India vs England: ವಿಕೆಟ್ ಹಿಂಬದಿಯಲ್ಲಿ ಪಂತ್ ಪಕ್ಕಾ ರಿವ್ಯೂ: ಫಿದಾ ಆದ ಕೊಹ್ಲಿ ಮಾಡಿದ್ದೇನು ನೋಡಿ

India vs England: ವಿಕೆಟ್ ಹಿಂಬದಿಯಲ್ಲಿ ಪಂತ್ ಪಕ್ಕಾ ರಿವ್ಯೂ: ಫಿದಾ ಆದ ಕೊಹ್ಲಿ ಮಾಡಿದ್ದೇನು ನೋಡಿ
Virat Kohli and Rishabh Pant

Rishabh Pant: ಅದು 21ನೇ ಓವರ್​ನ ಮೊಹಮ್ಮದ್ ಸಿರಾಜ್ ಬೌಲಿಂಗ್. 5ನೇ ಎಸೆತದಲ್ಲಿ ಚೆಂಡು ಜ್ಯಾಕ್ ಕ್ರಾವ್ಲೆ ಬ್ಯಾಟ್​ಗೆ ತಾಗಿದಂತೆ ಕಂಡು ವಿಕೆಟ್ ಕೀಪರ್ ರಿಷಭ್ ಪಂತ್ ಕೈ ಸೇರಿತು. ಪಂತ್ ಔಟ್​ ಎಂದು ಮನವಿ ಮಾಡಿದರು. ಆದರೆ,

TV9kannada Web Team

| Edited By: Vinay Bhat

Aug 05, 2021 | 11:35 AM

ನ್ಯಾಟಿಂಗ್​ಹ್ಯಾಮ್​ನಲ್ಲಿ ಭಾರತ ಹಾಗೂ ಇಂಗ್ಲೆಂಡ್ (India vs England 1st Test) ನಡುವೆ ಮೊದಲ ಟೆಸ್ಟ್ ಪಂದ್ಯ ಆರಂಭವಾಗಿದ್ದು, ಕೊಹ್ಲಿ (Virat Kohli) ಪಡೆ ಬೊಂಬಾಟ್ ಪ್ರದರ್ಶನ ತೋರುತ್ತಿದೆ. ಮೊದಲ ದಿನವೇ ಟೀಮ್ ಇಂಡಿಯಾ ಆಂಗ್ಲರನ್ನು ಆಲೌಟ್ ಮಾಡಿ ಯಶಸ್ಸು ಸಾಧಿಸಿದೆ. ಜಸ್​ಪ್ರೀತ್ ಬುಮ್ರಾ ಹಾಗೂ ಮೊಹಮ್ಮದ್ ಶಮಿ ಮಾರಕ ದಾಳಿಗೆ ಪೆವಿಲಿಯನ್ ಕಡೆ ಸಾಗಿದ ಇಂಗ್ಲೆಂಡ್ ಬ್ಯಾಟ್ಸ್​ಮನ್​ಗಳು ಕೇವಲ 183 ರನ್​ಗೆ ಸರ್ವಪತನ ಕಂಡಿತು. ಭಾರತ (Team India) ತನ್ನ ಮೊದಲ ಇನ್ನಿಂಗ್ಸ್​ನಲ್ಲಿ ಮೊದಲ ದಿನದಾಟದ ಅಂತ್ಯಕ್ಕೆ ವಿಕೆಟ್ ನಷ್ಟವಿಲ್ಲದೆ 21 ರನ್ ಗಳಿಸಿದೆ.

ಮೊದಲ ದಿನವೇ ಈ ಪಂದ್ಯ ಸಾಕಷ್ಟು ಕುತೂಹಲಕ್ಕೆ ಕಾರಣವಾಯಿತು. ಇಂಗ್ಲೆಂಡ್ ಪಿಚ್​ನಲ್ಲೇ ಆಂಗ್ಲರು ಮೊದಲ ಇನ್ನಿಂಗ್ಸ್​ನಲ್ಲಿ ಹೀನಾಯ ಪ್ರದರ್ಶನ ತೋರಿದರು. ಇದರ ನಡುವೆ ಭಾರತ ಸರಿಯಾದ ಸಮಯಕ್ಕೆ ಸರಿಯಾದ ನಿರ್ಧಾರ ತೆಗೆದುಕೊಂಡು ಜಾಣತನ ಪ್ರದರ್ಶಿಸಿತು. ಇದಕ್ಕೆ ಉದಾಹರಣೆ ಇಂಗ್ಲೆಂಡ್ ಬ್ಯಾಟ್ಸ್​ಮನ್ ಜ್ಯಾಕ್ ಕ್ರಾವ್ಲೆ ಅವರನ್ನು ಪೆವಿಲಿಯನ್​ಗೆ ಅಟ್ಟಿದ್ದು.

