India vs England | ಡೇವಿಡ್ ಮಲಾನ್: ಟಿ-20 ಕ್ರಿಕೆಟ್ನಲ್ಲಿ ಇಂಗ್ಲೆಂಡ್ನ ಚಾಂಪಿಯನ್ ಬ್ಯಾಟ್ಸ್ಮನ್!
ಮಲಾನ್, ಟಿ20 ಕ್ರಿಕೆಟ್ನಲ್ಲಿ ಕಳೆದೆರಡು ವರ್ಷಗಳಿಂದ ಅತ್ಯುತ್ತಮ ಆಟವಾಡುತ್ತಿದ್ದಾರೆ ಮತ್ತು ತಮ್ಮ ತಂಡದ ಗೆಲುವುಗಳಲ್ಲಿ ಪ್ರಮುಖ ಪಾತ್ರ ನಿರ್ವಹಿಸುತ್ತಿದ್ದಾರೆ. 2017ರಲ್ಲಿ ಇಂಗ್ಲೆಂಡ್ ಪರ ಈ ಆವೃತ್ತಿಯ ಪಂದ್ಯಗಳಿಗೆ ಪದಾರ್ಪಣೆ ಮಾಡಿ ಆಡಿದ ಮೊದಲ 5 ಪಂದ್ಯಗಳಲ್ಲಿ 4 ಅರ್ಧ ಶತಕಗಳನ್ನು ಬಾರಿಸಿದರು.
Updated on:Mar 10, 2021 | 9:31 PM
ಸೀಮಿತ ಓವರ್ಗಳ ಕ್ರಿಕೆಟ್ನಲ್ಲಿ ಕಳೆದ 5 ವರ್ಷಗಳ ಸಾಧನೆಯನ್ನು ಗಮನಿಸಿದ್ದೇಯಾದರೆ ಇಂಗ್ಲೆಂಡ್ನ ಪ್ರದರ್ಶನಗಳು ಬೆರಗಾಗುವಷ್ಟು ಸುಧಾರಣೆಯಾಗಿವೆ. 2019ರ ಐಸಿಸಿ ವಿಶ್ವಕಪ್ ಗೆದ್ದಿದ್ದು ಮತ್ತು 2016ರ ಐಸಿಸಿ ಟಿ20 ವಿಶ್ವಕಪ್ ಫೈನಲ್ ಹಂತ ಪ್ರವೇಶಿದ್ದು ಇದಕ್ಕೆ ಸಾಕ್ಷಿಯಾಗಿವೆ. ಈ ಆವೃತ್ತಿಗಳಲ್ಲಿ ನಾಯಕನಾಗಿರುವ ಅಯಾನ್ ಮೋರ್ಗನ್ ಅದ್ಭುತವಾದ ರೀತಿಯಲ್ಲಿ ಟೀಮನ್ನು ಮುನ್ನಡೆಸುತ್ತಿದ್ದಾರೆ. ಈಗ ಭಾರತ ಪ್ರವಾಸದಲ್ಲಿರುವ ಇಂಗ್ಲೆಂಡ್ ತಂಡಕ್ಕೆ ಇತ್ತೀಚಿಗೆ ಡೇವಿಡ್ ಮಲನ್ ರೂಪದಲ್ಲಿ ಒಬ್ಬ ಚಾಂಪಿಯನ್ ಬ್ಯಾಟ್ಸ್ಮನ್ ಸಿಕ್ಕಿದ್ದಾನೆ. ಕಿರು ಆವೃತ್ತಿ ಕ್ರಿಕೆಟ್ನಲ್ಲಿ ಅವರು ಈಗ ವಿಶ್ವದ ನಂಬರ್ ವನ್ ಆಟಗಾರರರಾಗಿದ್ದರೆ. ಈ ವರ್ಷಾಂತ್ಯದಲ್ಲಿ ಟಿ20 ವಿಶ್ವಕಪ್ ನಡೆಯಲಿರುವುದರಿಂದ ತಯಾರಿ ರೂಪದಲ್ಲಿ ಪ್ರವಾಸಿ ತಂಡವು ಉತ್ತಮ ಪ್ರದರ್ಶನಗಳನ್ನು ನೀಡುವ ಸಂಕಲ್ಪ ಮಾಡಿಕೊಂಡಿರುವದು ಸತ್ಯ. 5-ಪಂದ್ಯಗಳ ಟಿ20 ಸರಣಿ ಶುಕ್ರವಾರದಂದು ಅಹಮದಾಬಾದಿನಲ್ಲಿ ಶುರುವಾಗಲಿದೆ.
