Shubman Gill, IPL 2023: ಮುಂಬೈ ವಿರುದ್ಧ ಸಿಡಿಲಬ್ಬರದ ಶತಕ ಸಿಡಿಸಿದ ಶುಭ್ಮನ್ ಗಿಲ್..!
Shubman Gill Century: ಮುಂಬೈ ವಿರುದ್ಧದ ಕ್ವಾಲಿಫೈಯರ್ 2 ಪಂದ್ಯದಲ್ಲಿ ಗುಜರಾತ್ ಆರಂಭಿಕ ಶುಭ್ಮನ್ ಗಿಲ್ ಸಿಡಿಲಬ್ಬರದ ಶತಕ ಸಿಡಿಸಿದ್ದಾರೆ. ಈ ಆವೃತ್ತಿಯಲ್ಲಿ ಇದು ಗಿಲ್ ಅವರ ಮೂರನೇ ಶತಕವಾಗಿದೆ.
Updated on:May 26, 2023 | 9:46 PM
ಮುಂಬೈ ವಿರುದ್ಧದ ಕ್ವಾಲಿಫೈಯರ್ 2 ಪಂದ್ಯದಲ್ಲಿ ಗುಜರಾತ್ (Gujarat Titans vs Mumbai Indians) ಆರಂಭಿಕ ಶುಭ್ಮನ್ ಗಿಲ್ (Shubman Gill) ಸಿಡಿಲಬ್ಬರದ ಶತಕ ಸಿಡಿಸಿದ್ದಾರೆ. ಈ ಆವೃತ್ತಿಯಲ್ಲಿ ಇದು ಗಿಲ್ ಅವರ ಮೂರನೇ ಶತಕವಾಗಿದೆ. ಗಿಲ್ ಅವರ ಈ ಶತಕದ ಇನ್ನಿಂಗ್ಸ್ನಲ್ಲಿ ಮುಂಬೈ ಆಟಗಾರರು ಮಾಡಿದ ಕಳಪೆ ಫೀಲ್ಡಿಂಗ್ನ ಕೊಡುಗೆಯೂ ಇದೆ. ಈ ಪಂದ್ಯದಲ್ಲಿ ಒಂದಲ್ಲ, ಎರಡಲ್ಲ ಬರೋಬ್ಬರಿ 3 ಜೀವದಾನಗಳನ್ನು ಮುಂಬೈ ಆಟಗಾರರು ಗಿಲ್ಗೆ ನೀಡಿದರು. ಇದರ ಲಾಭ ಪಡೆದುಕೊಂಡ ಗಿಲ್ ದಾಖಲೆಯ ಶತಕ ಸಿಡಿಸಿದ್ದಾರೆ. ಈ ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ಗುಜರಾತ್ಗೆ ಗಿಲ್ ಬ್ಯಾಟಿಂಗ್ ಉತ್ತಮ ರನ್ ಕಲೆಹಾಕುವಲ್ಲಿ ನೆರವಾಗಿದೆ. ಈ ಆವೃತ್ತಿಯಲ್ಲಿ ಈಗಾಗಲೇ 700ಕ್ಕೂ ಹೆಚ್ಚು ರನ್ ಗಳಿಸಿರುವ ಗಿಲ್ ಈ ಪಂದ್ಯದಲ್ಲೂ ಅಮೋಘ ಆರಂಭ ಮಾಡಿ ಪವರ್ ಪ್ಲೇನಲ್ಲಿ ರನ್ ಮಳೆ ಸುರಿಸತೊಡಗಿದರು.
ಕ್ಯಾಚ್ ಬಿಟ್ಟು ಕೆಟ್ಟ ಮುಂಬೈ
ಆದರೆ ಗುಜರಾತ್ ಇನ್ನಿಂಗ್ಸ್ಗೆ ತಿರುವು ಸಿಕ್ಕಿದ್ದೆ ಪವರ್ ಪ್ಲೇಯ ಕೊನೆಯ ಓವರ್ನಲ್ಲಿ. ಆರನೇ ಓವರ್ ಬೌಲಿಂಗ್ ಮಾಡಲು ಬಂದ ಕ್ರಿಸ್ ಜೋರ್ಡಾನ್ಗೆ ಗಿಲ್ ಒಂದು ಸಿಕ್ಸರ್ ಮತ್ತು ಬೌಂಡರಿ ಬಾರಿಸಿದರು. ಅಲ್ಲದೆ ಇದೇ ಓವರ್ನಲ್ಲಿ ಟಿಮ್ ಡೇವಿಡ್ ಕ್ಯಾಚ್ ಕೈಚೆಲ್ಲಿ ಗಿಲ್ಗೆ ಜೀವದಾನವನ್ನು ನೀಡಿದರು. ಇಲ್ಲಿಂದ ಗಿಲ್ ಸ್ಫೋಟಕ ಬ್ಯಾಟಿಂಗ್ ಮಾಡಲು ಆರಂಭಿಸಿದರು. ಆ ನಂತರ ಕೇವಲ 32 ಎಸೆತಗಳಲ್ಲಿ ಅರ್ಧಶತಕ ಪೂರೈಸಿದ ಗಿಲ್, ಅರ್ಧಶತಕದ ನಂತರ ಮತ್ತಷ್ಟು ಉಗ್ರರೂಪ ತಾಳಿದರು.
