MS Dhoni: ಟೀಂ ಇಂಡಿಯಾ ಬ್ಲೂ ರೆಟ್ರೊ ಜರ್ಸಿಯಲ್ಲಿ ಕಾಣಿಸಿಕೊಂಡ ಧೋನಿ! ಮತ್ತೆ ಕ್ರಿಕೆಟ್ ಅಖಾಡಕ್ಕಿಳಿದ್ರಾ ಕ್ಯಾಪ್ಟನ್ ಕೂಲ್
MS Dhoni: ಧೋನಿ ಅವರ ಜೆರ್ಸಿ ಫೋಟೋಗಳು ಇದೀಗ ಸಿಕ್ಕಾಪಟ್ಟೆ ವೈರಲ್ ಆಗಿದ್ದು, ಅವರು ಮತ್ತೊಮ್ಮೆ ಭಾರತ ತಂಡವನ್ನು ಪ್ರತಿನಿಧಿಸಲಿದ್ದಾರಾ ಎಂಬ ಪ್ರಶ್ನೆಗಳು ಸೋಷಿಯಲ್ ಮೀಡಿಯಾದಲ್ಲಿ ಹುಟ್ಟಿಕೊಂಡಿದೆ.
ಟೀಮ್ ಇಂಡಿಯಾದ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ (ಎಂ.ಎಸ್. ಧೋನಿ) ಯ ಹೊಸ ವೇಷ ಅವರ ಅಭಿಮಾನಿಗಳ ಮುಖದಲ್ಲಿ ಮಂದಹಾಸ ಮೂಡಿಸುತ್ತದೆ. ಧೋನಿ ಟೀಮ್ ಇಂಡಿಯಾ ಬ್ಲೂ ರೆಟ್ರೊ ಜರ್ಸಿಯಲ್ಲಿ ಕಾಣಿಸಿಕೊಂಡಿದ್ದಾರೆ. ಟೀಮ್ ಇಂಡಿಯಾ ಇತ್ತೀಚಿನ ದಿನಗಳಲ್ಲಿ ಮೈದಾನದಲ್ಲಿ ಧರಿಸಿರುವ ಜರ್ಸಿ ಇದೇ ಆಗಿದೆ. ಧೋನಿ ಈ ಜರ್ಸಿಯಲ್ಲಿ ಮೊದಲ ಬಾರಿಗೆ ಕಾಣಿಸಿಕೊಂಡಿದ್ದಾರೆ.
ಧೋನಿ ಈಗ ಧರಿಸಿರುವ ಜರ್ಸಿಯನ್ನು ತೊಟ್ಟು ಮೈದಾನದಲ್ಲಿ ಎಂದಿಗೂ ಕಾಣಿಸಿರಲಿಲ್ಲ. ಏಕೆಂದರೆ ಆಗ ಈ ಜರ್ಸಿಯನ್ನು ಟೀಮ್ ಇಂಡಿಯಾ ಜರ್ಸಿಯಾಗಿರಲಿಲ್ಲ. ಈ ಜರ್ಸಿ ಧೋನಿಯ ನಿವೃತ್ತಿಯ ನಂತರ ಬಂದಿದ್ದು, ಧೋನಿ ಈ ಜರ್ಸಿಯಲ್ಲಿ ಮೊದಲ ಬಾರಿಗೆ ಕಾಣಿಸಿಕೊಂಡಿದ್ದಾರೆ. ಧೋನಿ ಅಂತರರಾಷ್ಟ್ರೀಯ ಕ್ರಿಕೆಟ್ಗೆ ಮರಳುತ್ತಿಲ್ಲವಾದರೂ, ಸೋಷಿಯಲ್ ಮೀಡಿಯಾದಲ್ಲಿ ಮಾತ್ರ ಸಖತ್ ವೈರಲ್ ಆಗುತ್ತಿದೆ.
ಧೋನಿ ಅವರ ಜೆರ್ಸಿ ಫೋಟೋಗಳು ಇದೀಗ ಸಿಕ್ಕಾಪಟ್ಟೆ ವೈರಲ್ ಆಗಿದ್ದು, ಅವರು ಮತ್ತೊಮ್ಮೆ ಭಾರತ ತಂಡವನ್ನು ಪ್ರತಿನಿಧಿಸಲಿದ್ದಾರಾ ಎಂಬ ಪ್ರಶ್ನೆಗಳು ಸೋಷಿಯಲ್ ಮೀಡಿಯಾದಲ್ಲಿ ಹುಟ್ಟಿಕೊಂಡಿದೆ. ಆದರೆ ಧೋನಿ ಟೀಮ್ ಇಂಡಿಯಾ ಜೆರ್ಸಿಯಲ್ಲಿ ಕಾಣಿಸಿಕೊಂಡಿರುವುದು ಜಾಹೀರಾತುವೊಂದರ ಚಿತ್ರೀಕರಣಕ್ಕಾಗಿ ಎಂಬುದು ವಿಶೇಷ.
