IND vs AUS World Cup 2022: ಭಾರತಕ್ಕೆ ಬಲಿಷ್ಠ ಆಸ್ಟ್ರೇಲಿಯಾ ಎದುರಾಳಿ! ಗೆಲ್ಲಲೇಬೇಕಾದ ಒತ್ತಡದಲ್ಲಿ ಮಿಥಾಲಿ ಪಡೆ

ICC ಮಹಿಳಾ ವಿಶ್ವಕಪ್ 2022 (ICC Women’s World Cup 2022 )ರಲ್ಲಿ, ಮಾರ್ಚ್ 19 ರ ಶನಿವಾರದ ದಿನವು ಭಾರತೀಯ ಕ್ರಿಕೆಟ್ ತಂಡಕ್ಕೆ ಬಹಳ ಮುಖ್ಯವಾಗಿದೆ. ಇಲ್ಲಿಯವರೆಗೆ ವಿಶ್ವಕಪ್‌ನಲ್ಲಿ ಅಸ್ಥಿರ ಪ್ರದರ್ಶನ ನೀಡಿರುವ ಭಾರತ ತಂಡದ ಮುಂದಿರುವ ಕಠಿಣ ಸವಾಲು ಆಸ್ಟ್ರೇಲಿಯಾ (India vs Australia). ಟೂರ್ನಿಯಲ್ಲಿ ಇಲ್ಲಿಯವರೆಗೆ ಎಲ್ಲಾ ನಾಲ್ಕು ಪಂದ್ಯಗಳನ್ನು ಗೆದ್ದಿರುವ ಆಸ್ಟ್ರೇಲಿಯಾ ವಿರುದ್ಧ ಭಾರತ ತಂಡ ಗೆಲುವು ದಾಖಲಿಸುವುದು ಬಹಳ ಮುಖ್ಯ, ಏಕೆಂದರೆ ಈ ಗೆಲುವು ಟೀಮ್ ಇಂಡಿಯಾದ ಹಾದಿಯನ್ನು ಸ್ವಲ್ಪ ಸುಲಭಗೊಳಿಸುತ್ತದೆ, ಆದರೆ ಈ ಕೆಲಸವನ್ನು ಸಾಧಿಸುವುದು ಸುಲಭವಲ್ಲ. ಪ್ರಶಸ್ತಿಯೊಂದಿಗೆ ತಮ್ಮ ವೃತ್ತಿಜೀವನಕ್ಕೆ ತೆರೆ ಬೀಳುವ ನಿರೀಕ್ಷೆಯಲ್ಲಿರುವ ನಾಯಕಿ ಮಿಥಾಲಿ ರಾಜ್ ಮತ್ತು ಜೂಲನ್ ಗೋಸ್ವಾಮಿ ಜೊತೆಗೆ ಟೀಂ ಇಂಡಿಯಾದ ಉಳಿದ ಆಟಗಾರರು ಕೂಡ ತಮ್ಮ ಅತ್ಯುತ್ತಮ ಪ್ರದರ್ಶನ ನೀಡಬೇಕಾಗಿದೆ. ಟೀಂ ಇಂಡಿಯಾ ಇದುವರೆಗೆ ಆಡಿರುವ 4 ಪಂದ್ಯಗಳಲ್ಲಿ ಎರಡರಲ್ಲಿ ಗೆದ್ದು ಎರಡರಲ್ಲಿ ಸೋತಿದೆ.

