ವಿಶ್ವಕಪ್ಗೂ ಮುನ್ನವೇ ಪಾಕ್ ತಂಡದ ಪ್ಲ್ಯಾನ್ ಉಲ್ಟಾ ಪಲ್ಟಾ
India vs Pakistan: ಭಾರತ ಮತ್ತು ಪಾಕಿಸ್ತಾನ್ ತಂಡಗಳು ದ್ವಿಪಕ್ಷೀಯ ಸರಣಿ ಆಡಿ ದಶಕಗಳೇ ಕಳೆದಿವೆ. 2012 ರಲ್ಲಿ ಕೊನೆಯ ಬಾರಿ ಸರಣಿ ಆಡಿದ್ದ ಉಭಯ ತಂಡಗಳು ಆ ಬಳಿಕ ಐಸಿಸಿ ಮತ್ತು ಏಷ್ಯನ್ ಟೂರ್ನಿಗಳಲ್ಲಿ ಮಾತ್ರ ಮುಖಾಮುಖಿಯಾಗಿತ್ತು. ಅಲ್ಲದೆ 2016 ರ ಬಳಿಕ ಪಾಕಿಸ್ತಾನ್ ಭಾರತಕ್ಕೆ ಆಗಮಿಸಿಲ್ಲ ಎಂಬುದು ವಿಶೇಷ.
Updated on:Sep 23, 2023 | 2:32 PM
ಏಕದಿನ ವಿಶ್ವಕಪ್ ಆರಂಭಕ್ಕೂ ಇನ್ನು ದಿನಗಳು ಮಾತ್ರ ಉಳಿದಿವೆ. ಅಕ್ಟೋಬರ್ 5 ರಿಂದ ಶುರುವಾಗಲಿರುವ ಈ ಕ್ರಿಕೆಟ್ ಸಮರಕ್ಕಾಗಿ ಸೆಪ್ಟೆಂಬರ್ ಅಂತ್ಯದೊಳಗೆ ಎಲ್ಲಾ ತಂಡಗಳು ಭಾರತಕ್ಕೆ ಆಗಮಿಸಲಿದೆ. ಆದರೆ ಇದಕ್ಕೂ ಮುನ್ನ ಭರ್ಜರಿ ಪ್ಲ್ಯಾನ್ ರೂಪಿಸಿದ್ದ ಪಾಕಿಸ್ತಾನ್ ತಂಡದ ಯೋಜನೆಗಳು ಈಗ ಉಲ್ಟಾ ಪಲ್ಟಾ ಆಗಿದೆ. ಏಷ್ಯಾಕಪ್ನಲ್ಲಿ ಭಾರತದ ವಿರುದ್ಧ ಹೀನಾಯವಾಗಿ ಸೋಲುಂಡಿದ್ದ ಪಾಕಿಸ್ತಾನ್ ತಂಡದ ಚಿತ್ತ ಏಕದಿನ ವಿಶ್ವಕಪ್ನತ್ತ ನೆಟ್ಟಿದೆ. ಇದೇ ಕಾರಣಕ್ಕಾಗಿ ಭಾರತಕ್ಕೆ ತೆರಳುವ ಮುನ್ನ ಯುಎಇನಲ್ಲಿ ಕ್ಯಾಂಪ್ ನಡೆಸಲು ಪಾಕಿಸ್ತಾನ್ ಕ್ರಿಕೆಟ್ ಬೋರ್ಡ್ ಯೋಜನೆ ರೂಪಿಸಿತ್ತು.
ಏಕದಿನ ವಿಶ್ವಕಪ್ಗೂ ಮುನ್ನ ದುಬೈನಲ್ಲಿ ಕೆಲ ದಿನಗಳ ಅಭ್ಯಾಸ ಶಿಬಿರ ಏರ್ಪಡಿಸಲು ಪಿಸಿಬಿ ಮುಂದಾಗಿತ್ತು. ಆದರೀಗ ಈ ಯೋಜನೆ ವ್ಯರ್ಥವಾಗಿದೆ. ತಂಡದ ಆಟಗಾರರ ವೀಸಾ ಸಮಸ್ಯೆಯ ಕಾರಣ ಇದೀಗ ಯೋಜನೆಯನ್ನು ಕೈ ಬಿಡಲಾಗಿದೆ.
ಇದಕ್ಕೂ ಮುನ್ನ ದುಬೈನಲ್ಲಿ ಕೆಲ ದಿನಗಳ ಅಭ್ಯಾಸದ ಬಳಿಕ ಏಕದಿನ ವಿಶ್ವಕಪ್ನ ಅಭ್ಯಾಸ ಪಂದ್ಯಗಳಲ್ಲಿ ಕಣಕ್ಕಿಳಿಯಲು ಪಾಕ್ ತಂಡ ಭರ್ಜರಿ ಪ್ಲ್ಯಾನ್ ರೂಪಿಸಿತ್ತು. ಅದರಂತೆ ಪಾಕಿಸ್ತಾನ ತಂಡ ಮುಂದಿನ ವಾರ ಬೆಳಗ್ಗೆ ಯುಎಇಗೆ ತೆರಳಬೇಕಿತ್ತು. ಅಲ್ಲಿಂದ ನೇರವಾಗಿ ಹೈದರಾಬಾದ್ಗೆ ತೆರಳುವ ಯೋಜನೆಯಲ್ಲಿದ್ದರು. ಆದರೀಗ ಪಾಕ್ ತಂಡ ಈ ಪ್ಲ್ಯಾನ್ಗಳೆಲ್ಲವೂ ತಲೆಕೆಳಗಾಗಿದೆ.
