ಇನ್ನಾದರೂ ನಾವು ದೇಶೀಯ ಪ್ರತಿಭೆಗಳನ್ನು ಗುರುತಿಸಿ ಪ್ರೋತ್ಸಾಹಿಸಬೇಕು; ಮಾಜಿ ಕ್ರಿಕೆಟಿಗ ದೀಪ್ ದಾಸ್ ಗುಪ್ತಾ

ನಾನು ಅಯ್ಯರ್ ಬಗ್ಗೆ ಹೆಚ್ಚು ಮಾತನಾಡಲು ಬಯಸುತ್ತೇನೆ ಏಕೆಂದರೆ ಆತ ಬೌಲಿಂಗ್ ಸಹ ಮಾಡುತ್ತಾನೆ. ಸೀಮ್ ಆಲ್ ರೌಂಡರ್ ಕೊರತೆ ಭಾರತಕ್ಕೆ ಬಹಳ ಸಮಯದಿಂದ ಇದೆ.

ಇನ್ನಾದರೂ ನಾವು ದೇಶೀಯ ಪ್ರತಿಭೆಗಳನ್ನು ಗುರುತಿಸಿ ಪ್ರೋತ್ಸಾಹಿಸಬೇಕು; ಮಾಜಿ ಕ್ರಿಕೆಟಿಗ ದೀಪ್ ದಾಸ್ ಗುಪ್ತಾ
ದೀಪ್ ದಾಸ್ ಗುಪ್ತಾ

ಐಪಿಎಲ್ ಟೀಮ್ ಇಂಡಿಯಾಕ್ಕೆ ಹಲವು ಪ್ರತಿಭೆಗಳನ್ನು ನೀಡಿದ ಲೀಗ್ ಆಗಿದೆ. ರಿಷಭ್ ಪಂತ್‌ನಿಂದ ಜಸ್‌ಪ್ರೀತ್ ಬುಮ್ರಾ ವರೆಗೆ, ರಾಷ್ಟ್ರೀಯ ತಂಡದಲ್ಲಿ ಸದ್ದು ಮಾಡುತ್ತಿರುವ ಆಟಗಾರರು ಇಲ್ಲಿಂದಲೇ ಬಂದವರು. ಐಪಿಎಲ್‌ನಲ್ಲಿ, ಈ ಆಟಗಾರರು ತಮ್ಮ ಪ್ರಬಲ ಪ್ರದರ್ಶನದಿಂದ ಗುರುತಿಸಿಕೊಂಡರು. ಈ ಕಾರಣದಿಂದಾಗಿ ಅವರು ಟೀಮ್ ಇಂಡಿಯಾದಲ್ಲಿ ಸ್ಥಾನ ಪಡೆದರು. ಇದು ಆಟಗಾರರಿಗೆ ಮನ್ನಣೆ ಪಡೆಯುವ ವೇದಿಕೆಯಾಗಿದ್ದು, ದೇಶದ ಗುಪ್ತ ಪ್ರತಿಭೆ ಮುನ್ನೆಲೆಗೆ ಬರುತ್ತದೆ. ಪ್ರಪಂಚದ ಶ್ರೇಷ್ಠರು ಈ ಲೀಗ್‌ನಲ್ಲಿ ಆಡುವುದರಿಂದ ಇಲ್ಲಿ ಸ್ಪರ್ಧೆಯು ಉನ್ನತ ಗುಣಮಟ್ಟದ್ದಾಗಿದೆ. ರುತುರಾಜ್ ಗಾಯಕವಾಡ್, ಅವೇಶ್ ಖಾನ್, ಉಮ್ರಾನ್ ಮಲಿಕ್ ಮತ್ತು ವೆಂಕಟೇಶ್ ಅಯ್ಯರ್ ಐಪಿಎಲ್​ನಲ್ಲಿ ತಮ್ಮ ಅದ್ಭುತ ಪ್ರದರ್ಶನದಿಂದ ಛಾಪು ಮೂಡಿಸಿದ ಮತ್ತು ತಮ್ಮ ಸಾಮರ್ಥ್ಯವನ್ನು ಸಾಬೀತುಪಡಿಸಿದ ಅತ್ಯುತ್ತಮ ಆಟಗಾರರು. ಈ ಆಟಗಾರರ ವಿಷಯದಲ್ಲಿ, ಮಾಜಿ ಕ್ರಿಕೆಟಿಗ ದೀಪ್ ದಾಸ್ ಗುಪ್ತಾ ನೀಡಿದ ಹೇಳಿಕೆಯೂ ಈಗ ಮುನ್ನೆಲೆಗೆ ಬಂದಿದೆ.

