Suryakumar Yadav: ಸರಣಿ ಶ್ರೇಷ್ಠರಾದರೂ ಸೂರ್ಯಕುಮಾರ್​ಗೆ ತನ್ನ ಆಟದ ಬಗ್ಗೆ ಅಸಮಾಧಾನವಿದೆಯಂತೆ! ಏಕೆ ಗೊತ್ತಾ?

ಭಾರತದ ಬ್ಯಾಟ್ಸ್‌ಮನ್ ಸೂರ್ಯಕುಮಾರ್ ಯಾದವ್ ಅವರು ತಮ್ಮ ಚೊಚ್ಚಲ ಏಕದಿನ ಸರಣಿಯಲ್ಲಿ ದೊಡ್ಡ ಇನ್ನಿಂಗ್ಸ್ ಆಡಲು ಸಾಧ್ಯವಾಗಲಿಲ್ಲ ಎಂದು ನಿರಾಶೆಗೊಂಡಿದ್ದಾರೆ. ಆದರೆ ಅಂತರರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಅವರ ಭವಿಷ್ಯವು ತಮ್ಮ ಕೈಯಲ್ಲಿದೆ ಮತ್ತು ಶ್ರೀಲಂಕಾ ಪ್ರವಾಸದ ಅನುಭವವನ್ನು ಲಾಭ ಮಾಡಿಕೊಳ್ಳಲು ಪ್ರಯತ್ನಿಸುತ್ತೇನೆ ಎಂದು ಸೂರ್ಯಕುಮಾರ್ ಅಭಿಪ್ರಾಯಪಟ್ಟಿದ್ದಾರೆ. ಶ್ರೀಲಂಕಾ ವಿರುದ್ಧದ ಏಕದಿನ ಸರಣಿಯ ಚೊಚ್ಚಲ ಪಂದ್ಯದಲ್ಲಿ, 30 ವರ್ಷದ ಮುಂಬೈ ಆಟಗಾರ ಒಟ್ಟು 124 ರನ್ ಗಳಿಸುವ ಮೂಲಕ ಮ್ಯಾನ್ ಆಫ್ ದಿ ಸೀರೀಸ್ ಆಗಿದ್ದು, ಅದರಲ್ಲಿ ಅವರ ಗರಿಷ್ಠ ಸ್ಕೋರ್ 53 ಆಗಿದೆ. ವರ್ಚುವಲ್ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಯಾದವ್, ಖಂಡಿತ ಎಲ್ಲರೂ ಭಾರತದ ಪರ ಆಡುವ ಕನಸು ಹೊತ್ತಿರುತ್ತಾರೆ. ಇದಕ್ಕೆ ಸಾಕಷ್ಟು ಶ್ರಮ, ಕಠಿಣ ಪರಿಶ್ರಮ ಮತ್ತು ಸಾಕಷ್ಟು ತಾಳ್ಮೆ ಬೇಕು. ಮತ್ತು ಕಾಯುವುದು ನನಗೆ ಒಳ್ಳೆಯದು, ಅದರ ಬಗ್ಗೆ ನನಗೆ ತುಂಬಾ ಸಂತೋಷವಾಗಿದೆ.

ನಾನು ಅದನ್ನು ಇಲ್ಲಿಂದ ಹೇಗೆ ಮುಂದೆ ತೆಗೆದುಕೊಳ್ಳುತ್ತೇನೆ ಎಂಬುದು ನನ್ನ ಕೈಯಲ್ಲಿದೆ ಮತ್ತು ಮುಂದಿನ ಪ್ರಯಾಣದ ಬಗ್ಗೆ ನಾನು ನಿಜವಾಗಿಯೂ ಉತ್ಸುಕನಾಗಿದ್ದೇನೆ. ನಾನು ಮೊದಲ ಪಂದ್ಯವನ್ನು ಪ್ರಾರಂಭಿಸಿದ ರೀತಿ, ನನ್ನ ಆತ್ಮವಿಶ್ವಾಸ ಹೆಚ್ಚಿಸಿತ್ತು ಮತ್ತು ಎರಡನೇ ಪಂದ್ಯದಲ್ಲಿ ನಾನು ತಂಡಕ್ಕಾಗಿ ಪಂದ್ಯವನ್ನು ಗೆಲ್ಲಿಸುವ ಉತ್ತಮ ಸ್ಥಾನದಲ್ಲಿದ್ದೆ. ಆದರೆ ಆ ಸಮಯದಲ್ಲಿ ನಾನು ಕ್ರೀಸ್‌ನಲ್ಲಿ ಆಡಲು ಸಾಧ್ಯವಾಗಲಿಲ್ಲ. ಇದರಿಂದ ನಾನು ತುಂಬಾ ನಿರಾಶೆಗೊಂಡಿದ್ದೇನೆ. ಮೂರನೇ ಪಂದ್ಯದಲ್ಲೂ ಉತ್ತಮ ಅವಕಾಶವಿತ್ತು, ಒಂದು ತುದಿಯಲ್ಲಿ ವಿಕೆಟ್‌ಗಳು ಬೀಳುತ್ತಿದ್ದವು, ಆದ್ದರಿಂದ ಒಂದು ತುದಿಯಲ್ಲಿ ಉಳಿಯುವ ಮೂಲಕ ಆಟದ ಕೊನೆಯವರೆಗೂ ಆಡಲು ಪ್ರಯತ್ನಿಸಲು ನನಗೆ ಉತ್ತಮ ಅವಕಾಶವಿತ್ತು ಆದರೆ ಅದನ್ನು ಮಾಡಲು ಸಾಧ್ಯವಾಗಲಿಲ್ಲ.

