Puja Tips: ಫ್ರಿಡ್ಜ್‌ನಲ್ಲಿಟ್ಟ ಹೂವುಗಳನ್ನು ದೇವರ ಪೂಜೆಗೆ ಬಳಸಬಹುದೇ?

ಅನೇಕ ಮನೆಗಳಲ್ಲಿ ಪೂಜಾ ವಿಧಾನಗಳಲ್ಲಿ ಗೊಂದಲಗಳು ಇರುತ್ತವೆ. ಕೆಲವರು ಯಾರನ್ನು ಕೇಳಬೇಕು ಎಂಬುದು ತಿಳಿಯದೆ ಅನುಮಾನಗಳನ್ನು ಇಟ್ಟುಕೊಳ್ಳುತ್ತಾರೆ. ಖ್ಯಾತ ಜ್ಯೋತಿಷಿಗಳಾದ ಡಾ. ಬಸವರಾಜ್ ಗುರೂಜಿ ಅವರು ತಮ್ಮ ನಿತ್ಯ ಭಕ್ತಿ ಕಾರ್ಯಕ್ರಮದಲ್ಲಿ ಪೂಜೆಗೆ ಉಪಯೋಗಿಸುವ ಹೂವುಗಳನ್ನು ಎಷ್ಟು ಕಾಲ ಇಟ್ಟುಕೊಳ್ಳಬೇಕು ಎಂಬ ಪ್ರಶ್ನೆಗೆ ಉತ್ತರಿಸಿದ್ದಾರೆ.

ಸಾಮಾನ್ಯವಾಗಿ ಪೂಜೆಗೆ ಹೂವುಗಳನ್ನು ಮನೆಯ ಗಿಡಗಳಿಂದ ಅಥವಾ ಮಾರುಕಟ್ಟೆಯಿಂದ ತರುತ್ತೇವೆ. ಆದರೆ, ಈ ಹೂವುಗಳನ್ನು ಎಷ್ಟು ದಿನ ಇಟ್ಟುಕೊಂಡು ಪೂಜೆ ಮಾಡಬೇಕು ಎಂಬುದು ಪ್ರಮುಖ ಪ್ರಶ್ನೆ. ಗುರೂಜಿ ಅವರು ಫ್ರಿಜ್‌ನಲ್ಲಿಟ್ಟ ಹೂವುಗಳನ್ನು ಪೂಜೆಗೆ ಉಪಯೋಗಿಸುವುದು ಸರಿಯಲ್ಲ ಎಂದು ಹೇಳಿದ್ದಾರೆ. ಫ್ರಿಜ್‌ನಲ್ಲಿಟ್ಟ ಹೂವುಗಳನ್ನು ಮದುವೆ ಕಾರ್ಯಕ್ರಮಗಳಲ್ಲಿ ಬಳಸಬಹುದು. ಆದರೆ ಮನೆಗಳಲ್ಲಿ, ಬಿಳಿಯ ವಸ್ತ್ರದಲ್ಲಿ ನೀರು ಸಿಂಪಡಿಸಿ ಇಟ್ಟುಕೊಂಡ ಹೂವುಗಳು ಶುದ್ಧವಾಗಿರುತ್ತವೆ ಮತ್ತು ಶ್ರೇಷ್ಠವಾಗಿರುತ್ತವೆ. ಈ ರೀತಿ ಇಟ್ಟ ಹೂವುಗಳನ್ನು ಮೂರು ದಿನಗಳವರೆಗೆ ಉಪಯೋಗಿಸಬಹುದು.

ವಿಡಿಯೋ ಇಲ್ಲಿದೆ ನೋಡಿ:

ಇದನ್ನೂ ಓದಿ: ಸೂರ್ಯ ಮೃಗಶಿರ ನಕ್ಷತ್ರಕ್ಕೆ ಪ್ರವೇಶ; ಈ ಮೂರು ರಾಶಿಗೆ ಅದೃಷ್ಟದ ಸುರಿಮಳೆ

ಬಿಲ್ವಪತ್ರೆ, ತುಳಸಿ ಮತ್ತು ಕಮಲದ ಹೂವುಗಳನ್ನು ವಾರಪೂರ್ತಿ ಉಪಯೋಗಿಸಬಹುದು. ಒಣಗಿದ ಬಿಲ್ವಪತ್ರೆ ಅಥವಾ ತುಳಸಿಯನ್ನು ಸಹ ಪೂಜೆಗೆ ಅರ್ಪಿಸಬಹುದು. ಇತರ ಹೂವುಗಳನ್ನು ಬೆಳ್ಳಿ ಅಥವಾ ತಾಮ್ರದ ಪಾತ್ರೆಯಲ್ಲಿ ಇಟ್ಟರೆ ಐದು ದಿನಗಳವರೆಗೆ ಉಪಯೋಗಿಸಬಹುದು. ಕೆಲವು ಪುರಾತನ ದೇವಾಲಯಗಳಲ್ಲಿ ಬಿದಿರಿನ ತಟ್ಟೆಯಲ್ಲಿಟ್ಟ ಹೂವುಗಳನ್ನು ವಾರಪೂರ್ತಿ ಉಪಯೋಗಿಸುವ ಪದ್ಧತಿಯಿದೆ. ಒಟ್ಟಾರೆಯಾಗಿ, ಹೂವುಗಳನ್ನು ಶುದ್ಧವಾಗಿಡುವುದು ಮತ್ತು ಸೂಕ್ತ ಅವಧಿಯಲ್ಲಿ ಉಪಯೋಗಿಸುವುದು ಮುಖ್ಯ.

ಮತ್ತಷ್ಟು ಆಧ್ಯಾತ್ಮಿಕ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