ತಮ್ಮ ಕೂ ಆಪ್​ನ ಅಧಿಕೃತ ಹ್ಯಾಂಡಲ್‌ನಿಂದ ವೀಡಿಯೊವನ್ನು ಹಂಚಿಕೊಂಡಿರುವ ಗುಪ್ತಾ, ಐಪಿಎಲ್‌ನಿಂದ ಅನೇಕ ಆಟಗಾರರು ಹೊರಬರುತ್ತಿದ್ದಾರೆ. ಅಯ್ಯರ್, ಗಾಯಕ್ವಾಡ್, ಅವೇಶ್ ಖಾನ್, ಇತ್ತೀಚೆಗೆ ಉಮ್ರಾನ್ ಮಾಲಿಕಾ ಸಹ ಸೇರಿದ್ದಾರೆ. ಅದಕ್ಕಾಗಿಯೇ ಐಪಿಎಲ್ ಒಂದು ಉತ್ತಮ ಪಂದ್ಯಾವಳಿ ಏಕೆಂದರೆ ನಾನು ಐಪಿಎಲ್​ಕ್ಕಿಂತ ಮುಂಚೆಯೇ ಅವರೆಲ್ಲರನ್ನೂ ನಾನು ನೋಡಿದ್ದೇನೆ. ವಿಶೇಷವಾಗಿ ವೆಂಕಟೇಶ್. ಆತ ಮಧ್ಯಪ್ರದೇಶಕ್ಕಾಗಿ ಆಡಿದ್ದಾರೆ. ಆ ಸಮಯದಲ್ಲಿ ಅವರು ಕೂಡ ಈ ರೀತಿ ಬ್ಯಾಟಿಂಗ್ ಮಾಡುತ್ತಿದ್ದರು ಆದರೆ ಅವರನ್ನು ನೋಡಿದಾಗ, ಅವರು ಐಪಿಎಲ್‌ನಲ್ಲಿ ಅಷ್ಟು ಯಶಸ್ವಿಯಾಗುತ್ತಾರೆ ಎಂದು ನಾನು ಭಾವಿಸಿರಲಿಲ್ಲ. ಐಪಿಎಲ್ ಮಟ್ಟವು ಅಂತರಾಷ್ಟ್ರೀಯ ಮಟ್ಟಕ್ಕಿಂತ ಸ್ವಲ್ಪ ಕೆಳಗಿನ ಮಟ್ಟದ್ದಾಗಿದೆ. ಆದ್ದರಿಂದ ಯಾರಾದರೂ ಇಲ್ಲಿ ಈ ರೀತಿ ಆಡಿದಾಗ, ಅವರು ಅಂತರಾಷ್ಟ್ರೀಯ ಮಟ್ಟಕ್ಕೆ ಸಿದ್ಧರಾಗಿದ್ದಾರೆಂಬುದು ನಿಮಗೆ ಅರ್ಥವಾಗುತ್ತದೆ. ಐಪಿಎಲ್‌ನಲ್ಲಿ ಈ ಹುಡುಗರನ್ನು ನೀವು ನೋಡಿದಾಗ, ಭಾರತವು ಉತ್ತಮ ಆಟಗಾರರನ್ನು ಪಡೆದಿದೆ ಎಂಬುದು ಎಲ್ಲೆಡೆ ಜಗಜ್ಜಾಹೀರಾಗಿದೆ.

