2020 Year in Review | ಲಾಕ್ಡೌನ್ ಏಕಾಂತದಲ್ಲಿ ಚಾಲೆಂಜ್ ಸುಗ್ಗಿ; ಸೋಷಿಯಲ್ ಮೀಡಿಯಾದಲ್ಲಿ ಬಗೆಬಗೆ ಚಾಲೆಂಜ್ಗಳು

2020ರ ಕೊನೆಯ ಹೆಜ್ಜೆಯಲ್ಲಿ ಇಂಥ ಚಾಲೆಂಜ್ಗಳನ್ನು ಮೆಲುಕು ಹಾಕುವುದೂ ಮಜಾ ಎನಿಸುತ್ತೆ. ಇಲ್ಲಿದೆ 2020ರಲ್ಲಿ ವೈರಲ್ ಆಗಿ, ನಮ್ಮನಿಮ್ಮೆಲ್ಲರ ಗಮನ ಸೆಳೆದ ಸೋಷಿಯಲ್ ಮೀಡಿಯಾ ಚಾಲೆಂಜ್ಗಳ ಮೆಲುಕು. ನೀವು ಯಾವೆಲ್ಲಾ ಚಾಲೆಂಜ್ಗಳಲ್ಲಿ ಪಾಲ್ಗೊಂಡಿದ್ದಿರಿ ನೆನಪಿಸಿಕೊಳ್ಳಿ.

ಬಗೆಬಗೆ ಚಾಲೆಂಜ್ಗಳು

preethi shettigar | Edited By: Ghanashyam D M | ಡಿ.ಎಂ.ಘನಶ್ಯಾಮ|
Updated on:Dec 30, 2020 | 6:01 PM

ಜನರನ್ನು ಮನೆಗೆ ಸೀಮಿತಗೊಳಿಸಿದ ಲಾಕ್ಡೌನ್ ಹುಟ್ಟುಹಾಕಿದ ಅನಿವಾರ್ಯ ಏಕಾಂತದ ಬೇಸರ ಕಳೆಯಲು ಆಸರೆಯಂತೆ ಒದಗಿ ಬಂದಿದ್ದು ಸೋಷಿಯಲ್ ಮೀಡಿಯಾ. ಲಾಕ್ಡೌನ್ ವೇಳೆ ಜನಪ್ರಿಯವಾದ ಹತ್ತುಹಲವು ಚಾಲೆಂಜ್ಗಳ ಹಿಂದೆ ಮುಖ್ಯವಾಗಿ ಇದ್ದುದು ಹೊತ್ತುಕಳೆಯುವ ಉದ್ದೇಶ. ಆಮೇಲೆ ಒಂದಿಷ್ಟು ಖುಷಿಪಡುವ ಆಸೆ, ಪರಸ್ಪರರನ್ನು ಭೇಟಿಯಾಗಲೂ ಸಾಧ್ಯವಿಲ್ಲದ ಸಂದರ್ಭದಲ್ಲಿ ಪರಸ್ಪರರನ್ನು ಎಂಗೇಜ್ ಮಾಡಲು ಇಂಥ ಚಾಲೆಂಜ್ಗಳು ನೆರವಿಗೆ ಬಂದವು.

2020ರ ಕೊನೆಯ ಹೆಜ್ಜೆಯಲ್ಲಿ ಇಂಥ ಚಾಲೆಂಜ್ಗಳನ್ನು ಮೆಲುಕು ಹಾಕುವುದೂ ಮಜಾ ಎನಿಸುತ್ತೆ. ಇಲ್ಲಿದೆ 2020ರಲ್ಲಿ ವೈರಲ್ ಆಗಿ, ನಮ್ಮನಿಮ್ಮೆಲ್ಲರ ಗಮನ ಸೆಳೆದ ಸೋಷಿಯಲ್ ಮೀಡಿಯಾ ಚಾಲೆಂಜ್ಗಳ ಮೆಲುಕು. ನೀವು ಯಾವೆಲ್ಲಾ ಚಾಲೆಂಜ್ಗಳಲ್ಲಿ ಪಾಲ್ಗೊಂಡಿದ್ದಿರಿ ನೆನಪಿಸಿಕೊಳ್ಳಿ.

