AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

15 ಮಿ.ಮೀ ಪಿಚ್… ಟೀಮ್ ಇಂಡಿಯಾಗೆ ಅಗ್ನಿಪರೀಕ್ಷೆ!

ಭಾರತ ಮತ್ತು ನ್ಯೂಝಿಲೆಂಡ್ ನಡುವಣ ಟೆಸ್ಟ್ ಸರಣಿಯು ನವೆಂಬರ್ 19 ರಿಂದ ಶುರುವಾಗಲಿದೆ. ಎರಡು ಪಂದ್ಯಗಳ ಈ ಸರಣಿಯು ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್ ಫೈನಲ್ ದೃಷ್ಟಿಯಿಂದ ಟೀಮ್ ಇಂಡಿಯಾಗೆ ನಿರ್ಣಾಯಕವಾಗಿದ್ದು, ಈ ಪಂದ್ಯಗಳಲ್ಲಿ ಭಾರತ ಜಯ ಸಾಧಿಸಿದರೆ ಫೈನಲ್ ಹಾದಿ ಸುಗಮವಾಗಲಿದೆ.

15 ಮಿ.ಮೀ ಪಿಚ್... ಟೀಮ್ ಇಂಡಿಯಾಗೆ ಅಗ್ನಿಪರೀಕ್ಷೆ!
Team IndiaImage Credit source: BCCI
ಝಾಹಿರ್ ಯೂಸುಫ್
|

Updated on: Nov 16, 2026 | 2:17 PM

Share

ಭಾರತ ಮತ್ತು ನ್ಯೂಝಿಲೆಂಡ್ ನಡುವಿನ ಬಹುನಿರೀಕ್ಷಿತ ಟೆಸ್ಟ್ ಸರಣಿಯ ಮೊದಲ ಪಂದ್ಯಕ್ಕೆ ದಿನಗಣನೆ ಆರಂಭವಾಗಿದೆ. ನವೆಂಬರ್ 19, 2026 ರಂದು ವೆಲ್ಲಿಂಗ್ಟನ್‌ನ ಐತಿಹಾಸಿಕ ಬೇಸಿನ್ ರಿಸರ್ವ್  ಮೈದಾನದಲ್ಲಿ ನಡೆಯಲಿರುವ ಈ ಪಂದ್ಯಕ್ಕೂ ಮುನ್ನವೇ ಪಿಚ್‌ನ ಸ್ವರೂಪ ಕ್ರಿಕೆಟ್ ವಲಯದಲ್ಲಿ ಭಾರಿ ಕುತೂಹಲ ಮೂಡಿಸಿದೆ.

15 ಮಿ.ಮೀ ಹಸಿರು ಹುಲ್ಲಿನ ಪಿಚ್!

ಬೇಸಿನ್ ರಿಸರ್ವ್ ಪಿಚ್ ಕ್ಯುರೇಟರ್ ಟಾಮ್ ಡೇವಿ ಅವರು ನೀಡಿರುವ ಮಾಹಿತಿಯಂತೆ, ಮೊದಲ ದಿನದ ಆಟಕ್ಕಾಗಿ ಪಿಚ್ ಮೇಲೆ ಸುಮಾರು 15 ಮಿಲಿಮೀಟರ್ ನಷ್ಟು ಹಸಿರು ಹುಲ್ಲನ್ನು ಉಳಿಸಿಕೊಳ್ಳಲಾಗುತ್ತಿದೆ. ಪಿಚ್‌ನಲ್ಲಿ ತೇವಾಂಶವನ್ನು ಕಾಪಾಡಿಕೊಳ್ಳುವ ಸಲುವಾಗಿ ಅದನ್ನು ಹೊದಿಕೆಯಿಂದ ಮುಚ್ಚಿಡಲಾಗಿದೆ. ಪಿಚ್ ಮೇಲ್ನೋಟಕ್ಕೆ ಸಂಪೂರ್ಣ ಹಸಿರಾಗಿ ಕಂಡರೂ, ಅದು ಸಾಕಷ್ಟು ಗಟ್ಟಿಯಾಗಿದ್ದು, ವೇಗದ ಬೌಲರ್‌ಗಳಿಗೆ ಉತ್ತಮ ಬೌನ್ಸ್ ಮತ್ತು ಸ್ವಿಂಗ್ ನೀಡಲಿದೆ.