ಶಾ ಮತ್ತು ರಾಹುಲ್ ಚಹರ್ ಅವರನ್ನು ಹೊಗಳಿದ ಯಾದವ್ ಯಾದವ್ ವರ್ಷದ ಆರಂಭದಲ್ಲಿ ಇಂಗ್ಲೆಂಡ್ ವಿರುದ್ಧ ಟಿ 20 ಅಂತಾರಾಷ್ಟ್ರೀಯ ಪಂದ್ಯಕ್ಕೆ ಪಾದಾರ್ಪಣೆ ಮಾಡಿದರು. ಓಪನರ್ ಪೃಥ್ವಿ ಶಾ ಮತ್ತು ಚೊಚ್ಚಲ ಪಂದ್ಯದಲ್ಲಿ ಮೂರು ವಿಕೆಟ್ ಪಡೆದ ಯುವ ಲೆಗ್ ಸ್ಪಿನ್ನರ್ ರಾಹುಲ್ ಚಹರ್ ಅವರನ್ನು ಅವರು ಶ್ಲಾಘಿಸಿದರು. ನಾನು ಅವರ (ಪೃಥ್ವಿ) ಬ್ಯಾಟಿಂಗ್ ನೋಡಿದಾಗ ಅಥವಾ ಭೇಟಿಯಾದಾಗ, ನನ್ನಲ್ಲಿ ಅವರ ಬಳಿ ಹೇಳುವುದಕ್ಕೆ ಒಂದೇ ಒಂದು ಪದವಿದೆ. ಅದೆನೆಂದರೆ ಶೋಸ್ಟಾಪರ್. ಆದ್ದರಿಂದ ಅವರು ಬ್ಯಾಟಿಂಗ್ ಮಾಡಿದಾಗಲೆಲ್ಲಾ ಅವರು ಅದೇ ರೀತಿ ಆಡುತ್ತಾರೆ ಮತ್ತು ಅವರು ಹಾಗೇ ಇರಬೇಕೆಂದು ನಾನು ಬಯಸುತ್ತೇನೆ. ಅವರು ಅತ್ಯದ್ಭುತವಾಗಿ ಬ್ಯಾಟಿಂಗ್ ಮಾಡುತ್ತಾರೆ ಮತ್ತು ಈ ಸಮಯದಲ್ಲಿ ಅವರ ವರ್ತನೆ ಸಹ ಅತ್ಯುತ್ತಮವಾಗಿರುತ್ತದೆ. ಅವರು ತನ್ನ ಫಿಟ್‌ನೆಸ್‌ನಲ್ಲಿ ಹೆಚ್ಚು ಶ್ರಮಿಸಿದ್ದಾರೆ ಮತ್ತು ಉತ್ತಮವಾಗಿ ಕಾರ್ಯನಿರ್ವಹಿಸುತ್ತಿರುವುದನ್ನು ನೋಡಲು ತುಂಬಾ ಸಂತೋಷವಾಗುತ್ತದೆ. ಈಗ ಟಿ 20 ಯಲ್ಲಿ ಅವರನ್ನು ನೋಡಲು ಎದುರು ನೋಡುತ್ತಿದ್ದೇನೆ ಎಂದರು.

ರಾಹುಲ್ ಚಹರ್ ಬಗ್ಗೆ ಮಾತನಾಡಿದ ಯಾದವ್, ಅವರು ಮುಂಬೈ ಇಂಡಿಯನ್ಸ್‌ ಪರ ಚೆನ್ನಾಗಿ ಆಡುತ್ತಿದ್ದಾರೆ. ಅವರಿಗೆ ಅಲ್ಲಿಂದ ಸಾಕಷ್ಟು ವಿಶ್ವಾಸ ಬಂದಿದೆ. ಅವರು ತಮ್ಮ ಮೊದಲ ಏಕದಿನ ಪಂದ್ಯವನ್ನು ಆಡುತ್ತಿದ್ದರು ಮತ್ತು ತಂಡದ ನಿರ್ವಹಣೆಯಿಂದ ಸಾಕಷ್ಟು ಬೆಂಬಲವನ್ನು ಪಡೆದರು. ವಿಕೆಟ್ ಬೌಲರ್‌ಗಳಿಗೆ ಸಹಾಯ ಮಾಡಲಿಲ್ಲ ಆದರೆ ಅವರಿಗೆ ಸ್ಪಿನ್ ಸಿಕ್ಕಿತು ಎಂದಿದ್ದಾರೆ.