ಕೈ ತೊಳೀರಿ #SafeHands: ವಿಶ್ವ ಆರೋಗ್ಯ ಸಂಸ್ಥೆಯು (ಡಬ್ಲೂಎಚ್‌ಒ) ಸಾಮಾಜಿಕ ಜಾಲತಾಣಗಳಲ್ಲಿ ಸೆಲೆಬ್ರಿಟಿಗಳನ್ನು ಟ್ಯಾಗ್ ಮಾಡಿ ಸೇಫ್‌ ಹ್ಯಾಂಡ್ಸ್ ಚಾಲೆಂಜ್ ಹಾಕಿತ್ತು. ಕೊರೊನಾ ಸೋಂಕು ಹರಡುವ ವೇಗಕ್ಕೆ ಕಡಿವಾಣ ಹಾಕಲು ಕೈಗಳನ್ನು ಸ್ವಚ್ಛವಾಗಿರಿಸಿಕೊಳ್ಳಲು ಸಮಾಜದಲ್ಲಿ ಜಾಗೃತಿ ಮೂಡಿಸಲು ವಿಶ್ವ ಆರೋಗ್ಯ ಸಂಸ್ಥೆ ಈ ಮಾರ್ಗ ಕಂಡುಕೊಂಡಿತ್ತು. ಸೆಲೆಬ್ರಿಟಿಗಳು ಮತ್ತು ಜನಪ್ರಿಯ ವ್ಯಕ್ತಿಗಳು ಈ ಸವಾಲನ್ನು ಸ್ವೀಕರಿಸಿ 20 ಸೆಕೆಂಡುಗಳ ಕಾಲ ಕೈ ತೊಳೆಯುವ ವಿಡಿಯೊಗಳನ್ನು ಪೋಸ್ಟ್ ಮಾಡುವ ಮೂಲಕ ಚಾಲೆಂಜ್ ಸ್ವೀಕರಿಸಿದ್ದರು.

Thank You @DrTedros, for nominating me for the #SafeHands Challenge!#COVID19 surely is an uphill health and public safety task, but all of us are in this fight together!I further nominate @rogerfederer,@Cristiano and @imVkohli to take up this challenge! #coronavirus #StaySafe https://t.co/45glSxXkqP pic.twitter.com/7s7R4pIrrL

— Deepika Padukone (@deepikapadukone) March 17, 2020

ನಾಳೆಯವರೆಗೆ #UntilTomorrowChallenge: ಇನ್‌ಸ್ಟಾಗ್ರಾಮ್‌ನಲ್ಲಿ ವೈರಲ್ ಆದ ಚಾಲೆಂಜ್ಗಳಲ್ಲಿ ಇದೂ ಒಂದು. ವಿಲಕ್ಷಣವಾದ ಅಥವಾ ಮುಜುಗರದ ಚಿತ್ರಗಳನ್ನು #Untiltomorrow ಶೀರ್ಷಿಕೆಯೊಂದಿಗೆ ಹಲವರು ಪೋಸ್ಟ್ ಮಾಡಿದ್ದರು. ಸವಾಲಿನಲ್ಲಿ ಪಾಲ್ಗೊಳ್ಳುವವರು ತಮ್ಮ ಇಷ್ಟದ ಇನ್ನಿತರ ಸ್ನೇಹಿತರ ಇದೇ ರೀತಿಯ ಪೋಸ್ಟ್ಗಳಿಗೆ ಲೈಕ್ ಮಾಡುವವರು ಈ ಚಾಲೆಂಜ್ ತಗೆದುಕೊಂಡಂತೆ ಎನ್ನುವ ಅರ್ಥವಿದ್ದಿದ್ದು ಈ ಸವಾಲಿನ ವಿಶೇಷ. ಹೆಸರೇ ಹೇಳುವಂತೆ ಒಬ್ಬ ವ್ಯಕ್ತಿ ಪೋಸ್ಟ್ ಮಾಡಿದ ಚಿತ್ರ ಇತರರಿಗೆ ಕನಿಷ್ಠ 24 ಗಂಟೆಗಳ ಕಾಲ ಗೋಚರಿಸುವಂತಿರಬೇಕು ಎನ್ನುವುದು ಈ ಸವಾಲಿನ ಆಶಯವೂ ಆಗಿತ್ತು..