ಬ್ಯಾಟರ್‌ಗಳಿಗೆ ಆರಂಭಿಕ ಸವಾಲು:

ಈ ಪಿಚ್ ಸಾಂಪ್ರದಾಯಿಕ ನ್ಯೂಝಿಲೆಂಡ್ ಶೈಲಿಯಲ್ಲಿದ್ದು, ಬ್ಯಾಟ್ ಮತ್ತು ಬಾಲ್ ನಡುವೆ ಸಮಬಲದ ಹೋರಾಟಕ್ಕೆ ಸಾಕ್ಷಿಯಾಗಲಿದೆ. ಅಂದರೆ ಟೀಮ್ ಇಂಡಿಯಾ ಆಟಗಾರರಿಗೆ ಅಗ್ನಿ ಪರೀಕ್ಷೆ ಎದುರಾಗುವುದು ಖಚಿತ.

  • ಮೊದಲ ಎರಡು ದಿನ: ಪಿಚ್‌ನಲ್ಲಿರುವ ತೇವಾಂಶ ಮತ್ತು ಹುಲ್ಲಿನ ಕಾರಣದಿಂದಾಗಿ ಮೊದಲ ಎರಡು ದಿನಗಳ ಕಾಲ ಚೆಂಡು ವೇಗವಾಗಿ ಸೀಮ್ ಮತ್ತು ಸ್ವಿಂಗ್ ಆಗಲಿದೆ. ಟಾಪ್ ಆರ್ಡರ್ ಬ್ಯಾಟರ್‌ಗಳಿಗೆ ಕ್ರೀಸ್‌ನಲ್ಲಿ ನೆಲೆಯೂರುವುದು ದೊಡ್ಡ ಸವಾಲಾಗಲಿದೆ.
  •  ಮೂರನೇ ದಿನದಿಂದ ಬದಲಾವಣೆ: ಬಿಸಿಲು ಬಿದ್ದು ಪಿಚ್ ಒಣಗಿದಂತೆ ಹುಲ್ಲು ಸಮತಟ್ಟಾಗಲಿದ್ದು, 3ನೇ ದಿನದಿಂದ ಬ್ಯಾಟಿಂಗ್ ಮಾಡುವುದು ಸುಲಭವಾಗಲಿದೆ.
  • ವೆಲ್ಲಿಂಗ್ಟನ್ ಗಾಳಿಯ ಪ್ರಭಾವ: ಬೇಸಿನ್ ರಿಸರ್ವ್ ಮೈದಾನದಲ್ಲಿ ಬೀಸುವ ವೇಗದ ಗಾಳಿಯು ಸ್ವಿಂಗ್ ಬೌಲರ್‌ಗಳಿಗೆ ಮತ್ತಷ್ಟು ನೆರವಾಗಲಿದ್ದು, ಬ್ಯಾಟರ್‌ಗಳ ತಾಳ್ಮೆಯನ್ನು ಪರೀಕ್ಷಿಸಲಿದೆ.

ಟೀಮ್ ಇಂಡಿಯಾಗೆ ಅಗ್ನಿಪರೀಕ್ಷೆ:

ಪಿಚ್ ಕ್ಯುರೇಟರ್ ತಿಳಿಸಿರುವಂತೆ, ಈ ಪಿಚ್ ಸಾಂಪ್ರದಾಯಿಕ ನ್ಯೂಝಿಲೆಂಡ್ ಶೈಲಿಯಲ್ಲೇ ಸಿದ್ಧಗೊಂಡಿದೆ. ತವರಿನ ವಾತಾವರಣ ಮತ್ತು ಪಿಚ್‌ಗಳ ಲಾಭ ಪಡೆಯುವುದರಲ್ಲಿ ನ್ಯೂಝಿಲೆಂಡ್ ವೇಗದ ಬೌಲರ್‌ಗಳು ಎತ್ತಿದ ಕೈ. ಹೀಗಾಗಿ, ಆರಂಭದಲ್ಲೇ ಭಾರತದ ಬ್ಯಾಟಿಂಗ್ ಪಡೆಯನ್ನು ಕಟ್ಟಿಹಾಕಲು ಕಿವೀಸ್ ವೇಗಿಗಳು ಸಜ್ಜಾಗಿದ್ದಾರೆ.

