20ನೇ ವಯಸ್ಸಿಗೆ ಕೋಟಿ ಬೆಲೆಯ ಐಷಾರಾಮಿ ಕಾರು ಖರೀದಿಸಿದ ಕಿರುತೆರೆ ನಟಿ
ಅವನೀತ್ ಜನಿಸಿದ್ದು 2001ರಲ್ಲಿ. ಕೇವಲ 9ನೇ ವಯಸ್ಸಿಗೆ ಅವರು ರಿಯಾಲಿಟಿ ಶೋನಲ್ಲಿ ಸ್ಪರ್ಧಿಯಾಗಿ ಕಾಲಿಟ್ಟರು. ‘ಡ್ಯಾನ್ಸ್ ಇಂಡಿಯಾ ಲಿಟ್ಲ್ ಮಾಸ್ಟರ್’ ರಿಯಾಲಿಟಿ ಶೋನಲ್ಲಿ ಭಾಗವಹಿಸಿದರು.
ಬಣ್ಣದ ಲೋಕ ಸರಿಯಾದ ರೀತಿಯಲ್ಲಿ ಕೈ ಹಿಡಿದರೆ ಸಾಕು, ಹಣದ ಹೊಳೆಯೇ ಹರಿಯುತ್ತದೆ. ಸಾಕಷ್ಟು ಬ್ರ್ಯಾಂಡ್ಗಳು ಸ್ಟಾರ್ಗಳನ್ನು ಹುಡುಕಿಕೊಂಡು ಬರುತ್ತವೆ. ಒಂದು ಚಿತ್ರದ ಮೂಲಕ ವೃತ್ತಿ ಬದುಕೇ ಬದಲಾಯಿಸಿಕೊಂಡವರು ಅನೇಕರಿದ್ದಾರೆ.
ಹಿಂದಿ ಕಿರುತೆರೆ ನಟಿ ಅವನೀತ್ ಕೌರ್ ಕೂಡ ಚಿಕ್ಕ ವಯಸ್ಸಿನಲ್ಲೇ ಸಾಕಷ್ಟು ಖ್ಯಾತಿ ಗಳಿಸಿಕೊಂಡಿದ್ದಾರೆ. ಅವರು ಈಗ ಕೋಟಿ ಬೆಲೆಯ ಕಾರನ್ನು ಖರೀದಿ ಮಾಡಿದ್ದಾರೆ. ಅವರಿಗೆ ಈಗಿನ್ನೂ 20 ವರ್ಷ ವಯಸ್ಸು! ಅವನೀತ್ಗೆ ಎಲ್ಲರೂ ಅಭಿನಂದನೆ ತಿಳಿಸುತ್ತಿದ್ದಾರೆ.
ಅವನೀತ್ ಜನಿಸಿದ್ದು 2001ರಲ್ಲಿ. ಕೇವಲ 9ನೇ ವಯಸ್ಸಿಗೆ ಅವರು ರಿಯಾಲಿಟಿ ಶೋನಲ್ಲಿ ಸ್ಪರ್ಧಿಯಾಗಿ ಕಾಲಿಟ್ಟರು. ‘ಡ್ಯಾನ್ಸ್ ಇಂಡಿಯಾ ಲಿಟ್ಲ್ ಮಾಸ್ಟರ್’ ರಿಯಾಲಿಟಿ ಶೋನಲ್ಲಿ ಭಾಗವಹಿಸಿದರು. ಇದರಲ್ಲಿ ಏಳನೇ ಸ್ಥಾನಕ್ಕೆ ತೃಪ್ತಿ ಪಟ್ಟರು.
ಅವನೀತ್ ನಂತರ ಕೆಲವು ರಿಯಾಲಿಟಿ ಶೋಗಳಲ್ಲಿ ಪಾಲ್ಗೊಂಡರು. ಆ ಬಳಿಕ ಅವರು ಹಲವು ಧಾರಾವಾಹಿಗಳಲ್ಲಿ ನಟಿಸಿದರು. ಸಣ್ಣ ವಯಸ್ಸಿಗೆ ಸಾಕಷ್ಟು ಖ್ಯಾತಿ ಹಾಗೂ ಹಣ ಗಳಿಕೆ ಮಾಡಿದರು. ಹಲವು ಸಿನಿಮಾಗಳಲ್ಲೂ ನಟಿಸೋಕೆ ಅವರಿಗೆ ಅವಕಾಶ ದೊರೆತಿತ್ತು.
ಅವನೀತ್ 2014ರಲ್ಲಿ ಚಿತ್ರರಂಗಕ್ಕೂ ಕಾಲಿಟ್ಟರು. ಐದಾರು ಸಿನಿಮಾಗಳಲ್ಲೂ ಅವರು ನಟಿಸಿದ್ದಾರೆ. ವೆಬ್ ಸೀರಿಸ್ ಹಾಗೂ ಮ್ಯೂಸಿಕ್ ವಿಡಿಯೋಗಳ ಮೂಲಕವೂ ಅವರು ಛಾಪು ಮೂಡಿಸಿದ್ದಾರೆ. ಈಗ ಅವರು ರೇಂಜ್ ರೋವರ್ ಕಾರು ಖರೀದಿಸಿದ್ದಾರೆ.
ರೇಂಜ್ ರೋವರ್ ವೆಲಾರ್ ಕಾರನ್ನು ಅವನೀತ್ ಖರೀದಿ ಮಾಡಿದ್ದಾರೆ. ಇದರ ಬೆಲೆ 83 ಲಕ್ಷ (ಎಕ್ಸ್ ಶೋರೂಂ) ಇದೆ. ಈ ಕಾರಿನ ಆನ್ರೋಡ ಬೆಲೆ ಕೋಟಿ ರೂಪಾಯಿ ದಾಟಲಿದೆ.