GT vs MI Live Score IPL 2023: 60 ಎಸೆತಗಳಲ್ಲಿ 129 ರನ್ ಸಿಡಿಸಿ ಗಿಲ್ ಔಟ್
129 ರನ್ಗೆ ಇನ್ನಿಂಗ್ಸ್ ಅಂತ್ಯ
ಹೀಗಾಗಿ 32 ಎಸೆತಗಳಲ್ಲಿ ಅರ್ಧಶತಕ ಬಾರಿಸಿದ ಗಿಲ್ ಆನಂತರ ಕೇವಲ 17 ಎಸೆತಗಳಲ್ಲಿ ಇನ್ನುಳಿದ 50 ರನ್ಗಳನ್ನು ಪೂರೈಸಿದರು. ಅಂದರೆ ಕೇವಲ 49 ಎಸೆತಗಳಲ್ಲಿ ಗಿಲ್ ತಮ್ಮ ಶತಕ ಪೂರೈಸಿದರು. ಇದರಲ್ಲಿ 7 ಬೌಂಡರಿ ಹಾಗೂ 9 ಭರ್ಜರಿ ಸಿಕ್ಸರ್ಗಳು ಸೇರಿದ್ದವು. ವಾಸ್ತವವಾಗಿ ಹೇಳಬೇಕೆಂದರೆ ಈ ಆವೃತ್ತಿಗೂ ಮೊದಲು ಐಪಿಎಲ್‌ನಲ್ಲಿ ಗಿಲ್ ಒಂದೇ ಒಂದು ಶತಕವನ್ನು ಬಾರಿಸಿರಲಿಲ್ಲ. ಆದರೆ ಈಗ ಅವರು ಒಂದೇ ಸೀಸನ್ನಲ್ಲಿ 3 ಶತಕಗಳನ್ನು ಬಾರಿಸಿದ ದಾಖಲೆ ಬರೆದಿದ್ದಾರೆ.
????????! ??
Stand and applaud the Shubman Gill SHOW ??#TATAIPL | #Qualifier2 | #GTvMI | @ShubmanGill pic.twitter.com/ADHi0e6Ur1
— IndianPremierLeague (@IPL) May 26, 2023
ವಿಶೇಷವೆಂದರೆ ಕಳೆದ 4 ಪಂದ್ಯಗಳಲ್ಲಿ ಗಿಲ್ ಸಿಡಿಸಿದ ಮೂರನೇ ಶತಕ ಇದಾಗಿದೆ. ಗಿಲ್ ಅವರ ಈ ಶತಕದ ಆಧಾರದ ಮೇಲೆ ಗುಜರಾತ್ 15 ಓವರ್‌ಗಳಲ್ಲಿ 170 ರನ್‌ಗಳ ಗಡಿ ಕೂಡ ದಾಟಿದೆ. ಗಿಲ್ ಅಂತಿಮವಾಗಿ ಟಿಮ್ ಡೇವಿಡ್ಗೆ ಕ್ಯಾಚಿತ್ತು ಔಟಾಗಿದ್ದಾರೆ. ತಮ್ಮ ಇನ್ನಿಂಗ್ಸ್ನಲ್ಲಿ 60 ಎಸೆತಗಳನ್ನು ಎದುರಿಸಿದ ಗಿಲ್ 7 ಬೌಂಡರಿ ಹಾಗೂ 10 ಭರ್ಜರಿ ಸಿಕ್ಸರ್ನೊಂದಿಗೆ 129 ರನ್ ಬಾರಿಸಿದರು.
ಇನ್ನಷ್ಟು ಕ್ರೀಡಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
Published On - 9:17 pm, Fri, 26 May 23
