U19 Asia Cup: ಸತತ ಮೂರನೇ ಬಾರಿಗೆ ಏಷ್ಯಾಕಪ್‌ ಗೆದ್ದ ಭಾರತ; ಟೀಂ ಇಂಡಿಯಾ ಗೆಲುವಿಗೆ ಈ ಐವರ ಕೊಡುಗೆ ಅಪಾರ

ದುಬೈ ಅಂತರಾಷ್ಟ್ರೀಯ ಸ್ಟೇಡಿಯಂನಲ್ಲಿ ನಡೆದ ಅಂಡರ್-19 ಏಷ್ಯಾಕಪ್‌ನ ಫೈನಲ್ ಪಂದ್ಯದಲ್ಲಿ ಭಾರತ ಗೆಲುವು ಸಾಧಿಸಿದೆ. ಪ್ರಶಸ್ತಿ ಸುತ್ತಿನ ಪಂದ್ಯದಲ್ಲಿ ಟೀಂ ಇಂಡಿಯಾ ಶ್ರೀಲಂಕಾವನ್ನು 9 ವಿಕೆಟ್‌ಗಳಿಂದ ಸೋಲಿಸಿತು. ಮೊದಲು ಬ್ಯಾಟ್ ಮಾಡಿದ ಶ್ರೀಲಂಕಾ ತಂಡ ಕೇವಲ 106 ರನ್ ಗಳಿಸಲಷ್ಟೇ ಶಕ್ತವಾಯಿತು. ಮಳೆ ಪೀಡಿತ ಈ ಪಂದ್ಯ 38 ಓವರ್‌ಗಳಾಗಿದ್ದು, ಟೀಂ ಇಂಡಿಯಾ ಗೆಲುವಿಗೆ 102 ರನ್‌ಗಳ ಗುರಿ ಪಡೆದಿತ್ತು. ಆಂಗ್‌ಕ್ರಿಶ್ ರಘುವಂಶಿ ಮತ್ತು ಶೇಖ್ ರಶೀದ್ ಅವರ ಅತ್ಯುತ್ತಮ ಅರ್ಧಶತಕದ ಜೊತೆಯಾಟದ ಆಧಾರದ ಮೇಲೆ ಭಾರತ ತಂಡವು 22 ನೇ ಓವರ್‌ನಲ್ಲಿ ಇದನ್ನು ಸಾಧಿಸಿತು. ಅಂಡರ್-19 ಏಷ್ಯಾಕಪ್ ಅನ್ನು ಭಾರತ ಸತತ ಮೂರನೇ ಬಾರಿಗೆ ಗೆದ್ದಿದೆ, ಆದರೆ ತಂಡವು ಈ ಟೂರ್ನಿಯನ್ನು ಒಟ್ಟು 8 ಬಾರಿ ಗೆದ್ದಿದೆ. ಈ ಬಾರಿ ಭಾರತದ ಗೆಲುವಿನಲ್ಲಿ ಯಾವ ಆಟಗಾರರು ಮಹತ್ವದ ಕೊಡುಗೆ ನೀಡಿದ್ದಾರೆ ಎಂಬುದನ್ನು ನಾವು ನಿಮಗೆ ಹೇಳಲಿದ್ದೇವೆ.

– ಭಾರತವನ್ನು ಚಾಂಪಿಯನ್ ಮಾಡುವಲ್ಲಿ ಬಲಗೈ ಬ್ಯಾಟ್ಸ್‌ಮನ್ ಶೇಖ್ ರಶೀದ್ ಅವರ ದೊಡ್ಡ ಪಾತ್ರವಿದೆ. ಈ 17 ವರ್ಷದ ಬ್ಯಾಟ್ಸ್‌ಮನ್ ಈ ಟೂರ್ನಿಯಲ್ಲಿ ಗರಿಷ್ಠ 133 ರನ್ ಗಳಿಸಿದರು. ರಶೀದ್ ಸರಾಸರಿ 66.50 ಮತ್ತು ನಾಲ್ಕು ಇನ್ನಿಂಗ್ಸ್‌ಗಳಲ್ಲಿ ಎರಡರಲ್ಲಿ ಅಜೇಯರಾಗಿ ಉಳಿದರು. ಈ ಪಂದ್ಯಾವಳಿಯಲ್ಲಿ ಶೇಖ್ ರಶೀದ್ ಕೇವಲ 6 ಬೌಂಡರಿ ಮತ್ತು ಒಂದು ಸಿಕ್ಸರ್ ಬಾರಿಸಿದರು ಆದರೆ ಕಷ್ಟದ ವಿಕೆಟ್‌ಗಳಲ್ಲಿ ಅವರು ಬ್ಯಾಟ್‌ನೊಂದಿಗೆ ಹೆಚ್ಚಿನ ಕೊಡುಗೆ ನೀಡಿದರು.

