ಭಾರತ-ಪಾಕಿಸ್ತಾನ್ ಮತ್ತೆ ಮುಖಾಮುಖಿ: ಮೀಸಲು ದಿನದಾಟದ ನಿಯಮಗಳೇನು?

Asia Cup 2023: ಕೊಲಂಬೊದ ಆರ್​. ಪ್ರೇಮದಾಸ ಮೈದಾನದಲ್ಲಿ ಭಾನುವಾರ ನಡೆಯಬೇಕಿದ್ದ ಭಾರತ-ಪಾಕಿಸ್ತಾನ್ (India vs Pakistan) ನಡುವಣ ಹೈವೋಲ್ಟೇಜ್ ಪಂದ್ಯವನ್ನು ಮಳೆಯ ಕಾರಣ ಮೀಸಲು ದಿನಕ್ಕೆ ಮುಂದೂಡಲಾಗಿದೆ. ಅದರಂತೆ ಸೋಮವಾರ ಇದೇ ಮೈದಾನದಲ್ಲಿ ಭಾರತ-ಪಾಕ್ ಮತ್ತೆ ಮುಖಾಮುಖಿಯಾಗಲಿದೆ.

ಸೋಮವಾರ 50 ಓವರ್​ಗಳ ಸಂಪೂರ್ಣ ಪಂದ್ಯ ನಡೆಯಲಿದ್ದು, ಇದಾಗ್ಯೂ ಕೆಲ ನಿಯಮಗಳನ್ನು ರೂಪಿಸಲಾಗಿದೆ. ಆ ನಿಯಮಗಳೆಂದರೆ…

1. 1. ಸ್ಥಗಿತದಿಂದ ಪುನರಾರಂಭ: ಭಾರತ-ಪಾಕಿಸ್ತಾನ್ ನಡುವಣ ಪಂದ್ಯವು ಭಾನುವಾರ ಎಷ್ಟು ಓವರ್​ ವೇಳೆಗೆ ಸ್ಥಗಿತವಾಗಿತ್ತೊ ಅಲ್ಲಿಂದಲೇ ಮತ್ತೆ ಮ್ಯಾಚ್ ಶುರುವಾಗಲಿದೆ. ಅಂದರೆ ಟೀಮ್ ಇಂಡಿಯಾ 24.1 ಓವರ್​ಗಳಲ್ಲಿ 147/2 ರನ್​ಗಳಿಸಿದ್ದಾಗ ಪಂದ್ಯ ಸ್ಥಗಿತಗೊಂಡಿತ್ತು. ಅದರಂತೆ ಸೋಮವಾರ 24.1 ಓವರ್​ಗಳಿಂದ ಮ್ಯಾಚ್ ಶುರುವಾಗಲಿದೆ.
   2.  ಬ್ಯಾಟರ್​ಗಳ ಬದಲಾವಣೆಯಿಲ್ಲ: 24.1 ಓವರ್​ಗಳ ವೇಳೆ ಕ್ರೀಸ್​ನಲ್ಲಿದ್ದ ಬ್ಯಾಟರ್​ಗಳೇ ನಾಳೆ ಕೂಡ ಇನಿಂಗ್ಸ್​ ಮುಂದುವರೆಸಲಿದ್ದಾರೆ. ಬದಲಾಗಿ ಹೊಸ ಬ್ಯಾಟರ್​ಗಳು ಕಣಕ್ಕಿಳಿಯುವಂತಿಲ್ಲ. ಅದರಂತೆ ವಿರಾಟ್ ಕೊಹ್ಲಿ ಹಾಗೂ ಕೆಎಲ್ ರಾಹುಲ್ ಇನಿಂಗ್ಸ್ ಆರಂಭಿಸಲಿದ್ದಾರೆ.
   3. ಪ್ಲೇಯಿಂಗ್ ಇಲೆವೆನ್​ನಲ್ಲೂ ನೋ ಚೇಂಜ್: ಭಾನುವಾರ ಪ್ರಕಟಿಸಿರುವ ಪ್ಲೇಯಿಂಗ್ ಇಲೆವೆನ್​ ಅನ್ನೇ ಮೀಸಲು ದಿನದಾಟದಲ್ಲೂ ಮುಂದುವರೆಸಬೇಕಾಗುತ್ತದೆ. ಇಲ್ಲಿ ಯಾವುದೇ ಕಾರಣಕ್ಕೂ ಆಟಗಾರರ ಬದಲಾವಣೆಗೆ ಅವಕಾಶವಿಲ್ಲ.
   4. ಕನಿಷ್ಠ 20 ಓವರ್: ಈ ಪಂದ್ಯದ ಫಲಿತಾಂಶವನ್ನು ನಿರ್ಧರಿಸಲು ಎರಡೂ ಇನ್ನಿಂಗ್ಸ್‌ಗಳಲ್ಲಿ ಕನಿಷ್ಠ 20 ಓವರ್‌ಗಳನ್ನು ಬೌಲ್ ಮಾಡಬೇಕಾಗುತ್ತದೆ.
   5. 3 ಗಂಟೆಯಿಂದ ಪಂದ್ಯ: ಎಂದಿನಂತೆ ಸೋಮವಾರ ಕೂಡ ಮಧ್ಯಾಹ್ನ 3 ಗಂಟೆಯಿಂದ ಪಂದ್ಯ ಶುರುವಾಗಲಿದೆ.

