IPL 2024: ಮೊದಲ ಸುತ್ತಿನಲ್ಲಿ ಅನ್ಸೋಲ್ಡ್: ಕೊನೆಯ ಸುತ್ತಿನಲ್ಲಿ ಬರೋಬ್ಬರಿ 8 ಕೋಟಿ ರೂ.
IPL 2024: ಮೊದಲ ಸುತ್ತಿನಲ್ಲೇ ಸೌತ್ ಆಫ್ರಿಕಾ ಕ್ರಿಕೆಟಿಗ ಅನ್ಸೋಲ್ಡ್ ಆಗಿದ್ದರು. ಇತ್ತ ಮೊದಲ ಸೆಟ್ನಲ್ಲೇ ಬಿಕರಿಯಾಗದೇ ಉಳಿದ ರೊಸ್ಸೊವ್ ಅವರಿಗೆ ಈ ಬಾರಿ ಚಾನ್ಸ್ ಸಿಗುವುದಿಲ್ಲ ಎಂಬುದು ಬಹುತೇಕ ಖಚಿತವಾಗಿತ್ತು. ಕೊನೆಯ ರೌಂಡ್ನ ಕೊನೆಯ ಅದೃಷ್ಟದಾಟದಲ್ಲಿ ರಿಲೀ ರೊಸ್ಸೊವ್ ಬರೋಬ್ಬರಿ 8 ಕೋಟಿ ರೂ.ಗೆ ಹರಾಜಾಗಿರುವುದು ವಿಶೇಷ.
ಈ ಬಾರಿಯ ಐಪಿಎಲ್ (IPL 2024) ಹರಾಜು ಹಲವು ಅಚ್ಚರಿಗಳಿಗೆ ಕಾರಣವಾಗಿತ್ತು. ಒಂದೆಡೆ ಸ್ಟಾರ್ ಆಟಗಾರರು ಹರಾಜಾಗದೇ ಉಳಿದರೆ, ಮತ್ತೊಂದೆಡೆ ಕೆಲ ಆಟಗಾರರು 20 ಕೋಟಿಗೂ ಅಧಿಕ ಮೊತ್ತ ಬಿಕರಿಯಾಗಿದ್ದರು. ಇನ್ನೊಂದೆಡೆ ಮೊದಲ ಸುತ್ತಿನಲ್ಲಿ ಅನ್ಸೋಲ್ಡ್ ಆಟಗಾರ, ಅಂತಿಮ ಸುತ್ತಿನಲ್ಲಿ ಬರೋಬ್ಬರಿ 8 ಕೋಟಿ ರೂ. ಪಡೆದರು.
ಹೌದು, ಈ ಬಾರಿಯ ಐಪಿಎಲ್ ಹರಾಜಿನ ಮೊದಲ ಸುತ್ತಿನಲ್ಲಿ ಸೌತ್ ಆಫ್ರಿಕಾ ಆಟಗಾರ ರಿಲೀ ರೊಸ್ಸೊವ್ ಕಾಣಿಸಿಕೊಂಡಿದ್ದರು. 2 ಕೋಟಿ ರೂ. ಮೂಲ ಬೆಲೆಯೊಂದಿಗೆ ಕಾಣಿಸಿಕೊಂಡಿದ್ದ ರೊಸ್ಸೊವ್ ಅವರ ಖರೀದಿಗೆ ಯಾವುದೇ ಫ್ರಾಂಚೈಸಿ ಮುಂದಾಗಿರಲಿಲ್ಲ.
ಹೀಗಾಗಿ ಮೊದಲ ಸುತ್ತಿನಲ್ಲೇ ಸೌತ್ ಆಫ್ರಿಕಾ ಕ್ರಿಕೆಟಿಗ ಅನ್ಸೋಲ್ಡ್ ಆಗಿದ್ದರು. ಇತ್ತ ಮೊದಲ ಸೆಟ್ನಲ್ಲೇ ಬಿಕರಿಯಾಗದೇ ಉಳಿದ ರೊಸ್ಸೊವ್ ಅವರಿಗೆ ಈ ಬಾರಿ ಚಾನ್ಸ್ ಸಿಗುವುದಿಲ್ಲ ಎಂಬುದು ಬಹುತೇಕ ಖಚಿತವಾಗಿತ್ತು.
