CSK vs MI Highlights, IPL 2025: 12 ವರ್ಷಗಳ ಸಂಪ್ರದಾಯ ಮುಂದುವರೆಸಿದ ಮುಂಬೈ
Updated on:Mar 23, 2025 | 11:20 PM
Chennai Super Kings vs Mumbai Indians Highlights in Kannada: 2025 ರ ಐಪಿಎಲ್ನ ಮೂರನೇ ಪಂದ್ಯದಲ್ಲಿ, ಚೆನ್ನೈ ಸೂಪರ್ ಕಿಂಗ್ಸ್ ತಮ್ಮ ಅತಿದೊಡ್ಡ ಎದುರಾಳಿ ಮುಂಬೈ ಇಂಡಿಯನ್ಸ್ ತಂಡವನ್ನು 4 ವಿಕೆಟ್‌ಗಳಿಂದ ಸೋಲಿಸಿತು. ಚೆನ್ನೈನ ಚೆಪಾಕ್ ಕ್ರೀಡಾಂಗಣದಲ್ಲಿ ನಡೆದ ಈ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಮುಂಬೈ 155 ರನ್ ಕಲೆಹಾಕಿತು. ಇದಕ್ಕೆ ಉತ್ತರವಾಗಿ ಚೆನ್ನೈ ತಂಡವು ನಾಯಕ ರುತುರಾಜ್ ಗಾಯಕ್ವಾಡ್ (53) ಮತ್ತು ರಚಿನ್ ರವೀಂದ್ರ (ಔಟಾಗದೆ 65) ಅವರ ಅರ್ಧಶತಕದ ಸಹಾಯದಿಂದ 19.1 ಓವರ್‌ಗಳಲ್ಲಿ ಗುರಿ ತಲುಪಿತು.
ಚೆಪಾಕ್ ಮೈದಾನದಲ್ಲಿ ನಡೆದ ಮುಂಬೈ ಇಂಡಿಯನ್ಸ್ ವಿರುದ್ಧದ ಹೈವೋಲ್ಟೇಜ್ ಕದನದಲ್ಲಿ 4 ವಿಕೆಟ್ಗಳ ರೋಜಕ ಜಯ ಸಾಧಿಸಿದ ಚೆನ್ನೈ ಸೂಪರ್ ಕಿಂಗ್ಸ್ 18ನೇ ಆವೃತ್ತಿಯನ್ನು ಗೆಲುವಿನೊಂದಿಗೆ ಆರಂಭಿಸಿದೆ. ಪಂದ್ಯದಲ್ಲಿ ಟಾಸ್ ಗೆದ್ದ ಸಿಎಸ್ಕೆ ನಾಯಕ ರುತುರಾಜ್ ಗಾಯಕ್ವಾಡ್ ಮೊದಲು ಬೌಲಿಂಗ್ ಮಾಡಲು ನಿರ್ಧರಿಸಿದರು. ನಾಯಕನ ನಿರ್ಧಾರವನ್ನು ಸಮರ್ಥಿಸಿಕೊಂಡ ಚೆನ್ನೈ ಬೌಲರ್‌ಗಳು ಮುಂಬೈನ ಬಲಿಷ್ಠ ಬ್ಯಾಟಿಂಗ್ ವಿಭಾವನ್ನು ಕೇವಲ 155 ರನ್‌ಗಳಿಗೆ ಸೀಮಿತಗೊಳಿಸಿದರು. ಆ ಬಳಿಕ ಈ ಗುರಿ ಬೆನ್ನಟ್ಟಿದ ಚೆನ್ನೈ ತಂಡ ಕೂಡ ಗೆಲುವಿಗಾಗಿ ಸಾಕಷ್ಟು ಬೆವರು ಹರಿಸಬೇಕಾಯಿತು. ಆದಾಗ್ಯೂ ಆರಂಭಿಕ ಆಟಗಾರ ರಚಿನ್ ರವೀಂದ್ರ ಅವರ ಅಜೇಯ ಅರ್ಧಶತಕದಿಂದ ಸಿಎಸ್ಕೆ ತಂಡ ಇನ್ನು 5 ಎಸೆತಗಳು ಬಾಕಿ ಇರುವಂತೆಯೇ ಗೆಲುವಿನ ದಡ ಮುಟ್ಟಿತು. ಈ ಮೂಲಕ ಚೆನ್ನೈ ಪಾಯಿಂಟ್ಸ್ ಪಟ್ಟಿಯಲ್ಲಿ ತಮ್ಮ ಖಾತೆಯನ್ನು ತೆರೆಯಿತು.
