TVS Raider 125: ಕಡಿಮೆ ಬೆಲೆಯ ಅತ್ಯಾಕರ್ಷಕ ಟಿವಿಎಸ್ ರೈಡರ್ ಬಿಡುಗಡೆ
TVS Raider 125: ಈ ಬೈಕ್ನ ಸಾಮರ್ಥ್ಯದ ಬಗ್ಗೆ ನೋಡುವುದಾದರೆ, ಟಿವಿಎಸ್ ರೈಡರ್ 124.8 ಸಿಸಿ ಸಿಂಗಲ್ ಸಿಲಿಂಡರ್, 3-ವಾಲ್ವ್ ಎಂಜಿನ್ ಅನ್ನು ಹೊಂದಿದೆ. ಇದು 7500 ಆರ್ಪಿಎಂನಲ್ಲಿ 11.2 ಬಿಎಚ್ಪಿ ಮತ್ತು 6000 ಆರ್ಪಿಎಂನಲ್ಲಿ 11.2 ಎನ್ಎಂ ಗರಿಷ್ಠ ಟಾರ್ಕ್ ಅನ್ನು ಹೊರಹಾಕುತ್ತದೆ.
ಟಿವಿಎಸ್ ಮೋಟಾರ್ ಕಂಪನಿಯ ಬಹುನಿರೀಕ್ಷಿತ ರೈಡರ್-125 ಬೈಕ್ ಬಿಡುಗಡೆಯಾಗಿದೆ. 125 ಸಿಸಿ ವಿಭಾಗದಲ್ಲಿ ಬಿಡುಗಡೆಯಾಗಿರುವ ನೂತನ ಬೈಕ್ ಭಾರತದಲ್ಲಿ ಮಾತ್ರವಲ್ಲಿ, ಸಾರ್ಕ್ ರಾಷ್ಟ್ರಗಳು ಮತ್ತು ಲ್ಯಾಟಿನ್ ಅಮೇರಿಕನ್ ಮಾರುಕಟ್ಟೆಗಳಲ್ಲಿ ಮಾರಾಟ ಮಾಡಲಾಗುತ್ತಿರುವುದು ವಿಶೇಷ.
ಸ್ಪೋರ್ಟಿ ಲುಕ್ನಲ್ಲಿ ಬಿಡುಗಡೆಯಾಗಿರುವ ನೂತನ ಬೈಕ್ನ ಹೈಲೈಟ್ಗಳಲ್ಲಿ ಅದರಲ್ಲಿ ನೀಡಲಾಗಿರುವ ಎಲ್ಇಡಿ ಹೆಡ್ಲ್ಯಾಂಪ್ ಎಂದರೆ ತಪ್ಪಾಗಲಾರದು. ಡಿಆರ್ಎಲ್ ವಿನ್ಯಾಸಗೊಂಡಿರುವ ಈ ಹೆಡ್ಲ್ಯಾಂಪ್ ಬೈಕ್ಗೆ ಲುಕ್ ಹೆಚ್ಚಿಸಿದೆ. ಇನ್ನು ಇಂಧನ ಟ್ಯಾಂಕ್ ಬದಿಯಲ್ಲಿ ಕವಚಗಳು ಮತ್ತು ಎಂಜಿನ್ ಗಾರ್ಡ್ ಅನ್ನು ಸಹ ನೀಡಲಾಗಿರುವುದು ಬೈಕ್ ಲುಕ್ ಅನ್ನು ಮತ್ತಷ್ಟು ಆಕರ್ಷವಾಗಿದೆ. ಹಾಗೆಯೇ ವಿಭಜಿತ ಆಸನಗಳನ್ನು ನೀಡಿರುವುದರಿಂದ ಪ್ರಯಾಣವನ್ನು ಆರಾಮದಾಯಕವಾಗಿಸಲಿದೆ.
