ಏಕದಿನ ವಿಶ್ವಕಪ್ ಟಿಕೆಟ್ ಒಂದು ಕಪ್ ಕಾಫಿಗಿಂತಲೂ ಅಗ್ಗ; ಬೆಲೆ ಇಷ್ಟೊಂದು ಕಡಿಮೆ ನಾ?

ಭಾರತ ಮತ್ತು ಶ್ರೀಲಂಕಾದ ಆತಿಥ್ಯದಲ್ಲಿ 2025 ರ ಐಸಿಸಿ ಮಹಿಳಾ ಏಕದಿನ ವಿಶ್ವಕಪ್ (Women’s World Cup 2025) ಆರಂಭವಾಗಲಿದ್ದು, ಇದರಲ್ಲಿ ಒಟ್ಟು 8 ತಂಡಗಳು ಭಾಗವಹಿಸುತ್ತಿವೆ. ಸೆಪ್ಟೆಂಬರ್ 30 ರಿಂದ ಪಂದ್ಯಾವಳಿ ಆರಂಭವಾಗಲಿದ್ದು, ಇದೀಗ ಈ ಟೂರ್ನಿಯ ಟಿಕೆಟ್‌ಗಳ ಮಾರಾಟ ಆರಂಭವಾಗಿದೆ. ಕಳೆದ ಹಲವು ವಾರಗಳಿಂದ ಕ್ರಿಕೆಟ್ ಅಭಿಮಾನಿಗಳು ಟಿಕೆಟ್ ಮಾರಾಟಕ್ಕಾಗಿ ಕಾಯುತ್ತಿದ್ದರು. ಇದೀಗ ಆ ಕಾಯುವಿಕೆ ಮುಗಿದಿದೆ. ವಿಶ್ವಕಪ್‌ನ ಎಲ್ಲಾ ಪಂದ್ಯಗಳಿಗೆ ಟಿಕೆಟ್ ಮಾರಾಟ ಪ್ರಾರಂಭವಾಗಿದ್ದು, ಅತಿ ಕಡಿಮೆ ಬೆಲೆಯನ್ನು ನಿಗಧಿಪಡಿಸಲಾಗಿದೆ. ಟಿಕೆಟ್​ಗಳ ಬೆಲೆ ಎಷ್ಟು ಕಡಿಮೆ ಇದೆ ಎಂದರೆ 5 ಸ್ಟಾರ್ ಹೋಟೆಲ್​ಗಳಲ್ಲಿ ನೀವು ಕುಡಿಯುವ ಒಂದು ಕಪ್ ಕಾಫಿಗಿಂತಲೂ ಅಗ್ಗವಾಗಿದೆ. ಹೌದು, ವಿಶ್ವಕಪ್ ಟಿಕೆಟ್‌ಗಳು ಕೇವಲ 100 ರೂ.ಗಳಿಂದ ಪ್ರಾರಂಭವಾಗುತ್ತಿವೆ.

4 ದಿನಗಳವರೆಗೆ ಪೂರ್ವ-ಮಾರಾಟ

ಐಸಿಸಿ ಡಿಸೆಂಬರ್ 4 ರ ಗುರುವಾರದಿಂದ ಟಿಕೆಟ್‌ಗಳ ಪೂರ್ವ-ಮಾರಾಟವನ್ನು ಪ್ರಾರಂಭಿಸಿದ್ದು, ಈ ಮಾರಾಟ 4 ದಿನಗಳವರೆಗೆ ನಡೆಯಲಿದೆ. ಐಸಿಸಿಯ ಹೇಳಿಕೆಯ ಪ್ರಕಾರ, ಸೆಪ್ಟೆಂಬರ್ 4 ರಂದು ಪ್ರಾರಂಭವಾಗಿರುವ ಈ ಪೂರ್ವ ಮಾರಾಟವು 4 ದಿನಗಳವರೆಗೆ ನಡೆಯಲಿದೆ. ಆದಾಗ್ಯೂ, ಈ 4 ದಿನಗಳ ಪೂರ್ವ-ಮಾರಾಟವು ಎಲ್ಲರಿಗೂ ಅಲ್ಲ. ಇದನ್ನು ‘ಗೂಗಲ್ ಪೇ’ ಗ್ರಾಹಕರಿಗೆ ಮಾತ್ರ ಇರಿಸಲಾಗಿದೆ, ಅವರು ಈ ಅವಧಿಯಲ್ಲಿ ಟಿಕೆಟ್ ಖರೀದಿಯ ಮೇಲೆ 100 ರೂ.ಗಳವರೆಗೆ ಕ್ಯಾಶ್‌ಬ್ಯಾಕ್ ಕೂಡ ಪಡೆಯಬಹುದು.

Get your ICC Women’s @CricketWorldCup tickets now through the exclusive Google Pay ticket window. 🎟️ Early bird offers are live — don’t miss out! #CWC25

Book your tickets now ➡️ https://t.co/x4bsB7R90P pic.twitter.com/IwFZqdgeRw

— ICC (@ICC) September 4, 2025

ಈ ವಿಶೇಷ ಪೂರ್ವ-ಮಾರಾಟ ವಿಂಡೋ ಪೂರ್ಣಗೊಂಡ ನಂತರ, ಎರಡನೇ ಸುತ್ತಿನ ಮಾರಾಟವು ಸೆಪ್ಟೆಂಬರ್ 9 ರಿಂದ ಪ್ರಾರಂಭವಾಗಲಿದ್ದು, ಎಲ್ಲಾ ರೀತಿಯ ಅಭಿಮಾನಿಗಳು ಟಿಕೆಟ್‌ಗಳನ್ನು ಖರೀದಿಸಲು ಸಾಧ್ಯವಾಗುತ್ತದೆ ಎಂದು ಐಸಿಸಿ ತನ್ನ ಹೇಳಿಕೆಯಲ್ಲಿ ತಿಳಿಸಿದೆ. ಇದು ಸೆಪ್ಟೆಂಬರ್ 9 ರಂದು ರಾತ್ರಿ 8 ಗಂಟೆಯಿಂದ ಪ್ರಾರಂಭವಾಗಲಿದ್ದು, ಟಿಕೆಟ್‌ಗಳನ್ನು ಈ ಲಿಂಕ್‌ನಿಂದ ಖರೀದಿಸಬಹುದು – Tickets.cricketworldcup.com.

