IPL 2022: 10 ತಂಡಗಳನ್ನು ಎರಡು ಗುಂಪುಗಳಾಗಿ ವಿಂಗಡಣೆ; ಯಾವ ಗುಂಪಿನಲ್ಲಿ ಯಾವ್ಯಾವ ತಂಡಗಳಿವೆ ಗೊತ್ತಾ?

ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (BCCI)) ಐಪಿಎಲ್ 2022 (IPL 2022) ಸೀಸನ್‌ಗೆ ಸಂಬಂಧಿಸಿದಂತೆ ಬಿಗ್ ಅಪ್​ಡೇಟ್ ನೀಡಿದೆ. ಮಾರ್ಚ್ 26 ರಿಂದ ಪ್ರಾರಂಭವಾಗುವ 10 ತಂಡಗಳ ಹೊಸ ಋತುವಿನ ಸ್ವರೂಪವನ್ನು ಬಿಸಿಸಿಐ ಬಿಡುಗಡೆ ಮಾಡಿದೆ. ಈ ಬಾರಿ ತಂಡಗಳನ್ನು ಎರಡು ವಿಭಿನ್ನ ಗುಂಪುಗಳಲ್ಲಿ ಇರಿಸಲಾಗಿದೆ ((IPL 2022 Groups). ಇದರ ಅಡಿಯಲ್ಲಿ,5 ತಂಡಗಳ 2 ಗುಂಪನ್ನು ಮಾಡಲಾಗಿದೆ. ಈ ತಂಡಗಳು ತಮ್ಮ ತಮ್ಮ ಗುಂಪಿನ ತಂಡಗಳೊಂದಿಗೆ ತಲಾ ಎರಡು ಪಂದ್ಯಗಳನ್ನು ಆಡಿದರೆ, ಇನ್ನೊಂದು ಗುಂಪಿನ ಒಂದು ತಂಡದೊಂದಿಗೆ ಎರಡು ಪಂದ್ಯಗಳನ್ನು ಮತ್ತು ಉಳಿದ ತಂಡಗಳೊಂದಿಗೆ ತಲಾ ಒಂದು ಪಂದ್ಯವನ್ನು ಆಡುತ್ತವೆ. ಇದಕ್ಕೂ ಮೊದಲು, 8 ತಂಡಗಳ ಪಂದ್ಯಾವಳಿಯನ್ನು ಗುಂಪು ಇಲ್ಲದೆ ಡಬಲ್ ರೌಂಡ್-ರಾಬಿನ್ ಮಾದರಿಯಲ್ಲಿ ಆಡಲಾಗುತ್ತದೆ. ಪ್ರತಿ ತಂಡವು ಉಳಿದ ತಂಡಗಳ ವಿರುದ್ಧ ತಲಾ 2 ಪಂದ್ಯಗಳನ್ನು ಆಡುತ್ತದೆ.

ಬಿಸಿಸಿಐ ರಚಿಸಿದ ಗುಂಪುಗಳಲ್ಲಿ ಪ್ರಮುಖ ವಿಷಯವೆಂದರೆ ಟೂರ್ನಿಯ ಎರಡು ಯಶಸ್ವಿ ತಂಡಗಳಾದ ಮುಂಬೈ ಇಂಡಿಯನ್ಸ್ ಮತ್ತು ಚೆನ್ನೈ ಸೂಪರ್ ಕಿಂಗ್ಸ್ ವಿವಿಧ ಗುಂಪುಗಳಲ್ಲಿವೆ. ಮುಂಬೈ ಎ ಗುಂಪಿನಲ್ಲಿ ಸ್ಥಾನ ಪಡೆದಿದ್ದರೆ, ಚೆನ್ನೈ ಬಿ ಗುಂಪಿನಲ್ಲಿದೆ. ಮುಂಬೈ ಜೊತೆಗೆ ಕೋಲ್ಕತ್ತಾ ನೈಟ್ ರೈಡರ್ಸ್, ರಾಜಸ್ಥಾನ ರಾಯಲ್ಸ್, ಡೆಲ್ಲಿ ಕ್ಯಾಪಿಟಲ್ಸ್ ಕೂಡ ಈ ಗುಂಪಿನಲ್ಲಿವೆ. ಎರಡು ಹೊಸ ತಂಡಗಳ ಪೈಕಿ ಲಕ್ನೋ ಸೂಪರ್ ಜೈಂಟ್ಸ್ ಕೂಡ ಈ ಗುಂಪಿನಲ್ಲಿ ಸ್ಥಾನ ಪಡೆದಿದೆ. ಅದೇ ಸಮಯದಲ್ಲಿ, ಸನ್‌ರೈಸರ್ಸ್ ಹೈದರಾಬಾದ್, ರಾಯಲ್ ಚಾಲೆಂಜರ್ಸ್ ಬೆಂಗಳೂರು, ಪಂಜಾಬ್ ಕಿಂಗ್ಸ್ ಮತ್ತು ಗುಜರಾತ್ ಟೈಟಾನ್ಸ್ ಚೆನ್ನೈ ತಂಡದಲ್ಲಿವೆ.

