IPL Mega Auction 2025 highlights: ಐಪಿಎಲ್​ ಹರಾಜು ಅಂತ್ಯ: 2ನೇ ದಿನ ಯಾರು ಎಷ್ಟಕ್ಕೆ ಸೇಲ್?​

ಪಂಜಾಬ್ ಕಿಂಗ್ಸ್ ತಂಡ ತಮ್ಮ ಗರಿಷ್ಠ 25 ಆಟಗಾರರನ್ನು ಹೊಂದುವ ಮೂಲಕ ತಮ್ಮ ಕೋಟಾವನ್ನು ಪೂರ್ಣಗೊಳಿಸಿದೆ.

ದೆಹಲಿ ಕ್ಯಾಪಿಟಲ್ಸ್ ಅಜಯ್ ಮಂಡಲ್​ರನ್ನು 30 ಲಕ್ಷಕ್ಕೆ ಖರೀದಿಸಿದ್ದು, ಅನ್‌ಕ್ಯಾಪ್ಡ್ ಆಟಗಾರ ಪ್ರವೀಣ್ ದುಬೆ ಕೂಡ 30 ಲಕ್ಷಕ್ಕೆ ಪಂಜಾಬ್ ಕಿಂಗ್ಸ್ ಪಾಲಾಗಿದ್ದಾರೆ.

2025ರ ಐಪಿಎಲ್​ನ ಕೊನೆಯ ಸುತ್ತಿನ ಹರಾಜು ಪ್ರಕ್ರಿಯೆ ನಡೆಯುತ್ತಿದ್ದು, ಕ್ರಿಕೆಟ್​ ದಿಗ್ಗಜ ಸಚಿನ್ ತೆಂಡೂಲ್ಕರ್ ಅವರ ಪುತ್ರ ಅರ್ಜುನ್ ತೆಂಡೂಲ್ಕರ್​ರನ್ನು ಯಾರು ಖರೀದಿಸಿಲ್ಲ.

2 ಕೋಟಿಗೆ ಮೊಯಿನ್​ ಅಲಿ ಕೋಲ್ಕತ್ತಾ ತಂಡದ ಪಾಲಾಗಿದ್ದಾರೆ.

ಅನ್​ಸೋಲ್ಡ್ ಆಗಿದ್ದ ದೇವದತ್ ಪಡಿಕ್ಕಲ್​ ಅನ್ನು 2 ಕೋಟಿ ರೂಪಾಯಿಗೆ ಆರ್‌ಸಿಬಿ ತಂಡ ಖರೀದಿಸಿದೆ.

1.1 ಕೋಟಿ ರೂ.ಗೆ ವೈಭವ್​ ಸೂರ್ಯವಂಶಿ ರಾಜಸ್ಥಾನ ತಂಡದ ಪಾಲಾಗಿದ್ದಾರೆ. ಆ ಮೂಲಕ ಐಪಿಎಲ್‌ನಲ್ಲಿ ಅತಿ ಕಿರಿಯ ಆಟಗಾರನಾಗಿ ಹೊರಹೊಮ್ಮಿದ್ದಾರೆ. ಹಾಗಾದರೆ ಈ ವೈಭವ್​ ಸೂರ್ಯವಂಶಿ ಯಾರು ಎಂದು ತಿಳಿಯಲು ಈ ಕೆಳಗಿನ ಸ್ಟೋರಿ ಓದಿ.

1.1 ಕೊಟಿಗೆ ಬಿಹಾರ ಮೂಲದ 13 ವರ್ಷದ ವೈಭವ್​ ಸೂರ್ಯವಂಶಿ ರಾಜಸ್ಥಾನ ಪಾಲಾಗಿದ್ದಾರೆ. ಆ ಮೂಲಕ ಐಪಿಎಲ್​ ಆಟಗಾರರ ಪೈಕಿ ಅತಿ ಕಿರಿಯ ಆಟಗಾರರಾಗಿದ್ದಾರೆ.

