Ind vs Eng: ಮೊಣಕಾಲಿನಿಂದ ರಕ್ತ ಸುರಿಯುತ್ತಿದ್ದರೂ ಬೌಲಿಂಗ್ ಮುಂದುವರೆಸಿದ ಜೇಮ್ಸ್ ಆಂಡರ್ಸನ್! ಫೋಟೋ ನೋಡಿ

ಭಾರತ ಮತ್ತು ಇಂಗ್ಲೆಂಡ್ ನಡುವಿನ ನಾಲ್ಕನೇ ಟೆಸ್ಟ್ ಪಂದ್ಯದ ಮೊದಲ ದಿನ, ಇಂದು ಮೈದಾನದಲ್ಲಿ ವಿಭಿನ್ನ ಚಿತ್ರಣ ಕಂಡುಬಂದಿದ್ದು, ಇದು ಕ್ರೀಡಾಂಗಣದಲ್ಲಿ ಪ್ರೇಕ್ಷಕರನ್ನು ಹಾಗೂ ಮನೆಯಲ್ಲಿ ಟಿವಿಯಲ್ಲಿ ಪಂದ್ಯ ವೀಕ್ಷಿಸುತ್ತಿದ್ದ ಎಲ್ಲಾ ಪ್ರೇಕ್ಷಕರನ್ನು ದಿಗ್ಭ್ರಮೆಗೊಳಿಸಿತು. ಇಂಗ್ಲೆಂಡ್​ನ ಶ್ರೇಷ್ಠ ವೇಗದ ಬೌಲರ್ ಜೇಮ್ಸ್ ಆಂಡರ್ಸನ್ ಮೈದಾನದಲ್ಲಿ ರಕ್ತಸಿಕ್ತ ಮೊಣಕಾಲಿಯೇ ಬೌಲಿಂಗ್ ಮಾಡುತ್ತಿದ್ದರು. 39 ವರ್ಷದ ವೇಗದ ಬೌಲರ್ ಪ್ಯಾಂಟ್ ಮೊಣಕಾಲಿನ ಬಳಿ ರಕ್ತದ ಕಲೆಯಾಗಿತ್ತು. ಆದರೂ ಅವರು ಬೌಲಿಂಗ್ ಮುಂದುವರಿಸಿದರು.

ಭಾರೀ ವೈರಲ್ ಆಗುತ್ತಿವೆ
ಭಾರತದ ಇನಿಂಗ್ಸ್​ನ 42 ನೇ ಓವರ್​ನಲ್ಲಿ ಈ ಘಟನೆ ನಡೆದಿದೆ. ಆ ಸಮಯದಲ್ಲಿ ನಾಯಕ ವಿರಾಟ್ ಕೊಹ್ಲಿ (50) ಮತ್ತು ಉಪನಾಯಕ ಅಜಿಂಕ್ಯ ರಹಾನೆ (5) ಭಾರತೀಯ ಇನ್ನಿಂಗ್ಸ್ ಅನ್ನು ಚೇತರಿಸಲು ಪ್ರಯತ್ನಿಸುತ್ತಿದ್ದರು. ಆದಾಗ್ಯೂ, ಯಾವಾಗ ಮತ್ತು ಹೇಗೆ ಜೇಮ್ಸ್ ಆಂಡರ್ಸನ್ ಗಾಯಗೊಂಡರು ಎಂಬುದರ ಕುರಿತು ಯಾವುದೇ ಮಾಹಿತಿಯನ್ನು ಬಿಡುಗಡೆ ಮಾಡಲಾಗಿಲ್ಲ. ಆಂಡರ್ಸನ್ ಗಾಯಗೊಂಡ ಫೋಟೋಗಳು ಸಾಮಾಜಿಕ ಮಾಧ್ಯಮದಲ್ಲಿ ಭಾರೀ ವೈರಲ್ ಆಗುತ್ತಿವೆ. ಕೆಲವರು ಈ ಸಂದರ್ಭವನ್ನು ಶೇನ್ ವ್ಯಾಟ್ಸನ್​ಗೆ ಹೋಲಿಸಿದ್ದಾರೆ. ವ್ಯಾಟ್ಸನ್ ಹಿಂದಿನ ಐಪಿಎಲ್​ನಲ್ಲಿ ಇದೇ ರೀತಿಯ ಕಾಲಿಗೆ ಗಾಯವಾಗಿದ್ದರು ಬ್ಯಾಟಿಂಗ್ ಮಾಡಿದ್ದರು.

