ICC T20 World Cup 2022: ವಿಶ್ವಕಪ್‌ಗೆ ಅರ್ಹತೆ ಪಡೆದ ಜಿಂಬಾಬ್ವೆ- ನೆದರ್ಲೆಂಡ್ಸ್; ಯುಎಸ್ಎ ಕನಸು ಭಗ್ನ!
ICC T20 World Cup 2022: ಜಿಂಬಾಬ್ವೆಯಲ್ಲಿ ನಡೆಯುತ್ತಿರುವ ಕ್ವಾಲಿಫೈಯರ್ ಪಂದ್ಯಗಳಲ್ಲಿ, ಆತಿಥೇಯ ಜಿಂಬಾಬ್ವೆ ಮತ್ತು ನೆದರ್ಲೆಂಡ್ಸ್ ತಮ್ಮ ತಮ್ಮ ಸೆಮಿಫೈನಲ್ ಪಂದ್ಯಗಳನ್ನು ಗೆಲ್ಲುವ ಮೂಲಕ ಫೈನಲ್‌ಗೆ ಅರ್ಹತೆ ಪಡೆದಿವೆ. ಇದರೊಂದಿಗೆ ಎರಡೂ ತಂಡಗಳು ಈ ವರ್ಷ ನಡೆಯಲಿರುವ ವಿಶ್ವಕಪ್‌ಗೆ ಟಿಕೆಟ್ ಪಡೆಯುವಲ್ಲಿ ಯಶಸ್ವಿಯಾಗಿವೆ.
ಈ ವರ್ಷ ಆಸ್ಟ್ರೇಲಿಯಾದಲ್ಲಿ (ICC T20 World Cup 2022) ನಡೆಯಲಿರುವ ಟಿ20 ವಿಶ್ವಕಪ್‌ನಲ್ಲಿ ಭಾಗಿಯಾಗಲಿರುವ 16 ತಂಡಗಳ ಅಧಿಕೃತ ಪಟ್ಟಿ ಬಿಡುಗಡೆಯಾಗಿದೆ. ಜಿಂಬಾಬ್ವೆಯಲ್ಲಿ ನಡೆಯುತ್ತಿರುವ ಕ್ವಾಲಿಫೈಯರ್ ಪಂದ್ಯಗಳಲ್ಲಿ, ಆತಿಥೇಯ ಜಿಂಬಾಬ್ವೆ ಮತ್ತು ನೆದರ್ಲೆಂಡ್ಸ್ ತಮ್ಮ ತಮ್ಮ ಸೆಮಿಫೈನಲ್ ಪಂದ್ಯಗಳನ್ನು ಗೆಲ್ಲುವ ಮೂಲಕ ಫೈನಲ್‌ಗೆ ಅರ್ಹತೆ ಪಡೆದಿವೆ. ಇದರೊಂದಿಗೆ ಎರಡೂ ತಂಡಗಳು ಈ ವರ್ಷ ನಡೆಯಲಿರುವ ವಿಶ್ವಕಪ್‌ಗೆ ಟಿಕೆಟ್ ಪಡೆಯುವಲ್ಲಿ ಯಶಸ್ವಿಯಾಗಿವೆ. ಜಿಂಬಾಬ್ವೆ ತಂಡ ಕಳೆದ ವರ್ಷ ವಿಶ್ವಕಪ್‌ಗೆ ಅರ್ಹತೆ ಪಡೆಯುವ ಅವಕಾಶವನ್ನು ಕಳೆದುಕೊಂಡಿತ್ತು, ಆದರೆ ನೆದರ್ಲೆಂಡ್ಸ್ ಸತತ ಎರಡನೇ ಬಾರಿಗೆ ವಿಶ್ವಕಪ್‌ನ ಭಾಗವಾಗಲಿದೆ. ಅದೇ ಹೊತ್ತಿಗೆ ನೆದರ್ಲೆಂಡ್ಸ್ ಗೆಲುವಿನೊಂದಿಗೆ ಮೊದಲ ಬಾರಿಗೆ ಐಸಿಸಿ ಟೂರ್ನಿಯಲ್ಲಿ ಸ್ಥಾನ ಪಡೆಯುವ ಅಮೆರಿಕ (USA) ಕನಸು ಕೂಡ ಭಗ್ನಗೊಂಡಿತು.
