ಸಾರಾ ಜತೆಗಿನ ಡೇಟಿಂಗ್ ಬಗ್ಗೆ ಕೇಳಿದಾಗ ಅಡ್ಡ ಗೋಡೆ ಮೇಲೆ ‘ಪ್ರೀತಿ’ ಇಟ್ಟ ಶುಭ್​ಮನ್ ಗಿಲ್

ಭಾರತದ ಯುವ ಕ್ರಿಕೆಟಿಗ ಶುಭಮನ್ ಗಿಲ್ (Shubman Gill) ಮತ್ತೆ ಸುದ್ದಿಯಲ್ಲಿದ್ದಾರೆ. ಆದರೆ ಈ ಬಾರಿ ತಮ್ಮ ಆಕರ್ಷಕ ಬ್ಯಾಟಿಂಗ್​ನಿಂದಲ್ಲ ಎಂಬುದಷ್ಟೇ ವ್ಯತ್ಯಾಸ. ಅಂದರೆ ಈ ಬಾರಿ ಗಿಲ್ ಹೊಸ ಸಂಗಾತಿಯ ವಿಷಯದಿಂದ ಲೈಮ್​ಲೈಟ್​ನಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಹಿಂದಿನಿಂದಲೂ ಗಿಲ್ ಜತೆ ಸಚಿನ್ ತೆಂಡೂಲ್ಕರ್ ಅವರ ಪುತ್ರಿ ಸಾರಾ ತೆಂಡೂಲ್ಕರ್ ಹೆಸರು ತಳುಕು ಹಾಕಿಕೊಂಡಿತ್ತು.

ಇದಾಗ್ಯೂ ಶುಭ್​ಮನ್ ಗಿಲ್ ಎಲ್ಲೂ ಕೂಡ ತಾನು ಸಾರಾ ಜೊತೆ ಡೇಟಿಂಗ್ ಮಾಡುತ್ತಿದ್ದೀನಿ ಎಂದು ಬಹಿರಂಗವಾಗಿ ಹೇಳಿರಲಿಲ್ಲ. ಆದರೀಗ ಗಿಲ್ ನೀಡಿದ ಸಂದರ್ಶನವೊಂದರ ಹಳೆಯ ವಿಡಿಯೋ ತುಣುಕು ವೈರಲ್ ಆಗಿದೆ.

ಈ ಸಂದರ್ಶನದಲ್ಲಿ ನೀವು ಸಾರಾ ಜೊತೆ ಡೇಟಿಂಗ್ ಮಾಡುತ್ತಿದ್ದೀರಾ ಎಂಬ ಪ್ರಶ್ನಿಸಲಾಗಿತ್ತು. ಈ ಪ್ರಶ್ನೆಗೆ ಗಿಲ್ ಅಡ್ಡ ಗೋಡೆ ಮೇಲೆ ‘ಪ್ರೀತಿ’ ಇಟ್ಟಿರುವುದೇ ವಿಶೇಷ. ಅಂದರೆ ಅತ್ತ ಇಲ್ಲ ಅಂದಿಲ್ಲ. ಇತ್ತ ಹೌದು ಕೂಡ ಅಂದಿಲ್ಲ. ಬದಲಾಗಿ ಬಹುಶಃ ಮಾಡುತ್ತಿರಬಹುದು ಎಂಬಾರ್ಥದಲ್ಲಿ ಉತ್ತರ ನೀಡಿದ್ದಾರೆ.

ಈ ಮೂಲಕ ಶುಭ್​ಮನ್ ಗಿಲ್ ಪರೋಕ್ಷವಾಗಿ ಸಾರಾ ಜೊತೆ ಡೇಟಿಂಗ್ ಮಾಡುತ್ತಿರುವುದನ್ನು ಬಹಿರಂಗಪಡಿಸಿದ್ದಾರೆ. ಇದೀಗ ಈ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದ್ದು, ಇದಕ್ಕೆ ಅಭಿಮಾನಿಗಳಿಂದಲೂ ಭಾರೀ ಮೆಚ್ಚುಗೆಗಳು ವ್ಯಕ್ತವಾಗುತ್ತಿದೆ.

ಶುಭ್​ಮನ್ ಗಿಲ್ ಸಂದರ್ಶನದ ವಿಡಿಯೋ ತುಣುಕು:

ಶುಭ್​ಮನ್ ಶುಭಾರಂಭ:

ಇದೇ ಮೊದಲ ಬಾರಿಗೆ ಚಾಂಪಿಯನ್ಸ್ ಟ್ರೋಫಿಯಲ್ಲಿ ಕಣಕ್ಕಿಳಿದಿರುವ ಶುಭ್​ಮನ್ ಗಿಲ್ ಚೊಚ್ಚಲ ಪಂದ್ಯದಲ್ಲೇ ಶತಕ ಸಿಡಿಸಿದ್ದಾರೆ. ಬಾಂಗ್ಲಾದೇಶ್ ವಿರುದ್ಧ ನಡೆದ ಮೊದಲ ಪಂದ್ಯದಲ್ಲಿ 101 ರನ್ ಬಾರಿಸಿದ್ದ ಗಿಲ್, ಪಾಕಿಸ್ತಾನ್ ವಿರುದ್ಧ 46 ರನ್​ಗಳ ಕೊಡುಗೆ ನೀಡಿದ್ದರು.

ಇದನ್ನೂ ಓದಿ: ICC ODI Rankings: ಟಾಪ್-10 ನಲ್ಲಿ ಟೀಮ್ ಇಂಡಿಯಾದ ನಾಲ್ವರು ಬ್ಯಾಟರ್​ಗಳು

ಈ ಮೂಲಕ ಟೀಮ್ ಇಂಡಿಯಾ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿರುವ ಶುಭ್​ಮನ್ ಗಿಲ್ ವೈಯುಕ್ತಿಕ ವಿಷಯದಿಂದ ಸೋಷಿಯಲ್ ಮೀಡಿಯಾದಲ್ಲಿ ಹಲ್​ಚಲ್ ಎಬ್ಬಿಸಿದ್ದಾರೆ.