CSK vs LSG Highlights IPL 2023: ಗೆಲುವಿನ ಖಾತೆ ತೆರೆದ ಚೆನ್ನೈ; ಲಕ್ನೋಗೆ 12 ರನ್ ಸೋಲು

ಐದನೇ ವಿಕೆಟ್ ಪತನ

ಎಲ್‌ಎಸ್‌ಜಿ ಇನ್ನಿಂಗ್ಸ್ ತತ್ತರಿಸುತ್ತಿದೆ. ತಂಡದ ಐದನೇ ವಿಕೆಟ್ ಕೂಡ ಬಿದ್ದಿದೆ. ಆಫ್ ಸ್ಪಿನ್ನರ್ ಮೊಯಿನ್ ಅಲಿ, ಮಾರ್ಕಸ್ ಸ್ಟೊಯಿನಿಸ್ ಅವರನ್ನು ಬೌಲ್ಡ್ ಮಾಡಿದರು. ಇದು ಮೊಯಿನ್ ಅಲಿ ಅವರ ನಾಲ್ಕನೇ ವಿಕೆಟ್.

ಪೂರನ್ ಸಿಕ್ಸ್

ಹಂಗರ್ಗೇಕರ್ ಎಸೆದ 12ನೇ ಓವರ್​ನಲ್ಲಿ ಪೂರನ್ 2 ಬೌಂಡರಿ ಹಾಗೂ 1 ಸಿಕ್ಸರ್ ಬಾರಿಸಿದರು. 4 ವಿಕೆಟ್​ಗಳ ನಂತರ ಲಕ್ನೋಗೆ ಇದು ಉತ್ತಮ ಓವರ್ ಆಯಿತು.

ಕೃನಾಲ್ ಪಾಂಡ್ಯ ಔಟ್

10ನೇ ಓವರ್‌ನ ಆರಂಭದಲ್ಲಿ ಸ್ಟೊಯಿನಿಸ್‌ ಮೊಯಿನ್ ಅಲಿಗೆ ಸಿಕ್ಸರ್ ಬಾರಿಸಿದರು. ಆದರೆ, ಕೊನೆಯ ಎಸೆತದಲ್ಲಿ ವಿಕೆಟ್ ಪಡೆದ ಅಲಿ, ಕೃನಾಲ್ ಪಾಂಡ್ಯ ಅವರನ್ನು ಔಟ್ ಮಾಡಿದರು. 9 ರನ್ ಗಳಿಸಿದ ನಂತರ ಕೃನಾಲ್ ವಾಪಸಾದರು.

ಪಾಂಡ್ಯ ಸಿಕ್ಸರ್

ಮಿಚೆಲ್ ಸ್ಯಾಂಟ್ನರ್ 9ನೇ ಓವರ್‌ನಲ್ಲಿ ಕೃನಾಲ್ ಪಾಂಡ್ಯ ಓವರ್‌ನ ಮೂರನೇ ಎಸೆತದಲ್ಲಿ ಸಿಕ್ಸರ್ ಬಾರಿಸಿದರು.

ರಾಹುಲ್ ಔಟ್

ಚೆನ್ನೈ ದೊಡ್ಡ ವಿಕೆಟ್ ಪಡೆದಿದೆ. ಕೆಎಲ್ ರಾಹುಲ್ ಔಟಾಗಿದ್ದಾರೆ. ಎಂಟನೇ ಓವರ್ ಎಸೆದ ಮೊಯಿನ್ ಅಲಿ ಅವರ ಎರಡನೆ ಎಸೆತದಲ್ಲಿ ರಾಹುಲ್ ಡೀಪ್ ಮಿಡ್ ವಿಕೆಟ್​ನಲ್ಲಿ ದೊಡ್ಡ ಶಾಟ್ ಆಡಲು ಬಯಸಿದ್ದರು ಆದರೆ ಚೆಂಡು ಅಲ್ಲಿಯೇ ನಿಂತಿದ್ದ ರಿತುರಾಜ್ ಗಾಯಕ್ವಾಡ್ ಕೈ ಸೇರಿತು.