ಮಲಾನ್, ಟಿ-20 ಕ್ರಿಕೆಟ್ನಲ್ಲಿ ಕಳೆದೆರಡು ವರ್ಷಗಳಿಂದ ಅತ್ಯುತ್ತಮ ಆಟವಾಡುತ್ತಿದ್ದಾರೆ ಮತ್ತು ತಮ್ಮ ತಂಡದ ಗೆಲುವುಗಳಲ್ಲಿ ಪ್ರಮುಖ ಪಾತ್ರ ನಿರ್ವಹಿಸುತ್ತಿದ್ದಾರೆ. 2017ರಲ್ಲಿ ಇಂಗ್ಲೆಂಡ್ ಪರ ಈ ಆವೃತ್ತಿಯ ಪಂದ್ಯಗಳಿಗೆ ಪದಾರ್ಪಣೆ ಮಾಡಿ ಆಡಿದ ಮೊದಲ 5 ಪಂದ್ಯಗಳಲ್ಲಿ 4 ಅರ್ಧ ಶತಕಗಳನ್ನು ಬಾರಿಸಿದರು. ಅದಾದ ಮೇಲಿಂದ ಅವರ ಬ್ಯಾಟ್ನಿಂದ ಮ್ಯಾಚ್ ವಿನ್ನಿಂಗ್ ಪ್ರದರ್ಶನಗಳು ಬರುತ್ತಲೇ ಇವೆ.
ಇದುವರೆಗೆ ಆಡಿರುವ 19 ಇನ್ನಿಂಗ್ಸ್ಗಳಲ್ಲಿ ಮಲಾನ್ ವಿಸ್ಮಯ ಮೂಡಿಸುವ 53.43 ಸರಾಸರಿಯೊಂದಿಗೆ 855 ರನ್ ಗಳಿಸಿದ್ದಾರೆ. ಈ 19 ಇನ್ನಿಂಗ್ಸ್ನಲ್ಲಿ ಅವರು 9 ಅರ್ಧ ಶತಕಗಳನ್ನು ಬಾರಿಸಿದ್ದಾರೆ. ಅದರರ್ಥ ತಲಾ 2 ಇನ್ನಿಂಗ್ಸ್ಗಳಿಗೆ ಅವರು ಒಂದು ಅರ್ಧ ಶತಕ ಬಾರಿಸುತ್ತಾರೆ.