ಗುಂಪುಗಳ ವಿಂಗಡಣೆ ಹೀಗಿದೆ

ಗುಂಪುಗಳ ಹಂಚಿಕೆಗೆ ಬಿಸಿಸಿಐ ಕೂಡ ವಿಶೇಷ ವಿಧಾನವನ್ನು ಅಳವಡಿಸಿಕೊಂಡಿದೆ. ಇದಕ್ಕಾಗಿ, ಮಂಡಳಿಯು ಎಲ್ಲಾ 10 ತಂಡಗಳನ್ನು ಅವರ ಗೆದ್ದ ಪ್ರಶಸ್ತಿಗಳ ಸಂಖ್ಯೆ ಮತ್ತು ನಂತರ ಹೆಚ್ಚಿನ ಸಂಖ್ಯೆಯ ಫೈನಲ್‌ಗಳ ಆಧಾರದ ಮೇಲೆ ಕ್ರಮವಾಗಿ ಇರಿಸಿದೆ. ಈ ಅರ್ಥದಲ್ಲಿ ಮುಂಬೈ 5 ಪ್ರಶಸ್ತಿಗಳೊಂದಿಗೆ ಅಗ್ರಸ್ಥಾನದಲ್ಲಿದೆ. ಇದಾದ ನಂತರ ಚೆನ್ನೈ, ಕೋಲ್ಕತ್ತಾ, ಹೈದರಾಬಾದ್ ಮತ್ತು ರಾಜಸ್ಥಾನವನ್ನು ಇರಿಸಲಾಗಿತ್ತು. ಹೈದರಾಬಾದ್ ಮತ್ತು ರಾಜಸ್ಥಾನ ತಲಾ 1 ಪ್ರಶಸ್ತಿಯನ್ನು ಗೆದ್ದುಕೊಂಡಿವೆ. ಆದರೆ ಹೈದರಾಬಾದ್ 2 ಫೈನಲ್‌ಗಳನ್ನು ಆಡಿದೆ, ಆದ್ದರಿಂದ ಅದು ರಾಜಸ್ಥಾನಕ್ಕಿಂತ ಮೇಲಿದೆ.

