ಇಂದು ಮಾರುಕಟ್ಟೆಗೆ ಅಪ್ಪಳಿಸಲಿದೆ ಶವೋಮಿ 14 ಸರಣಿ: ಕಣ್ಣು ಕುಕ್ಕುತ್ತಿದೆ ಕ್ಯಾಮೆರಾ ಫೀಚರ್ಸ್
Xiaomi 14 Series Launch Today: ಶವೋಮಿ 14 ಸರಣಿಯ ಶವೋಮಿ 14 ಮತ್ತು ಶವೋಮಿ 14 ಪ್ರೊ ಫೋನ್ ಅಕ್ಟೋಬರ್ 26 ಇಂದು ಚೀನಾದಲ್ಲಿ 19:00pm (4:30pm IST) ಕ್ಕೆ ಅನಾವರಣಗೊಳ್ಳಲಿದೆ. ಚೀನೀ ಬ್ರಾಂಡ್‌ನ ಈ ಫೋನ್ನಲ್ಲಿ ಹೊಚ್ಚ ಹೊಸ ಆಪರೇಟಿಂಗ್ ಸಿಸ್ಟಂ ಇರಲಿದೆ. ಈ ಫೋನಿನ ಬೆಲೆ, ಫೀಚರ್ಸ್ ಬಗ್ಗೆ ಅಧಿಕೃತ ಮಾಹಿತಿ ಹೊರಬಿದ್ದಿಲ್ಲ.
ಟೆಕ್ ಮಾರುಕಟ್ಟೆಯಲ್ಲಿ ಭಾರೀ ಸಂಚಲನ ಸೃಷ್ಟಿಸಿರುವ ಶವೋಮಿ ಕಂಪನಿಯ ಬಹುನಿರೀಕ್ಷಿತ ಸ್ಮಾರ್ಟ್ಫೋನ್ ಶವೋಮಿ 14 ಸರಣಿಯ (Xiaomi 14 Series) ಇಂದು ಟೆಕ್ ಲೋಕಕ್ಕೆ ಕಾಲಿಡಲಿದೆ. ಈ ಸರಣಿಯಲ್ಲಿ ಒಟ್ಟು ಎರಡು ಸ್ಮಾರ್ಟ್‌ಫೋನ್‌ಗಳು ಇರಲಿದೆ ಎಂದು ಹೇಳಲಾಗಿದೆ.
ಶವೋಮಿ 14 ಸರಣಿಯ ಶವೋಮಿ 14 ಮತ್ತು ಶವೋಮಿ 14 ಪ್ರೊ ಫೋನ್ ಅಕ್ಟೋಬರ್ 26 ಇಂದು ಚೀನಾದಲ್ಲಿ 19:00pm (4:30pm IST) ಕ್ಕೆ ಅನಾವರಣಗೊಳ್ಳಲಿದೆ. ಚೀನೀ ಬ್ರಾಂಡ್‌ನ ಈ ಫೋನ್ನಲ್ಲಿ ಹೊಚ್ಚ ಹೊಸ ಆಪರೇಟಿಂಗ್ ಸಿಸ್ಟಂ ಇರಲಿದೆ. ಈ ಫೋನಿನ ಬೆಲೆ, ಫೀಚರ್ಸ್ ಬಗ್ಗೆ ಅಧಿಕೃತ ಮಾಹಿತಿ ಹೊರಬಿದ್ದಿಲ್ಲ. ಆದರೆ, ಕೆಲ ವಿಶೇಷತೆಗಳು ಸೋರಿಕೆ ಆಗಿದೆ.