Persistent rain forces the #PAKvIND Super 4 match into the reserve day 🏏

Ticket-holders for today’s game will be able to utilise their tickets for the reserve day.#AsiaCup2023 pic.twitter.com/g4sBxolfaF

— Pakistan Cricket (@TheRealPCB) September 10, 2023

ಭಾರತ ಪ್ಲೇಯಿಂಗ್ 11: ರೋಹಿತ್ ಶರ್ಮಾ (ನಾಯಕ), ಶುಭ್​ಮನ್ ಗಿಲ್, ವಿರಾಟ್ ಕೊಹ್ಲಿ, ಕೆಎಲ್ ರಾಹುಲ್, ಇಶಾನ್ ಕಿಶನ್, ಹಾರ್ದಿಕ್ ಪಾಂಡ್ಯ, ರವೀಂದ್ರ ಜಡೇಜಾ, ಜಸ್​ಪ್ರೀತ್ ಬುಮ್ರಾ, ಕುಲ್ದೀಪ್ ಯಾದವ್, ಮೊಹಮ್ಮದ್ ಸಿರಾಜ್, ಶಾರ್ದೂಲ್ ಠಾಕೂರ್.

ಇದನ್ನೂ ಓದಿ: ಸಚಿನ್ ತೆಂಡೂಲ್ಕರ್ ವಿಶ್ವ ದಾಖಲೆ ಮುರಿದ ಡೇವಿಡ್ ವಾರ್ನರ್

ಪಾಕಿಸ್ತಾನ್ ಪ್ಲೇಯಿಂಗ್ 11: ಫಖರ್ ಝಮಾನ್, ಇಮಾಮ್ ಉಲ್ ಹಕ್, ಬಾಬರ್ ಆಝಂ (ನಾಯಕ), ಮೊಹಮ್ಮದ್ ರಿಝ್ವಾನ್ (ವಿಕೆಟ್ ಕೀಪರ್), ಸಲ್ಮಾನ್ ಆಘಾ, ಇಫ್ತಿಕರ್ ಅಹ್ಮದ್, ಶಾದಾಬ್ ಖಾನ್, ಫಹೀಮ್ ಅಶ್ರಫ್, ಶಾಹೀನ್ ಅಫ್ರಿದಿ, ನಸೀಮ್ ಶಾ, ಹ್ಯಾರಿಸ್ ರೌಫ್.