Daily Devotional: ಜೀವನದಲ್ಲಿ ಪದೇ ಪದೇ ಕಷ್ಟ ಯಾಕೆ ಬರುತ್ತೆ? ಇದಕ್ಕೆ ದೇವರೇ ಕಾರಣನಾ?

ಖ್ಯಾತ ಜ್ಯೋತಿಷಿ ಮತ್ತು ವಾಸ್ತು ಶಾಸ್ತ್ರಜ್ಞರಾದ ಡಾ. ಬಸವರಾಜ್ ಗುರೂಜಿ ಅವರು ನಿತ್ಯ ಭಕ್ತಿ ಕಾರ್ಯಕ್ರಮದಲ್ಲಿ ಜೀವನದಲ್ಲಿ ನಾವು ಎದುರಿಸುವ ಅನೇಕ ಸವಾಲುಗಳು ಮತ್ತು ಕಷ್ಟಗಳ ಬಗ್ಗೆ ವಿವರಿಸಿದ್ದಾರೆ. ದೇವರನ್ನು ತಂದೆಯ ಸ್ಥಾನದಲ್ಲಿ ಇರಿಸಿ, ತಂದೆ ತನ್ನ ಮಕ್ಕಳಿಗೆ ಯಾವತ್ತೂ ದುಃಖವನ್ನುಂಟು ಮಾಡುವುದಿಲ್ಲ. ಆದ್ದರಿಂದ ನಮ್ಮ ಕಷ್ಟಗಳಿಗೆ ನಾವೇ ಮೂಲ ಕಾರಣ, ಕಷ್ಟ ಬಂದ ತಕ್ಷಣ ದೇವರನ್ನು ದೂಷಿಸುವುದನ್ನು ಬಿಟ್ಟು ಬಿಡಿ ಎಂದು ಗುರೂಜಿ ಸಲಹೆ ನೀಡಿದ್ದಾರೆ.

ದುರಾಸೆ, ನಿರ್ಲಕ್ಷ್ಯ, ಮೋಸ, ವಂಚನೆ, ಮತ್ತು ಕಪಟತನ ಮುಂತಾದ ನಮ್ಮ ಕೆಟ್ಟ ಕರ್ಮಗಳೇ ನಮಗೆ ಕಷ್ಟಗಳನ್ನು ತರುತ್ತವೆ. ಇತರರೊಂದಿಗೆ ಹೋಲಿಕೆ ಮಾಡುವುದು, ಅಮಾಯಕರನ್ನು ಮತ್ತು ಅಶಕ್ತರನ್ನು ಸುಲಿಗೆ ಮಾಡುವುದು ಮುಂತಾದ ಕ್ರಿಯೆಗಳು ಕೂಡ ನಮಗೆ ಸಂಕಷ್ಟಗಳನ್ನು ತರುತ್ತವೆ ಎಂದು ಅವರು ಹೇಳಿದ್ದಾರೆ.

ವಿಡಿಯೋ ಇಲ್ಲಿದೆ ನೋಡಿ:

ಶಾಸ್ತ್ರದಲ್ಲಿ ಉಲ್ಲೇಖಿಸಿರುವಂತೆ, “ನವಭಾಗಂ ಮನುಷ್ಯಾಣಾಂ, ದಶಭಾಗಂ ದೈವಾದೀನಂ” ಎಂಬ ಮಾತು ಇದಕ್ಕೆ ಸಾಕ್ಷಿಯಾಗಿದೆ. ಹತ್ತು ಭಾಗದಲ್ಲಿ ಒಂಭತ್ತು ಭಾಗ ನಮ್ಮ ಕರ್ಮಗಳಿಂದ ಮತ್ತು ಒಂದು ಭಾಗ ಮಾತ್ರ ದೈವಕೃಪೆಯಿಂದ ನಿರ್ಧಾರವಾಗುತ್ತದೆ ಎಂಬುದನ್ನು ಗುರುಜಿ ಅವರು ಸ್ಪಷ್ಟಪಡಿಸಿದ್ದಾರೆ. ಪ್ರಯತ್ನದಲ್ಲಿ ಲೋಪವಾಗುವುದು, ವಿಧಿಯನ್ನು ನಿಂದಿಸುವುದು, ಮತ್ತು ಜೂಜು ಆಡುವುದು ಮುಂತಾದ ಕೆಟ್ಟ ಅಭ್ಯಾಸಗಳು ಕಷ್ಟಗಳಿಗೆ ಕಾರಣವಾಗಬಹುದು.

ಇದನ್ನೂ ಓದಿ: ಸಂಖ್ಯೆ 7ರ ಹಿಂದಿನ ರಹಸ್ಯಗಳು; ಇದು ಶುಭವೋ, ಅಶುಭವೋ?

ಅಂತಿಮವಾಗಿ, ಗುರೂಜಿ ಅವರು ತಾಳ್ಮೆ, ಸಹನೆ, ಮತ್ತು ಶ್ರಮದ ಮಹತ್ವವನ್ನು ವಿವರಿಸಿದ್ದಾರೆ. ಕಷ್ಟಪಟ್ಟವನಿಗೆ ಸುಖ ಸಿಗುತ್ತದೆ ಮತ್ತು ಸುಖವನ್ನು ದುರುಪಯೋಗಪಡಿಸಿಕೊಳ್ಳುವುದರಿಂದ ನಾವು ಮತ್ತೆ ಕಷ್ಟಗಳಿಗೆ ಸಿಲುಕುತ್ತೇವೆ. ಯಾವುದೇ ಕಷ್ಟಕ್ಕೂ ದೇವರೇ ಕಾರಣ ಎಂದು ನಂಬದೆ, ನಾವು ನಮ್ಮ ಕ್ರಿಯೆಗಳಿಗೆ ಜವಾಬ್ದಾರರಾಗಬೇಕು ಮತ್ತು ಸಕಾರಾತ್ಮಕವಾಗಿ ಜೀವನವನ್ನು ಎದುರಿಸಬೇಕು ಎಂದು ಅವರು ಸಂದೇಶವನ್ನು ನೀಡಿದ್ದಾರೆ.

ಮತ್ತಷ್ಟು ಆಧ್ಯಾತ್ಮಿಕ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