Abhimanyu Easwaran: ಭರ್ಜರಿ ಶತಕದೊಂದಿಗೆ ವಿಶೇಷ ಸಾಧನೆ ಮಾಡಿದ ಅಭಿಮನ್ಯು ಈಶ್ವರನ್
Deodhar Trophy 2023: ಲೀಸ್ಟ್ ಎ ಕ್ರಿಕೆಟ್ನಲ್ಲಿ 8ನೇ ಶತಕ ಸಿಡಿಸುವ ಮೂಲಕ ಅಭಿಮನ್ಯು ಈಶ್ವರನ್ 3500 ರನ್ಗಳನ್ನು ಪೂರೈಸಿದ್ದಾರೆ.
Deodhar Trophy 2023: ಪುದುಚೇರಿಯಲ್ಲಿ ನಡೆಯುತ್ತಿರುವ ದೇವಧರ್ ಟ್ರೋಫಿ ಏಕದಿನ ಟೂರ್ನಿಯಲ್ಲಿ ಅಭಿಮನ್ಯು ಈಶ್ವರನ್ ಶತಕ ಬಾರಿಸಿದ್ದಾರೆ. ಈ ಶತಕದೊಂದಿಗೆ ಲೀಸ್ಟ್ ಎ ಕ್ರಿಕೆಟ್ನಲ್ಲಿ 3500 ರನ್ ಕಲೆಹಾಕಿದ ವಿಶೇಷ ಸಾಧನೆ ಮಾಡಿದ್ದಾರೆ. ಈಶಾನ್ಯ ವಲಯ ವಿರುದ್ಧದ ಈ ಪಂದ್ಯದಲ್ಲಿ ಟಾಸ್ ಗೆದ್ದ ಪೂರ್ವ ವಲಯ ತಂಡ ಬೌಲಿಂಗ್ ಆಯ್ದುಕೊಂಡಿತು. ಇತ್ತ ಮೊದಲು ಬ್ಯಾಟ್ ಮಾಡಿದ ಪೂರ್ವ ವಲಯ ತಂಡವು ರಿಯಾನ್ ಪರಾಗ್ ಅವರ ಸ್ಪಿನ್ ಮೋಡಿ ಮುಂದೆ ಮುಂಡಿಯೂರಿದ್ದರು. ಕೇವಲ 68 ರನ್ಗಳಿಗೆ 5 ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿದ್ದ ಈಶಾನ್ಯ ವಲಯ ತಂಡಕ್ಕೆ ಈ ಹಂತದಲ್ಲಿ ರೆಕ್ಸ್ ಸಿಂಗ್ ಆಸರೆಯಾದರು.
74 ಎಸೆತಗಳನ್ನು ಎದುರಿಸಿದ ರೆಕ್ಸ್ ಸಿಂಗ್ 10 ಫೋರ್ಗಳೊಂದಿಗೆ ಅಜೇಯ 65 ರನ್ ಬಾರಿಸಿದರು. ಇದರಿಂದ ಈಶಾನ್ಯ ವಲಯ ತಂಡವು 169 ರನ್ಗಳಿಸಲು ಸಾಧ್ಯವಾಯಿತು. ಪೂರ್ವ ವಲಯ ಪರ 10 ಓವರ್ಗಳಲ್ಲಿ 30 ರನ್ ನೀಡಿ ರಿಯಾನ್ ಪರಾಗ್ 4 ವಿಕೆಟ್ ಪಡೆದರೆ, ಶಹಬಾಝ್ ಅಹ್ಮದ್, ಮುಖ್ತಾರ್ ಹುಸೇನ್ ತಲಾ 2 ವಿಕೆಟ್ ಕಬಳಿಸಿ ಮಿಂಚಿದರು.