ಇನ್ನು ಬೇಸಿನ್ ರಿಸರ್ವ್ ಮೈದಾನದಲ್ಲಿ ಬೀಸುವ ವೇಗದ ಅಡ್ಡಗಾಳಿ ಬೌಲರ್‌ಗಳಿಗೆ ಹೆಚ್ಚಿನ ಸ್ವಿಂಗ್ ನೀಡುತ್ತದೆ. ಗಾಳಿಯ ದಿಕ್ಕನ್ನು ಅಂದಾಜಿಸಿ ಬ್ಯಾಟಿಂಗ್ ಮಾಡುವುದು ಭಾರತೀಯ ಬ್ಯಾಟರ್‌ಗಳಿಗೆ ಸುಲಭದ ಮಾತಲ್ಲ. ಅದರಲ್ಲೂ ಯುವ ಆಟಗಾರರನ್ನೇ ಹೆಚ್ಚಾಗಿ ಹೊಂದಿರುವ ಟೀಮ್ ಇಂಡಿಯಾ, ಕಿವೀಸ್ ವೇಗಿಗಳ ಮಾರಕ ಸ್ವಿಂಗ್ ಎಸೆತಗಳನ್ನು ಎದುರಿಸಿ ಕ್ರೀಸ್‌ನಲ್ಲಿ ಕಚ್ಚಿ ನಿಲ್ಲುವುದೇ ದೊಡ್ಡ ಸವಾಲಾಗಲಿದೆ.

ಅಂಕಿ-ಅಂಶಗಳ ಲೆಕ್ಕಾಚಾರ:

ಬೇಸಿನ್ ರಿಸರ್ವ್ ಮೈದಾನದಲ್ಲಿ ನಡೆದ ಕಳೆದ 10 ಟೆಸ್ಟ್ ಪಂದ್ಯಗಳ ಅಂಕಿ-ಅಂಶಗಳನ್ನು ಗಮನಿಸಿದರೆ, ಇಲ್ಲಿ ವೇಗದ ಬೌಲರ್‌ಗಳದ್ದೇ ಸಂಪೂರ್ಣ ಪ್ರಾಬಲ್ಯವಿದೆ. ಒಟ್ಟು ವಿಕೆಟ್‌ಗಳಲ್ಲಿ ಶೇ. 84 ರಷ್ಟು ವಿಕೆಟ್‌ಗಳನ್ನು ವೇಗಿಗಳೇ ಕಬಳಿಸಿದ್ದರೆ, ಸ್ಪಿನ್ನರ್‌ಗಳಿಗೆ ಕೇವಲ ಶೇ. 13 ರಷ್ಟು ವಿಕೆಟ್ ಮಾತ್ರ ಲಭಿಸಿದೆ. ಈ ಮೈದಾನದಲ್ಲಿ ಮೊದಲ ಇನ್ನಿಂಗ್ಸ್‌ನ ಸರಾಸರಿ ಮೊತ್ತ 313 ರನ್‌ಗಳಾಗಿದೆ.

ಭಾರತ ತಂಡದ ರಣತಂತ್ರ:

ಹಸಿರು ಪಿಚ್‌ನ ಸವಾಲನ್ನು ಎದುರಿಸಲು ಟೀಮ್ ಇಂಡಿಯಾ ತನ್ನ ವೇಗದ ಬೌಲಿಂಗ್ ಪಡೆಯನ್ನು ಮತ್ತಷ್ಟು ಬಲಪಡಿಸಿದೆ. ಸ್ಪಿನ್ನರ್ ಕುಲ್ದೀಪ್ ಯಾದವ್ ಅವರನ್ನು ತಂಡದಿಂದ ಬಿಡುಗಡೆ ಮಾಡಲಾಗಿದ್ದು, ಜಸ್​ಪ್ರೀತ್ ಬುಮ್ರಾ, ಮೊಹಮ್ಮದ್ ಸಿರಾಜ್, ಪ್ರಸಿದ್ಧ್ ಕೃಷ್ಣ ಮತ್ತು ಆಕಾಶ್ ದೀಪ್ ಜೊತೆಗೆ ಯುವ ವೇಗಿ ಗುರ್ನೂರ್ ಬ್ರಾರ್ ಅವರನ್ನು ತಂಡಕ್ಕೆ ಸೇರ್ಪಡೆಗೊಳಿಸಲಾಗಿದೆ.