ಟಿವಿಎಸ್ ರೈಡರ್ 125 ಸಂಪೂರ್ಣ ಡಿಜಿಟಲ್ ಕನ್ಸೋಲ್ನೊಂದಿಗೆ ಬಿಡುಗಡೆಯಾಗಿರುವುದು ಇನ್ನೊಂದು ವಿಶೇಷ. ಇದು ಮೂರು ಟ್ರಿಪ್ ಮೀಟರ್, ಇಂಟಿಗ್ರೇಟೆಡ್ ಸ್ಟಾರ್ಟರ್ ಜನರೇಟರ್ ಇಂಡಿಕೇಟರ್, ಗೇರ್-ಶಿಫ್ಟ್ ಇಂಡಿಕೇಟರ್ ಮತ್ತು ಸರಾಸರಿ ವೇಗ ರೆಕಾರ್ಡರ್ ಸೇರಿದಂತೆ ಹಲವು ಮಾಹಿತಿಯನ್ನು ನೀಡಲಿದೆ. ಹಾಗೆಯೇ ಸುರಕ್ಷತಾ ವೈಶಿಷ್ಟ್ಯವಾಗಿ ಸೈಡ್-ಸ್ಟ್ಯಾಂಡ್ ಕಟ್-ಆಫ್ ಸ್ವಿಚ್ ಅನ್ನು ಸಹ ಬೈಕ್ನಲ್ಲಿ ನೀಡಲಾಗಿದೆ.
ಇನ್ನು ಈ ಬೈಕ್ನ ಸಾಮರ್ಥ್ಯದ ಬಗ್ಗೆ ನೋಡುವುದಾದರೆ, ಟಿವಿಎಸ್ ರೈಡರ್ 124.8 ಸಿಸಿ ಸಿಂಗಲ್ ಸಿಲಿಂಡರ್, 3-ವಾಲ್ವ್ ಎಂಜಿನ್ ಅನ್ನು ಹೊಂದಿದೆ. ಇದು 7500 ಆರ್ಪಿಎಂನಲ್ಲಿ 11.2 ಬಿಎಚ್ಪಿ ಮತ್ತು 6000 ಆರ್ಪಿಎಂನಲ್ಲಿ 11.2 ಎನ್ಎಂ ಗರಿಷ್ಠ ಟಾರ್ಕ್ ಅನ್ನು ಹೊರಹಾಕುತ್ತದೆ. ಹಾಗೆಯೇ ಮೋಟಾರ್ ಅನ್ನು 5-ಸ್ಪೀಡ್ ಗೇರ್ಬಾಕ್ಸ್ನೊಂದಿಗೆ ಜೋಡಿಸಲಾಗಿದೆ. ಇನ್ನು
ಇದರಲ್ಲಿ ಎರಡು ರೈಡಿಂಗ್ ಮೋಡ್ ನೀಡಲಾಗಿದ್ದು, ಅದರಂತೆ ಇಕೋ ಮತ್ತು ಪವರ್ ರೈಡಿಂಗ್ ಮೋಡ್ ಇರಲಿದೆ. ಪವರ್ ರೈಡಿಂಗ್ ಮೋಡ್ ಮೂಲಕ ಸುಮಾರು 10 ಪ್ರತಿಶತ ಹೆಚ್ಚಿನ ವೇಗದ ಶಕ್ತಿಯನ್ನು ಪಡೆಯಬಹುದು. ಬೈಕ್ ಮುಂಭಾಗದಲ್ಲಿ ಟೆಲಿಸ್ಕೋಪಿಕ್ ಫೋರ್ಕ್ಗಳನ್ನು ಮತ್ತು ಹಿಂಭಾಗದಲ್ಲಿ ಮೊನೊಶಾಕ್ ಅನ್ನು ನೀಡಲಾಗಿದೆ. 17 ಇಂಚಿನ ಅಲ್ಹೋವ್ ವೀಲ್ಗಳು ಇದರಲ್ಲಿದ್ದು, ಜೊತೆಗೆ ಡಿಸ್ಕ್ ಬ್ರೇಕ್ಗಳನ್ನು ನೀಡಲಾಗಿರುವುದು ವಿಶೇಷ.
ರೈಡರ್ 125 ಹಳದಿ, ಕೆಂಪು ಮತ್ತು ಕಪ್ಪು ಎಂಬ ಮೂರು ಬಣ್ಣಗಳ ಆಯ್ಕೆಗಳಲ್ಲಿ ಖರೀದಿಗೆ ಲಭ್ಯವಿದ್ದು, ಇದರ ಬೆಲೆ 77,500 ರೂ. (ಎಕ್ಸ್ ಶೋರೂಂ)
Published On - 6:41 pm, Thu, 16 September 21