ರಾಹುಲ್ – 20 ರನ್, 18 ಎಸೆತಗಳು 2×4

ಹೂಡಾ ಔಟ್

7ನೇ ಓವರ್‌ನ ಕೊನೆಯ ಎಸೆತದಲ್ಲಿ ಮಿಚೆಲ್ ಸ್ಯಾಂಟ್ನರ್ ದೀಪಕ್ ಹೂಡಾ ಅವರ ವಿಕೆಟ್ ಪಡೆದು ಲಖನೌ ತಂಡಕ್ಕೆ ಆಘಾತ ನೀಡಿದರು. ದೀಪಕ್ ಕೇವಲ 2 ರನ್ ಗಳಿಸಿ ಮರಳಿದ್ದಾರೆ. ಹೀಗಾಗಿ ಲಕ್ನೋ ಎರಡನೇ ವಿಕೆಟ್ ಕಳೆದುಕೊಂಡಿದೆ.

ಮೇಯರ್ಸ್ ಔಟ್

ಮೇಯರ್ಸ್ ಪವರ್‌ಪ್ಲೇನಲ್ಲಿ ಅರ್ಧಶತಕ ಗಳಿಸಿದ ನಂತರ ತಮ್ಮ ವಿಕೆಟ್ ಕಳೆದುಕೊಂಡರು. ದೊಡ್ಡ ಹೊಡೆತವನ್ನು ಆಡಲು ಯತ್ನಿಸಿದ ಮೇಯರ್ಸ್​ ಕಾನ್ವೇ ಕೈಗೆ ಸಿಕ್ಕಿಬಿದ್ದರು. ಮೇಯರ್ಸ್ 22 ಎಸೆತಗಳಲ್ಲಿ 53 ರನ್ ಗಳಿಸಿ ಮರಳಿದರು.

ಮೇಯರ್ಸ್ ಅರ್ಧಶತಕ

ಕೈಲ್ ಮೇಯರ್ಸ್ ಆರನೇ ಓವರ್‌ನ ಮೊದಲ ಎಸೆತದಲ್ಲಿ ಬೌಂಡರಿ ಬಾರಿಸುವ ಮೂಲಕ ಅರ್ಧಶತಕ ಪೂರೈಸಿದರು. ಇದಕ್ಕಾಗಿ ಅವರು 21 ಎಸೆತಗಳನ್ನು ತೆಗೆದುಕೊಂಡರು. ಇದು ಈ ಎಡಗೈ ಬ್ಯಾಟ್ಸ್‌ಮನ್‌ನ ಸತತ ಎರಡನೇ ಅರ್ಧಶತಕವಾಗಿದೆ. ಡೆಲ್ಲಿ ವಿರುದ್ಧದ ಮೊದಲ ಪಂದ್ಯದಲ್ಲಿಯೂ ಅರ್ಧಶತಕ ಗಳಿಸಿದ್ದರು.

5 ಓವರ್ ಅಂತ್ಯಕ್ಕೆ 73 ರನ್

5 ಓವರ್ ಅಂತ್ಯಕ್ಕೆ ಲಕ್ನೋ ತಂಡ 73 ರನ್ ಬಾರಿಸಿದೆ. ಚಹರ್ ಎಸೆದ ಈ ಓವರ್​ನಲ್ಲಿ 2 ಬೌಂಡರಿ ಬಂದವು.

ದೇಶಪಾಂಡೆ ದುಬಾರಿ

4ನೇ ಓವರ್ ಎಸೆದ ದೇಶಪಾಂಡೆ 2 ನೋ ಬಾಲ್ ಸೇರಿದಂತೆ ಈ ಓವರ್​ನಲ್ಲಿ ಬರೋಬ್ಬರಿ 12 ಬಾಲ್ ಎಸೆದರು. ಈ ಓವರ್​ನಲ್ಲಿ ಬೌಂಡರಿ, ಸಿಕ್ಸರ್ ಸೇರಿದಂತೆ ಒಟ್ಟು 18 ರನ್ ನೀಡಿದರು.

ಚಹರ್ ದುಬಾರಿ

3ನೇ ಓವರ್ ಎಸೆದ ಚಹರ್ ಈ ಓವರ್​ನಲ್ಲಿ 3 ಬೌಂಡರಿ ನೀಡಿದರು. ಅಷ್ಟೂ ಬೌಂಡರಿಗಳನ್ನು ಮೇಯರ್ಸ್​ ಬಾರಿಸಿದರು. ಈ ಓವರ್​ನಿಂದ 13 ರನ್ ಬಂದವು.

