Shane Warne Demise: ಅಬ್ಬಬ್ಬಾ..! ಸ್ಪಿನ್ ಮಾಂತ್ರಿಕ ಶೇನ್ ವಾರ್ನ್ ಜೀವಿತಾವಧಿಯಲ್ಲಿ ಗಳಿಸಿದ ಆಸ್ತಿ ಇಷ್ಟೊಂದಾ?

Shane Warne Demise: ಅಬ್ಬಬ್ಬಾ..! ಸ್ಪಿನ್ ಮಾಂತ್ರಿಕ ಶೇನ್ ವಾರ್ನ್ ಜೀವಿತಾವಧಿಯಲ್ಲಿ ಗಳಿಸಿದ ಆಸ್ತಿ ಇಷ್ಟೊಂದಾ?
ಶೇನ್ ವಾರ್ನ್​

Shane Warne's Net Worth: ಸುಮಾರು 15 ವರ್ಷಗಳ ಕಾಲ ಅಂತರರಾಷ್ಟ್ರೀಯ ವೃತ್ತಿಜೀವನದ ನಂತರ, ವಾರ್ನ್ ಹಲವು ವರ್ಷಗಳ ಕಾಲ ಫ್ರಾಂಚೈಸಿ ಕ್ರಿಕೆಟ್‌ನಲ್ಲಿ ಆಡಿದರು. ನಿವೃತ್ತಿಯ ನಂತರ ತರಬೇತಿ ಮತ್ತು ಕಾಮೆಂಟರಿಯಲ್ಲಿ ತೊಡಗಿಸಿಕೊಂಡರು. ಬಳಿಕ ಅವರು ಕ್ರಿಕೆಟ್ ಪರಿಣತರಾಗಿ ಅನೇಕ ದೊಡ್ಡ ಕ್ರೀಡಾ ಚಾನೆಲ್‌ಗಳೊಂದಿಗೆ ಕೆಲಸ ಮಾಡಿದ್ದರು ಮತ್ತು ಅದರಿಂದ ಸಾಕಷ್ಟು ಗಳಿಸಿದರು.

TV9kannada Web Team

| Edited By: pruthvi Shankar

Mar 05, 2022 | 1:57 PM

ಕ್ರಿಕೆಟ್ ಇತಿಹಾಸದಲ್ಲಿ ಅತ್ಯಂತ ವರ್ಚಸ್ವಿ ಸ್ಪಿನ್ನರ್ ಶೇನ್ ವಾರ್ನ್ (Shane Warne) ಇನ್ನು ನೆನಪು ಮಾತ್ರ. ಆಸ್ಟ್ರೇಲಿಯಾ ಕ್ರಿಕೆಟ್‌ನ ಈ ಶ್ರೇಷ್ಠ ಬೌಲರ್ 52 ನೇ ವಯಸ್ಸಿನಲ್ಲಿ ಇಹಲೋಕ ತ್ಯಜಿಸಿದ್ದಾರೆ. ಶುಕ್ರವಾರ, ಮಾರ್ಚ್ 4 ರಂದು, ವಾರ್ನ್ ಥೈಲ್ಯಾಂಡ್‌ನ ಅವರ ವಿಲ್ಲಾದಲ್ಲಿ ಕೊನೆಯುಸಿರೆಳೆದರು. 1992 ರಲ್ಲಿ ತಮ್ಮ ಅಂತರಾಷ್ಟ್ರೀಯ ವೃತ್ತಿಜೀವನವನ್ನು ಪ್ರಾರಂಭಿಸಿದ ವಾರ್ನ್, ಸಾಕಷ್ಟು ಜನಮನ್ನಣೆ ಗಳಿಸಲು ಹೆಚ್ಚು ಸಮಯ ತೆಗೆದುಕೊಳ್ಳಲಿಲ್ಲ. ಖ್ಯಾತಿ ಮಾತ್ರವಲ್ಲ, ಮೈದಾನದಲ್ಲಿ ತನ್ನ ಅದ್ಭುತ ಪ್ರದರ್ಶನದ ಮೂಲಕ, ಶೇನ್ ವಾರ್ನ್ ಮಿಂಚಿದರು ಮತ್ತು ಸಾಕಷ್ಟು ಹಣ ಸಂಪಾದನೆ ಮಾಡಿದರು. ಭಾರತೀಯ ಆಟಗಾರರ ಹೊರತಾಗಿ, ದೊಡ್ಡ ಬ್ರಾಂಡ್ ಮೌಲ್ಯವನ್ನು ಹೊಂದಿರುವ ಕೆಲವೇ ಕ್ರಿಕೆಟಿಗರಲ್ಲಿ ವಾರ್ನ್​ ಒಬ್ಬರಾಗಿದ್ದರು. ಅವರ ಈ ಬ್ರ್ಯಾಂಡ್ ಮೌಲ್ಯವು ಕ್ರಿಕೆಟ್‌ನಿಂದ ನಿವೃತ್ತಿಯ ನಂತರವೂ ಮುಂದುವರೆಯಿತು. ಇದರಿಂದ ವಾರ್ನ್​ ಕೋಟಿ ಕೋಟಿಗಳ ಒಡೆಯರಾದರು.