ಸದ್ಯ ತಂಡಗಳು ತಮ್ಮ ಬಳಿ ಹೊಂದಿರುವ ಮೊತ್ತ ಹೀಗಿದೆ.

• CSK - ರೂ. 3.30 ಕೋಟಿ
• MI - ರೂ. 2.15 ಕೋಟಿ
• RCB - ರೂ. 4.65 ಕೋಟಿ
• ಕೆಕೆಆರ್ - ರೂ. 5.00 ಕೋಟಿ
• SRH - ರೂ. 1.70 ಕೋಟಿ
• ಆರ್ಆರ್ - ರೂ. 3.50 ಕೋಟಿ
• PBKS - ರೂ. 1.75 ಕೋಟಿ
• ಡಿಸಿ - ರೂ. 2.25 ಕೋಟಿ
• ಜಿಟಿ - ರೂ. 3.95 ಕೋಟಿ
• LSG - ರೂ. 1.75 ಕೋಟಿ

ಪ್ರಿಯಾಂಶ್ ಆರ್ಯಗಾಗಿ ಎಲ್ಲಾ ತಂಡಗಳು ಪೈಪೋಟಿ ನಡೆಸಿದವು. ಅಂತಿಮವಾಗಿ ಪಂಜಾಬ್ ಕಿಂಗ್ಸ್ 3.80 ಕೋಟಿ ರೂ. ಗೆ ಖರೀದಿಸಿದೆ.

ಆಸ್ಟ್ರೇಲಿಯಾ ಕ್ರಿಕೆಟಿಗ ಸ್ಟಿವ್​ ಸ್ಮಿತ್​ ಅನ್​ಸೋಲ್ಡ್​​ ಆಗಿದ್ದಾರೆ. ಮಿಚೆಲ್ ಸ್ಯಾಂಟ್ನರ್ 2 ಕೋಟಿಗೆ ಮುಂಬೈ ಪಾಲಾಗಿದ್ದಾರೆ.

1 ಕೋಟಿ ರೂ.ಗೆ ಹೈದರಾಬಾದ್‌ ತಂಡ ಜಯದೇವ್ ಉನದ್ಕತ್ ಖರೀದಿಸಿದೆ. 1.6 ಕೋಟಿ ರೂ.ಗೆ ನುವಾನ್ ತುಷಾರ ಆರ್‌ಸಿಬಿ ತಂಡದ ಪಾಲಾಗಿದ್ದಾರೆ.

ಐಪಿಎಲ್ ಮೆಗಾ ಹರಾಜಿನಲ್ಲಿ ಆರ್​ಸಿಬಿ ಮತ್ತೊಬ್ಬ ವೇಗಿ ನುವಾನ್ ತುಷಾರಾ ಅವರನ್ನು ತಂಡಕ್ಕೆ ಸೇರಿಸಿಕೊಂಡಿದೆ. 1.60 ಕೋಟಿಗೆ ಆರ್​ಸಿಬಿ ಪಾಲಾಗಿದ್ದಾರೆ.

5.25 ಕೋಟಿ ರೂಪಾಯಿಗೆ ವಿಲ್ ಜ್ಯಾಕ್ಸ್‌ ಮುಂಬೈ ತಂಡದ ಪಾಲಾಗಿದ್ದಾರೆ. ರೊಮಾರಿಯೋ ಶೆಫರ್ಡ್‌ 1.5 ಕೋಟಿ ರೂ.ಗೆ ಆರ್‌ಸಿಬಿ ತಂಡದ ಪಾಲಾಗಿದ್ದಾರೆ.

3 ಕೋಟಿ ರೂಪಾಯಿಗೆ ಟಿಮ್ ಡೇವಿಡ್​ರನ್ನು ಆರ್‌ಸಿಬಿ ತಂಡ ಖರೀದಿಸಿದೆ. ಮೊಯಿನ್ ಅಲಿ ಅನ್‌ಸೋಲ್ಡ್‌ ಆಗಿದ್ದಾರೆ.