ಆದರೆ ಐಪಿಎಲ್ ಹರಾಜಿನ ಕೊನೆಯ ಸುತ್ತಿನಲ್ಲಿ ಮತ್ತೆ ರಿಲೀ ರೊಸ್ಸೊವ್ ಹೆಸರು ಕಾಣಿಸಿಕೊಂಡಿದೆ. ಅಂದರೆ ಅನ್ಸೋಲ್ಡ್ ಆದ ಸ್ಟಾರ್ ಆಟಗಾರರನ್ನು ಅಕ್ಸ್ಲೇಟರ್ ರೌಂಡ್ನಲ್ಲಿ ಮತ್ತೆ ಹರಾಜಾಕಲಾಗುತ್ತದೆ. ಅದರಂತೆ ಅಂತಿಮ ಸುತ್ತಿನಲ್ಲಿ ಕಾಣಿಸಿಕೊಂಡ ರೊಸ್ಸೊವ್ ಖರೀದಿಗೆ ಫ್ರಾಂಚೈಸಿಗಳು ಭರ್ಜರಿ ಪೈಪೋಟಿ ನಡೆಸಿತು.
ಅದರಲ್ಲೂ ಡೆಲ್ಲಿ ಕ್ಯಾಪಿಟಲ್ಸ್ ಹಾಗೂ ಪಂಜಾಬ್ ಕಿಂಗ್ಸ್ ನಡುವೆ ನೇರ ಪೈಪೋಟಿ ಏರ್ಪಟ್ಟಿತು. ಇದರಿಂದ ಮೊದಲ ಸುತ್ತಿನಲ್ಲಿ ಅನ್ಸೋಲ್ಡ್ ಆಗಿದ್ದ ರಿಲೀ ರೊಸ್ಸೊವ್ ಮೌಲ್ಯವು ಏಕಾಏಕಿ 5 ಕೋಟಿಯನ್ನು ದಾಟಿದೆ. ಅಷ್ಟೇ ಅಲ್ಲದೆ ಅಂತಿಮವಾಗಿ ಬರೋಬ್ಬರಿ 8 ಕೋಟಿ ರೂ. ನೀಡುವ ಮೂಲಕ ರಿಲೀ ರೊಸ್ಸೊವ್ ಅವರನ್ನು ಖರೀದಿಸುವಲ್ಲಿ ಪಂಜಾಬ್ ಕಿಂಗ್ಸ್ ಯಶಸ್ವಿಯಾಗಿದೆ.
ಅಂದರೆ ಮೊದಲ ಸುತ್ತಿನಲ್ಲಿ ಯಾವುದೇ ತಂಡಕ್ಕೆ ಬೇಡವಾಗಿದ್ದ ಸೌತ್ ಆಫ್ರಿಕಾದ ಎಡಗೈ ದಾಂಡಿಗ ರಿಲೀ ರೊಸ್ಸೊವ್ ಕೊನೆಯ ಅದೃಷ್ಟದಾಟದಲ್ಲಿ 8 ಕೋಟಿ ರೂ.ಗೆ ಹರಾಜಾಗಿರುವುದು ವಿಶೇಷ.
ಪಂಜಾಬ್ ಕಿಂಗ್ಸ್ ತಂಡ: ಶಿಖರ್ ಧವನ್ (ನಾಯಕ), ಮ್ಯಾಥ್ಯೂ ಶಾರ್ಟ್, ಪ್ರಭಾಸಿಮ್ರಾನ್ ಸಿಂಗ್, ಜಿತೇಶ್ ಶರ್ಮಾ, ಸಿಕಂದರ್ ರಾಝ, ರಿಷಿ ಧವನ್, ಲಿಯಾಮ್ ಲಿವಿಂಗ್‌ಸ್ಟೋನ್, ಅಥರ್ವ ಟೈಡೆ, ಅರ್ಷ್‌ದೀಪ್ ಸಿಂಗ್, ನಾಥನ್ ಎಲ್ಲಿಸ್, ಸ್ಯಾಮ್ ಕರನ್, ಕಗಿಸೊ ರಬಾಡ, ಹರ್‌ಪ್ರೀತ್ ಬ್ರಾರ್, ರಾಹುಲ್ ಚಹರ್ , ಹರ್‌ಪ್ರೀತ್ ಭಾಟಿಯಾ, ವಿದ್ವತ್ ಕಾವೇರಪ್ಪ, ಶಿವಂ ಸಿಂಗ್, ಹರ್ಷಲ್ ಪಟೇಲ್, ಕ್ರಿಸ್ ವೋಕ್ಸ್, ಅಶುತೋಷ್ ಶರ್ಮಾ, ವಿಶ್ವನಾಥ್ ಪ್ರತಾಪ್ ಸಿಂಗ್ , ಶಶಾಂಕ್ ಸಿಂಗ್, ತನಯ್ ತ್ಯಾಗರಾಜನ್, ಪ್ರಿನ್ಸ್ ಚೌಧರಿ, ರಿಲೀ ರೊಸ್ಸೊವ್.