Retired number: 10, 64, 77; ಕ್ರಿಕೆಟ್ನಲ್ಲಿ ಈ ನಂಬರ್ಗಳ ಜರ್ಸಿಗೂ ಸಿಕ್ಕಿದೆ ಶಾಶ್ವತ ನಿವೃತ್ತಿ! ಕಾರಣವೇನು ಗೊತ್ತಾ?
Retired number: ಕ್ರಿಕೆಟ್ ಜಗತ್ತಿನಲ್ಲಿ ಮಾತ್ರವಲ್ಲದೆ ವಿವಿಧ ಕ್ರೀಡೆಗಳಲ್ಲಿಯೂ ಆಟಗಾರನ ಜೊತೆಗೆ ಅವರು ಧರಿಸಿದ್ದ ಜರ್ಸಿ (jersey) ಕೂಡ ಶಾಶ್ವತವಾಗಿ ನಿವೃತ್ತಿ ಹೊಂದಿದ ಉದಾಹರಣೆಗಳಿವೆ.
ಕ್ರಿಕೆಟ್ನಲ್ಲಿ (cricket) ಕೆಲವು ದಿಗ್ಗಜರಿದ್ದಾರೆ, ಅವರು ಕೆಲವೊಮ್ಮೆ ಬ್ಯಾಟ್‌ನಿಂದ ಮತ್ತು ಕೆಲವೊಮ್ಮೆ ಚೆಂಡಿನ ಮೂಲಕ ವಿಶ್ವ ಕ್ರಿಕೆಟ್ನಲ್ಲಿ ತಮ್ಮ ಛಾಪು ಮೂಡಿಸಿದ್ದಾರೆ. ಹೀಗಾಗಿ ಕ್ರಿಕೆಟ್ ಮೈದಾನದಲ್ಲಿ ತಮ್ಮ ಕೈಚಳಕ ತೋರಿದವರಿಗೆ ವಿಶೇಷ ಸ್ಥಾನ ಸಿಕ್ಕಿದೆ. ಅಲ್ಲದೆ ನಿವೃತ್ತಿಯ ನಂತರ ಆ ಆಟಗಾರರ ಆಟವನ್ನು ಸದಾ ನೆನಪಿನಲ್ಲಿಡಲು ಹಲವು ಕಾರ್ಯಕ್ರಮಗಳು ನಡೆದಿವೆ. ಜೊತೆಗೆ ಕ್ರಿಕೆಟ್ ಜಗತ್ತಿನಲ್ಲಿ ಮಾತ್ರವಲ್ಲದೆ ವಿವಿಧ ಕ್ರೀಡೆಗಳಲ್ಲಿಯೂ ಆಟಗಾರನ ಜೊತೆಗೆ ಅವರು ಧರಿಸಿದ್ದ ಜರ್ಸಿ (jersey) ಕೂಡ ಶಾಶ್ವತವಾಗಿ ನಿವೃತ್ತಿ ಹೊಂದಿದ ಉದಾಹರಣೆಗಳಿವೆ. ಅಂತಹ ಮೂವರು ದಿಗ್ಗಜ ಆಟಗಾರರ ನಿವೃತ್ತಿ ಹಾಗೂ ಅವರು ತೊಡುತ್ತಿದ್ದ ಜರ್ಸಿ ಸಂಖ್ಯೆಗೆ ನೀಡಿರುವ ನಿವೃತ್ತಿಯ ಬಗ್ಗೆ ಒಂದಿಷ್ಟು ಮಾಹಿತಿ ಇಲ್ಲಿದೆ.
ಫಿಲಿಫ್ ಹ್ಯೂಸ್
ಆಸ್ಟ್ರೇಲಿಯಾದ ಬ್ಯಾಟ್ಸ್‌ಮನ್ ಫಿಲ್ ಹ್ಯೂಸ್ (ಫಿಲಿಪ್ ಹ್ಯೂಸ್) ಬ್ಯಾಟಿಂಗ್ ವೇಳೆ ನಡೆದ ಅವಘಡದಿಂದ ಆಕಸ್ಮಿಕವಾಗಿ ಸಾವನ್ನಪ್ಪಿದ ಬಳಿಕ ಮೈದಾನದಲ್ಲಿ ಅವರು ಧರಿಸಿದ್ದ ಜರ್ಸಿಯನ್ನು ಸಹ ನಿವೃತ್ತಿಗೊಳಿಸಲಾಯಿತು. 2014 ರಲ್ಲಿ ತವರಿನ ಪಂದ್ಯದ ವೇಳೆ ಫಿಲ್ ಹ್ಯೂಸ್ ಅವರ ತಲೆಗೆ ಪೆಟ್ಟಾಗಿತ್ತು. ನಂತರ ಅವರನ್ನು ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಯಿತು ಆದರೆ ಅವರು ಬದುಕುಳಿಯಲು ಸಾಧ್ಯವಾಗಲಿಲ್ಲ. ಅವರ ಗೌರವಾರ್ಥವಾಗಿ ಫಿಲ್ ಹ್ಯೂಸ್ ಅವರ ಜರ್ಸಿ ಸಂಖ್ಯೆ 64 ಅನ್ನು ಕ್ರಿಕೆಟ್ ಆಸ್ಟ್ರೇಲಿಯಾ ಶಾಶ್ವತವಾಗಿ ನಿವೃತ್ತಿಗೊಳಿಸಿತು. ಅನೇಕ ಆಸ್ಟ್ರೇಲಿಯನ್ ಆಟಗಾರರು ಕ್ರಿಕೆಟ್ ಮೈದಾನದಲ್ಲಿ ಈ ಸಂಖ್ಯೆಯನ್ನು ಧರಿಸುವುದನ್ನು ಎಂದಿಗೂ ನೋಡಲಾಗುವುದಿಲ್ಲ.