LIVE NEWS & UPDATES
-
CSK vs MI: ಚೆನ್ನೈಗೆ ಗೆಲುವಿನ ಆರಂಭ
ಮೊದಲ ಪಂದ್ಯದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಮುಂಬೈ ಇಂಡಿಯನ್ಸ್ ತಂಡವನ್ನು 4 ವಿಕೆಟ್‌ಗಳಿಂದ ಸೋಲಿಸಿತ್ತು. ಕೊನೆಯ ಓವರ್‌ನಲ್ಲಿ ಚೆನ್ನೈ ತಂಡಕ್ಕೆ 4 ರನ್‌ಗಳು ಬೇಕಾಗಿದ್ದವು ಮತ್ತು ಮಿಚೆಲ್ ಸ್ಯಾಂಟ್ನರ್ ಎಸೆದ ಮೊದಲ ಎಸೆತದಲ್ಲೇ ರಚಿನ್ ರವೀಂದ್ರ ಸಿಕ್ಸರ್ ಬಾರಿಸಿ ತಂಡಕ್ಕೆ ಗೆಲುವು ತಂದುಕೊಟ್ಟರು. ರಚಿನ್ 45 ಎಸೆತಗಳಲ್ಲಿ ಅಜೇಯ 65 ರನ್ ಗಳಿಸಿದರು. ಇದರೊಂದಿಗೆ, ಮುಂಬೈ ತಂಡವು ಸತತ 13 ನೇ ವರ್ಷ ಋತುವಿನ ತನ್ನ ಮೊದಲ ಪಂದ್ಯವನ್ನು ಸೋತಿತು.
-
CSK vs MI: ರಚಿನ್ ಅರ್ಧಶತಕ
ರಚಿನ್ ರವೀಂದ್ರ ಆಕ್ರಮಣಕಾರಿ ಇನ್ನಿಂಗ್ಸ್ ಆಡುವ ಮೂಲಕ ಅರ್ಧಶತಕ ಪೂರೈಸಿದ್ದಾರೆ. 18ನೇ ಓವರ್‌ನಲ್ಲಿ ಅದ್ಭುತ ಸಿಕ್ಸರ್ ಬಾರಿಸುವ ಮೂಲಕ ರಚಿನ್ 42 ಎಸೆತಗಳಲ್ಲಿ ಅರ್ಧಶತಕ ಪೂರೈಸಿದರು.
-
-
CSK vs MI: 4 ಓವರ್‌ಗಳಲ್ಲಿ 31 ರನ್ ಬೇಕು
ಚೆನ್ನೈ ತಂಡದ ಇನ್ನಿಂಗ್ಸ್‌ನ 16 ಓವರ್‌ಗಳು ಪೂರ್ಣಗೊಂಡಿದ್ದು, ತಂಡದ ಸ್ಕೋರ್ ಪ್ರಸ್ತುತ 125 ರನ್‌ಗಳಾಗಿದ್ದು, 5 ವಿಕೆಟ್‌ಗಳು ಪತನಗೊಂಡಿವೆ. ಕೊನೆಯ 4 ಓವರ್‌ಗಳಲ್ಲಿ ಗೆಲುವಿಗೆ 31 ರನ್‌ಗಳು ಬೇಕಾಗಿವೆ. ರಚಿನ್ ರವೀಂದ್ರ ಮತ್ತು ರವೀಂದ್ರ ಜಡೇಜಾ ಕ್ರೀಸ್‌ನಲ್ಲಿದ್ದಾರೆ.
-
CSK vs MI: 5ನೇ ವಿಕೆಟ್
ಮುಂಬೈ ಇಂಡಿಯನ್ಸ್ ತಂಡವು ಚೆನ್ನೈ ಸೂಪರ್ ಕಿಂಗ್ಸ್ ಗೆ ಐದನೇ ಹೊಡೆತ ನೀಡಿದ್ದು, ಈ ಬಾರಿ ಸ್ಯಾಮ್ ಕರನ್ ಪೆವಿಲಿಯನ್ ಗೆ ಮರಳಿದ್ದಾರೆ. ವಿಲ್ ಜ್ಯಾಕ್ಸ್, ಕರನ್ ಅವರನ್ನು ಔಟ್ ಮಾಡಿದರು.