ಕಂಪನಿಯು ಶವೋಮಿ 14 ಸರಣಿಯನ್ನು ಮಾತ್ರ ಉಲ್ಲೇಖಿಸಿದ್ದರೂ, ಇದು ಕ್ರಮವಾಗಿ ಶವೋಮಿ 13 ಮತ್ತು ಶವೋಮಿ 13 ಪ್ರೊನ ಉತ್ತರಾಧಿಕಾರಿಗಳಾದ ಶವೋಮಿ 14 ಮತ್ತು ಶವೋಮಿ 14 ಪ್ರೊ ಅನ್ನು ಒಳಗೊಂಡಿರುತ್ತದೆ ಎಂದು ನಿರೀಕ್ಷಿಸಬಹುದು. ಮುಂಬರುವ ಸ್ಮಾರ್ಟ್‌ಫೋನ್‌ಗಳು ಹೊಸದಾದ ಲೈಕಾ-ಟ್ಯೂನ್ಡ್ ಕ್ಯಾಮೆರಾ ಘಟಕಗಳನ್ನು ಹೊಂದಿರುವುದು ವಿಶೇಷ.
ಸೋರಿಕೆಯಾದ ಮಾಹಿತಿಯ ಪ್ರಕಾರ, ಶವೋಮಿ 14 ಸ್ಮಾರ್ಟ್ಫೋನ್ 6.44-ಇಂಚಿನ Huaxing C8 OLED ಡಿಸ್ಪ್ಲೇ, 1.5K ರೆಸಲ್ಯೂಶನ್ ಮತ್ತು 120Hz ರಿಫ್ರೆಶ್ ದರವನ್ನು ಹೊಂದಿರುತ್ತದೆ. ಪ್ರೊ ಮಾದರಿಯು 2K ರೆಸಲ್ಯೂಶನ್ ಮತ್ತು 120Hz ರಿಫ್ರೆಶ್ ದರದೊಂದಿಗೆ 6.6-ಇಂಚಿನ ಫ್ಲಾಟ್ AMOLED 2.5D ಡಿಸ್ಪ್ಲೇಯನ್ನು ಪ್ಯಾಕ್ ಮಾಡಬಹುದು.
ಎರಡೂ ಮಾದರಿಗಳು ಕ್ವಾಲ್ಕಾಮ್ನ ಮುಂಬರುವ ಸ್ನಾಪ್ಡ್ರಾಗನ್ 8 Gen 3 SoC ನಲ್ಲಿ ರನ್ ಆಗುತ್ತವೆ ಎಂದು ಹೇಳಲಾಗಿದೆ. ಶವೋಮಿಯ 14 ಸರಣಿಯು HyperOS ಆಪರೇಟಿಂಗ್ ಸಿಸ್ಟಮ್ ಮೂಲಕ ಕಾರ್ಯನಿರ್ವಹಿಸುವ ಮೊದಲ ಫೋನ್ ಆಗಿದೆ. 14 ಸರಣಿಯು ಟ್ರಿಪಲ್ ಹಿಂಬದಿಯ ಕ್ಯಾಮೆರಾ ಘಟಕದೊಂದಿಗೆ ಬರುತ್ತದೆ. OIS ಜೊತೆಗೆ 50-ಮೆಗಾಪಿಕ್ಸೆಲ್ OV50H ಮುಖ್ಯ ಕ್ಯಾಮೆರಾವನ್ನು ಒಳಗೊಂಡಿರುತ್ತದೆ.
ಶವೋಮಿ 14 ನಲ್ಲಿ 90W ವೈರ್ಡ್ ಚಾರ್ಜಿಂಗ್, 50W ವೈರ್‌ಲೆಸ್ ಚಾರ್ಜಿಂಗ್ ಮತ್ತು 10W ರಿವರ್ಸ್ ವೈರ್‌ಲೆಸ್ ಚಾರ್ಜಿಂಗ್‌ಗೆ ಬೆಂಬಲದೊಂದಿಗೆ 4,600mAh ಬ್ಯಾಟರಿ ಇರುತ್ತದೆ. ಶವೋಮಿ 14 ಪ್ರೊ 4,860mAh ಬ್ಯಾಟರಿಯನ್ನು ಹೊಂದಿದ್ದು, 120W ವೈರ್ಡ್ ಫಾಸ್ಟ್ ಚಾರ್ಜಿಂಗ್ ಮತ್ತು 50W ವೈರ್‌ಲೆಸ್ ಚಾರ್ಜಿಂಗ್ ಬೆಂಬಲವನ್ನು ಹೊಂದಿದೆ.