ಮೇಯರ್ಸ್​ ಸಿಕ್ಸರ್

2ನೇ ಓವರ್​ನಲ್ಲಿ ಮೇಯರ್ಸ್​ 2 ಬೌಂಡರಿ ಹಾಗೂ 1 ಸಿಕ್ಸರ್ ಬಾರಿಸಿದರು. 2 ಓವರ್ ಅಂತ್ಯಕ್ಕೆ ಲಕ್ನೋ 25 ರನ್ ಗಳಿಸಿದೆ.

ಲಕ್ನೋ ಬ್ಯಾಟಿಂಗ್ ಆರಂಭ

ಕೆಎಲ್ ರಾಹುಲ್ ಮತ್ತು ಕೈಲ್ ಮೇಯರ್ಸ್ ಜೋಡಿ ಮೈದಾನಕ್ಕಿಳಿದಿದ್ದಾರೆ. ದೀಪಕ್ ಚಹಾರ್ ಚೆನ್ನೈ ಪರ ಮೊದಲ ಓವರ್ ಎಸೆದರು.

217 ರನ್ ಟಾರ್ಗೆಟ್

ಚೆನ್ನೈ ಇನ್ನಿಂಗ್ಸ್ ಮುಗಿದಿದೆ. ಮೊದಲು ಬ್ಯಾಟ್ ಮಾಡಿದ ಈ ತಂಡ ಏಳು ವಿಕೆಟ್ ಕಳೆದುಕೊಂಡು 217 ರನ್ ಗಳಿಸಿದೆ. ತಂಡದ ಪರ ರುತುರಾಜ್ ಗಾಯಕ್ವಾಡ್ 57 ರನ್, ಡೆವೊನ್ ಕಾನ್ವೆ 47 ರನ್‌ಗಳ ಇನಿಂಗ್ಸ್‌ ಆಡಿದರು.

ಧೋನಿ ಔಟ್

2 ಎಸೆತಗಳಲ್ಲಿ ಎರಡು ಭರ್ಜರಿ ಸಿಕ್ಸರ್ ಬಾರಿಸಿದ ಧೋನಿ 3ನೇ ಎಸೆತದಲ್ಲಿ ವಿಕೆಟ್ ಕಳೆದುಕೊಂಡರು. ಮೂರನೇ ಬಿಗ್ ಶಾಟ್ ಆಡಲು ಯತ್ನಿಸಿ ವಿಕೆಟ್ ಕಳೆದುಕೊಂಡರು.

ಧೋನಿ ಬ್ಯಾಕ್-ಟು-ಬ್ಯಾಕ್ ಸಿಕ್ಸರ್‌

ಕ್ರೀಸ್‌ಗೆ ಬಂದ ತಕ್ಷಣ ತಾವು ಎದುರಿಸಿದ ಮೊದಲ ಎರಡು ಎಸೆತಗಳಲ್ಲಿ ಧೋನಿ ಎರಡು ಸಿಕ್ಸರ್‌ಗಳನ್ನು ಬಾರಿಸಿದ್ದಾರೆ. ಇದರೊಂದಿಗೆ ಧೋನಿ ಐಪಿಎಲ್‌ನಲ್ಲಿ 5 ಸಾವಿರ ರನ್ ಪೂರೈಸಿದ್ದಾರೆ.

ಜಡೇಜಾ ಔಟ್, ಧೋನಿ ಇನ್

20ನೇ ಓವರ್​ನ ಮೊದಲ ಎಸೆತದಲ್ಲಿ ಮಾರ್ಕ್ವುಡ್​ಗೆ 3 ರನ್ ಗಳಿಸಿ ಜಡೇಜಾ ಬಲಿಯಾದರು.

ರಾಯುಡು 2 ಸಿಕ್ಸರ್‌

ಅಂಬಟಿ ರಾಯುಡು 18ನೇ ಓವರ್​ನಲ್ಲಿ ಎರಡು ಸಿಕ್ಸರ್ ಬಾರಿಸಿದರು. ಮಾರ್ಕ್ ವುಡ್ ಅವರನ್ನು ಓವರ್‌ನ ಮೊದಲ ಎಸೆತದಲ್ಲಿ ಸಿಕ್ಸರ್ ಮೂಲಕ ಸ್ವಾಗತಿಸಲಾಯಿತು. ಓವರ್‌ನ ನಾಲ್ಕನೇ ಎಸೆತದಲ್ಲಿ ರಾಯುಡು ಸೈಟ್ ಸ್ಕ್ರೀನ್ ಕಡೆಗೆ ಸಿಕ್ಸರ್ ಬಾರಿಸಿದರು.