View this post on Instagram

A post shared by Premier League (@premierleague)

ಸೀರೆ ಚಾಲೆಂಜ್ (Saree challenge): ಸೀರೆಯುಟ್ಟ ಚಿತ್ರಗಳನ್ನು ಸಾಮಾಜಿಕ ಮಾಧ್ಯಮಗಳಲ್ಲಿ ಹಂಚಿಕೊಳ್ಳುವ ಚಾಲೆಂಜ್ ಇದು. ಚಿತ್ರವನ್ನು ಪೋಸ್ಟ್ ಮಾಡಿದವರು ಟ್ಯಾಗ್ ಮಾಡುವ ಮೂಲಕ ನಂತರ ಸ್ನೇಹಿತರನ್ನು ಟ್ಯಾಗ್ ಮಾಡುತ್ತಿದ್ದರು. ಈ ಚಾಲೆಂಜ್ ವೈರಲ್ ಆದ ಹಿನ್ನೆಲೆಯಲ್ಲಿ ಪುರುಷರು ಕೂಡ ಧೋತಿಗಳಲ್ಲಿ ತಮ್ಮ ಚಿತ್ರಗಳನ್ನು ಸೋಶಿಯಲ್ ಮಿಡಿಯಾಗಳಲ್ಲಿ ಪೊಸ್ಟ್ ಮಾಡಿ ಖುಷಿಪಟ್ಟಿದ್ದರು.

ಕ್ವಾರಂಟೈನ್ ಟ್ರಾವೆಲ್ ಚಾಲೆಂಜ್( Quarantine Travel Challenge): ಈ ವೈರಲ್ ಸವಾಲು ವಿಶ್ವದಾದ್ಯಂತ ಜನಪ್ರಿಯವಾಗಿತ್ತು. ಈ ಚಾಲೆಂಜ್ ಒಪ್ಪಿಕೊಂಡವರು ತಾವು ಭೇಟಿ ನೀಡಿದ ಸ್ಥಳವನ್ನು ಮತ್ತೆ ಮನೆಯಲ್ಲಿಯೇ ಮರು ಸೃಷ್ಟಿ ಮಾಡಬೇಕಾಗಿತ್ತು. ಫೇಸ್ಬುಕ್, ಟ್ವಿಟರ್, ಇನ್ಸ್ಟಾಗ್ರಾಮ್ಗಳಲ್ಲಿ ಹಲವರು ಈ ಚಾಲೆಂಜ್ ಸ್ವೀಕರಿಸಿದ್ದರು. ತಮ್ಮ ಪ್ರಯಾಣದಲ್ಲಿ ಅತ್ಯಂತ ಖುಷಿ ತಂದ ಕ್ಷಣಗಳನ್ನು ಮತ್ತು ಮನೆಯಲ್ಲಿಯೇ ಮರುಸೃಷ್ಟಿಸಿದ ಫೋಟೊಗಳನ್ನು ಜೊತೆಗೆ ಸೇರಿಸಿ ಹಾಕುತ್ತಿದ್ದರು.