ಸುಮಾರು 15 ವರ್ಷಗಳ ಕಾಲ ಅಂತರರಾಷ್ಟ್ರೀಯ ವೃತ್ತಿಜೀವನದ ನಂತರ, ವಾರ್ನ್ ಹಲವು ವರ್ಷಗಳ ಕಾಲ ಫ್ರಾಂಚೈಸಿ ಕ್ರಿಕೆಟ್‌ನಲ್ಲಿ ಆಡಿದರು. ನಿವೃತ್ತಿಯ ನಂತರ ತರಬೇತಿ ಮತ್ತು ಕಾಮೆಂಟರಿಯಲ್ಲಿ ತೊಡಗಿಸಿಕೊಂಡರು. ಬಳಿಕ ಅವರು ಕ್ರಿಕೆಟ್ ಪರಿಣತರಾಗಿ ಅನೇಕ ದೊಡ್ಡ ಕ್ರೀಡಾ ಚಾನೆಲ್‌ಗಳೊಂದಿಗೆ ಕೆಲಸ ಮಾಡಿದ್ದರು ಮತ್ತು ಅದರಿಂದ ಸಾಕಷ್ಟು ಗಳಿಸಿದರು. ಇಷ್ಟೇ ಅಲ್ಲ, ಶೇನ್ ವಾರ್ನ್ ಅನೇಕ ಉತ್ಪನ್ನಗಳ ಜಾಹೀರಾತುಗಳಲ್ಲಿ ಕಾಣಿಸಿಕೊಂಡಿದ್ದರು. ಜೊತೆಗೆ ಅವರ 708 ಟೆಸ್ಟ್ ವಿಕೆಟ್‌ಗಳ ನಂತರ ಹೆಸರಿಸಲಾದ ‘ಜಿನ್’ ಬ್ರಾಂಡ್ ‘ಸೆವೆನ್ ಝೀರೋ ಎಂಟು’ ಸೇರಿದಂತೆ ವಿವಿಧ ವ್ಯವಹಾರಗಳಲ್ಲಿ ತೊಡಗಿಸಿಕೊಂಡಿದ್ದರು.