ಭಾರತದ ಇನ್ನಿಂಗ್ಸ್
ಏತನ್ಮಧ್ಯೆ, ಓವಲ್ ಟೆಸ್ಟ್​ನಲ್ಲಿ ಇಂಗ್ಲೆಂಡ್ ವಿರುದ್ಧ ಭಾರತದ ಮೊದಲ ಇನ್ನಿಂಗ್ಸ್​ನಲ್ಲಿ 191 ರನ್​ಗಳಿಗೆ ಆಲ್​ಔಟ್ ಆಗಿದೆ. ಮೊದಲು ಬ್ಯಾಟಿಂಗ್ ಮಾಡಿದ ಭಾರತ ಮತ್ತೊಮ್ಮೆ ಬ್ಯಾಟ್ಸ್‌ಮನ್‌ಗಳಿಂದ ನಿರಾಶೆಗೊಂಡಿತು. ಮತ್ತೊಮ್ಮೆ ಬ್ಯಾಟ್ಸ್‌ಮನ್‌ಗಳು ಇಡೀ ದಿನ ನಿಂತು ಆಡಲು ಸಾಧ್ಯವಾಗಲಿಲ್ಲ. ಇಂಗ್ಲೆಂಡ್ ನಾಯಕ ಜೋ ರೂಟ್ ಟಾಸ್ ಗೆದ್ದರು ಮತ್ತು ಬೌಲಿಂಗ್ ಮಾಡಲು ಸರಿಯಾದ ನಿರ್ಧಾರ ತೆಗೆದುಕೊಂಡರು. ರೋಹಿತ್ ಮತ್ತು ರಾಹುಲ್ 35 ನಿಮಿಷಗಳ ಜೊತೆಯಾಟದಲ್ಲಿ 28 ರನ್ ಸೇರಿಸಿದರು ಆದರೆ ವೋಕ್ಸ್ ಪಾಲುದಾರಿಕೆಯನ್ನು ಮುರಿದು ಭಾರತಕ್ಕೆ ಉತ್ತಮ ಆರಂಭವನ್ನು ವಂಚಿಸಿದರು. ವೋಕ್ಸ್ ಐದು ಓವರ್ ಗಳಲ್ಲಿ ನಾಲ್ಕು ರನ್ ಗಳಿಗೆ ಒಂದು ವಿಕೆಟ್ ಪಡೆದರು.ನಂತರ ಮೂರು ಬೌಂಡರಿ ಬಾರಿಸಿದ ರೋಹಿತ್ ಔಟಾದರು. ನಂತರ ಪೂಜಾರ ಕೂಡ ಹೆಚ್ಚು ಹೊತ್ತು ನಿಲ್ಲಲಿಲ್ಲ. ನಾಯಕ ಕೊಹ್ಲಿ ಅವಶ್ಯಕ ಅರ್ಧಶತಕ ಸಿಡಿಸಿದರು. ಕೊಹ್ಲಿಯನ್ನು ಹೊರತುಪಡಿಸಿ ಆಲ್​ರೌಂಡರ್ ಶಾರ್ದೂಲ್ ಅಬ್ಬರದ ಅರ್ಧಶತಕ ಸಿಡಿಸಿ ತಂಡಕ್ಕೆ ನೆರವಾದರು. ಈ ಇಬ್ಬರನ್ನು ಹೊರತುಪಡಿಸಿ ಬಾರತದ ಮತ್ತ್ಯಾವ ಆಟಗಾರನನೂ ಉತ್ತಮ ಆಟ ಆಡಲಿಲ್ಲ.