-
CSK vs MI: ವಿಘ್ನೇಶ್ 3 ಓವರ್‌ಗಳಲ್ಲಿ 3 ವಿಕೆಟ್
ವಿಘ್ನೇಶ್ ಪುತೂರ್ ಅವರ ಅದ್ಭುತ ಪ್ರದರ್ಶನ ಮುಂದುವರೆದಿದ್ದು, ಸತತ ಮೂರನೇ ಓವರ್‌ನಲ್ಲಿ ಅವರು ವಿಕೆಟ್ ಪಡೆದಿದ್ದಾರೆ. ಈ ಬಾರಿ ಪುತೂರ್ ಹೊಸ ಬ್ಯಾಟ್ಸ್‌ಮನ್ ದೀಪಕ್ ಹೂಡಾ ಅವರನ್ನು ಪೆವಿಲಿಯನ್‌ಗೆ ಕಳುಹಿಸಿದರು.
-
-
CSK vs MI: ಮೂರನೇ ವಿಕೆಟ್ ಪತನ
ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಮೂರನೇ ವಿಕೆಟ್ ಕಳೆದುಕೊಂಡಿದ್ದು, ಯುವ ಸ್ಪಿನ್ನರ್ ವಿಘ್ನೇಶ್ ಪುತ್ತೂರು ಮತ್ತೊಂದು ವಿಕೆಟ್ ಪಡೆದಿದ್ದಾರೆ. ವಿಘ್ನೇಶ್ ತಮ್ಮ ಎರಡನೇ ಓವರ್‌ನಲ್ಲಿ ಶಿವಂ ದುಬೆ ಅವರ ವಿಕೆಟ್ ಪಡೆದರು.
-
CSK vs MI: ರುತುರಾಜ್ ಔಟ್
ಚೆನ್ನೈ ಸೂಪರ್ ಕಿಂಗ್ಸ್ ಎರಡನೇ ವಿಕೆಟ್ ಕಳೆದುಕೊಂಡಿದೆ. ನಾಯಕ ರುತುರಾಜ್ ಗಾಯಕ್ವಾಡ್ 26 ಎಸೆತಗಳಲ್ಲಿ 53 ರನ್ ಗಳಿಸಿ ಔಟಾದರು. ಅವರನ್ನು 24 ವರ್ಷದ ಯುವ ಸ್ಪಿನ್ನರ್ ವಿಘ್ನೇಶ್ ಪುತ್ತೂರು ಬೇಟೆಯಾಡಿದರು.
-
CSK vs MI: ಪವರ್ಪ್ಲೇ ಅಂತ್ಯ
ಚೆನ್ನೈ ಸೂಪರ್ ಕಿಂಗ್ಸ್ ಪವರ್‌ಪ್ಲೇನಲ್ಲಿ 1 ವಿಕೆಟ್ ಕಳೆದುಕೊಂಡು 62 ರನ್‌ಗಳನ್ನು ಗಳಿಸಿದೆ. ರಚಿನ್ ರವೀಂದ್ರ ಮುಕ್ತವಾಗಿ ಆಡಲು ಸಾಧ್ಯವಾಗುತ್ತಿಲ್ಲ ಆದರೆ ನಾಯಕ ರುತುರಾಜ್ ಗಾಯಕ್ವಾಡ್ ಕೇವಲ 19 ಎಸೆತಗಳಲ್ಲಿ 42 ರನ್ ಗಳಿಸಿದ್ದಾರೆ.
-
CSK vs MI: ಸಿಎಸ್ಕೆ ಮೊದಲ ವಿಕೆಟ್
ದೀಪಕ್ ಚಹಾರ್ ತಮ್ಮ ಹಳೆಯ ತಂಡಕ್ಕೆ ಮೊದಲ ಹೊಡೆತ ನೀಡಿದ್ದಾರೆ. ಎರಡನೇ ಓವರ್‌ನಲ್ಲಿಯೇ ಚಾಹರ್ ಆರಂಭಿಕ ರಾಹುಲ್ ತ್ರಿಪಾಠಿ (2) ಅವರನ್ನು ಪೆವಿಲಿಯನ್‌ಗೆ ಕಳುಹಿಸಿದರು.