View this post on Instagram

A post shared by Натали Веда ⭐️ Ведущая Вверх (@nataliveda)

ಡಾಲ್ಗೊನಾ ಕಾಫಿ (Dalgona Coffee challenge): ಬೆಂಗಳೂರು ಮಹಾನಗರವೂ ಸೇರಿದಂತೆ ಕರ್ನಾಟಕದಲ್ಲಿಯೂ ಜನಪ್ರಿಯವಾಗಿದ್ದ ಚಾಲೆಂಜ್ ಇದು. ದಕ್ಷಿಣ ಕೊರಿಯಾ ಮೂಲದ ಡಾಲ್ಗೊನಾ ಕ್ಯಾಂಡಿ ಎಂಬ ಕಾಫಿಯನ್ನು ಮನೆಯಲ್ಲೇ ಮಾಡಿ, ಅದರ ಚಿತ್ರಗಳನ್ನು ಸೋಷಿಯಲ್ ಮಿಡಿಯಾಗಳಲ್ಲಿ ಶೇರ್ ಮಾಡಿಕೊಳ್ಳುವುದು ಈ ಚಾಲೆಂಜ್ನ ಮುಖ್ಯ ಅಂಶವಾಗಿತ್ತು.

Happy International Coffee Day. #coffee #java #dalgona #nescafeclassic #cuppajoe pic.twitter.com/IurdAygCHc

— Zaniekepanie?? (@izanne_85) September 29, 2020

ಕ್ವಾರಂಟೈನ್ ದಿಂಬಿನ ಸವಾಲು (Quarantine Pillow Challenge): ಜನಸಾಮಾನ್ಯರು ಹೆಚ್ಚು ಲೈಕ್ ಒತ್ತಿದ ಚಾಲೆಂಜ್ ಇದು. ಆದರೆ ಪಾಲ್ಗೊಂಡವರು ಮಾತ್ರ ಸೆಲೆಬ್ರಿಟಿಗಳು. ಈ ಸವಾಲಿನಲ್ಲಿ ಭಾಗವಹಿಸುವವರು ತಮಗೆ ಇಷ್ಟವಾದ ದಿಂಬನ್ನು ಬಟ್ಟೆಯನ್ನಾಗಿ ಧರಿಸಿ, ಆ ಚಿತ್ರವನ್ನು ಸೋಷಿಯಲ್ ಮಿಡಿಯಾದಲ್ಲಿ ಹಂಚಿಕೊಳ್ಳಬೇಕಿತ್ತು. ಅದರಂತೆ ಕೆಲವರು ತಮ್ಮ ಇಷ್ಟದ ದಿಂಬನ್ನು ಬೆಲ್ಟ್, ಮುತ್ತಿನ ಹಾರಗಳ ಸಹಾಯದಿಂದ ಧರಿಸಿ ಕಂಗೊಳಿಸಿದ್ದು ವಿಶೇಷ ಎನಿಸಿತ್ತು.

View this post on Instagram

A post shared by Дневник блондинки ? (@sergeevakriss)

ಟಿಕ್ಟಾಕ್ ಟೊ (Tic Tac Toe Challenge with pets): ಸಾಕು ಪ್ರಾಣಿಗಳನ್ನು ಬಳಸಿಕೊಂಡು ಟಿಕ್ಟಾಕ್ (ಕಿರು ವಿಡಿಯೊ) ಮಾಡುವ ಚಾಲೆಂಜ್ ಇದು. ಹೆಚ್ಚಿನವರು ತಮ್ಮ ಸಾಕುಪ್ರಾಣಿಗಳಿಗೆ ಪೆನ್ನು ಮತ್ತು ಕಾಗದವನ್ನು ನೀಡಿ ಆಟವಾಡಲು ಬಿಟ್ಟು, ಚಾಲೆಂಜ್ ಪೂರ್ಣಗೊಳಿಸಿದರು.

playing tic tac toe with my dog pic.twitter.com/rBhOhYePSe

— The Law (@futureteenmom) April 15, 2020

20ರಲ್ಲಿ ನಾನು (MeAt20): 10 ವರ್ಷಗಳ ಹಿಂದಿನ ಚಿತ್ರ ಮತ್ತು 2020ರ ಅಂದರೆ ಈಗಿನ ಫೋಟೊಗಳನ್ನು ಪೊಸ್ಟ್ ಮಾಡಿ ಸವಾಲನ್ನು ಪೂರ್ಣಗೊಳಿಸಿದರು. ಈ ಸವಾಲಿನಲ್ಲಿ ಹೆಚ್ಚಾಗಿ ಸಿನಿಮಾ ನಟ-ನಟಿಯರು ಭಾಗಿಯಾದರು. ತಮ್ಮ ಈಗಿನ ಮತ್ತು 10 ವರ್ಷದ ಹಿಂದಿನ ಫೋಟೊವನ್ನು ಹ್ಯಾಶ್‌ಟ್ಯಾಗ್ ಜೊತೆಗೆ ಪೋಸ್ಟ್ ಮಾಡುವ ಮೂಲಕ ಸವಾಲಿನಲ್ಲಿ ಭಾಗವಹಿಸಿದರು.