ಪಾಕ್ ತಂಡಕ್ಕೆ ವೀಸಾ ವಿಳಂಬ:
ಭಾರತದಲ್ಲಿ ಏಕದಿನ ವಿಶ್ವಕಪ್ ಆಡಲು ಈಗಾಗಲೇ 9 ತಂಡಗಳು ವೀಸಾ ಪಡೆದುಕೊಂಡಿದೆ. ಆದರೆ ಪಾಕಿಸ್ತಾನ್ ತಂಡಕ್ಕೆ ಇನ್ನೂ ಕೂಡ ವೀಸಾ ಪಾಸ್ ಆಗಿಲ್ಲ. ಉಭಯ ದೇಶಗಳ ನಡುವಣ ರಾಜಕೀಯ ಬಿಕ್ಕಿಟ್ಟಿನ ಕಾರಣ ವೀಸಾ ಸಮಸ್ಯೆ ಎದುರಾಗಿದೆ. ಇದಾಗ್ಯೂ ಮುಂದಿನ ಬುಧವಾರದೊಳಗೆ ಪಾಕ್ ತಂಡಕ್ಕೆ ವೀಸಾ ಸಿಗಲಿದೆ ಎಂದು ವರದಿಯಾಗಿದೆ.
ಪಾಕ್ ತಂಡದ ಮುಂದಿನ ನಡೆಯೇನು?
ಪಾಕಿಸ್ತಾನ್ ತಂಡವು ಮುಂದಿನ ಬುಧವಾರ ಲಾಹೋರ್ನಿಂದ ದುಬೈಗೆ ತೆರಳಲಿದೆ. ಅಲ್ಲಿಂದ ಭಾರತಕ್ಕೆ ಆಗಮಿಸಲಿದ್ದಾರೆ. ಅಂದರೆ ಸೆಪ್ಟೆಂಬರ್ 27 ರಂದು ಪಾಕಿಸ್ತಾನ್ ಆಟಗಾರರು ಹೈದರಾಬಾದ್ಗೆ ಬಂದಿಳಿಯಲಿದ್ದಾರೆ.
7 ವರ್ಷಗಳ ಬಳಿಕ ಭಾರತಕ್ಕೆ ಪಾಕಿಸ್ತಾನ್:
ಭಾರತ ಮತ್ತು ಪಾಕಿಸ್ತಾನ್ ತಂಡಗಳು ದ್ವಿಪಕ್ಷೀಯ ಸರಣಿ ಆಡಿ ದಶಕಗಳೇ ಕಳೆದಿವೆ. 2012 ರಲ್ಲಿ ಕೊನೆಯ ಬಾರಿ ಸರಣಿ ಆಡಿದ್ದ ಉಭಯ ತಂಡಗಳು ಆ ಬಳಿಕ ಐಸಿಸಿ ಮತ್ತು ಏಷ್ಯನ್ ಟೂರ್ನಿಗಳಲ್ಲಿ ಮಾತ್ರ ಮುಖಾಮುಖಿಯಾಗಿತ್ತು.
ಅಲ್ಲದೆ 2016 ರ ಬಳಿಕ ಪಾಕಿಸ್ತಾನ್ ಭಾರತಕ್ಕೆ ಆಗಮಿಸಿಲ್ಲ ಎಂಬುದು ವಿಶೇಷ. ಅಂದರೆ 2016 ರ ಟಿ20 ವಿಶ್ವಕಪ್ ಬಳಿಕ ಭಾರತದಲ್ಲಿ ಯಾವುದೇ ಐಸಿಸಿ ಟೂರ್ನಿ ನಡೆದಿಲ್ಲ. ಇದೀಗ 7 ವರ್ಷಗಳ ಬಳಿಕ ಭಾರತದಲ್ಲಿ ಪಂದ್ಯವಾಡಲು ಬರುತ್ತಿರುವುದು ವಿಶೇಷ.
ಇದನ್ನೂ ಓದಿ: ಸರ್ವಶ್ರೇಷ್ಠ ಸಾಧನೆ: ಮೊಹಮ್ಮದ್ ಸಿರಾಜ್ ಈಗ ವಿಶ್ವದ ನಂಬರ್ 1 ಬೌಲರ್
ಪಾಕಿಸ್ತಾನ್ ವಿಶ್ವಕಪ್ ತಂಡ: ಬಾಬರ್ ಆಝಂ (ನಾಯಕ), ಫಖರ್ ಜಮಾನ್, ಇಮಾಮ್-ಉಲ್-ಹಕ್, ಅಬ್ದುಲ್ಲಾ ಶಫೀಕ್, ಮೊಹಮ್ಮದ್ ರಿಝ್ವಾನ್, ಇಫ್ತಿಕರ್ ಅಹ್ಮದ್, ಸೌದ್ ಶಕೀಲ್, ಸಲ್ಮಾನ್ ಅಲಿ ಅಘಾ, ಶಾದಾಬ್ ಖಾನ್, ಮೊಹಮ್ಮದ್ ನವಾಝ್, ಉಸಾಮಾ ಮಿರ್, ಶಾಹೀನ್ ಶಾ ಆಫ್ರಿದಿ, ಹಸನ್ ಅಲಿ, ಹಾರಿಸ್ ರೌಫ್, ಮೊಹಮ್ಮದ್ ವಾಸಿಂ
ಮೀಸಲು ಆಟಗಾರರು: ಝಮಾನ್ ಖಾನ್, ಅಬ್ರಾರ್ ಅಹ್ಮದ್, ಮೊಹಮ್ಮದ್ ಹ್ಯಾರಿಸ್.
Published On - 2:31 pm, Sat, 23 September 23