ಫರಾ ಖಾನ್ ಅವರು ಧೋನಿ ಅವರೊಂದಿಗೆ ತೆಗೆದ ಫೋಟೋವನ್ನು ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಂಡಿದ್ದು, ಜಾಹೀರಾತು ಶೂಟ್ ಸಮಯದಲ್ಲಿ ಈ ಫೋಟೋ ತೆಗೆಯಲಾಗಿದೆ. ಇದರಲ್ಲಿ ಧೋನಿ ಟೀಮ್ ಇಂಡಿಯಾದ ರೆಟ್ರೊ ಜರ್ಸಿ ಧರಿಸಿರುವುದು ಕಂಡುಬರುತ್ತದೆ.
ಈ ಫೋಟೋದಲ್ಲಿ ಮಾಹೀ ಹೊಸ ಹೇರ್ ಸ್ಟೈಲ್, ಬಿಯರ್ಡ್ ಲುಕ್ನಲ್ಲಿ ಮಿಂಚುತ್ತಿದ್ದಾರೆ. ಹಾಗೆಯೇ ಈ ಜಾಹೀರಾತನ್ನು ಬಾಲಿವುಡ್ ನಿರ್ದೇಶಕಿ ಫರ್ಹಾ ಅಖ್ತರ್ ನಿರ್ದೇಶಿಸಿದ್ದು, ಐಪಿಎಲ್ ಅಥವಾ ಟಿ20 ವಿಶ್ವಕಪ್ ವೇಳೆ ಈ ಜಾಹೀರಾತು ಬಿಡುಗಡೆ ಆಗಲಿದೆ ಎನ್ನಲಾಗಿದೆ. ಒಟ್ಟಿನಲ್ಲಿ ಟೀಮ್ ಇಂಡಿಯಾ ಪರ ಧೋನಿಯ ಕಂಬ್ಯಾಕ್ನ್ನು ನಿರೀಕ್ಷಿಸುತ್ತಿದ್ದ ಅಭಿಮಾನಿಗಳಿಗೆ ನಂಬರ್ 7 ಜೆರ್ಸಿಯಲ್ಲಿ ಕೂಲ್ ಕ್ಯಾಪ್ಟನ್ನ್ನು ನೋಡಿ ಖುಷಿಯಾಗಿದ್ದಂತು ಸತ್ಯ.
ಆಗಸ್ಟ್ 15, 2020 ರಂದು ಮಹೇಂದ್ರ ಸಿಂಗ್ ಧೋನಿ ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ತಮ್ಮ ನಿವೃತ್ತಿ ಘೋಷಿಸಿದ್ದರು. ಟೀಮ್ ಇಂಡಿಯಾ ಪರ 2019ರ ಐಸಿಸಿ ವಿಶ್ವಕಪ್ನ ಸೆಮಿಫೈನಲ್ನಲ್ಲಿ ಧೋನಿ ಕಡೆಯ ಪಂದ್ಯವನ್ನಾಡಿದ್ದರು. ಭಾರತದ ಪರ 90 ಟೆಸ್ಟ್ ಪಂದ್ಯಗಳಿಂದ ಧೋನಿ 4876 ರನ್ ಗಳಿಸಿದ್ದು, ಇದರಲ್ಲಿ 6 ಶತಕ ಮೂಡಿ ಬಂದಿವೆ. ಹಾಗೆಯೇ 350 ಏಕದಿನ ಪಂದ್ಯಗಳಿಂದ 10 ಶತಕಗಳೊಂದಿಗೆ 10773 ರನ್ ಕಲೆಹಾಕಿದ್ದಾರೆ. ಇನ್ನು 98 ಟಿ20 ಅಂತಾರಾಷ್ಟ್ರೀಯ ಪಂದ್ಯಗಳಿಂದ 2 ಅರ್ಧಶತಕದ ಜೊತೆ 1617 ರನ್ ಬಾರಿಸಿದ್ದಾರೆ.
Published On - 4:31 pm, Tue, 27 July 21