30 ಲಕ್ಷ ರೂಪಾಯಿಗೆ ಖರೀದಿಯಾಗಿರುವ ದಿಗ್ವೇಶ್ ಸಿಂಗ್​ ಲಖನೌ ತಂಡ ಪರ ಬ್ಯಾಟ್ ಬೀಸಲಿದ್ದಾರೆ. ಇನ್ನು 75 ಲಕ್ಷ ರೂಪಾಯಿಗೆ ಎಂ.ಸಿದ್ಧಾರ್ಥ್‌ ಲಖನೌ ತಂಡ ಸೇರಿದ್ದು, 40 ಲಕ್ಷ ರೂಪಾಯಿಗೆ ಜಿಶಾನ್ ಅನ್ಸಾರಿ ಹೈದರಾಬಾದ್‌ ತಂಡದ ಪಾಲಾಗಿದ್ದಾರೆ.

ಮುಕೇಶ್ ಚೌಧರಿ 30 ಲಕ್ಷ ರೂಪಾಯಿಗೆ ಚೆನ್ನೈ ತಂಡದ ಪಾಲಾಗಿದ್ದು, ಮಯಾಂಕ್ ದಾಗರ್ ಮತ್ತು ವನ್ಷ್ ಬೇಡಿ ಅನ್‌ಸೋಲ್ಡ್‌ ಆಗಿದ್ದಾರೆ.

50 ಲಕ್ಷ ರೂಪಾಯಿಗೆ ಸ್ವಪ್ನಿಲ್ ಸಿಂಗ್ ಆರ್‌ಸಿಬಿ ತಂಡದ ಪಾಲಾಗಿದ್ದು, 30 ಲಕ್ಷ ರೂಪಾಯಿಗೆ ಶೇಖ್ ರಶೀದ್​ರನ್ನು ಚೆನ್ನೈ ತಂಡ ಖರೀದಿಸಿದೆ.

ಅಂಶುಲ್ ಕಾಂಬೋಜ್​ ಅನ್ನು ತಮ್ಮ ತಂಡಕ್ಕೆ ಸೇರಿಕೊಳ್ಳಲು ಮುಂಬೈ ಇಂಡಿಯನ್ಸ್ ಮತ್ತು ಚೆನ್ನೈ ಸೂಪರ್ ಕಿಂಗ್ಸ್ ತಂಡಗಳು ಜಿದ್ದಾಜಿದ್ದಿಗೆ ಬಿದಿದ್ದವು. ಕೊನೆಗೆ 3.4 ಕೋಟಿ ರೂ.ಗೆ ಚೆನ್ನೈ ತಂಡದ ಪಾಲಾಗಿದ್ದಾರೆ.

ಎರಡನೇ ದಿನದ ಮೆಗಾ ಹರಾಜು ಪ್ರಕ್ರಿಯೆಯಲ್ಲಿ ಅತೀ ಹೆಚ್ಚು ಮೊತ್ತಕ್ಕೆ ಖರೀದಿಯಾಗಿರುವ ಆಟಗಾರರು.

• ಭುವನೇಶ್ವರ್ ಕುಮಾರ್ - 10.75 ಕೋಟಿ - ಆರ್‌ಸಿಬಿ
• ದೀಪಕ್ ಚಹಾರ್ - ರೂ 9.25 ಕೋಟಿ - ಎಂಐ
• ಆಕಾಶ್ ದೀಪ್ - ರೂ 8 ಕೋಟಿ - ಎಲ್ ಎಸ್ ಜಿ
• ಮುಖೇಶ್ ಕುಮಾರ್ - ರೂ 8 ಕೋಟಿ - ಡಿಸಿ (ಆರ್ಟಿಎಂ)
• ಮಾರ್ಕೊ ಜಾನ್ಸೆನ್ - ರೂ 7 ಕೋಟಿ - ಪಿಬಿಕೆಎಸ್

