ಕೊರೊನಾಗೆ ಔಷಧ ಇನ್ನೂ ದೂರದ ಮಾತು, ಆದ್ರೆ ವಿದ್ಯಾರ್ಥಿಯೊಬ್ಬ ಇದನ್ನು ಕಂಡುಹಿಡಿದುಬಿಟ್ಟ!

ಮಹಾಮಾರಿ ಕೊರೊನಾ ಸೋಂಕಿಗೆ ಔಷಧ ಕಂಡುಹಿಡಿಯುವುದು ಇನ್ನೂ ದೂರದ ಮಾತು. ಅದಕ್ಕೂ ಮುನ್ನ ಆ ಮಹಾಮಾರಿಯಾರಿಗೆಲ್ಲ ತಗುಲಿದೆ ಎಂಬುದನ್ನು ಪತ್ತೆ ಹಚ್ಚುವುದೇ ಇಂದಿನ ಜರೂರುತ್ತು ಆಗಿದೆ. ಆದ್ರೆ ಅದೂ ಸಾಧ್ಯವಾಗಿತ್ತಿಲ್ಲ. ಸಮುದಾಯದತ್ತ ಮಹಾಮಾರಿ ಕೊರೊನಾ ಹೆಜ್ಜೆ ಹಾಕುತ್ತಿರುವಾಗ ಮಾಸ್​ ಟೆಸ್ಟ್​ ತುಂಬಾ ಮುಖ್ಯವಾಗಿದೆ. ಅನೇಕ ರಾಜ್ಯ ಸರ್ಕಾರಗಳೂ ರ್ಯಾಪಿಡ್​ ಟೆಸ್ಟ್ ಕೈಬಿಟ್ಟಿವೆ.

ಪರಿಸ್ಥಿತಿ ಹೀಗಿರುವಾಗ ವಿದ್ಯಾರ್ಥಿಯೊಬ್ಬ ಈ ನಿಟ್ಟಿನಲ್ಲಿ ಮಹತ್ತರವಾದುದನ್ನು ಸಾಧಿಸಿಯೇ ಬಿಟ್ಟಿದ್ದಾನೆ. ಏನಿಲ್ಲ, ಸಿಂಪಲ್ಲಾಗಿ ಕಂಪ್ಯೂಟರ್ ಮೂಲಕ ಸಾಮೂಹಿಕವಾಗಿ ಜನರನ್ನು ಸರದಿಯಲ್ಲಿ ನಿಲ್ಸಿ, ನಿಖರವಾಗಿ/ತ್ವರಿತವಾಗಿ ಕೊರೊನಾ ಸೋಂಕಿನ ಮೂಲ ಲಕ್ಷಣವಾದ ಜ್ವರ ಇದೆಯಾ, ಇಲ್ವಾ ಎಂಬುದನ್ನು ಪತ್ತೆ ಹಚ್ಚಬಹುದಾಗಿದೆ.

ಕೊಚ್ಚಿಯ ಮ್ಯಾಥ್ಯೂ ಡಿ. ಎಂಬ ಕಂಪ್ಯೂಟರ್ ಸೈನ್ಸ್ ಎಂಜಿನಿಯರಿಂಗ್ ವಿದ್ಯಾರ್ಥಿಯು ಮನುಷ್ಯನಲ್ಲಿರುವ ಉಷ್ಣಾಂಶವನ್ನು ಸ್ವಯಂಚಾಲಿತ ಸ್ಕ್ಯಾನರ್​ ಮೂಲಕ ಅಳೆಯುವಂತಹ ಸಾಧನ ಕಂಡುಹಿಡಿದಿದ್ದಾನೆ. ಜೊತೆಗೆ ಆಯಾ ವ್ಯಕ್ತಿಯ ಫೋಟೋಗಳನ್ನೂ ಸಹ ಈ ಕಂಪ್ಯೂಟರ್​ ದಾಖಲಿಸುತ್ತದೆ. ವಿಮಾನ, ಬಸ್, ರೈಲ್ವೆ ನಿಲ್ದಾಣಗಳಂತಹ ಸಾರ್ವಜನಿಕ ಸ್ಥಳಗಳಲ್ಲಿ ಇದನ್ನು ಪರಿಣಾಮಕಾರಿಯಾಗಿ ಬಳಸಬಹುದಾಗಿದೆ. ಈ ಸಾಧನವನ್ನು ಅಭಿವೃದ್ಧಿಪಡಿಸಲು ನನಗೆ ಮೂರು ವಾರ ಹಿಡಿಸಿತು ಎಂದು ಈ ವಿದ್ಯಾರ್ಥಿ ತಿಳಿಸಿದ್ದಾನೆ.