‘ಸು ಫ್ರಮ್ ಸೋ’ ಚಿತ್ರದಲ್ಲಿ ಈ ಪಾತ್ರಗಳೇ ಹೈಲೈಟ್; ಮಿಸ್ ಮಾಡಲೇಬಾರದು
‘ಸು ಫ್ರಮ್ ಸೋ’ ಸಿನಿಮಾ ಬಗ್ಗೆ ಅಭಿಮಾನಿಗಳಿಗೆ ಸಾಕಷ್ಟು ನಿರೀಕ್ಷೆ ಮೂಡಿತ್ತು. ಆ ನೀರೀಕ್ಷೆಯನ್ನು ಮೀರಿ ಸಿನಿಮಾ ಮೆಚ್ಚುಗೆ ಪಡೆಯುತ್ತಿದೆ. ಈ ಚಿತ್ರದ ಪಾತ್ರವರ್ಗ ಹಾಗೂ ಪಾತ್ರಗಳ ವಿಶೇಷತೆಗಳ ಬಗ್ಗೆ ಇಲ್ಲಿದೆ ಮಾಹಿತಿ. ಈ ಸಿನಿಮಾ ಹೇಗಿದೆ ಎಂಬುದರ ವಿವರ ಕೂಡ ಇಲ್ಲಿದೆ.
‘ಸು ಫ್ರಮ್ ಸೋ’ ಸಿನಿಮಾದಲ್ಲಿ ರಾಜ್ ಬಿ ಶೆಟ್ಟಿ ಅವರು ನಿರ್ಮಾಣ ಮಾಡಿದ್ದಾರೆ. ಈ ಸಿನಿಮಾ ಜನರ ಮನ ಗೆದ್ದಿದೆ. ಈ ಚಿತ್ರವನ್ನು ಅವರು ನಿರ್ಮಾಣ ಮಾಡುವಂಥ ಬೋಲ್ಡ್ ನಿರ್ಧಾರ ತೆಗೆದುಕೊಂಡಿದ್ದಾರೆ ಅನ್ನೋದು ವಿಶೇಷ.
ಜೆಪಿ ತುಮಿನಾಡ್ ಅವರು ‘ಸು ಫ್ರಮ್ ಸೋ’ ಚಿತ್ರವನ್ನು ನಿರ್ದೇಶನ ಮಾಡಿದ್ದಾರೆ. ಜೊತೆಗೆ ಅಶೋಕ್ ಹೆಸರಿನ ಪಾತ್ರದಲ್ಲಿ ಅವರು ಕಾಣಿಸಿಕೊಂಡಿದ್ದಾರೆ. ಅವರು ಇಡೀ ಚಿತ್ರವನ್ನು ಒಳ್ಳೆಯ ರೀತಿಯಲ್ಲಿ ಕಟ್ಟಿಕೊಡುವ ಪ್ರಯತ್ನ ಮಾಡಿದ್ದಾರೆ.
ಶನೀಲ್ ಗೌತಮ್ ಅವರು ರವಿ ಆಗಿ ಮಿಂಚಿದ್ದಾರೆ. ಈ ಪಾತ್ರ ಸಿನಿಮಾ ಉದ್ದಕ್ಕೂ ಹೈಲೈಟ್ ಆಗಿದೆ. ‘ರವಿ ಅಣ್ಣ, ರವಿ ಅಣ್ಣ’ ಎಂಬುದೇ ಸಿನಿಮಾ ಪಾತ್ರದ ಹೆಸರು. ಈ ಪಾತ್ರಕ್ಕೆ ಸಾಕಷ್ಟು ತೂಕ ಇದೆ.
ಪ್ರಕಾಶ್ ತುಮಿನಾಡ್ ಅವರು ಈ ಮೊದಲು ಕೂಡ ಸಾಕಷ್ಟು ಸಿನಿಮಾಗಳನ್ನು ಮಾಡಿದ್ದಾರೆ. ರಂಗಭೂಮಿ ಹಿನ್ನೆಲೆ ಹೊಂದಿರುವ ಅವರು ಸಿನಿಮಾಗಳ ಮೂಲಕ ಮಿಂಚುತ್ತಿದ್ದಾರೆ. ಸಿನಿಮಾದಲ್ಲಿ ಚಂದ್ರ ಹೆಸರಿನ ಪಾತ್ರ ಮಾಡಿ ಗಮನ ಸೆಳೆದಿದ್ದಾರೆ.
ದೀಪಕ್ ರೈ ಪಣಜೆ ಅವರು ಸತೀಶ ಹೆಸರಿನ ಪಾತ್ರ ಮಾಡಿದ್ದಾರೆ. ಅವರು 13 ಸಾವಿರಕ್ಕೂ ಅಧಿಕ ನಾಟಕ ಮಾಡಿದ್ದಾರೆ. ಅವರು ಇಡೀ ದಿನ ಕುಡಿಯುತ್ತಾ ಸಮಯ ಕಳೆಯುವ ವ್ಯಕ್ತಿಯಾಗಿ ಅವರು ಮಿಂಚಿ ಗಮನ ಸೆಳೆದಿದ್ದಾರೆ.
ಮೈಮ್ ರಾಮ್ ದಾಸ್ ಅವರು ಚಿತ್ರದಲ್ಲಿ ಪ್ರಮುಖ ಪಾತ್ರದಲ್ಲಿ ಮಿಂಚಿದ್ದಾರೆ. ರವಿಗೆ ವಿರೋಧಿ ಗ್ಯಾಂಗ್ ಆಗಿ ಕಾಣಿಸಿಕೊಂಡಿದ್ದಾರೆ ಅವರು. ಮೈಮ್ ರಾಮ್ ದಾಸ್ ಈ ಮೊದಲು ‘ಒಂದು ಮೊಟ್ಟೆಯ ಕಥೆ’ಯ ಭಾಗ ಕೂಡ ಆಗಿದ್ದರು.
‘ಸು ಫ್ರಮ್ ಸೋ’ ಚಿತ್ರದಲ್ಲಿ ಭಾನು ಹೆಸರಿನ ಪಾತ್ರ ಬರುತ್ತದೆ. ಈ ಪಾತ್ರವು ಮಾಡಿದ್ದು ಸಂಧ್ಯ ಅರೆಕೆರೆ ಅವರು. ಮಧ್ಯಂತರದ ನಂತರ ಬಂದರೂ ಚಿತ್ರಕ್ಕೆ ಸಾಕಷ್ಟು ಬೇಡಿಕೆ ಇದೆ.
ಈ ಚಿತ್ರದಲ್ಲಿ ಬರೋ ಭಾವ ಹೆಸರಿನ ಪಾತ್ರ ಕೂಡ ಗಮನ ಸೆಳೆದಿದೆ. ಪಾತ್ರದ ಉದ್ದಕ್ಕೂ ಆ ಪಾತ್ರ ನಗಿಸುತ್ತದೆ. ಈ ಪಾತ್ರಕ್ಕಾಗಿ ವಿಶೇಷ ಹಾಡು ಕೂಡ ಇದೆ.