#MeAt20 in the pink lace, with the overly plucked brows and middle parting and straight hair, because, fashion. pic.twitter.com/sDuU6LJJj8

— Amber Rahim Shamsi (@AmberRShamsi) April 17, 2020

ಗೆಸ್ಚರ್ ಸವಾಲು (the gesture challenge): ಸಂಗೀತಕ್ಕೆ ತಕ್ಕಂತೆ ತಮ್ಮ ಕೈಗಳನ್ನು ಆಡಿಸುವ ಚಾಲೆಂಜ್ ಇದು. ಈ ಸವಾಲನ್ನು ದಿ ಜೊನಸ್ ಬ್ರದರ್ಸ, ಡಾನ್ ಓಸ್ಬೋರ್ನ್ ಮತ್ತು ಜಾಕ್ವೆಲಿನ್ ಜೋಸ್ಸಾ ಸೇರಿದಂತೆ ವಿವಿಧ ಪ್ರಸಿದ್ಧ ವ್ಯಕಿಗಳು ಸ್ವೀಕರಿಸಿದ್ದರು.

View this post on Instagram

A post shared by Nick Jonas (@nickjonas)

ಕ್ವಾರಂಟೈನ್ ಡಾನ್ಸ್ (Quarantine dance challenge): ಈ ವರ್ಷದ ಅತ್ಯಂತ ಜನಪ್ರಿಯ ಸವಾಲು ಇದು. ಒಬ್ಬ ವ್ಯಕ್ತಿ ತನ್ನ ಆಯ್ಕೆಯ ಯಾವುದೇ ಹಾಡಿಗೆ ಡಾನ್ಸ್ ಮಾಡಿ, ನಂತರ ಈ ಚಾಲೆಂಜ್ ಅನ್ನು ಸ್ನೇಹಿತರಿಗೆ ಟ್ಯಾಗ್ ಮಾಡಬೇಕಿತ್ತು. ಇದೇ ರೀತಿ ಹಲವು ಡಾನ್ಸ್ ಸವಾಲುಗಳು ಕ್ವಾರಂಟೈನ್ ಸಮಯದಲ್ಲಿ ಚಾಲ್ತಿಗೆ ಬಂದಿತ್ತು.

View this post on Instagram

A post shared by Julie Vu (@missjulievu)

ಇದೇ ರೀತಿ ಟಾಯ್ಲೆಟ್ ಪೇಪರ್ ಚಾಲೆಂಜ್ (Toilet paper challenge), ಹಿಂಬಾಲಿಸುವ ಸವಾಲು (Follow me to), ಪಾಸ್ ಮಿ ದಿ ಬ್ರಷ್ ಚಾಲೆಂಜ್ (Pass me the brush challenge), ಫ್ಲಿಪ್ ದಿ ಸ್ವಿಚ್ (Flip the switch) ಸೇರಿದಂತೆ ಹತ್ತು ಹಲವು ಸವಾಲುಗಳು ಲಾಕ್ಡೌನ್ ಸಂದರ್ಭದಲ್ಲಿ ಸದ್ದು ಮಾಡಿದ್ದವು. ಸಾಮಾನ್ಯ ಜನರೂ ಸಹ ದೊಡ್ಡ ಸಂಖ್ಯೆಯಲ್ಲಿ ಈ ಸವಾಲಿನಲ್ಲಿ ಭಾಗಿಯಾಗಿದ್ದರು ಎನ್ನುವುದು ಗಮನಾರ್ಹ ಸಂಗತಿ.