Phalguna Amavasya 2022: ಫಾಲ್ಗುಣ ಅಮಾವಾಸ್ಯೆಯಂದು ಈ ರೀತಿ ಮಾಡಿದರೆ ಸುಖ, ಶಾಂತಿ ಅದೃಷ್ಟ ನಿಮ್ಮದಾಗುತ್ತೆ

ಫಾಲ್ಗುಣ ಮಾಸದ ಕೃಷ್ಣ ಪಕ್ಷದ ಅಮವಾಸ್ಯೆಯನ್ನು ಫಾಲ್ಗುಣ ಅಮಾವಾಸ್ಯೆ(Phalguna Amavasya) ಎಂದು ಕರೆಯಲಾಗುತ್ತದೆ. ಈ ಅಮಾವಾಸ್ಯೆಯು ವಿಶೇಷವಾಗಿ ಸಂತೋಷ, ಆಸ್ತಿ ಮತ್ತು ಅದೃಷ್ಟವನ್ನು ಪಡೆಯಲು ಫಲಪ್ರದವಾಗಿದೆ. ಆದ್ದರಿಂದ, ಜನರು ತಮ್ಮ ಸಕಾರಾತ್ಮಕ ಬೆಳವಣಿಗೆ ಮತ್ತು ಸಮೃದ್ಧಿಗಾಗಿ ಈ ದಿನದಂದು ಉಪವಾಸ ಮಾಡುತ್ತಾರೆ. ಅದೇ ದಿನ, ಪೂರ್ವಜರಿಗೆ ನೈವೇದ್ಯ (ತರ್ಪಣ ಅಥವಾ ಶ್ರಾದ್ಧ) ಸಹ ಮಾಡಲಾಗುತ್ತದೆ. ಧಾರ್ಮಿಕ ನಂಬಿಕೆಗಳ ಪ್ರಕಾರ, ದೇವ-ದೇವತೆಗಳು ಫಾಲ್ಗುಣ ಅಮಾವಾಸ್ಯೆಯ ದಿನದಂದು ನದಿಗಳಲ್ಲಿ ವಾಸಿಸುತ್ತಾರೆ. ಅಂತಹ ಪರಿಸ್ಥಿತಿಯಲ್ಲಿ, ಈ ದಿನ ಗಂಗೆಯಲ್ಲಿ ಸ್ನಾನ ಮಾಡುವುದರ ಮೂಲಕ ಮೋಕ್ಷವನ್ನು ಪಡೆಯಬಹುದು. ವರ್ಷದ ಪ್ರತೀ ತಿಂಗಳು ಒಂದು ಹುಣ್ಣಿಮೆ(Hunnime), ಒಂದು ಅಮಾವಾಸ್ಯೆ(Amavasya) ಬರುತ್ತದೆ. ವರ್ಷಕ್ಕೆ 12 ಅಮಾವಾಸ್ಯೆಗಳಿವೆ. ಕೆಲವೊಂದು ಅಮಾವಾಸ್ಯೆಗಳು ವರ್ಷಕ್ಕೆ 2 ಬಾರಿ ಬರುತ್ತದೆ. ಅಮಾವಾಸ್ಯೆಯ ದಿನದಂದು ಚಂದ್ರನು ಕಾಣಿಸುವುದಿಲ್ಲ.

ಫಾಲ್ಗುಣ ಅಮಾವಾಸ್ಯೆಯ ತಿಥಿ
ಫಾಲ್ಗುಣ ಅಮಾವಾಸ್ಯೆಯು ಮಾರ್ಚ್ 2ರ ಮಧ್ಯಾಹ್ನ 1.30 ರಿಂದ ಪ್ರಾರಂಭವಾಗುತ್ತದೆ. ಫಾಲ್ಗುಣ ಅಮಾವಾಸ್ಯೆ ತಿಥಿ ಮಾರ್ಚ್ 2ರಂದು ರಾತ್ರಿ 11:04ಕ್ಕೆ ಕೊನೆಗೊಳ್ಳಲಿದೆ.

ಪಾಲ್ಗುಣ ಅಮಾವಾಸ್ಯೆ ಎಂದರೇನು?
ಹಿಂದೂ ಗ್ರಂಥಗಳ ಪ್ರಕಾರ ಸಂತೋಷ, ಸಂಪತ್ತು ಮತ್ತು ಅದೃಷ್ಟವನ್ನು ಸಾಧಿಸಲು ವಿಶೇಷವಾಗಿ ಫಲಪ್ರದವೆಂದು ಪರಿಗಣಿಸಲಾಗಿದ್ದು, ಪಾಲ್ಗುಣ ಅಥವಾ ಫಾಗುನ್ ಅಮಾವಾಸ್ಯೆಗೆ ವಿಶೇಷ ಮಹತ್ವವಿದೆ. ಈ ದಿನದಂದು ಉಪವಾಸವನ್ನು ಮಾಡುವುದರಿಂದ ಜೀವನದಲ್ಲಿ ಸಂತೋಷ ಮತ್ತು ಶಾಂತಿಗಾಗಿ ನೆಲೆಸುತ್ತದೆ ಎಂದು ನಂಬಲಾಗಿದೆ. ಈ ದಿನ, ಪೂರ್ವಜರ ಶಾಂತಿಗಾಗಿ ತರ್ಪಣ ಮತ್ತು ಶ್ರದ್ಧಾವನ್ನು ಸಹ ಮಾಡಲಾಗುತ್ತದೆ. ಧಾರ್ಮಿಕ ನಂಬಿಕೆಗಳ ಪ್ರಕಾರ, ಫಾಲ್ಗುಣ ಅಮಾವಾಸ್ಯೆಯ ದಿನದಂದು ದೇವರು ಮತ್ತು ದೇವತೆಗಳು ಪವಿತ್ರ ನದಿಗಳಲ್ಲಿ ನೆಲೆಸುತ್ತಾರೆ. ಆದ್ದರಿಂದ, ಈ ದಿನ ಗಂಗಾ, ಯಮುನಾ ಮತ್ತು ಸರಸ್ವತಿ ನದಿಗಳಲ್ಲಿ ಸ್ನಾನ ಮಾಡುವುದು ಅತ್ಯಂತ ಮಹತ್ವದ್ದಾಗಿದೆ.

