God Shiva-Shani Pradosha Vrat: ಶನಿ ಪ್ರದೋಷ ವ್ರತ ಶುಭ ಯೋಗ​, ಮಹತ್ವ ತಿಳಿಯಿರಿ -​ ಈ 6 ರಾಶಿಯವರಿಗೆ ಅತ್ಯಂತ ವಿಶೇಷ​

God Shiva-Shani Pradosha Vrat: ಧರ್ಮಗ್ರಂಥಗಳಲ್ಲಿ ಪ್ರದೋಷ ವ್ರತವನ್ನು ಅತ್ಯಂತ ಮಂಗಳಕರ ವ್ರತವೆಂದು ಮತ್ತು ಇಷ್ಟಾರ್ಥಗಳನ್ನು ಈಡೇರಿಸುವ ವ್ರತವೆಂದು ವಿವರಿಸಲಾಗಿದೆ. ಪ್ರತೀ ತಿಂಗಳ ತ್ರಯೋದಶಿ ತಿಥಿಯಂದು ಪ್ರದೋಷ ವ್ರತವನ್ನು ಆಚರಿಸಲಾಗುತ್ತದೆ. ಪ್ರದೋಷ ವ್ರತವನ್ನು ಆಚರಿಸುವವರ ಎಲ್ಲಾ ಇಷ್ಟಾರ್ಥಗಳು ಈಡೇರುತ್ತವೆ ಎಂದು ಪುರಾಣಗಳಲ್ಲಿ ಹೇಳಲಾಗಿದೆ. ಈ ಬಾರಿ ಶುಭ ಸಂಯೋಗದೊಂದಿಗೆ ಪ್ರದೋಷ ವ್ರತವನ್ನು ಆಗಸ್ಟ್ 17 ರಂದು ಆಚರಿಸಲಾಗುವುದು. ಈ ಪ್ರದೋಷ ವ್ರತವು ಶನಿವಾರ ಬಂದಿರುವುದರಿಂದ ಇದನ್ನು ಶನಿ ಪ್ರದೋಷ ವ್ರತವೆಂದು ಕರೆಯಲಾಗುತ್ತದೆ. ಈ ವ್ರತವನ್ನು ಸಂತಾನ ಭಾಗ್ಯವನ್ನು ಹೊಂದುವ ಬಯಕೆಯಿಂದ ಆಚರಿಸಲಾಗುತ್ತದೆ. ಶನಿ ಪ್ರದೋಷ ವ್ರತದ ಶುಭ ಮುಹೂರ್ತ, ಪೂಜೆ ವಿಧಾನ ಮತ್ತು ಮಹತ್ವಗಳ ಕುರಿತು ನಾವಿಲ್ಲಿ ತಿಳಿದುಕೊಳ್ಳೋಣ..

God Shiva-Shani Pradosha Vrat: ಶನಿ ಪ್ರದೋಷ ವ್ರತ ಶುಭ ಯೋಗ​

​
ಶನಿ ಪ್ರದೋಷ ವ್ರತದ ದಿನದಂದು ಮೂರು ಅತ್ಯಂತ ಮಂಗಳಕರ ಯೋಗಗಳು ಸೃಷ್ಟಿಯಾಗುತ್ತವೆ ಎಂದು ವೈದಿಕ ಪಂಚಾಂಗದಲ್ಲಿ ಹೇಳಲಾಗಿದೆ. ಈ ದಿನ ಪ್ರೀತಿ ಯೋಗ, ಆಯುಷ್ಮಾನ್ ಯೋಗ ಇರಲಿದೆ. ಪ್ರೀತಿ ಯೋಗವು ಹಗಲು 10.46 ರವರೆಗೆ ಇರುತ್ತದೆ ಮತ್ತು ನಂತರ ಆಯುಷ್ಮಾನ್ ಯೋಗವು ಪ್ರಾರಂಭವಾಗಲಿದೆ. ಧಾರ್ಮಿಕ ನಂಬಿಕೆಗಳ ಪ್ರಕಾರ, ಈ ಶುಭ ಸಂಯೋಗಗಳಲ್ಲಿ ದೇವರು ಮತ್ತು ದೇವತೆಗಳನ್ನು ಪೂಜಿಸುವುದು ವಿಶೇಷ ಪ್ರಯೋಜನವನ್ನು ನೀಡುತ್ತದೆ.