ಭಾರತ ತಂಡವು ಆಸ್ಟ್ರೇಲಿಯಾ ವಿರುದ್ಧ ಹೆಚ್ಚಿನ ಯಶಸ್ಸನ್ನು ಪಡೆದಿಲ್ಲ. ಕಳೆದ ವರ್ಷ, ಟೀಂ ಇಂಡಿಯಾ ಆಸ್ಟ್ರೇಲಿಯಾ ಪ್ರವಾಸ ಕೈಗೊಂಡು ಉತ್ತಮ ಪ್ರದರ್ಶನ ನೀಡಿತು. ಇದರಲ್ಲಿ ಟೀಮ್ ಇಂಡಿಯಾ ಒಂದು ಏಕದಿನ ಪಂದ್ಯ ಗೆಲ್ಲುವಲ್ಲಿ ಯಶಸ್ವಿಯಾಗಿತ್ತು. ಆದರೆ ಇನ್ನೊಂದು ODI ನಲ್ಲಿ ಕೆಲವೇ ಎಸೆತಗಳ ಅಂತರದಲ್ಲಿ ಸೋಲನ್ನು ಎದುರಿಸಬೇಕಾಯಿತು. ಇಂತಹ ಪರಿಸ್ಥಿತಿಯಲ್ಲಿ, ಆಸ್ಟ್ರೇಲಿಯಾವನ್ನು ಎದುರಿಸಲು ಟೀಮ್ ಇಂಡಿಯಾ ಸಕಲ ರೀತಿಯಲ್ಲೂ ಸಜ್ಜಾಗಬೇಕಿದೆ.

ಮಿಥಾಲಿ-ದೀಪ್ತಿ ಅವರಿಂದ ಉತ್ತಮ ಪ್ರದರ್ಶನದ ಅಗತ್ಯವಿದೆ ಇದರ ಹೊರತಾಗಿಯೂ ಈ ಬಾರಿ ಟೀಂ ಇಂಡಿಯಾದ ಪರಿಸ್ಥಿತಿ ಇನ್ನಷ್ಟು ಹೀನಾಯವಾಗಿ ಕಾಣುತ್ತಿದೆ. ವಿಶ್ವಕಪ್‌ನಲ್ಲಿ ಭಾರತ ತಂಡದ ಪ್ರದರ್ಶನ ಸ್ಥಿರತೆಯ ಕೊರತೆಯಿಂದ ಬಳಲುತ್ತಿದೆ. ವಿಶೇಷವಾಗಿ ಬ್ಯಾಟಿಂಗ್ ವಿಭಾಗದಲ್ಲಿ ಹೆಚ್ಚು ವಿಫಲವಾಗಿದೆ. ಆರಂಭಿಕ ಆಟಗಾರ್ತಿ ಸ್ಮೃತಿ ಮಂಧಾನ ಮತ್ತು ಉಪನಾಯಕಿ ಹರ್ಮನ್‌ಪ್ರೀತ್ ಕೌರ್ ಹೊರತುಪಡಿಸಿ, ಯಾರೂ ರನ್‌ಗಳ ವಿಷಯದಲ್ಲಿ ಹೆಚ್ಚಿನ ಕೊಡುಗೆ ನೀಡುತ್ತಿಲ್ಲ. ಅದರಲ್ಲೂ ನಾಯಕಿ ಮಿಥಾಲಿ ಮತ್ತು ಆಲ್‌ರೌಂಡರ್ ದೀಪ್ತಿ ಶರ್ಮಾ ಅವರ ಬ್ಯಾಟಿಂಗ್ ನಿರೀಕ್ಷೆಯಂತೆ ಸಾಧಾರಣವಾಗಿದೆ. ಇಂತಹ ಪರಿಸ್ಥಿತಿಯಲ್ಲಿ ಇಬ್ಬರೂ ತಮ್ಮ ಬ್ಯಾಟ್‌ನಿಂದ ಇನ್ನಷ್ಟು ಶಕ್ತಿಯುತ ಪ್ರದರ್ಶನ ನೀಡಬೇಕಾಗಿದೆ.

