, ಅವರ ಕುಟುಂಬದ ಹೆಚ್ಚಿನ ಸದಸ್ಯರು ಕೃಷಿಕರಾಗಿ ಜೀವನ ನಡೆಸುತ್ತಿದ್ದಾರೆ. ಚೋಪ್ರಾ ಅವರದ್ದು ಅವಿಭಕ್ತ ಕುಟುಂಬವಾಗಿದ್ದು, ಅವರ ತಂದೆಯ ಎಲ್ಲಾ ಸಹೋದರರು ಒಟ್ಟಿಗೆ ವಾಸಿಸುತ್ತಿದ್ದಾರೆ. ನೀರಜ್ ಅವರ ತಂದೆ ಸತೀಶ್ ಕುಮಾರ್ ಕೃಷಿಕರಾಗಿದ್ದರೆ, ತಾಯಿ ಸರೋಜ ದೇವಿ ಗೃಹಿಣಿಯಾಗಿದ್ದಾರೆ.
3 / 9
ಪ್ರೇಯಸಿ: ನೀರಜ್ ಚೋಪ್ರಾ ಅವರನ್ನು ನೀವು ಯಾರೊಂದಿಗಾದರೂ ಡೇಟಿಂಗ್ ಮಾಡುತ್ತಿದ್ದೀರಾ ಎಂದು ಆಗಾಗ್ಗೆ ಕೇಳಲಾಗುತ್ತದೆ. ಆದರೆ ಇದಕ್ಕೆ ನೀರಜ್ ನೀಡುವ ಉತ್ತರವೆಂದರೆ, ನಾನು ಯಾವಾಗಲೂ ತಮ್ಮ ವೃತ್ತಿಜೀವನದ ಮೇಲೆ ಕೇಂದ್ರೀಕರಿಸುತ್ತಿದ್ದೇನೆ. ಹೀಗಾಗಿ ನನಗೆ ಯಾವ ಪ್ರೇಯಸಿಯೂ ಇಲ್ಲ ಎಂದು ನೀರಜ್ ಹೇಳಿಕೊಳ್ಳುತ್ತಾರೆ.
4 / 9
ಶೈಕ್ಷಣಿಕ ಅರ್ಹತೆ: ನೀರಜ್ ತನ್ನ ಶಾಲಾ ಪ್ರಾಥಮಿಕ ಶಿಕ್ಷಣವನ್ನು ಹರಿಯಾಣದ ಬಿವಿಎನ್ ಪಬ್ಲಿಕ್ ಸ್ಕೂಲ್‌ನಲ್ಲಿ ಮುಗಿಸಿದರು. ತನ್ನ ಪದವಿ ವ್ಯಾಸಂಗವನ್ನು ಚಂಡೀಗಢದ DAV ಕಾಲೇಜಿನಲ್ಲಿ ಆರಂಭಿಸಿದ ನೀರಜ್, ಜಾವೆಲಿನ್ ತರಬೇತಿಯಿಂದಾಗಿ ಕಾಲೇಜ್ ಬಿಡಬೇಕಾಯ್ತು. ಬಳಿಕ 2021 ರಲ್ಲಿ, ತಮ್ಮ ಬ್ಯಾಚುಲರ್ ಆಫ್ ಆರ್ಟ್ಸ್ (BA) ಮುಂದುವರಿಸಲು ಲವ್ಲಿ ಪ್ರೊಫೆಷನಲ್ ಯೂನಿವರ್ಸಿಟಿ (LPU) ಗೆ ನೀರಜ್ ಮತ್ತೆ ಪ್ರವೇಶ ಪಡೆದರು.