God Shiva-Shani Pradosha Vrat:  ಶನಿ ಪ್ರದೋಷ 2024 ಶುಭ ಮುಹೂರ್ತ

ಶ್ರಾವಣ ಮಾಸದ ಶುಕ್ಲ ಪಕ್ಷದ ತ್ರಯೋದಶಿ ತಿಥಿಯು ಆಗಸ್ಟ್ 17 ರಂದು ಶನಿವಾರ ಹಗಲು 08:05 ರಿಂದ ಪ್ರಾರಂಭವಾಗುತ್ತದೆ. ಮತ್ತು ಇದು ಆಗಸ್ಟ್ 18 ರಂದು ಮುಂಜಾನೆ 05:50 ಕ್ಕೆ ಕೊನೆಗೊಳ್ಳುತ್ತದೆ. ಪ್ರದೋಷ ಕಾಲದಲ್ಲಿ ದೇವರನ್ನು ಪೂಜಿಸುವುದು ಅತ್ಯಂತ ಮಂಗಳಕರವಾಗಿರುತ್ತದೆ. ಈ ದಿನ ಪ್ರದೋಷ ಕಾಲ ಸಂಜೆ 06:39 ರಿಂದ ರಾತ್ರಿ 08:57 ರವರೆಗೆ ಶಿವನ ಪೂಜೆಗೆ ಶುಭ ಮುಹೂರ್ತವಿರುತ್ತದೆ. ಈ ಸಮಯದಲ್ಲಿ ನೀವು ಶಿವನನ್ನು ತಪ್ಪದೇ ಪೂಜಿಸುವುದು ಉತ್ತಮ.

Also Read: Avoid Mirror in Bedroom – ಬೆಡ್​​ ರೂಮ್ ವಾಸ್ತು ಟಿಪ್ಸ್ – ಕನ್ನಡಿ ಎಲ್ಲಿಡಬೇಕು? ಸಾಮಾನ್ಯಾಗಿ ಕೇಳಿಬರುವ ಪ್ರಶ್ನೆಗಳಿಗೆ ಉತ್ತರ ಇಲ್ಲಿದೆ!

God Shiva-Shani Pradosha Vrat:  ​ಶನಿ ಪ್ರದೋಷ ವ್ರತದ ಮಹತ್ವ​

ಪ್ರದೋಷ ವ್ರತವನ್ನು ಆಚರಿಸುವುದರಿಂದ ಪರಮಾತ್ಮ ಈಶ್ವರನು ಪ್ರಸನ್ನನಾಗಿ ಆತನ ಆಶೀರ್ವಾದವನ್ನು ನಿಮ್ಮ ಮೇಲೆ ಸುರಿಸುತ್ತಾನೆ. ಹಾಗೆಯೇ ಮಕ್ಕಳಿಲ್ಲದವರೂ ಶನಿ ಪ್ರದೋಷ ವ್ರತವನ್ನು ಆಚರಿಸುವುದರಿಂದ ಸಂತಾನ ಭಾಗ್ಯವನ್ನು ಪಡೆಯುತ್ತಾರೆ. ಈ ವ್ರತವನ್ನು ಆಚರಿಸುವುದರಿಂದ ಶಿವನ ಕೃಪೆಯಿಂದ ಸಂತಾನ ಪ್ರಾಪ್ತಿಯಾಗುತ್ತದೆ ಎಂದು ಹೇಳಲಾಗುತ್ತದೆ. ಈ ಕಾರಣಕ್ಕಾಗಿ ನೀವು ಪ್ರದೋಷ ವ್ರತವನ್ನು ತಪ್ಪದೇ ಆಚರಿಸಿ.

Also Read:  Toe Rings -ವಿವಾಹಿತ ಮಹಿಳೆಯರು ಏಕೆ ಕಾಲುಂಗುರ ಧರಿಸುತ್ತಾರೆ ಗೊತ್ತಾ? ಅದಕ್ಕಿರುವ ಕಾಳಜಿ-ಕಾರಣವೇನು?

God Shiva-Shani Pradosha Vrat:  ​ಶನಿ ಪ್ರದೋಷ ಪೂಜೆ ವಿಧಾನ​

​
– ಪ್ರದೋಷ ಕಾಲ ಅಂದರೆ ಶನಿ ಪ್ರದೋಷ ವ್ರತದ ದಿನದಂದು ಸಂಜೆಯ ಸಮಯವನ್ನು ಪೂಜೆ ಮಾಡಲು ಮಂಗಳಕರವೆಂದು ಪರಿಗಣಿಸಲಾಗುತ್ತದೆ.

– ಸೂರ್ಯಾಸ್ತದ ಒಂದೂವರೆ ಗಂಟೆ ಮೊದಲು ಭಕ್ತರು ಸ್ನಾನ ಮಾಡಿ ಪೂಜೆಗೆ ಸಿದ್ಧರಾಗಬೇಕು.