ಸದ್ಯ ಎಲ್ಲಾ 10 ಐಪಿಎಲ್ ತಂಡಗಳಲ್ಲಿ ಉಳಿದಿರುವ ಬಾಕಿ ಮೊತ್ತ

• ಆರ್‌ಸಿಬಿ: 14.15 ಕೋಟಿ ರೂ
• CSK: RS 13.20 ಕೋಟಿ
• ಜಿಟಿ: 11.90 ಕೋಟಿ ರೂ
• ಎಂಐ: ರೂ 11.05 ಕೋಟಿ
• PBKS: ರೂ 10.90 ಕೋಟಿ
• ಕೆಕೆಆರ್: 8.55 ಕೋಟಿ ರೂ
• LSG: ರೂ 6.85 ಕೋಟಿ
• ಆರ್ಆರ್: 6.65 ಕೋಟಿ ರೂ
• SRH: ರೂ 5.15 ಕೋಟಿ
• ಡಿಸಿ: 3.80 ಕೋಟಿ ರೂ

ಕ್ಯಾಪ್ಡ್ ಸ್ಪಿನ್ನರ್‌ಗಳಲ್ಲಿ ಸದ್ಯಕ್ಕೆ ಅಲ್ಲಾ ಗಜನ್‌ಫರ್ ಮಾತ್ರ ಮುಂಬೈ ತಂಡದ ಪಾಲಾಗಿದ್ದು, ಅಕೇಲ್ ಹೊಸೈನ್, ಕೇಶವ ಮಹಾರಾಜ್, ಮುಜೀಬ್ ಉರ್ ರೆಹಮಾನ್, ಆದಿಲ್ ರಶೀದ್ ಮತ್ತು ವಿಜಯಕಾಂತ್ ವ್ಯಾಸಕಾಂತ್​ ಅನ್‌ಸೋಲ್ಡ್‌ ಆಗಿದ್ದಾರೆ.

9.25 ಕೋಟಿ ರೂ.ಗೆ ದೀಪಕ್ ಚಹಾರ್ ಮುಂಬೈ ತಂಡದ ಪಾಲಾಗಿದ್ದು, ಮುಕೇಶ್ ಕುಮಾರ್‌ 8 ಕೋಟಿ ರೂ.ಗೆ  ದೆಹಲಿ ತಂಡ ಸೇರಿದ್ದಾರೆ.

ಮುಂಬೈ ಇಂಡಿಯನ್ಸ್​ ಮತ್ತು ಲಕ್ನೋ ತಂಡಗಳ ಹರಾಜು ಪ್ರಕ್ರಿಯೆಯಲ್ಲಿ ಮಧ್ಯ ಪ್ರವೇಶಿಸಿದ ಆರ್​ಸಿಬಿ ಭುವನೇಶ್ವರ್ ಕುಮಾರ್​ರನ್ನು 10.75 ಕೋಟಿ ರೂ. ಖರೀದಿಸಿದೆ. ಆ ಮೂಲಕ ಇದು ಎರಡನೇ ದಿನದ ಹರಾಜು ಪ್ರಕ್ರಿಯೆಯ ದೊಡ್ಡ ಮೊತ್ತವಾಗಿದೆ.

ಮೆಗಾ ಹರಾಜಿನ ಜಿದ್ದಾಜಿದ್ದಿಯಲ್ಲಿ 2.6 ಕೋಟಿ ರೂ.ಗೆ ಜೋಶ್ ಇಂಗ್ಲಿಸ್ ಪಂಜಾಬ್​ ತಂಡದ ಪಾಲಾಗಿದ್ದಾರೆ. 6.5 ಕೋಟಿ ರೂ.ಗೆ ತುಷಾರ್ ದೇಶಪಾಂಡೆ ರಾಜಸ್ಥಾನ ತಂಡದ ಪಾಲಾಗಿದ್ದಾರೆ.