170 ರನ್ಗಳ ಸುಲಭ ಗುರಿ ಪಡೆದ ಪೂರ್ವ ವಲಯ ತಂಡಕ್ಕೆ ಆರಂಭಿಕ ಆಟಗಾರ ಅಭಿಮನ್ಯು ಈಶ್ವರನ್ ಭರ್ಜರಿ ಆರಂಭ ಒದಗಿಸಿದ್ದರು. ಆರಂಭದಿಂದಲೇ ಎಚ್ಚರಿಕೆಯ ಆಟದೊಂದಿಗೆ ರನ್ಗಳಿಸುತ್ತಾ ಸಾಗಿದ ಈಶ್ವರನ್ 102 ಎಸೆತಗಳಲ್ಲಿ 13 ಫೋರ್ಗಳೊಂದಿಗೆ ಅಜೇಯ ಶತಕ ಬಾರಿಸಿದರು. ಪರಿಣಾಮ 31.3 ಓವರ್ಗಳಲ್ಲಿ 2 ವಿಕೆಟ್ ನಷ್ಟಕ್ಕೆ 170 ರನ್ ಕಲೆಹಾಕಿ 8 ವಿಕೆಟ್ಗಳ ಭರ್ಜರಿ ಜಯ ಸಾಧಿಸಿತು.
ಈಶ್ವರನ್ ವಿಶೇಷ ಸಾಧನೆ:
ಅಭಿಮನ್ಯು ಈಶ್ವರನ್ ಲೀಸ್ಟ್ ಎ ಕ್ರಿಕೆಟ್ನಲ್ಲಿ ಇದುವರೆಗೆ 8 ಶತಕ ಬಾರಿಸಿದ್ದಾರೆ. ಇದೀಗ ಮೂಡಿಬಂದ ಶತಕದೊಂದಿಗೆ ಲೀಸ್ಟ್ ಎ ಕ್ರಿಕೆಟ್ನಲ್ಲಿ 3,514 ರನ್ಗಳನ್ನು ಪೂರೈಸಿದ್ದಾರೆ.
ಪೂರ್ವ ವಲಯ ಪ್ಲೇಯಿಂಗ್ 11: ಅಭಿಮನ್ಯು ಈಶ್ವರನ್ , ಉತ್ಕರ್ಷ್ ಸಿಂಗ್ , ವಿರಾಟ್ ಸಿಂಗ್ , ಸುಭ್ರಾಂಶು ಸೇನಾಪತಿ , ರಿಯಾನ್ ಪರಾಗ್ , ಸೌರಭ್ ತಿವಾರಿ (ನಾಯಕ) , ಕುಮಾರ್ ಕುಶಾಗ್ರಾ (ವಿಕೆಟ್ ಕೀಪರ್) , ಶಹಬಾಝ್ ಅಹ್ಮದ್ , ಮುಖ್ತಾರ್ ಹುಸೇನ್ , ಆಕಾಶ್ ದೀಪ್ , ಮಣಿಶಂಕರ್ ಮುರಸಿಂಗ್.
ಇದನ್ನೂ ಓದಿ: Harry Brook: ಬೂಮ್ ಬೂಮ್ ಬ್ರೂಕ್: ಹೊಸ ವಿಶ್ವ ದಾಖಲೆ ನಿರ್ಮಿಸಿದ ಸ್ಪೋಟಕ ದಾಂಡಿಗ
ಈಶಾನ್ಯ ವಲಯ ಪ್ಲೇಯಿಂಗ್ 11: ಅನುಪ್ ಅಹ್ಲಾವತ್ , ನಿಲೇಶ್ ಲಾಮಿಚಾನೆ , ಜೆಹು ಅಂಡರ್ಸನ್ (ವಿಕೆಟ್ ಕೀಪರ್) , ಲ್ಯಾಂಗ್ಲೋನ್ಯಾಂಬಾ ಕಿಶನ್ಗ್ಬಾಮ್ (ನಾಯಕ) , ರೆಕ್ಸ್ ರಾಜ್ ಕುಮಾರ್ , ಪಲ್ಜೋರ್ ತಮಾಂಗ್ , ಲ್ಯಾರಿ ಸಂಗ್ಮಾ , ಇಮ್ಲಿವಾಟಿ ಲೆಮ್ತೂರ್ , ಲೀ ಯೋಂಗ್ ಲೆಪ್ಚಾ , ನಬಮ್ ಅಬೋ , ಕ್ರಿವಿಟ್ಸೊ ಕೆನ್ಸೆ.