– ಸ್ನಾನದ ನಂತರ, ಸಂಜೆಯ ಶುಭ ಮುಹೂರ್ತದಲ್ಲಿ ಪೂಜೆಯನ್ನು ಪ್ರಾರಂಭಿಸಿ.

– ಹಸುವಿನ ಹಾಲು, ಮೊಸರು, ತುಪ್ಪ, ಜೇನುತುಪ್ಪ ಮತ್ತು ಗಂಗಾಜಲ ಇತ್ಯಾದಿಗಳೊಂದಿಗೆ ಶಿವಲಿಂಗಕ್ಕೆ ಅಭಿಷೇಕ ಮಾಡಿ.

Also Read: Oh my Dog ಸ್ವಾಮಿನಿಷ್ಠೆಯ ನಾಯಿಗಳಿಗಾಗಿ ಶತ ಶತಮಾನಗಳ ಹಿಂದೆಯೇ ದೇಗುಲಗಳನ್ನು ಕಟ್ಟಲಾಗಿದೆ! ರೋಚಕ ಕತೆಗಳು ಇಲ್ಲಿವೆ

– ನಂತರ ಶಿವಲಿಂಗಕ್ಕೆ ಬಿಳಿಚಂದನವನ್ನು ಹಚ್ಚಿ ಬಿಲ್ವಪತ್ರೆ, ಹೂವು, ಇತ್ಯಾದಿಗಳನ್ನು ಅರ್ಪಿಸಿ.

– ನಂತರ ಕ್ರಮಬದ್ಧವಾಗಿ ಪೂಜೆ ಮಾಡಿ ಶಿವನಿಗೆ ಆರತಿಯನ್ನು ಮಾಡಿ.

​God Shiva-Shani Pradosha Vrat: ಈ ರಾಶಿ ಚಕ್ರದವರಿಗೆ ಶನಿ ಪ್ರದೋಷ ವ್ರತ ಅತ್ಯಂತ ವಿಶೇಷ​:

ಜ್ಯೋತಿಷ್ಯದ ಪ್ರಕಾರ, ಪ್ರಸ್ತುತ ಸಾಡೇಸಾತಿ ರಾಶಿಗಳು – ಮಕರ, ಕುಂಭ, ಮೀನ.
ಅರ್ಧಾಷ್ಟಮ – ವೃಶ್ಚಿಕ.
ಕಂಟಕ ಶನಿ – ಕಟಕ.
ಸಪ್ತಮ ಶನಿ – ಸಿಂಹ.
ಶನಿಯ ಪ್ರಭಾವವನ್ನು ಎದುರಿಸುತ್ತಿವೆ. ಇಂತಹ ಪರಿಸ್ಥಿತಿಯಲ್ಲಿ ಶನಿ ಪ್ರದೋಷ ವ್ರತದ ದಿನದಂದು ಶನಿ ಮತ್ತು ಶಿವನನ್ನು ಪೂಜಿಸುವುದರಿಂದ ಈ ರಾಶಿಯವರು ವಿಶೇಷ ಲಾಭವನ್ನು ಪಡೆಯಬಹುದು. ಈ ದಿನ ಶನಿ ದೇವರಿಗೆ ಸಾಸಿವೆ ಎಣ್ಣೆಯನ್ನು ಅರ್ಪಿಸಿ ಮತ್ತು ದೀಪವನ್ನು ಬೆಳಗಿಸಿ. ಇದರೊಂದಿಗೆ ಅರಳಿ ಮರದ ಕೆಳಗೆ ಸಾಸಿವೆ ಎಣ್ಣೆಯ ದೀಪವನ್ನು ಬೆಳಗಿಸಿ. ಹೀಗೆ ಮಾಡುವುದರಿಂದ ಶನಿಗ್ರಹದ ದುಷ್ಪರಿಣಾಮಗಳು ಕಡಿಮೆಯಾಗುತ್ತವೆ.

ಮತ್ತಷ್ಟು ಆಧ್ಯಾತ್ಮ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ

(ಗಮನಿಸಿ: ಈ ಲೇಖನವು ರೂಢಿಗತ, ಜನಪ್ರಿಯ ನಂಬಿಕೆಗಳನ್ನು ಆಧರಿಸಿದೆ. ಈ ಸುದ್ದಿಯಲ್ಲಿ ಒಳಗೊಂಡಿರುವ ಮಾಹಿತಿ ಮತ್ತು ಸತ್ಯಗಳ ನಿಖರತೆಗೆ ಟಿವಿ9 ಜವಾಬ್ದಾರರಾಗಿರುವುದಿಲ್ಲ)