ನೆದರ್ಲೆಂಡ್ಸ್ ತನ್ನ ಸೆಮಿಫೈನಲ್ ಪಂದ್ಯದಲ್ಲಿ USA ತಂಡವನ್ನು 19.4 ಓವರ್‌ಗಳಲ್ಲಿ 138 ರನ್ಗಳಿಗೆ ಆಲ್ಔಟ್ ಮಾಡಿತು. ನಂತರ 138 ರನ್ಗಳನ್ನು ಬೆನ್ನತ್ತಿದ ನೆದರ್ಲೆಂಡ್ಸ್ ಏಳು ವಿಕೆಟ್‌ಗಳ ವಿಜಯ ಗಳಿಸಿತು. ಇನ್ನೊಂದು ಪಂದ್ಯದಲ್ಲಿ ಜಿಂಬಾಬ್ವೆ 27 ರನ್‌ಗಳಿಂದ PNG ತಂಡವನ್ನು ಮಣಿಸಿತು.
ಪಂದ್ಯಾವಳಿಯ ಆತಿಥೇಯ ಜಿಂಬಾಬ್ವೆಯ ಮೊದಲು ಬ್ಯಾಟಿಂಗ್ ಮಾಡುವ ನಿರ್ಧಾರವು ಫಲಪ್ರದವಾಯಿತು. ಅನುಭವಿ ಜೋಡಿಯಾದ ರೆಗಿಸ್ ಚಕಬ್ವಾ ಮತ್ತು ನಾಯಕ ಕ್ರೇಗ್ ಎರ್ವಿನ್ ಉತ್ತಮ ಆರಂಭವನ್ನು ಒದಗಿಸಿದರು. ನಂತರ ಬಂದವರು ಆಕ್ರಮಣಕಾರಿ ವಿಧಾನವನ್ನು ಅಳವಡಿಸಿಕೊಂಡರು. ಚಕಬ್ವಾ ಮೊದಲ ಓವರ್‌ನಲ್ಲಿಯೇ ಪಂದ್ಯದ ಮೊದಲ ಬೌಂಡರಿ ಹೊಡೆದರು. ನಂತರ ಸೆಮಾ ಕಮಿಯಾ ಮೂರು ಬ್ಯಾಕ್-ಟು-ಬ್ಯಾಕ್ ಬೌಂಡರಿ ಬಾರಿಸಿದರು.
ಆದಾಗ್ಯೂ, 19 ಎಸೆತಗಳಲ್ಲಿ 30 ರನ್ ಗಳಿಸಿದ್ದ ಸೆಸೆ ಬೌ ಅವರ ಜ್ವಲಂತ ಇನ್ನಿಂಗ್ಸ್ ಅಂತ್ಯಗೊಂಡಿತು. ಎರ್ವಿನ್ ಮತ್ತು ವೆಸ್ಲಿ ಮಾಧೆವೆರೆ ಇಬ್ಬರೂ ನಿಯಮಿತ ಬೌಂಡರಿಗಳನ್ನು ಬಾರಿಸಿದ್ದರಿಂದ ಜಿಂಬಾಬ್ವೆ ರನ್‌ಗಳ ಹರಿವಿಗೆ ವಿಕೆಟ್ ಬ್ರೇಕ್ ಹಾಕಲಿಲ್ಲ. 10ನೇ ಓವರ್‌ನ ಅಂತ್ಯಕ್ಕೆ ಜಿಂಬಾಬ್ವೆ 1 ವಿಕೆಟ್‌ಗೆ 90 ರನ್ ಗಳಿಸಿ ಬಲಿಷ್ಠವಾಗಿತ್ತು.
The last team to qualify for the ICC Men’s #T20WorldCup 2022 ?
See you in Australia, @ZimCricketv ?