ವಿರಾಟ್ ಕೊಹ್ಲಿ
ಸಾಮಾನ್ಯವಾಗಿ ಮೂರನೇ ಕ್ರಮಾಂಕದಲ್ಲಿ ಬ್ಯಾಟ್ ಮಾಡುವ ಮಲಾನ್ ಇದೇ ಕ್ರಮಾಂಕದಲ್ಲಿ ಆಡುವ ವಿಶ್ವದ ಇತರ ಟಾಪ್ ಬ್ಯಾಟ್ಸ್ಮನ್ಗಳಿಗಿಂತ ಉತ್ತಮ ಸರಾಸರಿ ಮತ್ತು ಸ್ಟ್ರೈಕ್ ರೇಟ್ ಹೊಂದಿದ್ದಾರೆ. ಈ ಟಾಪ್ ಬ್ಯಾಟ್ಸ್ಮನ್ಗಳಲ್ಲಿ ಟೀಮ್ ಇಂಡಿಯಾದ ನಾಯಕ ವಿರಾಟ್ ಕೊಹ್ಲಿ ಮತ್ತು ಪಾಕಿಸ್ತಾನದ ನಾಯಕ ಬಾಬರ್ ಆಜಂ ಸಹ ಸೇರಿದ್ದಾರೆ. ಮಲಾನ್ ಮೂರನೇ ಕ್ರಮಾಂಕದಲ್ಲಿ ಆಡಿರುವ 15 ಇನ್ನಿಂಗ್ಸ್ಗಳಿಂದ 61.50ಸರಾಸರಿ ಮತ್ತು 152.60 ಸ್ಟ್ರೈಕ್ರೇಟ್ನೊಂದಿಗೆ 739 ರನ್ ಗಳಿಸಿದ್ದಾರೆ. ಕೊಹ್ಲಿ 55 ಇನ್ನಿಂಗ್ಸ್ಗಳಲ್ಲಿ 57.84 ಸರಾಸರಿ ಮತ್ತು 141. 59 ಸ್ಟ್ರೈಕ್ರೇಟ್ನೊಂದಿಗೆ 2,256 ರನ್ ಕಲೆಹಾಕಿದ್ದಾರೆ. ಬಾಬರ್, 3ನೇ ಕ್ರಮಾಂಕದಲ್ಲಿ ಇದುವರೆಗೆ 16 ಇನ್ನಿಂಗ್ಸ್ ಆಡಿದ್ದು 48.89ಸರಾಸರಿ ಮತ್ತು 141.07 ಸ್ಟ್ರೈಕ್ರೇಟ್ನೊಂದಿಗೆ 537 ರನ್ ಬಾರಿಸಿದ್ದಾರೆ.
ಇಂಡಿಯನ್ ಪ್ರಿಮೀಯರ್ ಲೀಗ್ನಲ್ಲಿ ಮಲಾನ್ ಅವರನ್ನು ಪಂಜಾಬ್ ಕಿಂಗ್ಸ್ ಒಂದೂವರೆ ಕೋಟಿ ರೂಪಾಯಿಗಳಿಗೆ ಖರೀದಿಸಿದೆ. ತನ್ನ ಧಣಿಗಳನ್ನು ಇಂಪ್ರೆಸ್ ಮಾಡಲು ಮಲಾನ್ಗೆ ಉತ್ತಮ ಸಂದರ್ಭ ಸಿಕ್ಕಿದೆ. ಈ ಸೀಸನ್ನಲ್ಲಿ ಅವರು ತಾವು ನಿರಂತರವಾಗಿ ನೀಡುತ್ತಿರುವ ಪ್ರಚಂಡ ಪ್ರದರ್ಶನಗಳನ್ನು ಮುಂದುವರೆಸಿದರೆ, 2022 ಸೀಸನ್ಗೆ ನಡೆಯುವ ಹರಾಜಿನಲ್ಲಿ ಅವರಿಗೆ ಉತ್ತಮ ಮೊತ್ತ ಸಿಗಲಿದೆ.
ಮಲಾನ್ ವೇಗದ ಬೌಲರ್ಗಳನ್ನು ನಿರ್ಭೀತಿಯಿಂದ ಚಚ್ಚುತ್ತಾರೆ ಅದರಲ್ಲಿ ಸಂದೇಹವೇ ಬೇಡ. ಆದರೆ, ಸ್ಪಿನ್ಗೆ ನೆರವಾಗುವ ಭಾರತದ ಪಿಚ್ಗಳಲ್ಲಿ ಅವರ ಬ್ಯಾಟಿಂಗ್ ಪರಾಕ್ರಮಗಳ ಸತ್ವ ಪರೀಕ್ಷೆ ನಡೆಯಲಿದೆ. ಇಲ್ಲಿನ ಪಿಚ್ಗಳಿಗೆ ಅವರು ಹೇಗೆ ಹೊಂದಿಕೊಳ್ಳಲಿದ್ದಾರೆ ಎನ್ನುವುದು ಕಾದು ನೋಡಬೇಕಿರುವ ವಿಷಯ.
Published On - 9:31 pm, Wed, 10 March 21