ಸ್ಟೋಕ್ಸ್ ಔಟ್

ಎರಡನೇ ಪಂದ್ಯದಲ್ಲೂ ಬೆನ್ ಸ್ಟೋಕ್ಸ್ ಕೇವಲ 8 ರನ್ ಗಳಿಸಿ ಅವೇಶ್ ಖಾನ್​ಗೆ ಬಲಿಯಾದರು.

ಅಲಿ ಔಟ್

ರವಿ ಬಿಷ್ಣೋಯ್ ಅದ್ಭುತ ಬೌಲಿಂಗ್ ಮಾಡಿ ಮೊಯಿನ್ ಅಲಿಯನ್ನು ಬಲಿಪಶು ಮಾಡಿದ್ದಾರೆ. ಬಿಗ್ ಶಾಟ್ ಹೊಡೆಯುವ ಯತ್ನದಲ್ಲಿ ಅಲಿ ಸ್ಟಂಪ್ ಔಟ್ ಆದರು.

ಅಲಿ ಸತತ 3 ಬೌಂಡರಿ

ಅವೇಶ್ ಖಾನ್ ಎಸೆದ 15ನೇ ಓವರ್​ನಲ್ಲಿ ಮೊಯಿನ್ ಅಲಿ ಓವರ್‌ನ ಕೊನೆಯ ಮೂರು ಎಸೆತಗಳಲ್ಲಿ ಸತತ ಮೂರು ಬೌಂಡರಿಗಳನ್ನು ಬಾರಿಸಿದರು.

ಶಿವಂ ದುಬೆ ಔಟ್

ಈ ಪಂದ್ಯದಲ್ಲಿ ರವಿ ಬಿಷ್ಣೋಯ್ ಮತ್ತೊಂದು ಯಶಸ್ಸು ಗಳಿಸಿದ್ದಾರೆ. 2 ಸಿಕ್ಸರ್ ಬಾರಿಸಿ ಅಬ್ಬರಿಸುತ್ತಿದ್ದ ಶಿವಂ ದುಬೆ ಅವರನ್ನು ಔಟ್ ಮಾಡಿದ್ದಾರೆ. ದುಬೆ 16 ಎಸೆತಗಳಲ್ಲಿ 27 ರನ್ ಗಳಿಸಿ ಮರಳಿದರು.

ದುಬೆ 2 ಸಿಕ್ಸರ್‌

14ನೇ ಓವರ್‌ ಎಸೆದ ರವಿ ಬಿಷ್ಣೋಯ್ ಅವರ ಎರಡನೇ ಮತ್ತು ಮೂರನೇ ಎಸೆತಗಳಲ್ಲಿ ಶಿವಂ ದುಬೆ ಸತತ ಎರಡು ಸಿಕ್ಸರ್‌ಗಳನ್ನು ಬಾರಿಸಿದರು.

ಕಾನ್ವೇ ಔಟ್

11ನೇ ಓವರ್‌ನ ಎರಡನೇ ಎಸೆತದಲ್ಲಿ ಮಾರ್ಕ್ ವುಡ್ ಕಾನ್ವೇ ಅವರನ್ನು ಔಟ್ ಮಾಡಿದರು. ಕಾನ್ವೇ ಅಮೋಘ ಶಾಟ್ ಆಡಿದರು ಆದರೆ ಕೃನಾಲ್ ಪಾಂಡ್ಯ ಅತ್ಯುತ್ತಮ ಕ್ಯಾಚ್ ಹಿಡಿದರು.

ಗಾಯಕ್ವಾಡ್ ಔಟ್

ರವಿ ಬಿಷ್ಣೋಯ್, ರುತುರಾಜ್ ಗಾಯಕ್ವಾಡ್ ಅವರನ್ನು ಮೊದಲ ಎಸೆತದಲ್ಲಿಯೇ ಔಟ್ ಮಾಡಿದರು. 31 ಎಸೆತಗಳಲ್ಲಿ 57 ರನ್ ಗಳಿಸಿದ ರುತುರಾಜ್, ಮಾರ್ಕ್​ವುಡ್​ಗೆ ಕ್ಯಾಚಿತ್ತು ಔಟಾದರು.