– ಓಪನರ್ ಹರ್ನೂರ್ ಸಿಂಗ್ ಕೂಡ ಭಾರತವನ್ನು ಚಾಂಪಿಯನ್ ಮಾಡುವಲ್ಲಿ ಮಹತ್ವದ ಕೊಡುಗೆ ನೀಡಿದ್ದಾರೆ. ಹರ್ನೂರ್ ಅವರು 4 ಪಂದ್ಯಗಳಲ್ಲಿ 131 ರನ್ ಗಳಿಸಿದರು ಮತ್ತು ಪಂದ್ಯಾವಳಿಯಲ್ಲಿ ಎರಡನೇ ಅತಿ ಹೆಚ್ಚು ರನ್ ಗಳಿಸಿದ ಆಟಗಾರರಾದರು. ಹರ್ನೂರ್ ಅವರ ಸರಾಸರಿ 32.75 ಆದರೆ ಅವರು ಟೀಮ್ ಇಂಡಿಯಾಕ್ಕೆ ಉತ್ತಮ ಆರಂಭ ನೀಡಿದರು.

– ಟೀಂ ಇಂಡಿಯಾ ಪರ ಅಂತಿಮ ಪಂದ್ಯದಲ್ಲಿ ಅಂಗ್‌ಕ್ರಿಶ್ ರಘುವಂಶಿ ಅಜೇಯ ಅರ್ಧಶತಕ ದಾಖಲಿಸಿದರು. ಅವರು 56 ರನ್ ಗಳಿಸುವ ಮೂಲಕ ಶ್ರೀಲಂಕಾದ ಬಲಿಷ್ಠ ಬೌಲಿಂಗ್ ದಾಳಿಯನ್ನು ನಾಶಪಡಿಸಿದರು. ರಘುವಂಶಿ 35.66 ಸರಾಸರಿಯಲ್ಲಿ ಒಟ್ಟು 107 ರನ್ ಗಳಿಸಿದರು.

– ಬೌಲಿಂಗ್‌ನಲ್ಲಿ ಬಲಗೈ ವೇಗದ ಬೌಲರ್ ರಾಜ್ ಅಂಗದ್ ಬಾವಾ ಭಾರತದ ಪರ 4 ಪಂದ್ಯಗಳಲ್ಲಿ 8 ವಿಕೆಟ್ ಪಡೆದರು. ಬಾವಾ ಪಂದ್ಯವೊಂದರಲ್ಲಿ ನಾಲ್ಕು ವಿಕೆಟ್ ಪಡೆದ ಸಾಧನೆಯನ್ನೂ ಮಾಡಿದರು.

– ಎಡಗೈ ಸ್ಪಿನ್ನರ್ ವಿಕ್ಕಿ ಓಸ್ತ್ವಾಲ್ ಭಾರತದ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದರು. ಓಸ್ಟ್ವಾಲ್ 4 ಪಂದ್ಯಗಳಲ್ಲಿ 6 ವಿಕೆಟ್ ಪಡೆದರು. ಅವರ ಎಕಾನಮಿ ದರ ಕೇವಲ 2.50 ಆಗಿತ್ತು. ಫೈನಲ್​ನಲ್ಲಿ ಒಸ್ತ್ವಾಲ್ 3 ವಿಕೆಟ್ ಕಬಳಿಸುವ ಮೂಲಕ ಟೀಂ ಇಂಡಿಯಾ ಗೆಲುವನ್ನು ನಿರ್ಧರಿಸಿದರು. ಈ ಯುವ ಆಟಗಾರರು ಪ್ರದರ್ಶನ ನೀಡಿದ ರೀತಿ ನೋಡಿದರೆ ಮುಂಬರುವ ಐಪಿಎಲ್ ಮೆಗಾ ಹರಾಜಿನಲ್ಲಿಯೂ ಅವಕಾಶ ಸಿಗಬಹುದು ಎನಿಸುತ್ತಿದೆ.