ಅದು 21ನೇ ಓವರ್​ನ ಮೊಹಮ್ಮದ್ ಸಿರಾಜ್ ಬೌಲಿಂಗ್. 5ನೇ ಎಸೆತದಲ್ಲಿ ಚೆಂಡು ಜ್ಯಾಕ್ ಕ್ರಾವ್ಲೆ ಬ್ಯಾಟ್​ಗೆ ತಾಗಿದಂತೆ ಕಂಡು ವಿಕೆಟ್ ಕೀಪರ್ ರಿಷಭ್ ಪಂತ್ ಕೈ ಸೇರಿತು. ಪಂತ್ ಔಟ್​ ಎಂದು ಮನವಿ ಮಾಡಿದರು. ಆದರೆ, ಅಂಪೈರ್ ಯಾವುದೇ ತೀರ್ಮಾನ ನೀಡಲಿಲ್ಲ. ಈ ಸಂದರ್ಭ ನಾಯಕ ವಿರಾಟ್ ಕೊಹ್ಲಿ ಬಳಿ ಓಡಿ ಬಂದ ಪಂತ್ ರಿವ್ಯೂ ತೆಗೆದುಕೊಳ್ಳೋಣ, ಖಂಡಿತಾ ಬ್ಯಾಟ್​ಗೆ ಟಚ್ ಆಗಿದೆ ಎಂದು ಹೇಳಿದರು.

ಹೆಚ್ಚಿನ ರಿವ್ಯೂನಲ್ಲಿ ಎಡವಿದ್ದ ಪಂತ್ ಮಾತನ್ನು ಕೊಹ್ಲಿ ಈ ಬಾರಿ ಕಡೆಗಣಿಸಲಿಲ್ಲ. ಭಾರತ ಥರ್ಡ್ ಅಂಪೈರ್ ಮೊರೆ ಹೋಯಿತು. ಆಲ್ಟ್ರಾ ಎಡ್ಜ್​ನಲ್ಲಿ ವೀಕ್ಷಿಸಿದಾಗ ಚೆಂಡು ಬ್ಯಾಟ್ ಟಚ್ ಆಗಿರುವುದು ಸ್ಪಷ್ಟವಾಗಿ ಕಂಡು ಬಂದಿದೆ. ಹೀಗಾಗಿ ಜ್ಯಾಕ್ ಕ್ರಾವ್ಲೆ ಔಟ್ ಆಗಿ ಪೆವಿಲಿಯನ್ ಸೇರಕೊಂಡರು. ಪಂತ್ ಅವರ ಸೂಕ್ಷ್ಮತೆ ಕಂಡು ಅಚ್ಚರಿಕೊಂಡ ಕೊಹ್ಲಿ ಅವರ ಬಳಿ ನಗುತ್ತಾ ಬಂದು ಕಾಲಿಗೆ ನಮಸ್ಕರಿಸಿ ಶೇಕ್ ಹ್ಯಾಂಡ್ ನೀಡಿದರು.

ಇಂಗ್ಲೆಂಡ್ ಪರ ನಾಯಕ ಜೋ ರೂಟ್ 64, ಜಾನಿ ಬೈರ್​ಸ್ಟೋ 29 ಹಾಗೂ ಸ್ಯಾಮ್ ಕುರ್ರನ್ ಅಜೇಯ 27 ರನ್ ಗಳಿಸಿ ಗರಿಷ್ಠ ಸ್ಕೋರರ್ ಎನಿಸಿಕೊಂಡರು. ಇಂಗ್ಲೆಂಡ್ 65.4 ಓವರ್​ನಲ್ಲಿ 183 ರನ್​ಗೆ ಆಲೌಟ್ ಆಯಿತು. ಭಾರತ ಪರ ಜಸ್​ಪ್ರೀತ್ ಬುಮ್ರಾ 4 ವಿಕೆಟ್ ಕಿತ್ತರೆ, ಮೊಹಮ್ಮದ್ ಶಮಿ 3, ಶಾರ್ದೂಲ್ ಥಾಕೂರ್ 2 ಮತ್ತು ಮೊಹಮ್ಮದ್ ಸಿರಾಜ್ 1 ವಿಕೆಟ್ ಪಡೆದರು.

ತನ್ನ ಮೊದಲ ಇನ್ನಿಂಗ್ಸ್ ಆರಂಭಿಸಿದ ಭಾರತ ಮೊದಲ ದಿನದಾಟದ ಅಂತ್ಯಕ್ಕೆ ವಿಕೆಟ್ ಕಳೆದುಕೊಳ್ಳದೆ 21 ರನ್ ಗಳಿಸಿದೆ. ರೋಹಿತ್ ಶರ್ಮಾ ಹಾಗೂ ಕೆ. ಎಲ್ ರಾಹುಲ್ ತಲಾ 9 ರನ್ ಗಳಿಸಿ ಎರಡನೇ ದಿನಕ್ಕೆ ಬ್ಯಾಟಿಂಗ್ ಕಾಯ್ದುಕೊಂಡಿದ್ದಾರೆ.

Venkatesh Prasad Birthday: 52ನೇ ವಸಂತಕ್ಕೆ ಕಾಲಿಟ್ಟ ವೆಂಕಟೇಶ್ ಪ್ರಸಾದ್‌: ಕ್ರಿಕೆಟ್ ಜಗತ್ತು ಮರೆಯದ ಆ ಸ್ಮರಣೀಯ ಕ್ಷಣ ಇಲ್ಲಿದೆ

Tokyo Olympics: ಇದು ಐತಿಹಾಸಿಕ ಕ್ಷಣ ಪ್ರತಿಯೊಬ್ಬ ಭಾರತೀಯನ ನೆನಪಲ್ಲಿ ಉಳಿಯುವಂತಹ ದಿನ: ಪ್ರಧಾನಿ ಮೋದಿ

(india vs england 1st test virat kohli bows down to rishabh pant after successful review call to dismiss crawley viral video)

Follow us on

Related Stories

Most Read Stories

Click on your DTH Provider to Add TV9 Kannada