ಪಾಂಡ್ಯ ಓವರ್‌ನಲ್ಲಿ 2 ಸಿಕ್ಸರ್‌

8ನೇ ಓವರ್‌ನ ನಾಲ್ಕನೇ ಎಸೆತದಲ್ಲಿ, ಡೆವೊನ್ ಕಾನ್ವೇ ವೈಡ್ ಲಾಂಗ್ ಆನ್‌ನಲ್ಲಿ 85 ಮೀಟರ್‌ಗಳ ಸಿಕ್ಸರ್ ಅನ್ನು ಹೊಡೆದರು. ಕೊನೆಯ ಎಸೆತದಲ್ಲಿ ಸ್ಲಾಗ್ ಸ್ವೀಪ್ ಮಾಡಿ ಮತ್ತೊಂದು ಸಿಕ್ಸ್ ಹೊಡೆದರು.

ಗಾಯಕ್ವಾಡ್ ಅರ್ಧ ಶತಕ

ರುತುರಾಜ್ ಗಾಯಕ್ವಾಡ್ 25 ಎಸೆತಗಳಲ್ಲಿ ಅರ್ಧಶತಕ ಪೂರೈಸಿದರು. ಆರಂಭದಿಂದಲೇ ಬೌಂಡರಿ ಹಾಗೂ ಸಿಕ್ಸರ್‌ಗಳ ಮೂಲಕ ಅಬ್ಬರಿಸಿದ ರುತುರಾಜ್, 2ನೇ ಪಂದ್ಯದಲ್ಲಿ ಸತತ 2ನೇ ಅರ್ಧಶತಕ ಪೂರೈಸಿದರು.

ಪವರ್ ಪ್ಲೇ ಅಂತ್ಯ

ಪವರ್‌ಪ್ಲೇಯ ಅಂತಿಮ ಓವರ್‌ ಎಸೆದ ಮಾರ್ಕ್ ವುಡ್ ಅವರ ಓವರ್‌ನ ಮೊದಲ ಮತ್ತು ಮೂರನೇ ಎಸೆತಗಳಲ್ಲಿ ಕಾನ್ವೆ ಎರಡು ಬೌಂಡರಿ ಬಾರಿಸಿದರು. ಐದನೇ ಎಸೆತದಲ್ಲಿ ಸ್ಟ್ರೈಕ್‌ನಲ್ಲಿದ್ದ ಗಾಯಕ್ವಾಡ್ ಫ್ಲಿಕ್ ಮಾಡಿ, ಸ್ಕೇವರ್ ಲೆಗ್‌ನ ಮೇಲೆ ಸಿಕ್ಸರ್ ಹೊಡೆದರು.

ಗಾಯಕ್‌ವಾಡ್ 3 ಸಿಕ್ಸರ್‌

ಐದನೇ ಓವರ್‌ನಲ್ಲಿ ಗಾಯಕ್ವಾಡ್ ಮೂರು ಸಿಕ್ಸರ್‌ಗಳನ್ನು ಬಾರಿಸಿದರು. ಓವರ್‌ನ ಎರಡನೇ ಎಸೆತದಲ್ಲಿ ಸೈಟ್ ಸ್ಕ್ರೀನ್‌ಗೆ, ನಾಲ್ಕನೇ ಎಸೆತದಲ್ಲಿ ಮಿಡ್-ಆಫ್‌ಗೆ, ಅಂತಿಮ ಬಾಲ್‌ನಲ್ಲಿ ಎಕ್ಸ್​ಟ್ರಾ ಕವರ್‌ನ ಮೇಲೆ ಸಿಕ್ಸರ್ ಬಾರಿಸಿದರು. 5ನೇ ಓವರ್‌ನಲ್ಲಿ 20 ರನ್‌ಗಳು ಬಂದವು.