ಪರಸ್ ಖಡ್ಕಾ
ನೇಪಾಳ ಕ್ರಿಕೆಟ್ ತಂಡದ ಪ್ರಸಿದ್ಧ ನಾಯಕ ಪರಸ್ ಖಡ್ಕ ಅವರು ಆಗಸ್ಟ್ 2021 ರಲ್ಲಿ ನಿವೃತ್ತಿ ಘೋಷಿಸಿದರು. ತಂಡಕ್ಕೆ ಅವರ ಕೊಡುಗೆಯನ್ನು ಪರಿಗಣಿಸಿ, ಕ್ರಿಕೆಟ್ ಮಂಡಳಿಯು ಅವರಿಗೆ ವಿಶೇಷ ಗೌರವವನ್ನು ನೀಡಲು ನಿರ್ಧರಿಸಿತು. ಪರಾಸ್ ಖಡ್ಕಾ ನೇಪಾಳದ ಪರ ಆಡುವಾಗ 77 ನೇ ನಂಬರ್ನ ಜರ್ಸಿ ತೊಡುತ್ತಿದ್ದರು. ಹೀಗಾಗಿ ಅವರ ಜೊತೆಗೆ ಅವರು ತೊಡುತ್ತಿದ್ದ ಜರ್ಸಿ ಸಂಖ್ಯೆಗೂ ಶಾಶ್ವತವಾಗಿ ನಿವೃತ್ತಿ ನೀಡಲು ನಿರ್ಧರಿಸಲಾಯಿತು. ಈಗ ನೇಪಾಳ ತಂಡದ ಯಾವ ಆಟಗಾರನೂ ಈ ಜೆರ್ಸಿ ಧರಿಸಿ ಮೈದಾನಕ್ಕೆ ಬರುವುದಿಲ್ಲ.
ಸಚಿನ್ ತೆಂಡೂಲ್ಕರ್
ಕ್ರಿಕೆಟ್ ಜಗತ್ತಿನ ದೇವರು ಮತ್ತು ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್ ಎರಡು ದಶಕಗಳಿಗೂ ಹೆಚ್ಚು ಕಾಲ ವಿಶ್ವ ಕ್ರಿಕೆಟ್ ಅನ್ನು ಆಳಿದರು. ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಅತಿ ಹೆಚ್ಚು ರನ್‌ಗಳು, ಅತಿ ಹೆಚ್ಚು ಶತಕಗಳು ಮತ್ತು ಅತಿ ಹೆಚ್ಚು ಪಂದ್ಯಗಳನ್ನು ಆಡಿದ ವಿಶ್ವದಾಖಲೆಗಳನ್ನು ಹೊಂದಿರುವ ಶ್ರೇಷ್ಠ ವ್ಯಕ್ತಿಯ ಗೌರವಾರ್ಥವಾಗಿ BCCI ಅವರ 10ನೇ ನಂಬರ್ ಜರ್ಸಿಯನ್ನು ನಿವೃತ್ತಿ ಮಾಡಲು ನಿರ್ಧರಿಸಿತು.
2013 ರಲ್ಲಿ ವೆಸ್ಟ್ ಇಂಡೀಸ್ ವಿರುದ್ಧ ಕೊನೆಯ ಪಂದ್ಯವನ್ನು ಆಡಿದ ನಂತರ, ಸಚಿನ್ ಅಂತರರಾಷ್ಟ್ರೀಯ ಕ್ರಿಕೆಟ್‌ಗೆ ವಿದಾಯ ಹೇಳಿದರು. ಕೆಲವು ವರ್ಷಗಳ ನಂತರ ಶಾರ್ದೂಲ್ ಠಾಕೂರ್ ಈ ನಂಬರ್ ಜೆರ್ಸಿ ತೊಟ್ಟು ಭಾರತದ ಪರ ಆಡುತ್ತಿದ್ದರು. ಇದನ್ನು ಕಂಡ ಕ್ರಿಕೆಟ್ ಅಭಿಮಾನಿಗಳು ಬಿಸಿಸಿಐಗೆ ಛೀಮಾರಿ ಹಾಕಿದರು, ಜೊತೆಗೆ ಶಾರ್ದೂಲ್ ಕೂಡ ಭಾರೀ ಟೀಕೆಗೆ ಗುರಿಯಾದರು. ನಂತರ ಮಂಡಳಿಯು ಜೆರ್ಸಿಯನ್ನು ನಿವೃತ್ತಿಗೊಳಿಸಬೇಕೆಂದು ನಿರ್ಧರಿಸಿತು.