Virat Kohli: ಟಿ20 ಕ್ರಿಕೆಟ್​ನಲ್ಲಿ ರೋಹಿತ್ ದಾಖಲೆ ಮುರಿದ ಕೊಹ್ಲಿ; ಹೊಸ ದಾಖಲೆ ಯಾವುದು ಗೊತ್ತಾ?

ನಿನ್ನೆ ಅಫ್ಘಾನಿಸ್ತಾನ ವಿರುದ್ಧದ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ (Virat Kohli) 71ನೇ ಶತಕ ಸಿಡಿಸಿದ್ದರು. ಕಳೆದ ಮೂರು ವರ್ಷಗಳಲ್ಲಿ ಕೊಹ್ಲಿ ಅನೇಕ ಬಾರಿ ಶತಕದ ಸಮೀಪ ಬಂತು ವಿಕೆಟ್ ಒಪ್ಪಿಸಿದರು. ಹಾಗಾಗಿ ಅಭಿಮಾನಿಗಳು ಕೂಡ ಅವರ ಪ್ರದರ್ಶನದ ಬಗ್ಗೆ ನಿರಾಶೆಗೊಂಡಿದ್ದರು. ಆದರೆ ನಿನ್ನೆ ಅವರು 61 ಎಸೆತಗಳಲ್ಲಿ 122 ರನ್ ಗಳಿಸಿ ಅಭಿಮಾನಿಗಳ ಮುಖದಲ್ಲಿ ಮಂದಹಾಸ ಮೂಡಿಸಿದರು. ಹೀಗಾಗಿ ನಿನ್ನೆಯಿಂದಲೇ ಸಾಮಾಜಿಕ ಜಾಲತಾಣಗಳಲ್ಲಿ ಕೊಹ್ಲಿ ಹೆಚ್ಚು ಚರ್ಚೆಯಾಗುತ್ತಿದ್ದು, ಅವರು ನಿನ್ನೆಯ ಪಂದ್ಯದಲ್ಲಿ ಮಾಡಿದ ದಾಖಲೆಗಳು ಒಂದೊಂದಾಗಿ ಹೊರಬರುತ್ತಿವೆ.

ಭಾರತದ ಶ್ರೇಷ್ಠ ಮಾಜಿ ಬ್ಯಾಟ್ಸ್‌ಮನ್ ಸಚಿನ್ ತೆಂಡೂಲ್ಕರ್ ಶತಕಗಳ ಪಟ್ಟಿಯಲ್ಲಿ ಮುಂದಿದ್ದಾರೆ. ಸಚಿನ್ ತೆಂಡೂಲ್ಕರ್ ಬಳಿಕ ಈಗ ಕೊಹ್ಲಿ ಭಾರತೀಯ ಆಟಗಾರರ ಪಟ್ಟಿಯಲ್ಲಿ 2ನೇ ಸ್ಥಾನ ಪಡೆದಿದ್ದಾರೆ. ನಿನ್ನೆಯ ಶತಕ ಸಿಡಿಸಿದ ಕಾರಣ ವಿರಾಟ್ ಹೆಸರಿನಲ್ಲಿ ಹೊಸ ದಾಖಲೆ ಸೃಷ್ಟಿಯಾಗಿದೆ. ವಿರಾಟ್ ನಿನ್ನೆ ತಮ್ಮ ಅತ್ಯಧಿಕ ಟಿ20 ರನ್‌ಗಳೊಂದಿಗೆ ರೋಹಿತ್ ಶರ್ಮಾ ಅವರನ್ನು ಹಿಂದಿಕ್ಕಿದ್ದಾರೆ. ಈ ಹಿಂದೆ ರೋಹಿತ್ ಶರ್ಮಾ ಟಿ20 ಕ್ರಿಕೆಟ್​ನಲ್ಲಿ 118 ರನ್​ಗಳ ದಾಖಲೆ ಹೊಂದಿದ್ದರು, ಅದನ್ನು ಕೊಹ್ಲಿ ಮುರಿದಿದ್ದಾರೆ.

T20 ಅಂತರಾಷ್ಟ್ರೀಯ ಪಂದ್ಯಗಳಲ್ಲಿ ಅತಿ ಹೆಚ್ಚು ರನ್ ಗಳಿಸಿದ ಭಾರತೀಯ ಆಟಗಾರರ ಪಟ್ಟಿ

1. ವಿರಾಟ್ ಕೊಹ್ಲಿ – 122* vs ಅಫ್ಘಾನಿಸ್ತಾನ, 2022
2. ರೋಹಿತ್ ಶರ್ಮಾ – 118 ವಿರುದ್ಧ ಶ್ರೀಲಂಕಾ, 2017
3. ಸೂರ್ಯಕುಮಾರ್ ಯಾದವ್ – 117 ವಿರುದ್ಧ ಇಂಗ್ಲೆಂಡ್, 2022
4. ರೋಹಿತ್ ಶರ್ಮಾ – 111* ವಿರುದ್ಧ ವೆಸ್ಟ್ ಇಂಡೀಸ್, 2018

ಕೆಎಲ್ ರಾಹುಲ್ – 110* ವಿರುದ್ಧ ವೆಸ್ಟ್ ಇಂಡೀಸ್, 2016

ಟಿ20ಯಲ್ಲಿ ಶತಕ ಸಿಡಿಸಿದ ಭಾರತೀಯ ಆಟಗಾರರು

1. ರೋಹಿತ್ ಶರ್ಮಾ – 4
2. ಕೆಎಲ್ ರಾಹುಲ್ – 2
3. ಸುರೇಶ್ ರೈನಾ – 1
4. ಹರ್ಮನ್‌ಪ್ರೀತ್ ಕೌರ್ – 1
5. ದೀಪಕ್ ಹೂಡಾ – 1
6. ಸೂರ್ಯಕುಮಾರ್ ಯಾದವ್ – 1
7. ವಿರಾಟ್ ಕೊಹ್ಲಿ – 1