Kannada News Photo gallery Why check Bank Statement Every Month five Reasons You Must To spot avoid fraudulent transactions To monitor the fees collected by the banks and other reasons
ತಿಂಗಳಿಗೊಮ್ಮೆಯಾದರೂ ಬ್ಯಾಂಕ್ ಸ್ಟೇಟ್ಮೆಂಟ್ ಪರಿಶೀಲಿಸಬೇಕು; ಯಾಕೆಂಬುದು ಇಲ್ಲಿದೆ ನೋಡಿ
ಬ್ಯಾಂಕ್ ಸ್ಟೇಟ್ಮೆಂಟ್ ಎಂಬುದು ನಮ್ಮ ಬ್ಯಾಂಕ್ ಖಾತೆಯಲ್ಲಿ ನಡೆದ ವಹಿವಾಟಿಗೆ ಸಂಬಂಧಿಸಿದ ವಿವರವಾದ ಮಾಹಿತಿ. ಯಾವಾಗ ಎಷ್ಟು ಹಣ ಡ್ರಾ ಆಗಿದೆ, ವರ್ಗಾವಣೆಯಾಗಿದೆ, ಎಷ್ಟು ಹಣ ಸ್ವೀಕರಿಸಲಾಗಿದೆ ಎಂಬ ವಿವರ ದಿನಾಂಕ, ಸಮಯ, ವಹಿವಾಟಿನ ವಿವರ ಸಮೇತ ಬ್ಯಾಂಕ್ ಸ್ಟೇಟ್ಮೆಂಟ್ನಲ್ಲಿರುತ್ತದೆ.
ಡಿಜಿಟಲ್ ಪಾವತಿಯ ಈ ಕಾಲದಲ್ಲಿ ಹೆಚ್ಚಿನೆಲ್ಲಾ ಹಣಕಾಸು ವ್ಯವಹಾರಗಳೂ ಆನ್ಲೈನ್ನಲ್ಲೇ ನಡೆಯುತ್ತದೆ. ಆದರೆ, ಬ್ಯಾಂಕ್ ಸ್ಟೇಟ್ಮೆಂಟ್ ಆಗಾಗ ಪರಿಶೀಲಿಸುತ್ತಿರುವವರ ಸಂಖ್ಯೆ ಕಡಿಮೆ.
1 / 7
ಕನಿಷ್ಠ ತಿಂಗಳಿಗೊಮ್ಮೆಯಾದರೂ ಬ್ಯಾಂಕ್ ಸ್ಟೇಟ್ಮೆಂಟ್ ಪರಿಶೀಲಿಸುತ್ತಿರಬೇಕು ಎನ್ನುತ್ತಾರೆ ತಜ್ಞರು. ಸಾಮಾನ್ಯವಾಗಿ ಬ್ಯಾಂಕ್ಗಳು ಪ್ರತಿ ತಿಂಗಳು ಸ್ಟೇಟ್ಮೆಂಟ್ ಅನ್ನು ಗ್ರಾಹಕರ ಇ-ಮೇಲ್ ಐಡಿಗೆ ಕಳುಹಿಸುತ್ತವೆ. ಇದರ ಮೇಲೊಮ್ಮೆ ಕಣ್ಣಾಡಿಸಲೇಬೇಕು. ಯಾಕೆ ಎಂಬುದಕ್ಕೆ ಕೆಲವು ಕಾರಣಗಳನ್ನು ಇಲ್ಲಿ ನೀಡಲಾಗಿದೆ.
2 / 7
ಇತ್ತೀಚಿನ ದಿನಗಳಲ್ಲಿ ವಿಶ್ವದಾದ್ಯಂತ ಹಣಕಾಸು ಅಕ್ರಮಗಳು ಜಾಸ್ತಿಯಾಗುತ್ತಿವೆ. ಒಂದು ವೇಳೆ ಹಾಗೇನಾದರೂ ಅಕ್ರಮ ನಡೆದಿದ್ದಲ್ಲಿ ಸ್ಟೇಟ್ಮೆಂಟ್ ನೋಡಿದರೆ ಗೊತ್ತಾಗುವ ಸಾಧ್ಯತೆ ಇದೆ. ತಕ್ಷಣವೇ ಬ್ಯಾಂಕ್ಗೆ ಮಾಹಿತಿ ನೀಡಬಹುದು.