More ? https://t.co/OsuciyMrAR pic.twitter.com/q94G2PFlef
— ICC (@ICC) July 15, 2022
ಆದಾಗ್ಯೂ, ಮುಂದಿನ ಐದು ಓವರ್‌ಗಳಲ್ಲಿ, ಆತಿಥೇಯರು 38 ರನ್‌ಗಳಿಸುವಷ್ಟರಲ್ಲಿ ಎರ್ವಿನ್ ವಿಕೆಟ್ ಕಳೆದುಕೊಂಡರು. ಆದರೆ ಮಾಧೆವೆರೆ 29-ಬಾಲ್‌ಗಳಲ್ಲಿ 42 ರನ್‌ಗಳಿಸಿ ಅಬ್ಬರಿಸಿದರು. ಮಧ್ಯಮ ಕ್ರಮಾಂಕವು ಅಮೂಲ್ಯವಾದ ರನ್‌ಗಳ ಕೊಡುಗೆಯನ್ನು ನೀಡಿತು. ಹೀಗಾಗಿ ತಂಡವು 20 ಓವರ್‌ಗಳಲ್ಲಿ, ನಿಗದಿತ 5 ವಿಕೆಟ್‌ಗೆ 199 ರನ್ ಗಳಿಸಲು ಸಹಾಯ ಮಾಡಿತು.
ಆರಂಭಿಕ ಆಟಗಾರ ಲೆಗಾ ಸಿಯಾಕಾ ಅವರ ಔಟಾಗುವುದರೊಂದಿಗೆ ಪಿಎನ್‌ಜಿಯ ಇನ್ನಿಂಗ್ಸ್‌ನ ಮೊದಲ ಎಸೆತದಲ್ಲಿ ವಿಕೆಟ್ ಪಡೆದಿದ್ದರಿಂದ ಎಲ್ಲವೂ ಜಿಂಬಾಬ್ವೆಯ ದಾರಿಯಲ್ಲಿ ಸಾಗುತ್ತಿತ್ತು. ಪವರ್‌ಪ್ಲೇಯಲ್ಲಿ ಪಿಎನ್‌ಜಿ 3 ವಿಕೆಟ್ ನಷ್ಟಕ್ಕೆ 45 ರನ್‌ಗಳಿದ್ದರಿಂದ ರನ್ ಗಳಿಸುವ ಬರದಲ್ಲಿ ಶೀಘ್ರವಾಗಿ ಎರಡು ವಿಕೆಟ್‌ಗಳನ್ನು ಕಳೆದುಕೊಂಡರು.
ಬಳಿಕ ಪಿಎನ್‌ಜಿ ತಂಡ 20 ಓವರ್‌ಗಳಲ್ಲಿ 8 ವಿಕೆಟ್ ಕಳೆದುಕೊಂಡು 172 ರನ್ ಗಳಿಸಲಷ್ಟೇ ಶಕ್ತವಾಯಿತು. ಹೀಗಾಗಿ ಪಿಎನ್‌ಜಿ ತಂಡಕ್ಕೆ 27 ರನ್‌ಗಳ ಸೋಲಿನ ಆಘಾತ ಎದುರಾಯಿತು.
ಟಿ20 ವಿಶ್ವಕಪ್ ಆಡುವ ತಂಡಗಳು:
ಆಸ್ಟ್ರೇಲಿಯಾ (ಹಾಲಿ ಚಾಂಪಿಯನ್ಸ್), ಅಫ್ಘಾನಿಸ್ತಾನ, ಬಾಂಗ್ಲಾದೇಶ, ಇಂಗ್ಲೆಂಡ್, ಭಾರತ, ನಮೀಬಿಯಾ, ನ್ಯೂಜಿಲೆಂಡ್, ಪಾಕಿಸ್ತಾನ, ಸ್ಕಾಟ್ಲೆಂಡ್, ದಕ್ಷಿಣ ಆಫ್ರಿಕಾ, ಶ್ರೀಲಂಕಾ, ವೆಸ್ಟ್ ಇಂಡೀಸ್
ಗ್ಲೋಬಲ್ ಕ್ವಾಲಿಫೈಯರ್ A ನಿಂದ ಅಗ್ರ ಎರಡು ತಂಡಗಳು: ಐರ್ಲೆಂಡ್ ಮತ್ತು ಯುನೈಟೆಡ್ ಅರಬ್ ಎಮಿರೇಟ್ಸ್
ಗ್ಲೋಬಲ್ ಕ್ವಾಲಿಫೈಯರ್ ಬಿ ನಿಂದ ಅಗ್ರ ಎರಡು ತಂಡಗಳು: ನೆದರ್ಲ್ಯಾಂಡ್ಸ್ ಮತ್ತು ಜಿಂಬಾಬ್ವೆ.
Published On - 9:54 pm, Fri, 15 July 22