ಗಾಯಕ್ವಾಡ್ ಫೋರ್

100 ನೇ ಐಪಿಎಲ್ ಪಂದ್ಯವನ್ನು ಆಡುತ್ತಿರುವ ಕೃನಾಲ್ ಪಾಂಡ್ಯ ಅವ ಓವರ್​ನಲ್ಲಿ ಗಾಯಕ್ವಾಡ್ ಓವರ್‌ನ ಐದನೇ ಎಸೆತದಲ್ಲಿ ಬೌಂಡರಿ ಬಾರಿಸಿದರು.

ಎರಡನೇ ಓವರ್‌ನಲ್ಲಿ ಚೆನ್ನೈ 17 ರನ್

ಎರಡನೇ ಓವರ್‌ ಅನ್ನು ಅವೇಶ್‌ ವೈಡ್ ಬಾಲ್​ನಿಂದ ಆರಂಭಿಸಿ 5 ರನ್ ನೀಡಿದರು. ಆ ಬಳಿಕ ಕಾನ್ವೆ ಓವರ್‌ನ ಮೂರು ಮತ್ತು ನಾಲ್ಕನೇ ಎಸೆತಗಳಲ್ಲಿ ಎರಡು ಬೌಂಡರಿಗಳನ್ನು ಬಾರಿಸಿದರು. ಈ ಓವರ್‌ನಲ್ಲಿ ಚೆನ್ನೈ 17 ರನ್ ಗಳಿಸಿತು.

ಚೆನ್ನೈ ಬ್ಯಾಟಿಂಗ್ ಆರಂಭ

ಚೆನ್ನೈ ಬ್ಯಾಟಿಂಗ್ ಆರಂಭಿಸಿದೆ. ತಂಡದ ಪರ ರುತುರಾಜ್ ಹಾಗೂ ಕಾನ್ವೇ ಬ್ಯಾಟಿಂಗ್ ಆರಂಭಿಸಿದ್ದಾರೆ. ಮೇಯರ್ಸ್​ ಎಸೆದ ಮೊದಲ ಓವರ್​ನಲ್ಲಿ 2 ರನ್ ಬಂದವು.

ಚೆನ್ನೈ ಸೂಪರ್ ಕಿಂಗ್ಸ್

ಎಂಎಸ್ ಧೋನಿ (ನಾಯಕ) ಡೆವೊನ್ ಕಾನ್ವೇ, ರುತುರಾಜ್ ಗಾಯಕ್ವಾಡ್, ಮೊಯಿನ್ ಅಲಿ, ಬೆನ್ ಸ್ಟೋಕ್ಸ್, ಅಂಬಟಿ ರಾಯುಡು, ರವೀಂದ್ರ ಜಡೇಜಾ, ಶಿವಂ ದುಬೆ, ಎಂಎಸ್ ಧೋನಿ, ದೀಪಕ್ ಚಾಹರ್, ಮಿಚೆಲ್ ಸ್ಯಾಂಟ್ನರ್, ರಾಜ್ಯವರ್ಧನ್ ಹಂಗೇರ್‌ಗೆಕರ್.

ಲಕ್ನೋ ಸೂಪರ್ ಜೈಂಟ್ಸ್

ಕೆಎಲ್ ರಾಹುಲ್ (ನಾಯಕ), ಕೈಲ್ ಮೈಯರ್ಸ್, ನಿಕೋಲಸ್ ಪೂರನ್, ಮಾರ್ಕಸ್ ಸ್ಟೊಯಿನಿಸ್, ದೀಪಕ್ ಹೂಡಾ, ಕೃನಾಲ್ ಪಾಂಡ್ಯ, ಆಯುಷ್ ಬಧೋನಿ, ಮಾರ್ಕ್ ವುಡ್, ಯಶ್ ಠಾಕೂರ್, ರವಿ ಬಿಷ್ಣೋಯ್, ಅವೇಶ್ ಖಾನ್.

ಟಾಸ್ ಗೆದ್ದ ಲಕ್ನೋ

ಟಾಸ್ ಗೆದ್ದ ಲಕ್ನೋ ನಾಯಕ ಕೆಎಲ್ ರಾಹುಲ್ ಮೊದಲು ಬೌಲಿಂಗ್ ಮಾಡಲು ನಿರ್ಧರಿಸಿದ್ದಾರೆ. ಹೀಗಾಗಿ ಚೆನ್ನೈ ಮೊದಲು ಬ್ಯಾಟಿಂಗ್ ಮಾಡಲಿದೆ.