-
CSK vs MI: ಚೆನ್ನೈ ಬ್ಯಾಟಿಂಗ್ ಆರಂಭ
ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ಬ್ಯಾಟಿಂಗ್ ಆರಂಭವಾಗಿದೆ. ತಂಡಕ್ಕೆ 156 ರನ್‌ಗಳ ಗುರಿ ಇದ್ದು, ರಾಹುಲ್ ತ್ರಿಪಾಠಿ ಅವರೊಂದಿಗೆ ರಚಿನ್ ರವೀಂದ್ರ ಆರಂಭಿಕರಾಗಿ ಕಣಕ್ಕಿಳಿಯುತ್ತಿದ್ದಾರೆ.
-
CSK vs MI: 155 ರನ್ ಟಾರ್ಗೆಟ್
ದೀಪಕ್ ಚಹಾರ್ ತಮ್ಮ ಹಳೆಯ ತಂಡದ ವಿರುದ್ಧ ಮಹತ್ವದ ಇನ್ನಿಂಗ್ಸ್ ಆಡಿದ್ದಾರೆ. ಕೊನೆಯ ಓವರ್‌ನಲ್ಲಿ ಚಾಹರ್ ಒಂದು ಸಿಕ್ಸರ್ ಮತ್ತು ಒಂದು ಬೌಂಡರಿ ಬಾರಿಸಿ ಮುಂಬೈ ತಂಡವನ್ನು 20 ಓವರ್‌ಗಳಲ್ಲಿ 155 ರನ್‌ಗಳ ಬೃಹತ್ ಮೊತ್ತಕ್ಕೆ ಕೊಂಡೊಯ್ದರು. ಚಹಾರ್ ಕೇವಲ 15 ಎಸೆತಗಳಲ್ಲಿ 28 ರನ್ ಗಳಿಸಿ ಅಜೇಯರಾಗಿ ಮರಳಿದರು.
-
CSK vs MI: ಖಲೀಲ್ಗೆ ಮೂರನೇ ವಿಕೆಟ್
ಖಲೀಲ್ ಅಹ್ಮದ್ ತಮ್ಮ ಕೊನೆಯ ಓವರ್‌ನ ಕೊನೆಯ ಎಸೆತದಲ್ಲಿ ವಿಕೆಟ್ ಪಡೆದರು. ೧9ನೇ ಓವರ್‌ನ ಕೊನೆಯ ಎಸೆತದಲ್ಲಿ ಖಲೀಲ್ ಟ್ರೆಂಟ್ ಬೌಲ್ಟ್ ಅವರ ವಿಕೆಟ್ ಪಡೆದರು. ಖಲೀಲ್ 3 ವಿಕೆಟ್ ಪಡೆದರು.
-
CSK vs MI: ನೂರ್ಗೆ 4ನೇ ವಿಕೆಟ್
ನೂರ್ ಅಹ್ಮದ್ ತಮ್ಮ ಕೊನೆಯ ಓವರ್‌ನಲ್ಲಿ ವಿಕೆಟ್ ಪಡೆದಿದ್ದಾರೆ. 17 ನೇ ಓವರ್‌ನಲ್ಲಿ ಬಂದ ಸ್ಪಿನ್ನರ್ ನಮನ್ ಧೀರ್ (17) ಅವರನ್ನು ಮೊದಲ ಎಸೆತದಲ್ಲೇ ಔಟ್ ಮಾಡಿದರು. ಇದರೊಂದಿಗೆ ಮುಂಬೈನ ಕೊನೆಯ ಭರವಸೆಯೂ ಭಗ್ನವಾಯಿತು.
-
CSK vs MI: 6 ವಿಕೆಟ್ಗಳ ಪತನ
ನೂರ್ ಅಹ್ಮದ್ ಒಂದೇ ಓವರ್‌ನಲ್ಲಿ 2 ವಿಕೆಟ್ ಪಡೆದಿದ್ದಾರೆ. ಮಿಂಜ್ ಅವರನ್ನು ಔಟ್ ಮಾಡಿದ ನಂತರ, ನೂರ್ ಸೆಟ್ ಬ್ಯಾಟ್ಸ್‌ಮನ್ ತಿಲಕ್ ವರ್ಮಾ (31) ಅವರನ್ನು ಪೆವಿಲಿಯನ್‌ಗೆ ಕಳುಹಿಸುವ ಮೂಲಕ ದೊಡ್ಡ ಹೊಡೆತ ನೀಡಿದರು.
