Ind vs Eng: ಇಂಗ್ಲೆಂಡ್ ವಿರುದ್ಧದ 4 ನೇ ಟೆಸ್ಟ್ನಲ್ಲಿ ಕ್ರಿಕೆಟ್ ದೇವರ ದೀರ್ಘಕಾಲದ ದಾಖಲೆ ಮುರಿದ ವಿರಾಟ್ ಕೊಹ್ಲಿ!
Ind vs Eng: ಕೊಹ್ಲಿ ಕೇವಲ 490 ಇನ್ನಿಂಗ್ಸ್‌ಗಳಲ್ಲಿ 23000 ಅಂತರಾಷ್ಟ್ರೀಯ ರನ್ ಗಳಿಸಿದರು, ಸಚಿನ್ ತೆಂಡೂಲ್ಕರ್ ಅವರ ದೀರ್ಘಕಾಲದ ದಾಖಲೆಯನ್ನು ಸ್ವಲ್ಪ ಸುಲಭವಾಗಿ ಮುರಿದರು. ಸಚಿನ್ 522 ಇನ್ನಿಂಗ್ಸ್‌ಗಳಲ್ಲಿ ಈ ಹೆಗ್ಗುರುತನ್ನು ತಲುಪಿದ್ದರು.
ಟೆಸ್ಟ್ ಕ್ರಿಕೆಟ್‌ನಲ್ಲಿ ಗಮನಾರ್ಹವಾದ ದೊಡ್ಡ ಸ್ಕೋರ್ ಇಲ್ಲದಿದ್ದರೂ, ಭಾರತ ತಂಡದ ನಾಯಕ ವಿರಾಟ್ ಕೊಹ್ಲಿಯನ್ನು ದಾಖಲೆ ಪುಸ್ತಕಗಳಿಂದ ದೂರವಿರಿಸುವುದು ಕಷ್ಟ. ಕೊಹ್ಲಿ ಗುರುವಾರ 23000 ಅಂತರಾಷ್ಟ್ರೀಯ ರನ್ ಗಳಿಸಿದ ವೇಗದ ಆಟಗಾರ ಎಂಬ ಹೆಗ್ಗಳಿಕೆಗೆ ಕೊಹ್ಲಿ ಪಾತ್ರರಾದರು. ಓವಲ್‌ನಲ್ಲಿ ನಡೆಯುತ್ತಿರುವ ಭಾರತ-ಇಂಗ್ಲೆಂಡ್ ನಾಲ್ಕನೇ ಟೆಸ್ಟ್ ಪಂದ್ಯದ 1 ನೇ ದಿನದಂದು ಭಾರತದ ನಾಯಕ ತನ್ನ ಪರಮವೈರಿ ಜೇಮ್ಸ್ ಆಂಡರ್ಸನ್ ಅವರ ಎಸೆತವನ್ನು ಅದ್ಭುತ ಆನ್ ಡ್ರೈವ್‌ ಮಾಡಿ ಈ ಮೈಲಿಗಲ್ಲನ್ನು ಪೂರ್ಣಗೊಳಿಸಿದರು.
ಕೊಹ್ಲಿ ಕೇವಲ 490 ಇನ್ನಿಂಗ್ಸ್‌ಗಳಲ್ಲಿ 23000 ಅಂತರಾಷ್ಟ್ರೀಯ ರನ್ ಗಳಿಸಿದರು, ಸಚಿನ್ ತೆಂಡೂಲ್ಕರ್ ಅವರ ದೀರ್ಘಕಾಲದ ದಾಖಲೆಯನ್ನು ಸ್ವಲ್ಪ ಸುಲಭವಾಗಿ ಮುರಿದರು. ಸಚಿನ್ 522 ಇನ್ನಿಂಗ್ಸ್‌ಗಳಲ್ಲಿ ಈ ಹೆಗ್ಗುರುತನ್ನು ತಲುಪಿದ್ದರು. ಈ ಪಟ್ಟಿಯಲ್ಲಿ ಮೂರನೇ ಅತಿ ವೇಗವಾಗಿ ರನ್ಗಳಿಸಿದ ಆಟಗಾರನಾಗಿ ಆಸ್ಟ್ರೇಲಿಯಾದ ಮಾಜಿ ನಾಯಕ ರಿಕಿ ಪಾಂಟಿಂಗ್ ಇದ್ದಾರೆ. ಅವರು 544 ಇನ್ನಿಂಗ್ಸ್‌ಗಳಲ್ಲಿ 23000 ಅಂತರಾಷ್ಟ್ರೀಯ ರನ್ ಗಳಿಸಿದ್ದಾರೆ. ನಂತರ ದಕ್ಷಿಣ ಆಫ್ರಿಕಾದ ಮಾಜಿ ಆಲ್‌ರೌಂಡರ್ ಜಾಕ್ ಕಾಲಿಸ್ (551 ಇನ್ನಿಂಗ್ಸ್) ಇದ್ದಾರೆ.