5 / 9
ಭಾರತೀಯ ಸೇನೆಯಲ್ಲಿ ಕೆಲಸ: ಕ್ರೀಡಾ ವಲಯದಲ್ಲಿ ಸಾಧನೆಗೈದಿರುವ ನೀರಜ್ ಚೋಪ್ರಾ ಅವರು ಸೇನೆಯಲ್ಲಿ ಜೂನಿಯರ್ ಕಮಿಷನ್ಡ್ ಆಫೀಸರ್ (JCO) ಆಗಿ ನೇಮಕಗೊಂಡರು. ಟೋಕಿಯೊ ಒಲಿಂಪಿಕ್ಸ್‌ನಲ್ಲಿ ಜಾವೆಲಿನ್ ಎಸೆತದಲ್ಲಿ ಚಿನ್ನ ಗೆದ್ದ ನಂತರ, ಅವರಿಗೆ ಪರಮ ವಿಶಿಷ್ಟ ಸೇವಾ ಪದಕ (ಪಿವಿಎಸ್‌ಎಂ) ನೀಡಲಾಯಿತು. ಬಳಿಕ ನೀರಜ್ ಚೋಪ್ರಾ ಅವರು ಸೇನೆಯ ಅತ್ಯಂತ ಹಳೆಯ ರೈಫಲ್ ರೆಜಿಮೆಂಟ್ಸ್ ಮತ್ತು ಅದರ ಪೋಷಕ ಘಟಕವಾದ ರಜಪೂತ್ ರೈಫಲ್ಸ್‌ನಲ್ಲಿ ಕಾರ್ಯನಿರ್ವಹಿಸುತ್ತಿದ್ದರು. ಬಳಿಕ ಏಷ್ಯನ್ ಗೇಮ್ಸ್‌ನಲ್ಲಿ ಅದ್ಭುತ ಪ್ರದರ್ಶನ ನೀಡಿದ ನೀರಜ್ಗೆ ಬಡ್ತಿ ನೀಡಲಾಯಿತು. ಪ್ರಸ್ತುತ ನೀರಜ್ ಸುಬೇದಾರ್ ಶ್ರೇಣಿಯನ್ನು ಹೊಂದಿದ್ದಾರೆ.
6 / 9
ನೀರಜ್ ಚೋಪ್ರಾ ನಿವ್ವಳ ಮೌಲ್ಯ: ನೀರಜ್ ಚೋಪ್ರಾ ಬಹಳಷ್ಟು ಪಂದ್ಯಾವಳಿಗಳು, ಪದಕಗಳು ಮತ್ತು ಬಹುಮಾನದ ಹಣವನ್ನು ಗೆದ್ದಿದ್ದಾರೆ. 2023 ರ ಹೊತ್ತಿಗೆ, ನೀರಜ್ ಚೋಪ್ರಾ ಅವರ ನಿವ್ವಳ ಮೌಲ್ಯವು ಸುಮಾರು ರೂ. 34 ರಿಂದ 35 ಕೋಟಿ ಎಂದು ಅಂದಾಜಿಸಲಾಗಿದೆ.
7 / 9
ನೀರಜ್ ದುಬಾರಿ ವಾಹನಗಳ ಒಡೆಯ ಕೂಡ ಆಗಿದ್ದು ಅವರ ಬಳಿ ಮಹೀಂದ್ರಾ XUV 700, ಮಹೀಂದ್ರಾ ಥಾರ್, ಟೊಯೊಟಾ ಫಾರ್ಚುನರ್, ರೇಂಜ್ ರೋವರ್ ಸ್ಪೋರ್ಟ್, ಫೋರ್ಡ್ ಮಸ್ಟಾಂಗ್ ಜಿಟಿ ಮತ್ತು ಹಾರ್ಲೆ-ಡೇವಿಡ್ಸನ್ 1200 ರೋಡ್‌ಸ್ಟರ್ ವಾಹನಗಳಿವೆ.
8 / 9
ಅಲ್ಲದೆ, ಅವರು ವಿವಿಧ ದೊಡ್ಡ ಬ್ರ್ಯಾಂಡ್‌ಗಳ ಬ್ರ್ಯಾಂಡ್‌ ಅಂಬಾಸಿಡರ್ ಆಗಿದ್ದು, ನೀರಜ್ ಒಲಿಂಪಿಕ್ ಚಿನ್ನದ ಪದಕವನ್ನು ಗೆದ್ದ ನಂತರ, ಅವರ ಬ್ರ್ಯಾಂಡ್‌ ಮೌಲ್ಯ ವರ್ಷಕ್ಕೆ 2.5 ಕೋಟಿ ರೂ. ಎಂದು ಅಂದಾಜಿಸಲಾಗಿದೆ.
