ರೋಚಕತೆ ಸೃಷ್ಟಿಸಿರುವ ನಥಿಂಗ್ ಫೋನ್ 2a ಇಂದು ಬಿಡುಗಡೆ: ಬೆಲೆ ಎಷ್ಟಿರಬಹುದು?
ನಥಿಂಗ್ ಫೋನ್ 1 ಗಿಂತ ನಥಿಂಗ್ ಫೋನ್ 2(ಎ) ಬೆಲೆ ಕೂಡ ಅಗ್ಗವಾಗಿರಲಿದೆಯಂತೆ. ಈ ಫೋನ್ ಮೀಡಿಯಾ ಟೆಕ್ ಡೈಮೆನ್ಸಿಟಿ 7200 ಅಲ್ಟ್ರಾ ಪ್ರೊಸೆಸರ್‌ನಿಂದ ಚಾಲಿತವಾಗಲಿದೆ. ಹಾಗೆಯೆ ಇದು ‘ಗ್ಲಿಫ್ ಇಂಟರ್ಫೇಸ್’ ಇಲ್ಲದೆ ಬಿಡುಗಡೆಯಾಗಲಿದೆ ಎಂಬ ಮಾತಿದೆ. ಈ ಫೋನಿನ ಬೆಲೆ ಸುಮಾರು ರೂ. 31,000 ಇರಬಹುದು.
ಕಳೆದ ಎರಡು ವರ್ಷಗಳಿಂದ ನಥಿಂಗ್ ಫೋನ್ ಎಲ್ಲರನ್ನೂ ಆಕರ್ಷಿಸುತ್ತಿವೆ. ಭಾರತದಲ್ಲಿ ಫೋನ್ ಮಾರಾಟದ ವಿಷಯದಲ್ಲೂ ಇದು ಮುಂಚೂಣಿಯಲ್ಲಿದೆ. ಇದೀಗ ಈ ಕಂಪನಿಯ ಹೊಸ ಸ್ಮಾರ್ಟ್ಫೋನ್ ಬಿಡುಗಡೆಗೆ ಸಜ್ಜಾಗಿದೆ. ಅದುವೇ ನಥಿಂಗ್ ಫೋನ್ 2(A). ಈ ಫೋನ್ ಇಂದು ಮಾರ್ಚ್ 5, 2024 ರಂದು ಭಾರತದಲ್ಲಿ ಅನಾವರಣಗೊಳ್ಳಲಿದೆ.
ಲಂಡನ್ ಮೂಲದ ನಥಿಂಗ್ ಟೆಕ್ನಾಲಜಿ ಕಂಪನಿಯು ಕಳೆದ ಕೆಲವು ತಿಂಗಳುಗಳಿಂದ ಈ ಹೊಸ ಫೋನ್ ಬಗ್ಗೆ ಒಂದಲ್ಲ ಒಂದು ಮಾಹಿತಿ ಹಂಚಿಕೊಳ್ಳುತ್ತಲೇ ಇದೆ. ನಥಿಂಗ್ ಫೋನ್ 2(A) 6.7-ಇಂಚಿನ 120Hz ಡಿಸ್ಪ್ಲೇ ಮತ್ತು 12GB RAM ನೊಂದಿಗೆ ಬಿಡುಗಡೆ ಆಗುವ ಸಾಧ್ಯತೆಯಿದೆ ಎಂದು ಕೆಲವು ವರದಿಗಳಿವೆ.
ನಥಿಂಗ್ ಫೋನ್ 1 ಗಿಂತ ನಥಿಂಗ್ ಫೋನ್ 2(ಎ) ಬೆಲೆ ಕೂಡ ಅಗ್ಗವಾಗಿರಲಿದೆಯಂತೆ. ಈ ಫೋನ್ ಮೀಡಿಯಾ ಟೆಕ್ ಡೈಮೆನ್ಸಿಟಿ 7200 ಅಲ್ಟ್ರಾ ಪ್ರೊಸೆಸರ್‌ನಿಂದ ಚಾಲಿತವಾಗಲಿದೆ. ಹಾಗೆಯೆ ಇದು ‘ಗ್ಲಿಫ್ ಇಂಟರ್ಫೇಸ್’ ಇಲ್ಲದೆ ಬಿಡುಗಡೆಯಾಗಲಿದೆ ಎಂಬ ಮಾತಿದೆ. ಈ ಫೋನಿನ ಬೆಲೆ ಸುಮಾರು ರೂ. 31,000 ಇರಬಹುದು.
ಈ ಸಾಧನವನ್ನು ಕಪ್ಪು ಮತ್ತು ಬಿಳಿ ಬಣ್ಣದಲ್ಲಿ ಬಿಡುಗಡೆ ಮಾಡಲಿದೆ ಎಂದು ವರದಿಗಳಿವೆ. ಹೆಚ್ಚುವರಿಯಾಗಿ, ಈ ಫೋನ್ 50MP ಡ್ಯುಯಲ್-ಕ್ಯಾಮೆರಾ ಸೆಟಪ್, 32MP ಮುಂಭಾಗದ ಕ್ಯಾಮೆರಾ ಮತ್ತು 1084×2412 ಪಿಕ್ಸೆಲ್ ರೆಸಲ್ಯೂಶನ್ ಡಿಸ್ಪ್ಲೇಯೊಂದಿಗೆ ಬರುತ್ತದೆ. ನಥಿಂಗ್ ಫೋನ್ 2(A) ಕ್ಯಾಮೆರಾದಲ್ಲಿ Sony IMX615 ಸಂವೇದಕವನ್ನು ಹೊಂದಿರುವುದು ಖಚಿತವಾಗಿದೆ.
ಆಂಡ್ರಾಯ್ಡ್ 14-ಆಧಾರಿತ ನಥಿಂಗ್ ಓಎಸ್ 2.5 ಕಸ್ಟಮ್ ಸ್ಕಿನ್ ಆಫ್ ದಿ ಬಾಕ್ಸ್ ಮೂಲಕ ರನ್ ಆಗುತ್ತದೆ. ಬ್ಯಾಟರಿ ಸಾಮರ್ಥ್ಯವು ಎಷ್ಟೆಂದು ತಿಳಿದುಬಂದಿಲ್ಲ, ಈ ಫೋನ್ 45W ವೇಗದ ಚಾರ್ಜಿಂಗ್ ಬೆಂಬಲವನ್ನು ಹೊಂದಿದೆಯಂತೆ. ಸಂಪರ್ಕ ಆಯ್ಕೆಗಳಲ್ಲಿ 5G, 4G LTE, Wi-Fi, ಬ್ಲೂಟೂತ್, GPS ಮತ್ತು USB ಟೈಪ್-C ಪೋರ್ಟ್ ಅನ್ನು ಒಳಗೊಂಡಿರಬಹುದು.