ಈ ಸಾಧನೆ ಮಾಡಿದ ಏಳನೇ ಬ್ಯಾಟ್ಸ್‌ಮನ್
ಕೊಹ್ಲಿ ಮತ್ತು ಸಚಿನ್ ಹೊರತುಪಡಿಸಿ 23000 ಕ್ಕೂ ಹೆಚ್ಚು ಅಂತರಾಷ್ಟ್ರೀಯ ರನ್ ಗಳಿಸಿದ ಏಕೈಕ ಭಾರತೀಯ ರಾಹುಲ್ ದ್ರಾವಿಡ್. ಭಾರತದ ಮಾಜಿ ನಾಯಕ ಇದನ್ನು 576 ಇನ್ನಿಂಗ್ಸ್‌ನಲ್ಲಿ ಪಡೆದಿದ್ದರು. ಕೊಹ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್ ಇತಿಹಾಸದಲ್ಲಿ ಈ ಸಾಧನೆ ಮಾಡಿದ ಏಳನೇ ಬ್ಯಾಟ್ಸ್‌ಮನ್. ಸಚಿನ್ ತೆಂಡೂಲ್ಕರ್ (34357 ರನ್) ಮತ್ತು ರಾಹುಲ್ ದ್ರಾವಿಡ್ (24208 ರನ್) ನಂತರದ ಸ್ಥಾನದಲ್ಲಿ ಕೊಹ್ಲಿ ಭಾರತದ ಪರವಾಗಿ ಅತಿ ಹೆಚ್ಚು ರನ್ ಗಳಿಸಿದವರಲ್ಲಿ ಮೂರನೇ ಸ್ಥಾನದಲ್ಲಿದ್ದಾರೆ. ಏತನ್ಮಧ್ಯೆ, ಮೊದಲ ದಿನದಾಟದಲ್ಲಿ ಇಂಗ್ಲೆಂಡ್ ಮತ್ತೊಮ್ಮೆ ಅಬ್ಬರಿಸಿದ ನಂತರ ಉತ್ತಮ ಇನಿಂಗ್ಸ್ ಮೊತ್ತವನ್ನು ಹಾಕುವ ಭಾರತದ ಭರವಸೆಗಳು ಕೊಹ್ಲಿಯ ಹೆಗಲ ಮೇಲೆ ನಿಂತಿದೆ.
ಗಾಯದಿಂದ ಹಿಂತಿರುಗಿದ ಕ್ರಿಸ್ ವೋಕ್ಸ್ ತನ್ನ ಮೊದಲ ಓವರ್‌ನಲ್ಲಿ ರೋಹಿತ್ ಶರ್ಮಾ (11) ಅವರನ್ನು ಬಲಿ ಪಡೆಯುವ ಮೂಲಕ ತಕ್ಷಣದ ಪ್ರಭಾವ ಬೀರಿದರು. ಫಾರ್ಮ್‌ನಲ್ಲಿರುವ ಓಲ್ಲಿ ರಾಬಿನ್ಸನ್ ನಂತರ ಕೆ ಎಲ್ ರಾಹುಲ್ (17) ಅವರನ್ನು ಪೆವಿಲಿಯನ್ಗೆ ಅಟ್ಟಿದರು. ಚೇತೇಶ್ವರ್ ಪೂಜಾರ ಅವರು ಜೇಮ್ಸ್ ಆಂಡರ್ಸನ್ ಅವರ ಔಟ್‌ವಿಂಗರ್ ಅನ್ನು ಆಡಲು ಯತ್ನಿಸಿ ವಿಕೆಟ್ ಕೀಪರ್‌ಗೆ ಕ್ಯಾಚಿತ್ತರು. ಜಡೇಜಾ ಕೂಡ ಹೆಚ್ಚು ಸಮಯ ನಿಲ್ಲಲ್ಲಿಲ್ಲ.