Viral Video: ಮಗನಿಗೂ ಯಾರ್ಕರ್​…ಮಿಡ್ಲ್ ಸ್ಟಂಪ್ ಎಗರಿಸಿದ ಬ್ರೆಟ್ ಲೀ

ಹೌದು, ಬ್ರೆಟ್ ಲೀ ತಮ್ಮಆಸ್ಟ್ರೇಲಿಯಾದ ಮಾಜಿ ವೇಗಿ ಬ್ರೆಟ್ ಲೀ ಒಂದು ಕಾಲದಲ್ಲಿ ಕ್ರಿಕೆಟ್​ ಅಂಗಳದಲ್ಲಿ ತಮ್ಮ ಮಾರಕ ಬೌನ್ಸರ್ ಹಾಗೂ ಯಾರ್ಕರ್ ಎಸೆತಗಳಿಂದ ಸದ್ದು ಮಾಡಿದ್ದರು. ಅಷ್ಟೇ ಅಲ್ಲದೆ ತಮ್ಮ ಘಾತಕ ವೇಗದಿಂದ ಅನೇಕ ಬ್ಯಾಟರ್​ಗಳನ್ನು ಕಾಡಿದ್ದರು. ಇದೀಗ ನಿವೃತ್ತಿಯಾಗಿರುವ ಬ್ರೆಟ್ ಲೀ ತಮ್ಮ ಯಾರ್ಕರ್ ಎಸೆತಗಳನ್ನು ಮುಂದುವರೆಸಿದ್ದಾರೆ. ಅದು ಕೂಡ ತಮ್ಮ ಮಗನ ವಿರುದ್ದ ಎಂಬುದು ವಿಶೇಷ.

ಮಗ ಪ್ರೆಸ್ಟನ್‌ನೊಂದಿಗೆ ಹಿತ್ತಲಿನಲ್ಲಿ ಕ್ರಿಕೆಟ್ ಆಡುತ್ತಿರುವ ವಿಡಿಯೋವೊಂದು ವೈರಲ್ ಆಗಿದೆ. ಈ ವಿಡಿಯೋದಲ್ಲಿ 15 ವರ್ಷದ ಪ್ರೆಸ್ಟನ್ ಬ್ಯಾಟಿಂಗ್ ಮಾಡುತ್ತಿದ್ದರೆ, ಬ್ರೆಟ್ ಲೀ ಬೌಲಿಂಗ್ ಮಾಡುತ್ತಿದ್ದಾರೆ. ಅಷ್ಟೇ ಅಲ್ಲದೆ ಯಾರ್ಕರ್ ಎಸೆತದ ಮೂಲಕ ಮಿಡ್ಲ್​ ಸ್ಟಂಪ್ ಎಗರಿಸಿ ಮಗನನ್ನು ಕ್ಲೀನ್ ಬೌಲ್ಡ್ ಮಾಡಿದ್ದಾರೆ. ಈ ವಿಡಿಯೋ ಇದೀಗ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದ್ದು, ಮಗನ ವಿರುದ್ದ ಕೂಡ ಲೀ ಯಾರ್ಕರ್ ಮುಂದುವರೆಸಿದ್ದಾರೆ ಎಂದು ಅನೇಕರು ಕಮೆಂಟಿಸಿದ್ದಾರೆ. ಕೊನೆಯ ಪಕ್ಷ ಹಿತ್ತಲಲ್ಲಿ ಆಡುವಾಗಲಾದರೂ ಮಗನ ವಿರುದ್ದ ಕರುಣೆ ತೋರಿಸಬಹುದಿತ್ತಲ್ವಾ ಎಂದು ಅಭಿಮಾನಿಯೊಬ್ಬರು ಬ್ರೆಟ್ ಲೀ ಅವರನ್ನು ಪ್ರಶ್ನಿಸಿದ್ದಾರೆ. ಒಟ್ಟಿನಲ್ಲಿ ಬ್ರೆಟ್ ಲೀ ಅವರ ಈ ವಿಡಿಯೋ ಮತ್ತೆ ಹಳೆಯ ಯಾರ್ಕರ್ ಎಸೆತಗಳನ್ನು ನೆನಪಿಸುತ್ತಿರುವುದಂತು ಸುಳ್ಳಲ್ಲ.

View this post on Instagram

A post shared by Imatlunchwithlee (@imatlunchwithlee)

ಬ್ರೆಟ್ ಲೀ ಆಸ್ಟ್ರೇಲಿಯಾವನನು 76 ಟೆಸ್ಟ್‌ಗಳು, 221 ಏಕದಿನ ಮತ್ತು 25 ಟಿ20 ಪಂದ್ಯಗಳಲ್ಲಿ ಪ್ರತಿನಿಧಿಸಿದ್ದಾರೆ. ಈ ವೇಳೆ ಒಟ್ಟು 718 ಅಂತರಾಷ್ಟ್ರೀಯ ವಿಕೆಟ್‌ಗಳನ್ನು ಪಡೆದಿದ್ದಾರೆ. ಭಾರತ ವಿರುದ್ಧ 1999 ರ ಬಾಕ್ಸಿಂಗ್ ಡೇ ಟೆಸ್ಟ್‌ನಲ್ಲಿ ಪಾದಾರ್ಪಣೆ ಮಾಡಿದ ಲೀ, 2003, 2007 ರಲ್ಲಿ ವಿಶ್ವಕಪ್ ಗೆದ್ದ ಆಸ್ಟ್ರೇಲಿಯಾ ತಂಡದ ಭಾಗವಾಗಿದ್ದರು. ಅಲ್ಲದೆ 2008 ರಲ್ಲಿ ಆಸ್ಟ್ರೇಲಿಯಾದ ಆರನೇ ಅತಿ ಹೆಚ್ಚು ವಿಕೆಟ್-ಟೇಕರ್ ಆಗಿ ಟೆಸ್ಟ್ ಕ್ರಿಕೆಟ್‌ನಿಂದ ನಿವೃತ್ತಿ ಘೋಷಿಸಿದರು. ನಿವೃತ್ತಿ ಬಳಿಕ ಬ್ರೆಟ್ ಲೀ ಕಮೆಂಟೇಟರ್ ಆಗಿ ಕಾಣಿಸಿಕೊಳ್ಳುತ್ತಿದ್ದಾರೆ.

ಇದನ್ನೂ ಓದಿ:  India vs South Africa 1st Test: ದಕ್ಷಿಣ ಆಫ್ರಿಕಾ ವಿರುದ್ದ ಭಾರತಕ್ಕೆ ಭರ್ಜರಿ ಜಯ

ಇದನ್ನೂ ಓದಿ:  Ravindra Jadeja: ಸ್ಟಾರ್ ಆಲ್​ರೌಂಡರ್ ಜಡೇಜಾರನ್ನು ಆಯ್ಕೆ ಮಾಡದಿರಲು ಇದುವೇ ಕಾರಣ..!

ಇದನ್ನೂ ಓದಿ: Rohit Sharma: ಫಿಟ್​ನೆಸ್​ ಅಥವಾ ಇನ್ನೇನಾದರೂ? ರೋಹಿತ್ ಶರ್ಮಾ ಕೈ ಬಿಡಲು ಕಾರಣವೇನು?

ಇದನ್ನೂ ಓದಿ: IPL 2022: ಇವರೇ RCB ತಂಡದ ಮುಂದಿನ ಕ್ಯಾಪ್ಟನ್ ಎಂದ ಮಾಜಿ ಆರ್​ಸಿಬಿ ನಾಯಕ

(Brett Lee Shows No Mercy To His Son, Uproots His Middle Stump In Backyard Cricket)