ಶೇನ್ ವಾರ್ನ್, 381 ಕೋಟಿ ಒಡೆಯ ಇವೆಲ್ಲವುಗಳೊಂದಿಗೆ ಸಂಬಂಧ ಹೊಂದಿದ್ದ ವಾರ್ನ್‌ಗೆ ಸಂಪಾದನೆಯ ಹಲವು ಮಾರ್ಗಗಳಿದ್ದವು. ಈ ಕಾರಣದಿಂದಾಗಿ ಅವರು ಸಾಕಷ್ಟು ಸಂಪತ್ತನ್ನು ಹೊಂದಿದ್ದರು. ನಾವು ಶೇನ್ ವಾರ್ನ್ ಅವರ ನಿವ್ವಳ ಮೌಲ್ಯದ ಬಗ್ಗೆ ಮಾತನಾಡಿದರೆ, ಸೆಲೆಬ್ರಿಟಿ ಗಳಿಕೆಯ ಮಾಹಿತಿ ವೆಬ್‌ಸೈಟ್ ‘ಸೆಲೆಬ್ರಿಟಿ ನೆಟ್ ವರ್ತ್’ ಪ್ರಕಾರ, ದಂತಕಥೆ ಆಸ್ಟ್ರೇಲಿಯಾದ ಸ್ಪಿನ್ನರ್‌ನ ನಿವ್ವಳ ಮೌಲ್ಯವು ಸುಮಾರು $ 50 ಮಿಲಿಯನ್ ಅಥವಾ 381.86 ಕೋಟಿ ರೂ. ಇದೆ ಎಂದು ಉಲ್ಲೇಖಿಸಿದೆ. ಆಸ್ಟ್ರೇಲಿಯನ್ ಕ್ರಿಕೆಟ್ ತಂಡದಲ್ಲಿ ಆಡುವುದು, ಐಪಿಎಲ್‌ನಲ್ಲಿ ಆಡುವುದು, ಕಾಮೆಂಟರಿ ಯೋಜನೆಗಳು ಮತ್ತು ಅವರ ಜಿನ್ ಬ್ರಾಂಡ್ ಸೇರಿದಂತೆ ಅನೇಕ ಇತರ ಮೂಲಗಳಿಂದ ಅವರು ಈ ಸಂಪತ್ತನ್ನು ಗಳಿಸಿದರು.

ಆ್ಯಶಸ್‌ನಿಂದ ವಿಶ್ವಕಪ್‌ವರೆಗೆ ಮ್ಯಾಜಿಕ್ 145 ಟೆಸ್ಟ್ ಪಂದ್ಯಗಳಲ್ಲಿ 708 ವಿಕೆಟ್‌ಗಳೊಂದಿಗೆ ವಿಶ್ವದ ಅತ್ಯಂತ ಯಶಸ್ವಿ ಬೌಲರ್‌ಗಳಲ್ಲಿ ಒಬ್ಬರಾದ ಶೇನ್ ವಾರ್ನ್, 1999 ರಲ್ಲಿ ವಿಶ್ವಕಪ್ ಗೆದ್ದ ಆಸ್ಟ್ರೇಲಿಯಾ ತಂಡದ ಪ್ರಮುಖ ಆಟಗಾರರಾಗಿದ್ದರು. ಫೈನಲ್‌ನಲ್ಲಿ ಪಾಕಿಸ್ತಾನದ ವಿರುದ್ಧ 3 ವಿಕೆಟ್‌ಗಳನ್ನು ಕಬಳಿಸಿ ಪಂದ್ಯ ಪುರುಷೋತ್ತಮ ಪ್ರಶಸ್ತಿ ಗೆದ್ದರು. ಇದಲ್ಲದೇ, ಆಸ್ಟ್ರೇಲಿಯ ಹಲವು ಬಾರಿ ಆಶಸ್ ಸರಣಿಯನ್ನು ಗೆಲ್ಲುವಲ್ಲಿ ಪ್ರಮುಖ ಪಾತ್ರ ವಹಿಸಿದರು. ಹಾಗೆಯೇ ಇಂಗ್ಲೆಂಡ್ ವಿರುದ್ಧದ ಟೆಸ್ಟ್‌ಗಳಲ್ಲಿ ಅತಿ ಹೆಚ್ಚು 195 ವಿಕೆಟ್‌ಗಳನ್ನು ಪಡೆದರು.

ಇದನ್ನೂ ಓದಿ:Shane Warne Demise: ಶೇನ್ ವಾರ್ನ್ ನಿಧನಕ್ಕೆ ಭಾವನಾತ್ಮಕ ಟ್ವೀಟ್ ಮೂಲಕ ಸಂತಾಪ ಸೂಚಿಸಿದ ಸಚಿನ್ ತೆಂಡೂಲ್ಕರ್

Follow us on

Related Stories

Most Read Stories

Click on your DTH Provider to Add TV9 Kannada