ನಿತೀಶ್ ರಾಣಾ 4.2 ಕೋಟಿ ರೂ.ಗೆ ಬಿಕರಿಯಾಗಿದ್ದು, ರಾಜಸ್ಥಾನ ರಾಯಲ್ಸ್‌ ತಂಡದ ಪರವಾಗಿ ಆಟವಾಡಲಿದ್ದಾರೆ. ಶಾಯ್ ಹೋಪ್ ಮತ್ತು ಕೆ.ಎಸ್​.ಭರತ್ ಅವರನ್ನು ಸದ್ಯ ಯಾವ ತಂಡ ಖರೀದಿಸಿಲ್ಲ.

5.75 ಕೋಟಿ ರೂ.ಗೆ ಆರ್‌ಸಿಬಿ ತಂಡ ಕೃನಾಲ್ ಪಾಂಡ್ಯರನ್ನು ಖರೀದಿಸಿದೆ. ಪಂಜಾಬ್ ತಂಡ 7 ಕೋಟಿ ರೂ.ಗೆ ಮಾರ್ಕೊ ಜಾನ್ಸೆನ್​ ಖರೀದಿಸಿದೆ.

ಡುಪ್ಲೆಸಿಸ್ 2 ಕೋಟಿ ರೂಪಾಯಿಗೆ ದೆಹಲಿ ಕ್ಯಾಪಿಟಲ್ಸ್‌ ತಂಡದ ಪಾಲಾಗಿದ್ದು, ತಂಡದ ಪರ ಬ್ಯಾಟ್​ ಬೀಸಲಿದ್ದಾರೆ. ಇನ್ನು ಅಜಿಂಕ್ಯಾ ರಹಾನೆ, ಮಯಾಂಕ್ ಅಗರ್ವಾಲ್, ಪೃಥ್ವಿ ಶಾ ಅನ್‌ಸೋಲ್ಡ್‌ ಆಗಿದ್ದಾರೆ.

ಐಪಿಎಲ್‌ ಆಟಗಾರರ ಎರಡನೇ ದಿನದ ಹರಾಜು ಪ್ರಕ್ರಿಯೆ ಆರಂಭವಾಗಿದ್ದು, 2.4 ಕೋಟಿ ರೂ.ಗೆ ಸ್ಯಾಮ್ ಕರ್ರಾನ್ ಚೆನ್ನೈ ತಂಡದ ಪಾಲಾಗಿದ್ದಾರೆ. ವಾಷಿಂಗ್ಟನ್ ಸುಂದರ್‌ 3.2 ಕೋಟಿ ರೂ.ಗೆ ಗುಜರಾತ್ ತಂಡವನ್ನು ಸೇರಿದ್ದಾರೆ. ಶಾರ್ದುಲ್ ಠಾಕೂರ್ ಅನ್‌ ಸೋಲ್ಡ್ ಆಗಿದ್ದಾರೆ.

ಒಂದನೇ ದಿನದ ಹರಾಜು ಪ್ರಕ್ರಿಯೆ ಬಳಿಕ ಇದೀಗ ಆಯಾ ಫ್ರಾಂಚೈಸಿಗಳ ಬಳಿ ಉಳಿದುಕೊಂಡಿರುವ ಮೊತ್ತ ಹೀಗಿದೆ.

2025ರ ಐಪಿಎಲ್ ಕ್ರಿಕೆಟ್ ಹಬ್ಬಕ್ಕೆ ಹರಾಜು ಪ್ರಕ್ರಿಯೆ ಆರಂಭವಾಗಿದ್ದು, ಅಭಿಮಾನಿಗಳಲ್ಲಿ ಭಾರೀ ಕುತೂಹಲ ಕೆರಳಿಸಿದೆ. ಹರಾಜು ಪ್ರಕ್ರಿಯೆಯ ಎರಡನೇ ದಿನವಾದ ಇಂದು ಫ್ರಾಂಚೈಸಿಗಳು ತಮ್ಮ ಉತ್ತಮ ಆಟಗಾರರ ಮೇಲೆ ಕೊಟ್ಯಾಂತರ ರೂ. ಹಣ ಸುರಿಯಲು ಮುಂದಾಗಿದ್ದಾರೆ.