ಫಾಲ್ಗುಣ ಅಮವಾಸ್ಯೆ ವ್ರತ ಮತ್ತು ಧಾರ್ಮಿಕ ಆಚರಣೆಗಳು
ಧಾರ್ಮಿಕ ನಂಬಿಕೆಗಳ ಪ್ರಕಾರ, ಫಾಲ್ಗುಣ ಅಮವಾಸ್ಯೆಯಂದು ಮಾಡುವ ಉಪವಾಸ ಮತ್ತು ಚಟುವಟಿಕೆಗಳು ತ್ವರಿತ ಫಲಿತಾಂಶಗಳನ್ನು ನೀಡುತ್ತವೆ.
– ಬೆಳಿಗ್ಗೆ ಪವಿತ್ರ ನದಿ ಅಥವಾ ಕೊಳದಲ್ಲಿ ಸ್ನಾನ ಮಾಡಿ. ಸೂರ್ಯ ದೇವರಿಗೆ ಅರ್ಘವನ್ನು ಅರ್ಪಿಸಿ, ನಂತರ ಪಿತೃಗಳಿಗೆ ನೈವೇದ್ಯವನ್ನು ಅರ್ಪಿಸಿ.
-ಈ ದಿನದಂದು, ಉಪವಾಸ ಮಾಡಿ ಮತ್ತು ಬಡವರಿಗೆ ವಸ್ತುಗಳನ್ನು ದಾನ ಮಾಡಿ
-ಸಂಜೆ ಅರಳಿ ಮರದ ಕೆಳಗೆ ಸಾಸಿವೆ ಎಣ್ಣೆಯ ದೀಪವನ್ನು ಬೆಳಗಿಸಿ. ನಿಮ್ಮ ಪೂರ್ವಜರನ್ನು ಸ್ಮರಿಸುತ್ತಾ ಮರವನ್ನು ಏಳು ಸುತ್ತು ಹಾಕಿ.
-ರುದ್ರ ( ಭಗವಾನ್ ಶಿವ), ಅಗ್ನಿ ಮತ್ತು ಬ್ರಾಹ್ಮಣರನ್ನು ಪೂಜಿಸಿ ಮತ್ತು ಅವರಿಗೆ ಬೇಳೆ, ಮೊಸರು ಮತ್ತು ಪುರಿಯನ್ನು(ಮಂಡಕ್ಕಿ) ನೈವೇದ್ಯವಾಗಿ ಅರ್ಪಿಸಿ.
-ಶಿವ ದೇವಾಲಯಕ್ಕೆ ಹೋಗಿ ಹಸಿ ಹಸುವಿನ ಹಾಲು, ಮೊಸರು ಮತ್ತು ಜೇನುತುಪ್ಪದಿಂದ ಶಿವನಿಗೆ ಅಭಿಷೇಕ ಮಾಡಿ ಮತ್ತು ದೇವರಿಗೆ ಕಪ್ಪು ಎಳ್ಳನ್ನು ಅರ್ಪಿಸಿ.
-ಅಮಾವಾಸ್ಯೆಯನ್ನು ಶನಿ ದೇವರ ದಿನವೆಂದು ಪರಿಗಣಿಸಲಾಗುತ್ತದೆ. ಆದ್ದರಿಂದ, ಈ ಅಮವಾಸ್ಯೆಯಂದು ಶನಿ ದೇವಸ್ಥಾನದಲ್ಲಿ ನೀಲಿ ಬಣ್ಣದ ಹೂವುಗಳನ್ನು ಅರ್ಪಿಸಿ ದೇವರನ್ನು ಪೂಜಿಸಿ. ಅಲ್ಲದೆ, ಕಪ್ಪು ಎಳ್ಳು, ಸಾಸಿವೆ ಎಣ್ಣೆ, ಕಪ್ಪು ಕಾಡಿಗೆ ಮತ್ತು ಕಪ್ಪು ಬಟ್ಟೆಗಳನ್ನು ಅರ್ಪಿಸಿ.

ಇದನ್ನೂ ಓದಿ: Shani Trayodashi 2022: ಪ್ರದೋಷ ವ್ರತ ಪಾಲಿಸಿದ ಬಡ ಬ್ರಾಹ್ಮಣ ಮಹಿಳೆಯ ಬಾಳು ಬೆಳಗಿಸಿದ ಭಗವಾನ್ ಶಿವ

ನಂದಿ ಗ್ರಾಮದಲ್ಲಿ ವಿಜೃಂಭಣೆಯಿಂದ ನಡೆಯಿತು ಶಿವೋತ್ಸವ; ವಿಡಿಯೋ ಇಲ್ಲಿದೆ ನೋಡಿ