-
CSK vs MI: ರಾಬಿನ್ ಮಿಂಜ್ ಔಟ್
ಮುಂಬೈ ಇಂಡಿಯನ್ಸ್ ತನ್ನ ಐದನೇ ವಿಕೆಟ್ ಕಳೆದುಕೊಂಡಿದ್ದು, ತಂಡದ ಅರ್ಧದಷ್ಟು ಜನರು ಪೆವಿಲಿಯನ್‌ಗೆ ಮರಳಿದ್ದಾರೆ. 13ನೇ ಓವರ್‌ನಲ್ಲಿ, ರಾಬಿನ್ ಮಿಂಜ್ (3) ನೂರ್ ಅಹ್ಮದ್ ಎಸೆತದಲ್ಲಿ ಬೌಂಡರಿಯಲ್ಲಿ ಕ್ಯಾಚ್ ನೀಡಿದರು. ಇದು ಐಪಿಎಲ್‌ನಲ್ಲಿ ಮಿಂಜ್ ಅವರ ಚೊಚ್ಚಲ ಪಂದ್ಯವಾಗಿದೆ.
-
CSK vs MI: ಸೂರ್ಯ ಔಟ್
43 ವರ್ಷ ವಯಸ್ಸಿನಲ್ಲೂ ಎಂಎಸ್ ಧೋನಿ ಅವರ ವಿಕೆಟ್ ಕೀಪಿಂಗ್ ಅದ್ಭುತ. ಧೋನಿ ಸೂರ್ಯಕುಮಾರ್ ಯಾದವ್ ಅವರನ್ನು 1 ಸೆಕೆಂಡ್‌ಗಿಂತ ಕಡಿಮೆ ಅವಧಿಯಲ್ಲಿ ಸ್ಟಂಪ್ ಔಟ್ ಮಾಡುವ ಮೂಲಕ ಎಲ್ಲರನ್ನೂ ಅಚ್ಚರಿಗೊಳಿಸಿದರು. ನೂರ್ ಅಹ್ಮದ್ ಈ ವಿಕೆಟ್ ಪಡೆದರು.
-
CSK vs MI: 50 ರನ್‌ಗಳು ಪೂರ್ಣ
ಪವರ್‌ಪ್ಲೇನಲ್ಲಿ 3 ವಿಕೆಟ್‌ಗಳನ್ನು ಕಳೆದುಕೊಂಡರೂ, ಮುಂಬೈ ಇಂಡಿಯನ್ಸ್ ರನ್ ರೇಟ್ ಕಡಿಮೆಯಾಗಲು ಅವಕಾಶ ನೀಡಲಿಲ್ಲ. ಮೊದಲ 6 ಓವರ್‌ಗಳಲ್ಲಿ 52 ರನ್‌ಗಳನ್ನು ಗಳಿಸಿತು. ಪ್ರಸ್ತುತ ನಾಯಕ ಸೂರ್ಯಕುಮಾರ್ ಯಾದವ್ ಮತ್ತು ತಿಲಕ್ ವರ್ಮಾ ಕ್ರೀಸ್‌ನಲ್ಲಿದ್ದಾರೆ.
-
CSK vs MI: ಅಶ್ವಿನ್ಗೆ ವಿಕೆಟ್
ಸಿಎಸ್‌ಕೆಗೆ ಮರಳಿರುವ ಅಶ್ವಿನ್ ತಮ್ಮ ಮೊದಲ ಓವರ್‌ನಲ್ಲಿಯೇ ವಿಕೆಟ್ ಪಡೆದಿದ್ದಾರೆ. ಅಶ್ವಿನ್ ಎಸೆತದಲ್ಲಿ ವಿಲ್ ಜಾಕ್ಸ್ (11) ಕ್ಯಾಚ್ ನೀಡಿ ಔಟಾಗಿದ್ದಾರೆ.
-
CSK vs MI: ಸಿಎಸ್‌ಕೆಗೆ ಮರಳಿದ ಅಶ್ವಿನ್
10 ವರ್ಷಗಳ ನಂತರ, ರವಿಚಂದ್ರನ್ ಅಶ್ವಿನ್ ಮತ್ತೊಮ್ಮೆ ಚೆನ್ನೈ ಸೂಪರ್ ಕಿಂಗ್ಸ್ ಪರ ಮೈದಾನಕ್ಕೆ ಇಳಿದಿದ್ದಾರೆ. ಮುಂಬೈ ವಿರುದ್ಧದ ಪವರ್‌ಪ್ಲೇನ 5 ನೇ ಓವರ್‌ನಲ್ಲಿ ಅಶ್ವಿನ್ ಅವರನ್ನು ಬೌಲಿಂಗ್ ಮಾಡಲು ಆಹ್ವಾನಿಸಲಾಯಿತು.