ಇದನ್ನೂ ಓದಿ: 7.1 ರನ್ ರೇಟ್‌… ಆಸ್ಟ್ರೇಲಿಯಾದಲ್ಲಿ ಆಂಗ್ಲ ದಾಂಡಿಗರ ಅಬ್ಬರ!

ಒಟ್ಟಿನಲ್ಲಿ, ವೆಲ್ಲಿಂಗ್ಟನ್‌ನ 15 ಮಿ.ಮೀ ಹಸಿರು ಹಾಸಿನ ಮೇಲೆ ಉಭಯ ತಂಡಗಳ ವೇಗಿಗಳ ಅಬ್ಬರ ಜೋರಾಗಿರಲಿದೆ. ಕಿವೀಸ್ ವೇಗಿಗಳ ಸ್ವಿಂಗ್ ಮತ್ತು ವೇಗದ ಗಾಳಿಯ ಸವಾಲನ್ನು ಭಾರತದ ಯುವ ಬ್ಯಾಟರ್‌ಗಳು ಹೇಗೆ ಮೆಟ್ಟಿನಿಲ್ಲಲಿದ್ದಾರೆ ಎಂಬುದರ ಮೇಲೆಯೇ ಮೊದಲ ಟೆಸ್ಟ್ ಪಂದ್ಯದ ಫಲಿತಾಂಶ ನಿರ್ಧಾರವಾಗಲಿದೆ.

Follow Us
ಝಾಹಿರ್ ಯೂಸುಫ್
ಝಾಹಿರ್ ಯೂಸುಫ್

ಟಿವಿ9 ಡಿಜಿಟಲ್ ಚೀಫ್ ಸಬ್ ಎಡಿಟರ್. 10 ವರ್ಷಗಳಿಂದ ಕನ್ನಡ ಡಿಜಿಟಲ್​ ಮಾಧ್ಯಮದಲ್ಲಿ ಪತ್ರಿಕಾ ವೃತ್ತಿ. ಕ್ರೀಡಾ ಸುದ್ದಿ, ದೀರ್ಘ ಲೇಖನ, ವಿಶ್ಲೇಷಣೆ, ಹೀಗೆ ಎಲ್ಲ ತರಹದ ಬರಹದಲ್ಲೂ ಅನುಭವ. ಪ್ರಸ್ತುತ ವಿದ್ಯಮಾನಗಳ ವ್ಯಾಖ್ಯಾನ, ಚರ್ಚೆಯಲ್ಲಿ ನೈಪುಣ್ಯ. ಈ ಹಿಂದೆ ಉದಯವಾಣಿ, ನ್ಯೂಸ್ 18 ಕನ್ನಡ ಡಿಜಿಟಲ್​​ನಲ್ಲಿ ಕೆಲಸ ಮಾಡಿದ ಅನುಭವ. ಆಸಕ್ತಿದಾಯಕ ವಿಷಯ ಕ್ರೀಡೆ, ಸಿನಿಮಾ ಮತ್ತು ರಾಜಕೀಯ.