ಈ ಐದು ತಂಡಗಳ ನಂತರ, ಹೆಚ್ಚು ಫೈನಲ್‌ಗಳನ್ನು ಆಡಿದ ತಂಡಗಳಿಗೆ ಸ್ಥಾನ ನೀಡಲಾಗಿದೆ, ಅದರ ಆಧಾರದ ಮೇಲೆ ಬೆಂಗಳೂರು (3 ಫೈನಲ್‌ಗಳು) ಆರನೇ ಸ್ಥಾನದಲ್ಲಿದೆ. ದೆಹಲಿ ಮತ್ತು ಪಂಜಾಬ್ ತಲಾ 1 ಫೈನಲ್‌ಗಳನ್ನು ಆಡಿವೆ. ಆದ್ದರಿಂದ ಈ ಎರಡು ತಂಡಗಳನ್ನು ‘ವರ್ಣಮಾಲೆಯ ಕ್ರಮ'(alphabetical order) ಆಧಾರದ ಮೇಲೆ ಶ್ರೇಯಾಂಕಗೊಳಿಸಲಾಗಿದೆ. ಅದೇ ಸಮಯದಲ್ಲಿ, ಲಕ್ನೋ ಮತ್ತು ಗುಜರಾತ್‌ನಲ್ಲಿ ಫ್ರಾಂಚೈಸಿಯ ಬೆಲೆಯ ಆಧಾರದ ಮೇಲೆ ಆದ್ಯತೆಯನ್ನು ನಿರ್ಧರಿಸಲಾಗಿದೆ. ಈ ಮೂಲಕ ಎಲ್ಲ 10 ತಂಡಗಳನ್ನು ಒಂದೊಂದಾಗಿ ಎ ಮತ್ತು ಬಿ ಗುಂಪುಗಳಾಗಿ ವಿಂಗಡಿಸಲಾಗಿದೆ.

ಈ ಬಾರಿ ಒಟ್ಟು 74 ಪಂದ್ಯಗಳು ನಡೆಯಲಿವೆ

ಈ ಬಾರಿ ಟೂರ್ನಿಯಲ್ಲಿ 10 ತಂಡಗಳಿರುವುದರಿಂದ ಪಂದ್ಯಗಳ ಸಂಖ್ಯೆಯೂ ಹೆಚ್ಚಿದೆ. ಈ ಬಾರಿ ಒಟ್ಟು 74 ಪಂದ್ಯಗಳು ನಡೆಯಲಿವೆ. ಪ್ರತಿ ಗುಂಪಿನಿಂದ ಎರಡು ತಂಡಗಳು ಪ್ಲೇ ಆಫ್‌ಗೆ ಅರ್ಹತೆ ಪಡೆಯುತ್ತವೆ. 74 ಲೀಗ್ ಹಂತದ ಪಂದ್ಯಗಳಲ್ಲಿ 70 ಪಂದ್ಯಗಳನ್ನು ಮುಂಬೈನ ಮೂರು ಮತ್ತು ಪುಣೆಯ ಒಂದು ಕ್ರೀಡಾಂಗಣದಲ್ಲಿ ಆಡಲಾಗುವುದು ಎಂದು ಬಿಸಿಸಿಐ ದೃಢಪಡಿಸಿದೆ. ಮುಂಬೈನ ವಾಂಖೆಡೆ, ಬ್ರಬೋರ್ನ್ ಮತ್ತು ಡಿವೈ ಪಾಟೀಲ್ ಸ್ಟೇಡಿಯಂನಲ್ಲಿ ಒಟ್ಟು 55 ಪಂದ್ಯಗಳು ನಡೆಯಲಿದ್ದು, ಪುಣೆಯ ಎಂಸಿಎ ಅಂತಾರಾಷ್ಟ್ರೀಯ ಕ್ರೀಡಾಂಗಣದಲ್ಲಿ 15 ಪಂದ್ಯಗಳು ನಡೆಯಲಿವೆ. ಫೈನಲ್ ಸೇರಿದಂತೆ ಪ್ಲೇಆಫ್‌ನ 4 ಪಂದ್ಯಗಳ ಸ್ಥಳವನ್ನು ಇನ್ನೂ ನಿರ್ಧರಿಸಲಾಗಿಲ್ಲ, ಆದರೆ ಅವು ಅಹಮದಾಬಾದ್‌ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ನಡೆಯಲಿದೆ ಎಂದು ಊಹಿಸಲಾಗಿದೆ.

ಇದನ್ನೂ ಓದಿ:IPL 2022: ಮಾ.26 ರಿಂದ ಐಪಿಎಲ್ ಆರಂಭ! ಪ್ರೇಕ್ಷಕರಿಗೆ ಅವಕಾಶ ಸರ್ಕಾರಕ್ಕೆ ಬಿಟ್ಟಿದ್ದು; ಮಂಡಳಿ ಸಭೆಯಲ್ಲಿ ನಿರ್ಧಾರ