IPL 2022: ಐಪಿಎಲ್ ಆರಂಭಕ್ಕೂ ಮುನ್ನ ಭಾರತದ 25 ಆಟಗಾರರನ್ನು ಎನ್ಸಿಎಗೆ ಕಳುಹಿಸಲು ಮುಂದಾದ ಬಿಸಿಸಿಐ
IPL 2022: ಮಾರ್ಚ್ 4 ರೊಳಗೆ ಎಲ್ಲಾ ಆಟಗಾರರು ಬೆಂಗಳೂರಿನ ಎನ್ಸಿಎಗೆ ತಲುಪಲು ಮಂಡಳಿಯು ಆದೇಶಿಸಿದೆ ಎಂದು ವರದಿಯಲ್ಲಿ ತಿಳಿಸಲಾಗಿದೆ. ಈ ಫಿಟ್ನೆಸ್ ಶಿಬಿರವು ಮಾರ್ಚ್ 5 ರಿಂದ ಪ್ರಾರಂಭವಾಗಿದೆ. ಈ ಬಗ್ಗೆ 25 ಆಟಗಾರರನ್ನು ಎನ್ಸಿಎಗೆ ಕರೆಸಲಾಗಿದೆ ಎಂದು ಬಿಸಿಸಿಐ ಮೂಲಗಳು ತಿಳಿಸಿವೆ.
Updated on: Mar 07, 2022 | 9:35 PM
ಇಂಡಿಯನ್ ಪ್ರೀಮಿಯರ್ ಲೀಗ್ 2022 (IPL 2022) ಋತುವಿನ ಆರಂಭಕ್ಕೆ ಕೆಲವೇ ದಿನಗಳು ಉಳಿದಿವೆ. ಪಂದ್ಯಾವಳಿಯು ಮಾರ್ಚ್ 26 ರಿಂದ ಪ್ರಾರಂಭವಾಗಲಿದ್ದು, ನಂತರ ಮುಂದಿನ 65 ದಿನಗಳ ಕಾಲ ಒಟ್ಟು 74 ಪಂದ್ಯಗಳು ನಡೆಯಲಿವೆ. ಈ ಮಹತ್ವದ ಪಂದ್ಯಾವಳಿಯಲ್ಲಿ ಭಾರತದ ಅನೇಕ ಕ್ರಿಕೆಟಿಗರು ಭಾಗವಹಿಸಲಿದ್ದಾರೆ, ಇದರಲ್ಲಿ ಭಾರತೀಯ ಕ್ರಿಕೆಟ್ ತಂಡ (Indian cricket team)ದ ಹೆಚ್ಚಿನ ಹೆಸರುಗಳು ಸೇರಿವೆ. ಈ ಕೆಲವು ಆಟಗಾರರು ಪ್ರಸ್ತುತ ತಂಡದಲ್ಲಿಲ್ಲ, ಆದರೆ ಕೊನೆಯ ODI-T20 ಸರಣಿಯಲ್ಲಿ ತಂಡದ ಭಾಗವಾಗಿದ್ದರು. ಇಂತಹ ಪರಿಸ್ಥಿತಿಯಲ್ಲಿ, ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿಯು ಅವರ ಫಿಟ್ನೆಸ್ ಅನ್ನು ಗಮನದಲ್ಲಿಟ್ಟುಕೊಂಡು, ಮಂಡಳಿಯು ಟೀಮ್ ಇಂಡಿಯಾಗೆ ಸಂಬಂಧಿಸಿದ 25 ಆಟಗಾರರನ್ನು ರಾಷ್ಟ್ರೀಯ ಕ್ರಿಕೆಟ್ ಅಕಾಡೆಮಿಯಲ್ಲಿ 10 ದಿನಗಳ ಫಿಟ್ನೆಸ್ ಶಿಬಿರದಲ್ಲಿ ಭಾಗವಹಿಸುವಂತೆ ಹೇಳಿದೆ.
ಕ್ರಿಕೆಟ್ ವೆಬ್‌ಸೈಟ್ ಕ್ರಿಕ್‌ಬಜ್ ವರದಿಯ ಪ್ರಕಾರ, ಮಂಡಳಿಯ ಹಿರಿಯ ಆಯ್ಕೆ ಸಮಿತಿಯ ಸಲಹೆಯನ್ನು ಅನುಸರಿಸಿ, ಪ್ರಸ್ತುತ ಟೀಮ್ ಇಂಡಿಯಾದೊಂದಿಗಿನ ಟೆಸ್ಟ್ ಸರಣಿಯ ಭಾಗವಾಗಿರದ ಎಲ್ಲ ಆಟಗಾರರು ಎನ್‌ಸಿಎ ತಲುಪಲು ಬಿಸಿಸಿಐ ಹೇಳಿದೆ. ಇವರಲ್ಲಿ ಇತ್ತೀಚಿನ ದಿನಗಳಲ್ಲಿ ಟೀಂ ಇಂಡಿಯಾ ಪರ ಆಡಿದ ಎಲ್ಲಾ ಆಟಗಾರರು ಸೇರಿದ್ದಾರೆ ಮತ್ತು ಪ್ರಸ್ತುತ ಮಂಡಳಿಯ ಗುತ್ತಿಗೆ ಆಟಗಾರರಲ್ಲದವರೂ ಇದ್ದಾರೆ. ಇತ್ತೀಚಿನ ದಿನಗಳಲ್ಲಿ, ಫಿಟ್ನೆಸ್ ಸಮಸ್ಯೆಯಿಂದಾಗಿ ಭಾರತ ತಂಡದ ಅನೇಕ ಆಟಗಾರರು ವಿಭಿನ್ನ ಸರಣಿಗಳ ಮೊದಲು ಅಥವಾ ಸಮಯದಲ್ಲಿ ಗಾಯಗೊಂಡಿದ್ದಾರೆ.