ಅಯ್ಯರ್ ಅವರಿಗೆ ವಿಶೇಷ ಪ್ರಶಂಸೆ
ಅಯ್ಯರ್ ಬಗ್ಗೆ ಮಾತನಾಡಿದ ದೀಪ್ದಾಸ್,​ ನಾನು ಅಯ್ಯರ್ ಬಗ್ಗೆ ಹೆಚ್ಚು ಮಾತನಾಡಲು ಬಯಸುತ್ತೇನೆ ಏಕೆಂದರೆ ಆತ ಬೌಲಿಂಗ್ ಸಹ ಮಾಡುತ್ತಾನೆ. ಸೀಮ್ ಆಲ್ ರೌಂಡರ್ ಕೊರತೆ ಭಾರತಕ್ಕೆ ಬಹಳ ಸಮಯದಿಂದ ಇದೆ. ಭಾರತದಲ್ಲಿ ಅಗ್ರ -5 ರಲ್ಲಿ ಬ್ಯಾಟಿಂಗ್ ಮಾಡುವ ಯಾರು ಸಹ ಬೌಲ್ ಮಾಡುವುದಿಲ್ಲ . ನಮ್ಮಲ್ಲಿ ಸ್ಪಿನ್ನರ್ ಆಲ್ ರೌಂಡರ್‌ಗಳು ಇದ್ದಾರೆ ಆದರೆ ನಮ್ಮಲ್ಲಿ ಸೀಮ್ ಆಲ್ ರೌಂಡರ್‌ಗಳು ಕಡಿಮೆ ಇದ್ದಾರೆ. ಎರಡನ್ನೂ ಮಾಡುವ ಯುವ ಆಟಗಾರರು ಇದ್ದಾರೆ, ಆದರೆ ನೀವು 19-20 ನೇ ವಯಸ್ಸಿಗೆ ತಲುಪುವ ಹೊತ್ತಿಗೆ ನೀವು ಒಂದು ವಿಷಯದ ಮೇಲೆ ಹೆಚ್ಚು ಗಮನ ಹರಿಸುತ್ತೀರಿ ಏಕೆಂದರೆ ನಿಮ್ಮ ದೇಹವು ಒತ್ತಡದಲ್ಲಿರುತ್ತದೆ. ಅದಕ್ಕಾಗಿಯೇ ಆಯ್ಕೆಗಾರರು ಇವರ ಬಗ್ಗೆ ಗಮನಹರಿಸುತ್ತಾರೆ ಎಂದು ನಾನು ಭಾವಿಸುತ್ತೇನೆ. ಅಂಡರ್ -19 ಮಟ್ಟದಿಂದ ಹೊರಬರುವ ಆಟಗಾರರನ್ನು ನೋಡುವುದು ಅವರಿಗೆ ಬಿಟ್ಟದ್ದು ಎಂದಿದ್ದಾರೆ.

ಇದನ್ನು ಮಾಡಬೇಕಾಗಿದೆ
ಜೊತೆಗೆ ದೀಪದಾಸ್ ಬಿಸಿಸಿಐಗೆ ಸೂಚಿಸಿದ್ದಾರೆ. ಮುಂಬರುವ ದಿನಗಳಲ್ಲಿ ಬಿಸಿಸಿಐಗೆ ಉತ್ತಮ ಪ್ರತಿಭೆಗಳನ್ನು ಹುಡುಕುವ ಅವಶ್ಯಕತೆಯಿದೆ ಮತ್ತು ಇದಕ್ಕಾಗಿ ಅವರು ಕ್ರಿಕೆಟ್ ಕ್ಲಬ್ ಅಥವಾ ಸ್ಥಳೀಯ ಸಂಸ್ಥೆಗಳನ್ನು ಅವಲಂಬಿಸಲು ಸಾಧ್ಯವಿಲ್ಲ ಎಂದು ಅವರು ಹೇಳಿದ್ದಾರೆ. ಇದಕ್ಕೆ ಉತ್ತಮ ಮಾರ್ಗವೆಂದರೆ ಬಿಸಿಸಿಐ ಅಕಾಡೆಮಿ ಒಪ್ಪಂದಗಳನ್ನು ರೂಪಿಸುವುದು, ಅಂಡರ್ -18 ಮತ್ತು 19 ರಿಂದ ಆಟಗಾರರನ್ನು ಆಯ್ಕೆ ಮಾಡುವುದರ ಮೂಲಕ ಮತ್ತು ಅವರಿಗೆ ಸಂಪೂರ್ಣ ತರಬೇತಿಯನ್ನು ನೀಡುವ ಮೂಲಕ ಅವರು ಭಾರತಕ್ಕಾಗಿ ಆಡಲು ಸಂಪೂರ್ಣವಾಗಿ ಸಿದ್ಧರಾಗಬಹುದು.

Read Full Article

Click on your DTH Provider to Add TV9 Kannada