3 / 7
ಹಣ ಖರ್ಚಾಗುತ್ತಿರುವುದರ ಬಗ್ಗೆ ನಿಖರ ಮಾಹಿತಿ ತಿಳಿದುಕೊಳ್ಳಲೂ ಬ್ಯಾಂಕ್ ಸ್ಟೇಟ್ಮೆಂಟ್ ಪರಿಶೀಲಿಸುವುದರಿಂದ ಪ್ರಯೋಜನವಾಗಲಿದೆ. ಪ್ರತಿಯೊಂದು ಖರ್ಚು ವೆಚ್ಚದ ಬಗ್ಗೆಯೂ ಲೆಕ್ಕ ಬರೆದಿಟ್ಟುಕೊಳ್ಳಲು ಸಾಧ್ಯವಾಗುವುದಿಲ್ಲ. ಆದರೆ, ಬ್ಯಾಂಕ್ ಸ್ಟೇಟ್ಮೆಂಟ್ನಲ್ಲಿ ಎಲ್ಲ ವಿವರಗಳೂ ದೊರೆಯುತ್ತವೆ.
4 / 7
ಬ್ಯಾಂಕ್ಗಳು ಯಾವ ಸೇವೆಗೆ ಎಷ್ಟು ಶುಲ್ಕ ವಿಧಿಸಿವೆ, ಆ ಸೇವೆಗಳು ನಮಗೆ ಅಗತ್ಯವಿದೆಯೇ ಎಂಬುದನ್ನು ಪರಿಶೀಲಿಸಲು ಸ್ಟೇಟ್ಮೆಂಟ್ ಪರಿಶೀಲಿಸುವುದು ಅಗತ್ಯ. ಇಲ್ಲವಾದಲ್ಲಿ ನಮಗೆ ಬೇಡವಾದ ಸೇವೆಗಳಿಗೂ ಶುಲ್ಕ ಪಾವತಿಸಿಕೊಂಡು ವ್ಯರ್ಥವಾಗಿ ಹಣ ಪೋಲಾಗಬಹುದು.
5 / 7
ತಿಂಗಳ ಖರ್ಚು ವೆಚ್ಚಗಳ ಅಂದಾಜು ಲೆಕ್ಕಾಚಾರ ಮೊದಲೇ ಹಾಕಿಡಲು, ಅದಕ್ಕೆ ಪೂರಕವಾಗಿ ನಮ್ಮ ಯೋಜನೆಗಳನ್ನು ರೂಪಿಸಿಕೊಳ್ಳಲು ಬ್ಯಾಂಕ್ ಸ್ಟೇಟ್ಮೆಂಟ್ ನೋಡುವುದರಿಂದ ಪ್ರಯೋಜನವಾಗಲಿದೆ.
6 / 7
ಹೆಚ್ಚಿನವರು ವಿವಿಧ ಬ್ಯಾಂಕ್ಗಳ ಖಾತೆಗಳಲ್ಲಿ ಸ್ವಲ್ಪ ಸ್ವಲ್ಪ ಹಣ ಇಟ್ಟಿರುತ್ತಾರೆ. ಹೀಗೆ ಇರುವ ನಿಷ್ಕ್ರಿಯ ಮೊತ್ತವನ್ನು ಗಮನಿಸಿ ಹೆಚ್ಚು ಲಾಭ ದೊರೆಯಬಹುದಾದ ಹೂಡಿಕೆ ಮಾಡಲು ಸ್ಟೇಟ್ಮೆಂಟ್ ಗಮನಿಸುವುದರಿಂದ ಪಚ್ರಯೋಜನವಾಗಲಿದೆ.