ಈ ಆಟಗಾರರು ಫಿಟ್ನೆಸ್ ಶಿಬಿರದ ಭಾಗವಾಗಿದ್ದಾರೆ ಮಾರ್ಚ್ 4 ರೊಳಗೆ ಎಲ್ಲಾ ಆಟಗಾರರು ಬೆಂಗಳೂರಿನ ಎನ್ಸಿಎಗೆ ತಲುಪಲು ಮಂಡಳಿಯು ಆದೇಶಿಸಿದೆ ಎಂದು ವರದಿಯಲ್ಲಿ ತಿಳಿಸಲಾಗಿದೆ. ಈ ಫಿಟ್ನೆಸ್ ಶಿಬಿರವು ಮಾರ್ಚ್ 5 ರಿಂದ ಪ್ರಾರಂಭವಾಗಿದೆ. ಈ ಬಗ್ಗೆ 25 ಆಟಗಾರರನ್ನು ಎನ್ಸಿಎಗೆ ಕರೆಸಲಾಗಿದೆ ಎಂದು ಬಿಸಿಸಿಐ ಮೂಲಗಳು ತಿಳಿಸಿವೆ. NCA ಸಿಬ್ಬಂದಿ ಐಪಿಎಲ್‌ನ ಎರಡು ತಿಂಗಳ ಕಠಿಣ ಪಂದ್ಯಾವಳಿಯ ಮೊದಲು ಆಟಗಾರರ ಫಿಟ್ನೆಸ್ ಸ್ಥಿತಿಯನ್ನು ನಿರ್ಣಯಿಸುತ್ತಾರೆ ಮತ್ತು ಇದಕ್ಕಾಗಿ ಶಿಬಿರವನ್ನು ಆಯೋಜಿಸಲಾಗುತ್ತಿದೆ. ಎನ್‌ಸಿಎಯಲ್ಲಿ ಈಗಾಗಲೇ ಕೆಎಲ್ ರಾಹುಲ್, ದೀಪಕ್ ಚಹಾರ್, ರಿತುರಾಜ್ ಗಾಯಕ್ವಾಡ್, ಸೂರ್ಯಕುಮಾರ್ ಯಾದವ್, ವಾಷಿಂಗ್ಟನ್ ಸುಂದರ್ ಮತ್ತು ಇಶಾನ್ ಕಿಶನ್ ಅವರಂತಹ ಆಟಗಾರರು ಇದ್ದಾರೆ.
ಇವರಲ್ಲದೆ, ಯುಜ್ವೇಂದ್ರ ಚಹಾಲ್, ಶಿಖರ್ ಧವನ್, ಸಂಜು ಸ್ಯಾಮ್ಸನ್, ಭುವನೇಶ್ವರ್ ಕುಮಾರ್, ದೀಪಕ್ ಹೂಡಾ, ಶಾರ್ದೂಲ್ ಠಾಕೂರ್, ಹರ್ಷಲ್ ಪಟೇಲ್, ರವಿ ಬಿಷ್ಣೋಯ್, ಅವೇಶ್ ಖಾನ್ ಅವರಂತಹ ಆಟಗಾರರನ್ನು ಸಹ ಎನ್ಸಿಎಗೆ ಹೋಗಲು ಹೇಳಿದೆ. ಅದೇ ಸಮಯದಲ್ಲಿ, ಅಜಿಂಕ್ಯ ರಹಾನೆ, ಮನೀಶ್ ಪಾಂಡೆ, ಪೃಥ್ವಿ ಶಾ ಅವರಂತಹ ಅನೇಕ ಆಟಗಾರರು ಪ್ರಸ್ತುತ ರಣಜಿ ಟ್ರೋಫಿಯಲ್ಲಿ ಆಡುತ್ತಿದ್ದಾರೆ ಮತ್ತು ಗುಂಪು ಸುತ್ತಿನ ಅಂತ್ಯದ ನಂತರ ನೇರವಾಗಿ ಎನ್‌ಸಿಎ ತಲುಪಲು ಅವರನ್ನು ಕೇಳಲಾಗಿದೆ. ರಣಜಿ ಟ್ರೋಫಿಯ ಗುಂಪು ಹಂತದ ಪಂದ್ಯಗಳು ಭಾನುವಾರ, ಮಾರ್ಚ್ 6 ರಂದು ಮುಕ್ತಾಯಗೊಂಡವು.
ಇದನ್ನೂ ಓದಿ:IPL 2022: ಯಾವ ತಂಡ, ಯಾವಾಗ, ಯಾರೆದುರು ಕಣಕ್ಕಿಳಿಯಲಿದೆ? ಎಲ್ಲಾ ಪಂದ್ಯಗಳ ಸಂಪೂರ್ಣ ವೇಳಾಪಟ್ಟಿ ಇಲ್ಲಿದೆ
