BBL 2021: ಟಿ20 ಕ್ರಿಕೆಟ್ನ ಅತ್ಯಂತ ದುಬಾರಿ ಓವರ್ಗಳನ್ನು ಎಸೆದ ಆಸೀಸ್ ವೇಗಿ
Liam Guthrie: ಲಿಯಾಮ್ ಅವರ 24 ಎಸೆತಗಳಲ್ಲಿ ಮೆಲ್ಬೋರ್ನ್ ತಂಡದ ಬ್ಯಾಟರ್ಗಳು 7 ಸಿಕ್ಸರ್ ಮತ್ತು 2 ಬೌಂಡರಿಗಳನ್ನು ಬಾರಿಸಿದರು.
Updated on: Dec 27, 2021 | 8:13 PM
ಟಿ20 ಕ್ರಿಕೆಟ್ ಪ್ರತಿಯೊಂದು ರನ್ಗಳು ಕೂಡ ಅತ್ಯಮೂಲ್ಯ. ಹೀಗಾಗಿಯೇ ಟಿ20 ಕ್ರಿಕೆಟ್ನಲ್ಲಿ ಬೌಲರುಗಳು ನೀಡುವ ರನ್ಗಳು ಸದಾ ಚರ್ಚೆಯಲ್ಲಿರುತ್ತದೆ. ಇದೀಗ ಬಿಗ್ ಬ್ಯಾಷ್ ಲೀಗ್‌ನ (BBL 2021) 24 ವರ್ಷದ ಬೌಲರ್ ಲಿಯಾಮ್ ಗುತ್ರೀ ಕೂಡ ಸುದ್ದಿಯಾಗಿದ್ದಾರೆ. ಆದರೆ ಅದು ಕಳಪೆ ದಾಖಲೆಯಿಂದಾಗಿ ಎಂಬುದು ವಿಶೇಷ. ಹೌದು, ಬ್ರಿಸ್ಬೇನ್ ಹೀಟ್‌ ತಂಡದ ಎಡಗೈ ವೇಗದ ಬೌಲರ್ ಲಿಯಾಮ್ 4 ಓವರ್ನಲ್ಲಿ ನೀಡಿರುವುದು ಬರೋಬ್ಬರಿ 70 ರನ್ಗಳು.
ಮೆಲ್ಬೋರ್ನ್ ಸ್ಟಾರ್ಸ್ ವಿರುದ್ದದ ಈ ಪಂದ್ಯದಲ್ಲಿ ಲಿಯಾಮ್ ಗುತ್ರೀ 24 ಎಸೆತಗಳಲ್ಲಿ 70 ರನ್ ನೀಡುವ ಮೂಲಕ ಬಿಗ್ ಬ್ಯಾಷ್ ಲೀಗ್ ಇತಿಹಾಸದ ಅತ್ಯಂತ ದುಬಾರಿ ಬೌಲರ್ ಎನಿಸಿಕೊಂಡರು. ಲಿಯಾಮ್ ಅವರ 24 ಎಸೆತಗಳಲ್ಲಿ ಮೆಲ್ಬೋರ್ನ್ ತಂಡದ ಬ್ಯಾಟರ್ಗಳು 7 ಸಿಕ್ಸರ್ ಮತ್ತು 2 ಬೌಂಡರಿಗಳನ್ನು ಬಾರಿಸಿದರು. ಅಂದರೆ, ಬೌಂಡರಿಯಿಂದ ಮಾತ್ರ 50 ರನ್ ನೀಡಿದ್ದರು. ಇದಾಗ್ಯೂ ಲಿಯಾಮ್ ಎರಡು ವಿಕೆಟ್ ಪಡೆಯುವಲ್ಲಿ ಯಶಸ್ವಿಯಾಗಿದ್ದರು. ಈ ದುಬಾರಿ ಸ್ಪೆಲ್ ಪರಿಣಾಮ ಮೊದಲು ಬ್ಯಾಟ್ ಮಾಡಿದ ಮೆಲ್ಬೋರ್ನ್ ಸ್ಟಾರ್ಸ್ 20 ಓವರ್ಗಳಲ್ಲಿ 207 ರನ್ ಗಳಿಸಿತು.
ಇದಕ್ಕೂ ಮುನ್ನ BBL ನ ಅತ್ಯಂತ ದುಬಾರಿ ಬೌಲರ್ ದಾಖಲೆ ಬೆನ್ ದ್ವಾಸುಯಿಸ್ ಹೆಸರಿನಲ್ಲಿತ್ತು. ಕಳೆದ ವರ್ಷ ಮೆಲ್ಬೋರ್ನ್ ಸ್ಟಾರ್ಸ್ ವಿರುದ್ಧದ ಪಂದ್ಯದಲ್ಲಿ ದ್ವಾಸುಯಿಸ್ 4 ಓವರ್ಗಳಲ್ಲಿ 61 ರನ್ ನೀಡಿದ್ದರು. ಹಾಗೆಯೇ ಡೇನಿಯಲ್ ವೊರೆಲ್ 2014ರಲ್ಲಿ ಹೋಬರ್ಟ್ ಹರಿಕೇನ್ ವಿರುದ್ಧ 4 ಓವರ್ಗಳಲ್ಲಿ 60 ರನ್ ನೀಡಿದ್ದರು. ಇದೀಗ ಈ ದಾಖಲೆಯನ್ನು ಮುರಿದು ಲಿಯಾಮ್ ಗುತ್ರೀ 70 ರನ್ ನೀಡಿ ಕಳಪೆ ದಾಖಲೆಯನ್ನು ತಮ್ಮದಾಗಿಸಿಕೊಂಡಿದ್ದಾರೆ.
ಇದಾಗ್ಯೂ ಟಿ20 ಕ್ರಿಕೆಟ್ನ ಅತ್ಯಂತ ದುಬಾರಿ ಬೌಲರ್ಗಳ ಪಟ್ಟಿಯಲ್ಲಿ ಲಿಯಾಮ್ ಗುತ್ರೀ 2ನೇ ಸ್ಥಾನದಲ್ಲಿದ್ದಾರೆ. 2019 ರಲ್ಲಿ ಆಸ್ಟ್ರೇಲಿಯಾ ವಿರುದ್ದದ ಪಂದ್ಯದಲ್ಲಿ ಶ್ರೀಲಂಕಾ ಬೌಲರ್ ಕಸುನ್ ರಜಿತಾ 4 ಓವರ್ಗಳಲ್ಲಿ 75 ರನ್ ನೀಡಿರುವುದು ಅತ್ಯಂತ ಹೀನಾಯ ದಾಖಲೆಯಾಗಿ ಉಳಿದಿದೆ.
ಇದನ್ನೂ ಓದಿ: IPL 2022: RCB ಮನೀಷ್ ಪಾಂಡೆಯನ್ನು ಯಾಕೆ ಖರೀದಿಸಬೇಕು ಅಂದರೆ…
ಇದನ್ನೂ ಓದಿ: IPL 2022: ಇವರೇ RCB ತಂಡದ ಮುಂದಿನ ಕ್ಯಾಪ್ಟನ್ ಎಂದ ಮಾಜಿ ಆರ್ಸಿಬಿ ನಾಯಕ
(BBL 2021: Brisbane Heat L Guthrie gave 70 runs in 24 balls)
