ಸೈಮಾನಲ್ಲಿ ಮಿಂಚಿದ ಕನ್ನಡಿಗರು ಇಲ್ಲಿದೆ ಕೆಲವು ಸುಂದರ ಚಿತ್ರಗಳು
SIIMA 2024: ಸೈಮಾ 2024 ದುಬೈನಲ್ಲಿ ಅದ್ಧೂರಿಯಾಗಿ ನಡೆಯುತ್ತಿದೆ. ಕನ್ನಡದ ಹಲವು ಸೆಲೆಬ್ರಿಟಿಗಳು ಸೈಮಾನಲ್ಲಿ ಭಾಗವಹಿಸಿದ್ದರು. ಸೈಮಾನಲ್ಲಿ ಮಿಂಚು ಹರಿಸಿದ ಕನ್ನಡದ ಸೆಲೆಬ್ರಿಟಿಗಳ ಚಿತ್ರಗಳು ಇಲ್ಲಿವೆ.
ಸೈಮಾ 2024 ದುಬೈನಲ್ಲಿ ಅದ್ಧೂರಿಯಾಗಿ ನಡೆಯುತ್ತಿದೆ. ಶನಿವಾರ ನಡೆದ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದ ಕಿಚ್ಚ ಸುದೀಪ್, ಹಿರಿಯ ನಟಿ ಮಾಲಾಶ್ರೀ ಅವರೊಟ್ಟಿಗೆ ಆಪ್ತವಾದ ಮಾತುಕತೆಯಲ್ಲಿದ್ದಾರೆ.
ನಟ ಶಿವರಾಜ್ ಕುಮಾರ್ ಅವರು ಚಿತ್ರರಂಗಕ್ಕೆ ಸಲ್ಲಿಸಿರುವ ಅರ್ಧ ಶತಮಾನದ ಸೇವೆಯನ್ನು ಪರಿಗಣಿಸಿ ಅವರಿಗೆ ವಿಶೇಷ ಪ್ರಶಸ್ತಿಯನ್ನು ಸೈಮಾ ನೀಡಿದೆ. ನಟಿ ಶ್ರೆಯಾ ಹಾಗೂ ಮನೋಜ್ ಅವರು ಪ್ರಶಸ್ತಿ ನೀಡಿದ್ದಾರೆ.
ಕನ್ನಡದ ನಟ ದುನಿಯಾ ವಿಜಯ್ ಈ ಬಾರಿ ಸೈಮಾ ಗೆದ್ದಿದ್ದು ತೆಲುಗು ಸಿನಿಮಾಕ್ಕಾಗಿ. ತೆಲುಗಿನ ಭಗವಂತ ಕೇಸರಿ ಸಿನಿಮಾದ ವಿಲನ್ ಪಾತ್ರಕ್ಕೆ ದುನಿಯಾ ವಿಜಯ್ಗೆ ಅತ್ಯುತ್ತಮ ವಿಲನ್ ಪ್ರಶಸ್ತಿ ಬಂದಿದೆ.
ನಟಿ ರುಕ್ಮಿಣಿ ವಸಂತ್ ‘ಸಪ್ತ ಸಾಗರದಾಚೆ ಎಲ್ಲೋ’ ಸಿನಿಮಾಕ್ಕೆ ಅತ್ಯುತ್ತಮ ನಟಿ ಪ್ರಶಸ್ತಿ ಸ್ವೀಕಾರ ಮಾಡಿದರು. ಇದು ಅವರ ಮೊದಲ ಸೈಮಾ ಪ್ರಶಸ್ತಿ ಆಗಿದೆ. ‘ಸಪ್ತ ಸಾಗರದಾಚೆ ಎಲ್ಲೋ’ ಸಿನಿಮಾ ಹಲವು ಪ್ರಶಸ್ತಿ ಗೆದ್ದಿತು.
ನಟ ರಿಷಿ ಹಾಗೂ ಶುಬ್ರ ಅಯ್ಯಪ್ಪ ಅವರುಗಳು ಅಚ್ಚುಕಟ್ಟಾಗಿ, ತಮಾಷೆ ಭರಿತವಾಗಿ ಸೈಮಾ 2024 ಅವಾರ್ಡ್ ಶೋ ನಡೆಸಿಕೊಟ್ಟರು. ಕನ್ನಡ ಪ್ರಶಸ್ತಿ ವಿತರಣೆಗೆ ಇವರು ನಿರೂಪಕರಾಗಿದ್ದರು.
ನಟಿ ಶಾನ್ವಿ ಶ್ರೀವತ್ಸ ಅವರೂ ಸಹ ಪ್ರಶಸ್ತಿಗೆ ನಾಮಿನೇಟ್ ಆಗಿರಲಿಲ್ಲ ಆದರೆ ಸ್ಟೇಜ್ ಮೇಲೆ ಅತ್ಯುತ್ತಮವಾಗಿ ನೃತ್ಯ ಪ್ರದರ್ಶನ ನೀಡಿ ನೆರೆದವರ ಹೃದಯ ಗೆದ್ದರು ಶಾನ್ವಿ ಶ್ರೀವತ್ಸ.
ನಟಿ ಪ್ರಣಿತಾ ಅವರ ಯಾವ ಸಿನಿಮಾ ಸಹ ನಾಮಿನೇಟ್ ಆಗಿರಲಿಲ್ಲ ಆದರೆ ಅತಿಥಿಯಾಗಿ ಅವರು ಬಂದಿದ್ದರು. ಇತ್ತೀಚೆಗಷ್ಟೆ ಪ್ರಣಿತಾಗೆ ಗಂಡು ಮಗು ಆಗಿದೆ. ಹಾಗೆಂದು ಅವರು ಸೈಮಾ ತಪ್ಪಿಸಿಕೊಂಡಿಲ್ಲ.