Read More
ಇ-ಕೆವೈಸಿ ಹೆಸರಲ್ಲಿ ವಸೂಲಿಗಿಳಿದ ನ್ಯಾಯಬೆಲೆ ಅಂಗಡಿಗಳ ವಿರುದ್ಧ ಕಠಿಣ ಕ್ರಮ
ಇ-ಕೆವೈಸಿ ಹೆಸರಲ್ಲಿ ವಸೂಲಿಗಿಳಿದ ನ್ಯಾಯಬೆಲೆ ಅಂಗಡಿಗಳ ವಿರುದ್ಧ ಕಠಿಣ ಕ್ರಮ
ಜೆಡಿಎಸ್‌-ಬಿಜೆಪಿ ಮೈತ್ರಿ ಭಿನ್ನಾಭಿಪ್ರಾಯವಿಲ್ಲ: ಕುಮಾರಸ್ವಾಮಿ ಸ್ಪಷ್ಟನೆ
ಜೆಡಿಎಸ್‌-ಬಿಜೆಪಿ ಮೈತ್ರಿ ಭಿನ್ನಾಭಿಪ್ರಾಯವಿಲ್ಲ: ಕುಮಾರಸ್ವಾಮಿ ಸ್ಪಷ್ಟನೆ
'ನಿಖಿಲ್​​ಗೆ ದೇಗುಲ ಪ್ರವೇಶ ನಿರಾಕರಣೆ ದೊಡ್ಡ ಸುದ್ದಿನಾ?': ಪ್ರಿಯಾಂಕ್​​
'ನಿಖಿಲ್​​ಗೆ ದೇಗುಲ ಪ್ರವೇಶ ನಿರಾಕರಣೆ ದೊಡ್ಡ ಸುದ್ದಿನಾ?': ಪ್ರಿಯಾಂಕ್​​
'ಸಿಎಂ ಸೇರಿ ತನ್ನ ಫೋನ್​​ ಕೂಡ ಕದ್ದಾಲಿಕೆ ಆಗುತ್ತವೆ': ಪ್ರಿಯಾಂಕ್​​ ಖರ್ಗೆ
'ಸಿಎಂ ಸೇರಿ ತನ್ನ ಫೋನ್​​ ಕೂಡ ಕದ್ದಾಲಿಕೆ ಆಗುತ್ತವೆ': ಪ್ರಿಯಾಂಕ್​​ ಖರ್ಗೆ
ಮುಂದಿನ ಸಿನಿಮಾ ಬಗ್ಗೆ ಅಪ್​​ಡೇಟ್ ಕೊಟ್ಟ ರಮಿಕಾ ಶಿವು
ಮುಂದಿನ ಸಿನಿಮಾ ಬಗ್ಗೆ ಅಪ್​​ಡೇಟ್ ಕೊಟ್ಟ ರಮಿಕಾ ಶಿವು
ಮಾಜಿ ಸಿಎಂ ಹೆಚ್.ಡಿ.ಕುಮಾರಸ್ವಾಮಿ ಕೊಲ್ಲೂರು ಮೂಕಾಂಬಿಕಾ ದೇವಸ್ಥಾನಕ್ಕೆ ಭೇಟ
ಮಾಜಿ ಸಿಎಂ ಹೆಚ್.ಡಿ.ಕುಮಾರಸ್ವಾಮಿ ಕೊಲ್ಲೂರು ಮೂಕಾಂಬಿಕಾ ದೇವಸ್ಥಾನಕ್ಕೆ ಭೇಟ
ಭದ್ರಾ ಡ್ಯಾಂನಿಂದ 10 ದಿನ 1500 ಕ್ಯೂಸೆಕ್ ನೀರು ಬಿಡುಗಡೆ
ಭದ್ರಾ ಡ್ಯಾಂನಿಂದ 10 ದಿನ 1500 ಕ್ಯೂಸೆಕ್ ನೀರು ಬಿಡುಗಡೆ
ಮಹಾರಾಣಿ ಪಟ್ಟಕ್ಕೆ ಬಿಗ್ ಬಾಸ್ ಮನೆಯಲ್ಲಿ ಭರ್ಜರಿ ಸ್ಪರ್ಧೆ
ಮಹಾರಾಣಿ ಪಟ್ಟಕ್ಕೆ ಬಿಗ್ ಬಾಸ್ ಮನೆಯಲ್ಲಿ ಭರ್ಜರಿ ಸ್ಪರ್ಧೆ
ಕುಮಾರಕೃಪಾ ಗೆಸ್ಟ್ ಹೌಸ್ ಹೆಸರು ಚೇಂಜ್: ಇನ್ನು ಇದುವೇ ಸಿಎಂ ಅಧಿಕೃತ ನಿವಾಸ
ಕುಮಾರಕೃಪಾ ಗೆಸ್ಟ್ ಹೌಸ್ ಹೆಸರು ಚೇಂಜ್: ಇನ್ನು ಇದುವೇ ಸಿಎಂ ಅಧಿಕೃತ ನಿವಾಸ
ಕಾರ್ತಿಕ ಸೋಮವಾರದ ವಿಶೇಷ ಫಲ
ಕಾರ್ತಿಕ ಸೋಮವಾರದ ವಿಶೇಷ ಫಲ