-
CSK vs MI: ಎರಡನೇ ವಿಕೆಟ್ ಪತನ
ಮುಂಬೈ ಇಂಡಿಯನ್ಸ್ ತಂಡಕ್ಕೆ ಮತ್ತೊಂದು ಹಿನ್ನಡೆಯಾಗಿದೆ. ಈ ಬಾರಿ ರಯಾನ್ ರಿಕಲ್ಟನ್ (13) ಬೌಲ್ಡ್ ಆಗಿದ್ದಾರೆ. ಐಪಿಎಲ್‌ಗೆ ಪಾದಾರ್ಪಣೆ ಮಾಡಿದ ರಿಕಲ್ಟನ್ ಅವರನ್ನು ಮೂರನೇ ಓವರ್‌ನಲ್ಲಿ ಖಲೀಲ್ ಅಹ್ಮದ್ ಔಟ್ ಮಾಡಿದರು.
-
CSK vs MI: ರೋಹಿತ್ ಶರ್ಮಾ ಔಟ್
ಮುಂಬೈ ಇಂಡಿಯನ್ಸ್ ತಂಡವು ಅತ್ಯಂತ ಕಳಪೆ ಆರಂಭವನ್ನು ಕಂಡಿದ್ದು, ತಂಡದ ಮಾಜಿ ನಾಯಕ ರೋಹಿತ್ ಶರ್ಮಾ ಮೊದಲ ಓವರ್‌ನಲ್ಲೇ ಔಟಾದರು. ಖಲೀಲ್ ಅಹ್ಮದ್ ಬೌಲಿಂಗ್‌ನ ನಾಲ್ಕನೇ ಎಸೆತದಲ್ಲಿ ಖಾತೆ ತೆರೆಯದೆಯೇ ರೋಹಿತ್ ಔಟಾದರು.
-
CSK vs MI: ಚೆನ್ನೈ ತಂಡ
ರುತುರಾಜ್ ಗಾಯಕ್ವಾಡ್ (ನಾಯಕ), ರಚಿನ್ ರವೀಂದ್ರ, ದೀಪಕ್ ಹೂಡಾ, ಶಿವಂ ದುಬೆ, ರವೀಂದ್ರ ಜಡೇಜಾ, ಸ್ಯಾಮ್ ಕರನ್, ಎಂಎಸ್ ಧೋನಿ, ರವಿಚಂದ್ರನ್ ಅಶ್ವಿನ್, ನೂರ್ ಅಹ್ಮದ್, ನಾಥನ್ ಎಲ್ಲಿಸ್ ಮತ್ತು ಖಲೀಲ್ ಅಹ್ಮದ್.
-
CSK vs MI: ಮುಂಬೈನ ಪ್ಲೇಯಿಂಗ್-11
ಸೂರ್ಯಕುಮಾರ್ ಯಾದವ್ (ನಾಯಕ), ರೋಹಿತ್ ಶರ್ಮಾ, ರಯಾನ್ ರಿಕಲ್ಟನ್, ವಿಲ್ ಜ್ಯಾಕ್ಸ್, ತಿಲಕ್ ವರ್ಮಾ, ನಮನ್ ಧೀರ್, ರಾಬಿನ್ ಮಿಂಜ್, ಮಿಚೆಲ್ ಸ್ಯಾಂಟ್ನರ್, ದೀಪಕ್ ಚಾಹರ್, ಟ್ರೆಂಟ್ ಬೌಲ್ಟ್ ಮತ್ತು ಸತ್ಯನಾರಾಯಣ್ ರಾಜು.
-
CSK vs MI: ಟಾಸ್ ಗೆದ್ದ ಸಿಎಸ್ಕೆ
ಟಾಸ್ ಗೆದ್ದ ಸಿಎಸ್ಕೆ ನಾಯಕ ರುತುರಾಜ್ ಗಾಯಕ್ವಾಡ್ ಮೊದಲು ಬೌಲಿಂಗ್ ಆಯ್ದುಕೊಂಡಿದ್ದಾರೆ.
Published On - Mar 23,2025 7:02 PM