ಮಂಧಾನ-ಹರ್ಮನ್‌ಪ್ರೀತ್ ಮೇಲೆ ಮತ್ತೆ ಹೊರೆ ಆಕ್ಲೆಂಡ್‌ನ ಈಡನ್ ಪಾರ್ಕ್‌ನಲ್ಲಿ ನಡೆಯಲಿರುವ ಈ ಪಂದ್ಯದಲ್ಲಿ ಮತ್ತೊಮ್ಮೆ ಸ್ಮೃತಿ ಮಂಧಾನ ತಂಡಕ್ಕೆ ಶುಭಾರಂಭದ ಹೊಣೆ ಹೊತ್ತಿದ್ದಾರೆ. ಅನುಭವಿ ಆರಂಭಿಕ ಆಟಗಾರ್ತಿ ಇದುವರೆಗೆ 4 ಇನ್ನಿಂಗ್ಸ್‌ಗಳಲ್ಲಿ ಶತಕ ಮತ್ತು ಅರ್ಧಶತಕ ಗಳಿಸಿದ್ದಾರೆ. ಅವರೊಂದಿಗೆ ಮತ್ತೊಮ್ಮೆ ಉತ್ತಮ ಇನ್ನಿಂಗ್ಸ್ ಆಡಿದ ಯುವ ಆರಂಭಿಕ ಆಟಗಾರ್ತಿ ಯಾಸ್ತಿಕಾ ಭಾಟಿಯಾಗೆ ಅವಕಾಶ ಸಿಗುವುದು ಖಚಿತ. ಈ ದೊಡ್ಡ ಪಂದ್ಯದಲ್ಲಿ ತಂಡದಲ್ಲಿ ಹೆಚ್ಚಿನ ಬದಲಾವಣೆ ನಿರೀಕ್ಷಿಸಲಾಗಿಲ್ಲ. ಅದೇ ಸಮಯದಲ್ಲಿ, ಹರ್ಮನ್‌ಪ್ರೀತ್ ಹೊರತುಪಡಿಸಿ, ವಿಕೆಟ್‌ಕೀಪರ್ ಬ್ಯಾಟ್ಸ್‌ಮನ್ ರಿಚಾ ಘೋಷ್‌ರ ಆಕ್ರಮಣಕಾರಿ ಕೊಡುಗೆಯ ಅಗತ್ಯವೂ ಇರುತ್ತದೆ.

ಟೀಂ ಇಂಡಿಯಾ ಬೌಲಿಂಗ್ ಉತ್ತಮವಾಗಿದೆ ವಿಶ್ವಕಪ್‌ಗೆ ಮುನ್ನ ಭಾರತೀಯ ಬೌಲಿಂಗ್ ಆತಂಕಕ್ಕೆ ಕಾರಣವಾಗಿತ್ತು, ಆದರೆ ಅನುಭವಿ ವೇಗಿ ಜೂಲನ್ ಗೋಸ್ವಾಮಿ ನೇತೃತ್ವದ ಮೇಘನಾ ಸಿಂಗ್ ಮತ್ತು ಪೂಜಾ ವಸ್ತ್ರಕರ್ ಅವರಂತಹ ವೇಗದ ಬೌಲರ್‌ಗಳು ತಮ್ಮ ಪ್ರದರ್ಶನವನ್ನು ಸುಧಾರಿಸಿದ್ದಾರೆ. ಮತ್ತೊಂದೆಡೆ, ರಾಜೇಶ್ವರ ಗಾಯಕ್ವಾಡ್ ಅವರ ಸ್ಪಿನ್ ನಿರಂತರವಾಗಿ ಉತ್ತಮ ಪರಿಣಾಮ ಬೀರುತ್ತಿದೆ. ಆಲ್ ರೌಂಡರ್ ಸ್ನೇಹ್ ರಾಣಾ ಅವರ ಸ್ಪಿನ್ ಕೂಡ ಕೆಲವು ಸಂದರ್ಭಗಳಲ್ಲಿ ಉತ್ತಮವಾಗಿ ಕಾಣುತ್ತಿದೆ. ಅಂತಹ ಪರಿಸ್ಥಿತಿಯಲ್ಲಿ, ಬೌಲಿಂಗ್ ಮುಂಭಾಗದಲ್ಲಿ ಯಾವುದೇ ಬದಲಾವಣೆಯನ್ನು ನಿರೀಕ್ಷಿಸಲಾಗುವುದಿಲ್ಲ.