ಸೆಪ್ಟೆಂಬರ್ 9 ರಿಂದ ನಿಯಮಿತ ಮಾರಾಟ

ಇಷ್ಟೇ ಅಲ್ಲ, ಈ ಪಂದ್ಯಾವಳಿಯ ಉದ್ಘಾಟನಾ ಸಮಾರಂಭದ ಮಾಹಿತಿಯನ್ನು ಸಹ ಐಸಿಸಿ ಹಂಚಿಕೊಂಡಿದೆ. ಪಂದ್ಯಾವಳಿಯ ಮೊದಲ ಪಂದ್ಯವು ಸೆಪ್ಟೆಂಬರ್ 30 ರಂದು ಗುವಾಹಟಿಯಲ್ಲಿ ಎರಡು ಆತಿಥೇಯರಾದ ಭಾರತ ಮತ್ತು ಶ್ರೀಲಂಕಾ ನಡುವೆ ನಡೆಯಲಿದೆ. ಈ ಪಂದ್ಯಕ್ಕೂ ಮುನ್ನ, ಬಾಲಿವುಡ್ ಸೂಪರ್‌ಸ್ಟಾರ್ ಗಾಯಕಿ ಶ್ರೇಯಾ ಘೋಷಾಲ್ ತಮ್ಮ ಹಾಡುಗಳೊಂದಿಗೆ ಅಭಿಮಾನಿಗಳನ್ನು ರಂಜಿಸಲಿದ್ದಾರೆ. ಶೀಘ್ರದಲ್ಲೇ ಬಿಡುಗಡೆಯಾಗಲಿರುವ 2025 ರ ವಿಶ್ವಕಪ್‌ನ ಅಧಿಕೃತ ಗೀತೆಯನ್ನು ಶ್ರೇಯಾ ಹಾಡಿರುವುದರಿಂದ ಅವರ ಉಪಸ್ಥಿತಿಯು ವಿಶೇಷವಾಗಿರುತ್ತದೆ.

Exciting news 🤩

India’s musical pride @shreyaghoshal will get Guwahati grooving at the @cricketworldcup Grand Opening Ceremony ahead of the tournament opener between @BCCI and @OfficialSLC on September 30 🎶

Details 👉 https://t.co/XRP281vd9c pic.twitter.com/MoJBmtk7rS

— ICC (@ICC) September 4, 2025

ಸೆ. 30 ರಿಂದ ನ. 2 ರವರೆಗೆ ವಿಶ್ವಕಪ್

ವಿಶ್ವಕಪ್ ಬಗ್ಗೆ ಹೇಳುವುದಾದರೆ, ಪಂದ್ಯಾವಳಿ ಸೆಪ್ಟೆಂಬರ್ 30 ರಿಂದ ಪ್ರಾರಂಭವಾಗಲಿದ್ದು, ನವೆಂಬರ್ 2 ರಂದು ಫೈನಲ್ ನಡೆಯಲಿದೆ. ವಿಶ್ವಕಪ್‌ನ ಹೆಚ್ಚಿನ ಪಂದ್ಯಗಳು ಭಾರತದಲ್ಲಿ ನಡೆಯಲಿದ್ದು, ಪಾಕಿಸ್ತಾನ ತಂಡ ಮಾತ್ರ ಶ್ರೀಲಂಕಾದಲ್ಲಿ ತನ್ನ ಪಂದ್ಯಗಳನ್ನು ಆಡಲಿದೆ. ಪಾಕಿಸ್ತಾನ ಸೆಮಿಫೈನಲ್ ಮತ್ತು ಫೈನಲ್ ತಲುಪಿದರೆ, ಆ ಪಂದ್ಯಗಳನ್ನು ಶ್ರೀಲಂಕಾದಲ್ಲಿ ಆಡಲಾಗುತ್ತದೆ. ಪಾಕಿಸ್ತಾನ ಲೀಗ್ ಹಂತದಿಂದಲೇ ಹೊರಬಿದ್ದರೆ, ಫೈನಲ್ ಭಾರತದಲ್ಲೇ ನಡೆಯಲಿದೆ. ಭಾರತ ಮತ್ತು ಶ್ರೀಲಂಕಾ ಹೊರತುಪಡಿಸಿ, ಆಸ್ಟ್ರೇಲಿಯಾ, ದಕ್ಷಿಣ ಆಫ್ರಿಕಾ, ನ್ಯೂಜಿಲೆಂಡ್, ಇಂಗ್ಲೆಂಡ್, ಪಾಕಿಸ್ತಾನ ಮತ್ತು ಬಾಂಗ್ಲಾದೇಶ ತಂಡಗಳು ಟೂರ್ನಿಯಲ್ಲಿ ಭಾಗವಹಿಸುತ್ತಿವೆ.

ಮತ್ತಷ್ಟು ಕ್ರೀಡಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