ಆಸ್ಟ್ರೇಲಿಯಾದ ಪ್ರಬಲ ಪ್ರದರ್ಶನ ಆಸ್ಟ್ರೇಲಿಯಾದ ಮಟ್ಟಿಗೆ ಹೇಳುವುದಾದರೆ, ಮೆಗ್ ಲೆನ್ನಿಂಗ್ ನಾಯಕತ್ವದ ಈ ತಂಡವು ಸಂಪೂರ್ಣವಾಗಿ ಪ್ರಬಲವಾಗಿದೆ. ಲೆಜೆಂಡರಿ ಆಲ್‌ರೌಂಡರ್ ಎಲ್ಲಿಸ್ ಪ್ಯಾರಿ ಫಾರ್ಮ್‌ಗೆ ಮರಳಿರುವುದು ತಂಡಕ್ಕೆ ಉತ್ತಮ ಸಂಗತಿಯಾಗಿದೆ. ವಿಶ್ವಕಪ್‌ಗೆ ಮೊದಲು, ಪೆರ್ರಿ ಕಳಪೆ ಫಾರ್ಮ್​ನಿಂದ ಬಳುತ್ತಿದ್ದರು ಆದರೆ ಇದುವರೆಗೆ ಪಂದ್ಯಾವಳಿಯಲ್ಲಿ, ಅವರು ಚೆಂಡು ಮತ್ತು ಬ್ಯಾಟ್‌ನೊಂದಿಗೆ ಪ್ರಭಾವ ಬೀರಿದ್ದಾರೆ. ಅದೇ ಸಮಯದಲ್ಲಿ, ತಂಡದ ಬ್ಯಾಟಿಂಗ್ ಮತ್ತೊಮ್ಮೆ ರಾಚೆಲ್ ಹೇನ್ಸ್ ಮತ್ತು ಅಲಿಸ್ಸಾ ಹೀಲಿ ಮತ್ತು ನಾಯಕ ಲೆನ್ನಿಂಗ್ ಅವರ ಆರಂಭಿಕರ ಮೇಲೆ ಅವಲಂಬಿತವಾಗಿದೆ.

ಇವರುಗಳ ಹೊರತಾಗಿ, ಕಳೆದ ವರ್ಷ ಎಲ್ಲಾ ಮೂರು ಫಾರ್ಮ್ಯಾಟ್‌ಗಳಲ್ಲಿ ಭಾರತಕ್ಕೆ ಭಾರವಾಗಿದ್ದ ಆಲ್‌ರೌಂಡರ್ ತಾಲಿಯಾ ಮೆಕ್‌ಗ್ರಾತ್ ಅವರ ಬಗ್ಗೆಯೂ ಟೀಮ್ ಇಂಡಿಯಾ ಎಚ್ಚರಿಕೆ ವಹಿಸಬೇಕಾಗಿದೆ. ಆಸ್ಟ್ರೇಲಿಯಾದ ಹೊಸ ಲೆಗ್ ಸ್ಪಿನ್ನರ್ ಎಲಾನಾ ಕಿಂಗ್ ಕೂಡ ಉತ್ತಮ ಪ್ರದರ್ಶನ ನೀಡುತ್ತಿದ್ದು, ವೇಗದ ಬೌಲರ್ ಮೇಗನ್ ಶುಟ್ ಮತ್ತು ಆಶ್ಲೇ ಗಾರ್ಡ್ನರ್ ಮತ್ತು 19 ವರ್ಷದ ಹೊಸ ವೇಗಿ ಡಾರ್ಸಿ ಬ್ರೌನ್ ಅವರಂತಹ ಸ್ಪಿನ್ನರ್‌ಗಳು ಕೂಡ ಭಾರತಕ್ಕೆ ಕಮಟಕವಾಗಲಿದ್ದಾರೆ.

ಇದನ್ನೂ ಓದಿ:IND W VS ENG W: ಆಂಗ್ಲರ ಮುಂದೆ ಮಂಡಿಯೂರಿದ ಭಾರತ! ಮಹಿಳಾ ವಿಶ್ವಕಪ್​ನಲ್ಲಿ 2ನೇ ಸೋಲು